ئەڤرۆ نیوز:
پشتی ل دووماھی یاریا خوە دا دخولا فاست لینکا کوردستانێ یا پلا نایاب دا یاریکەرێ یانا ئارارات عەلی عەزیز شیا دو گولان بۆ تیما خوە توماربکەت ل سەر یانا ھندرین د چارچوڤێ یاریێن گەرا ١٢ ژ یاریێن کوما ئێکێ دا و ھژمارا گولێن خوە گەھاندنە ھەشت گولان سەرێ لیستەیا گولکەرێن خولا کوردستانێ پاراست لێ تیما وی نەشیا دەربازی قوناغا چار گوشا زێرین بیت و دبیت ھەتا رادەیەکێ مەزن بۆ یا ب زحمەت بیت سەرێ لیستەیا گولکەرێن خولێ پارێزیت ژبەرکو ھەڤرکی وێ فەرحان شەکور خودانێ شەش گولا رێزا دوێ دھێت و تیما وی دەربازی قوناغا چارگوشا زێرین بوویە.

ئەڤرۆ نیوز:
دەنگوباسێن رۆژنامەڤانی ل ئیتالیا  وەسا دایە دیارکرن ستێرا بەرێ یا ھەلبژارتیێ ئیتالیا و کابتنێ نوکە یێ یانا روما فرانشیسکو توتی دبیت دووماھیا ڤی وەرزی بیتە دووماھی وەرزێ وی ل گەل یانا وی روما.
ئەوان رۆژناما ئەو چەندە ژی دیارکری یە ھەتا نوکە یانا روما چو ھەڤبەست پێشکێشی توتی نەکری نە بوو نووکرنا ھەڤبەستا وی بۆ وەرزێ بھێـت و ژبەر ڤێ چەندێ دبیت ئەڤ وەرزە بیتە وەرزێ دووماھیێ کابتنێ تیمێ پشتی بورینا ٢٤ سالان ل گەل یانێ کو ژ سالا ١٩٩٢ وەرە یاری ل یانا روما کەت.
رۆژناما پورتو یا بازرگانی دیارکری یە توتی دخوازیت خانیەکێ نوو ل باژێرێ ریال مەدرید بکریت و ژیانا خوە یا مای ل گەل خێزانا خوە ل وەلاتێ ئیسپانیا تایبەت ل باژێرێ مەدرید دەربازبکەت .

دەنگوباسێن رۆژنامەڤانی وەسا ژی دایە دیارکرن چەند یانێن ئیسپانی داخوازیا ئیمزاکرنا ھەڤبەستێ ل گەل کابتنێ یانا روما کری یە بۆ ئیمزاکرنا ھەڤبەستێ ل گەل یانێن ئەوان ل وەرزێ بھێت دخولا لیگا ئیسپانیا دا .
ھەژی گوتنێ یە توتی ٣٩ سالی ل گەل یانا خوە روما ٥٩٤ یاری کری نە ھەر ژ سالا ١٩٩٢ وەرە و شیا ٢٢٤ گولان .

ئەڤرۆ نیوز:
راھێنەرێ یانا ریال مەدرید زێدان د گونگرێ رۆژنامەڤانێ یێ ئەڤرۆ دا بەری یاریا ریال مەدرید ل گەل ئەشیبلیا دیارکر یاریا ئەوان یا بھێت د قارەمانیا یانێن ئورۆپا دا ل گەل یانا فولسبورگ نە یا ب سانەھی یە و ئەو ل گەل ئەوێ چەندێ نینە کو ھژمارەکا رۆژنامەیێن ئورۆپی دیارکری یە ئەرکێ یانا مەلەکی بۆ دەربازبوونێ ژ ھەر یانەکا دی ب سانەھی ترە لێ راھێنەرێ فەرەنسی دیارکر ئەو نابیت ئەرکێ ئەوان یێ ب سانەھی یە بەلکو ئەو دێ ھەمبەری ئێک ژ ب ھێزترین یانە بیت ژبەرکو وەکو سەرکێشا کوما خوە دەربازی قوناغا ١٦ بوویە .
زێدەتر زێدان د کونگرێ رۆژنامەڤانی دا دیارکر نوکە ئەو ھزر ل یاریا سوباھی یا بەرامبەر ئەشبیلیا کەن د چارچوڤێ یاریێن خولا ئیسپانیا و پشتی ب دووماھی ھاتنا یاریا وان دخولا ئیسپانیا دا ئەو دێ ھزر ل یاریا فولسبورگ کەن و پیلانەکا باش ھەیە بو وێ یاریێ ژبەرکو کرنا یاریێ ل گەل فولسبورگ دێ گەلەک یا ب زحمەت بیت .

ئه‌ڤرو نیوز:
پشتی هه‌ر چار یانێن دهۆک و پێشمه‌رگه‌ هه‌ولێر و هه‌ولێر و زاخۆ ده‌ربازی قوناغا چار گوشا زێرین بووین ئێکه‌تیا ته‌پاپێ یا کوردستانێ خشته‌یێ یاریێن چار گوشا زێرین یا خولا فاستلینکا کوردستانێ ده‌ست نیشانکرن.
بریاره‌ یاریێن چار گوسا زێرین ب شێوه‌یێ خول بهێنه‌کرن کو یاریێن حه‌فتیا ئێکێ دهۆک و زاخۆ دێ ل یاریا دێربیا دهۆک هه‌مبه‌ری ئێک بن ل یاریگه‌ها زاخۆ، هه‌ولێر و پێشمه‌رگا هه‌ولێری دی ل گه‌ل ئێک که‌ن.
ئه‌ڤێن خوارێ ژی هه‌می یاریێن قوناغا چار گوشا زێرین.