ئەڤرۆ نیوز:
رۆژنامەیێن برێتانی دیارکری نە ستێرا سویدی و یانا پاریس سان جێرمان ئیبراھیموڤیج دخوازیت بەر ب باژێرێ لەندەن بچیت ھەڤبەستا یانا پایتەختێ لەندەن ئیمزابکەت.
رۆژناما میرو یا برێتانی دیارکر سێ یانێن مەزن یێن خولا ئینگلتەرا دخوازت ھەڤبەستێ ل گەل ئیبرا ئیمزابکەن ل ڤەگوھاستنێن بھێت پشتی ناڤبری دیارکری ئەو ھەڤبەستا خوە ل گەل یانا فەرەنسی نووناکەت و ئەو یانێن ئینلگیزی ھەر ئێک ژ ئەرسنال و مانچستەر یوناید و ئەرسینال ب فەرمی دخوازن ھەڤبەستا ستێرا سویدی ئیزابکەن.
وێ رۆژنامێ وەسا ژی دایە دیارکر یاریکەرێ سویدی پتر حەزا یانا ئەرسینال یا لەندەنی ھەیە ھەر چەندە موچەیێ وی یێ ھەیڤانە کوژمەکێ بلندە لێ راھێنەرێ یانا ئەرسینال یێ فەرەنسی یێ رازی کوژمەکێ مەزن پێشکێشی ستێرا سویدی یێ ٣٤ سالی بکەت داکو ھێلا ھێرشبەریا یانا خوە ب ھێز بێخیت.
ھەژی گوتنێ یە ئیبراھیموفیج دھێتە ھژمارتن ئێک ژ بەرنیاسترین یاریکەران ل سەر ئاستێ جیھانی.

ئەڤرۆ نیوز:
ھەلگرا خولا عیراقێ یا وەرزی بوری یانا نەفت وەست ب فەرمی ھەڤبەستا راھێنەرێ بەرنیاس ل سەر ئاستێ عیراقێ و یانا نەفت وەست ئیمزاکر ل جھێ راھێنەرێ مسری حەمزە جەمل.
راھێنەرێ یانا ھەولێر یێ بەری نوکە سائیر ئەحمەد دیارکری یە کارگێریا یانێ ب فەرمی پەیوەندی ب وی کر پشتی چەند دانوستاندنان ل دووماھیێ ئەو گەھشتە رێککەفتنێ ل سەر ھەمی بەندێن ھەڤبەستێ و ئەوی باوەریەکا مەزن یا ب شیانێن تیمێ ھەی د قارەمانیا ئاسیا و عیراقێ دا دێ ھەڤرکی ل سەر ناسناڤی کەت.
سائیر ئەحمەد سێ جاران شیا ناسناڤێ خولا عیراقێ ب دەستخوڤە بینت دو جاران سەرکێشا یانا ھەولێرێ کری یە و جارەکێ ل گەل یانا تەلەبە.
ھەژی گوتنێ یە راھێنەرێ مسری حەمزە جەمل دەست ژ پوستێ راھێنەریا یانا نەفت کێشا بوو ژبەر چەند ئەگەرێن خوە یێن تایبەت .

ئەڤرۆ نیوز:
گولچیا یانا جەویە و ھەلبژارتیێ عیراقێ زینا تارق د پێنج یاریێن خوە یێن وەرزێ ئەڤ سالە ل سەر ئاستێ قارەمانیا عیراقێ یا تەپا پێ بوو یاریگەھێن شەش یاریکەری شیا گولا تورا خوە پارێزیت ھەر ژ دەستپێکا قارەمانیێ ھەتا یاریا دووماھیێ و شیا سەرکێشا یانا خوە بکەت وەکو قارەمانا خولا عیراقێ یا تەپا پێ پشتی شیان سەرکەفتنێ ل سەر یانا گازی باکور توماربکەت ب گولەکێ بێ بەرامبەر .
زینا تارق ئەوا بەری نوکە شیای چەندین دەستکەفتا ب دەستخوڤە بینت ل سەر ئاستێ خولێن عیراقێ و ئەڤ سالە ژی شیا ب ناسناڤێ باشترین کولچیا خولا عیراقێ یا شەش یاریکەری بھێتە خەلاتکرن پشتی شیای تورا گولا خوە پارێزیت ل پێنج یاریێن بوری و شیا ئاستەکێ باش پێشکێش بکەت تایبەت د یاریا دووماھیا خولا عیراقێ دا ل گەل یانا گازی باکور .

ھەژی گوتنێ یە زینا تارق ل سەر ئاستێ ھەر ئێک ژ قارەمانێن خولا عیراقێ ب یاریا کەنارێن دەریای و فوتسالا عیراقێ وەکو باشترین گولچی ھاتیە ھەلبژارتن ل سەر ئاستێ خولێ