ئه‌ڤرۆ نیوز:
به‌رى چه‌نده‌كێ ته‌قینه‌ك ل ناڤ ئێك ژ میترویێن باژارێ ئیستانبولێ رویدا و هه‌تا نوكه ژمارا كوشتى و برینداران نه‌هاتیه زانین.
پارێزگارێ ئیستانبولێ واسیپ شاهین سه‌باره‌ت ته‌قینا ل بایرام پاشا ل ئیستانبولێ چێبووى گوت” ئه‌گه‌رێن ته‌قینێ نه‌هاتینه زانین و ب تنێ وه‌لاتیه‌ك ب سڤكى برینداربوویه و دوڤچون یا به‌رده‌وامه”
ئه‌ڤرۆ نیوز:
كومپانیا دانه غاز كو كێشه ل گه‌ل حكومه‌تا هه‌رێما كوردستانێ هه‌یه، به‌رهه‌ڤیا خوه ده‌ربرى ژ پێخه‌مه‌ت به‌رژه‌وه‌ندیێن هه‌رێما كوردستانێ و ده‌ڤه‌رێ كار ل سه‌ر كێلگه‌هێن خورمو و چه‌مچه‌مال بكه‌ت.
د به‌یاننامه‌كا فه‌رمى دا كو ل مالپه‌رێ فه‌رمى یێ دانه‌غاز به‌لاڤبوویه، كومپانیا دانه غاز به‌رهه‌ڤیا خوه بۆ كاركردن ل گه‌ل حكومه‌تا هه‌رێمێ و ل كێلگه‌هێن غازێ و نه‌فتێ یێن كوردستانێ ده‌ربرى.
ئه‌ڤرۆ نیۆز، قائید میرۆ
ل ناحیا گه‌یاره یا باشورێ مووسل هه‌ڤپه‌یمانان كۆمبوونه‌كا چه‌كدارێن داعش كره ئارمانج و 30 چه‌كدار هاتنه كوشتن.
ره‌شاد گه‌لالی، به‌رپرسێ كۆمیتا مه‌خموور یا ئێكه‌تیێ ب ئه‌ڤرۆ نیۆز راگه‌هاند” ئه‌ڤرۆ فڕۆكه‌یێن هه‌ڤپه‌یمانان دادگه‌ها بناڤ شه‌ڕعیا داعش ل سه‌نته‌رێ ناحیا گه‌یاره بوردۆمانكرن كو د ده‌مێ بوردۆمانێ دا هژماره‌كا زۆرا تیرۆرستان مژولی كۆمبوونه‌كا نافخۆیی بوون.
گه‌لالی دیاركر، د ئه‌نجامێ ئه‌ڤێ بوردۆمانێ دا 30 چه‌كدارێن داعش هاتنه كوشتن، كو سه‌ركرده‌یه‌كێ گروپا داعش بناڤێ ئه‌بو عوبێد تێدایه و هژماره‌كا زۆرا وه‌لاتی و چه‌كدارێن دیژی برینداربوون.
ئه‌ڤرۆ نيوز:
حوكمه‌تا هه‌رێما كوردستانێ بڕيار ل سه‌ر بهێنڤه‌دانا رۆژا پێنجشه‌مبى دا، ئه‌وا ژ لايێ حوكمه‌تا عيراقێ ڤه بڕيار ل سه‌ر هاتيه دان كو ژ به‌ر چلينيا ئيمام حسێن راگه‌هاندى.
سه‌فين دزه‌يى، ئاخفتنكه‌رێ ب ناڤێ حوكمه‌تا هه‌رێما كوردستانێ د داخۆيانيه‌كێ دا بۆ خه‌ندان راگه‌هاند كو رۆژا پێنجشه‌مبى رێكه‌فتى 3ى كانوونا ئێكێ يا سالا 2015ێ ده‌واما فه‌رمى يه ل هه‌موو داموده‌زگه‌هێن حوكمه‌تا هه‌رێما كوردستانێ.
ئه‌ڤرۆ نيوز:
ل رۆما سزايه‌كێ دژوار ب سه‌ر زه‌لامه‌كێ ب ژى دا هاته سه‌پاندن كو رێ نه‌ده‌نێ چ ب خووت هه‌تا دمريت، ب تنێ رێ ب كچا وى ددا رۆژانه هه‌تا ئه‌و د مريت سه‌ره‌دانا وى بكه‌ت، ب مه‌رجه‌كى رۆژانه پشكنين بۆ وێ كچێ دهاته كرن دا كو پشت راست بن خوارن ل گه‌ل وێ كچێ نينه.
ل ده‌سپێكێ بابێ وێ كچێ رۆژ بۆ رۆژێ لاواز بوو و هاته به‌ر مرنێ، به‌لێ پاشان بۆ ماوه‌كێ درێژ ئه‌و ما و گيانێ خوه ژ ده‌ست نه‌دا و كه‌فته سه‌ر پێن خوه و ئه‌ڤێ چه‌ندێ ژى زێره‌ڤانێن زيندانێ تووشى شووكێ بوون.
ژ به‌ر ڤێ چه‌ندێ ژى رۆژه‌كێ چاڤدێريا وێ كر و ديت سينگێ خوه رووتكر و شير دا بابێ خوه دا كو دژيانێ دا بمينيت و نه‌مريت، ژ ئه‌گه‌رێ ڤى كارى ژى ده‌سته‌لاتدارێن رۆما ئه‌و زه‌لام ئازاد كر و هه‌ر ئێك ژ رۆبنزو ڤان بابۆرين و تشارلز تايلۆيان و گه‌له‌ك كه‌سێن دى ئه‌ڤ روودانا گه‌له‌ك سه‌ير كره تابلۆ.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 1ى كانوونا ئێكێ يا سالا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1218 |
| 1 يۆرۆيێ ئه‌ورۆپى | 1290 |
| 1 ليرێ توركى | 425 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
پشتى رێكه‌فتنا ناڤبه‌را ئێكه‌تيا ئورۆپا و توركيا، پۆليسێن توركيا ل باژێره‌كێ ل سه‌ر كه‌نارێ ده‌ريا ئيجه 1300 كۆچبه‌ر ده‌سته‌سه‌ركرن.
هه‌وا ده‌سته‌سه‌ركرنا په‌نابه‌ران ب پشكداربوونا 250 پۆليسان ل هه‌شت ده‌ڤه‌رێن باژێرێ ئيواجيك يێ كه‌نارێ ده‌ريا ئيجه ب رێڤه‌چوو.
پۆليسان د وێ هه‌وێ دا ل ده‌سپێكێ 850 كۆچبه‌ر ده‌سته‌سه‌ركرينه، پشتى ده‌مژمێره‌كێ ژمارا په‌نابه‌رێن ده‌سته‌سه‌ركرى گه‌هشته 1300 كه‌س.
هه‌ر ديسا پۆليسێن توركيا سێ قاچاخچى ده‌سته‌سه‌ركرينه و چار به‌له‌مان ژى كه‌ره‌ستێن وان تێدا بووينه هاتينه ده‌سته‌سه‌ركرن.
ئه‌ڤ هه‌وه پشتى ده‌مژمێره‌كێ ژ رێكه‌فتنا ناڤبه‌را وه‌لاتێ توركيا و ئێكه‌تا ئورۆپا ده‌سپێكر كو بۆ راگرتنا كۆچبه‌را بۆ ئورۆپا هاتيه ئيمزاكرن.
ژێده‌ر: رووداو
نيشاندان
