ئه‌ڤرۆ نیوز:
روانگه‌ها سورى بۆ مافێن مروڤى راگه‌هاند كو داعش د ماوێ راگه‌هاندنا خه‌لافه‌تا خوه ل سووریێ، 3 هزار و 591 وه‌لاتیێن سڤیل و ئه‌ندامێن سوپایێ سووریا سێداره داینه و گولله‌بارانكرینه و هه‌ڤده‌م پشكه‌ك ژ كوشتیان ئه‌ندامێن گروپا تیرورستیا داعش بوون كو تومه‌تێن خراب ئێخستبوونه پال.
روانگه‌ها سورى بۆ مافێن مروڤى راگه‌هاند ئاماژه ب وێ یه‌كێ كریه كو تیرورستێن داعش ژ ڤێ ژمارێ 1945 وه‌لاتى كوشتى نه كو 77 زارۆ و 103 كچ و ژن بووینه.
ئه‌ڤرۆ نیوز : كاروان باعه‌درى :
بریار هاتیه دان ل هه‌فتیا داهاتى هه‌موو فه‌رمانگه‌هـ ل ناحیا سنوونێ بهێنه ڤه‌كرن، و ل دووڤ نڤیساره‌كا قایمقامیا قه‌زا شنگالێ هه‌ر فه‌مانبه‌ره‌كى پێگیریێ ب ده‌وامێ نه‌كه‌ت دێ هێته سزادان .
ئه‌ڤرۆ راگه‌هاندنا قایمقامیا قه‌زا شنگالێ ئاشكه‌راكر : ل هه‌فتیا بهێت هه‌موو فه‌رمانگه‌ه ل ناحیا سنوونێ دێ هێته ڤه‌كرن و هه‌ر فه‌رمانبه‌ره‌كى پێگیریێ ب ده‌وامێ نه‌كه‌ت دێ ئێته سزادان.
د وێ راگه‌هاندنێ دا هاتیه دیاركرن كو باره‌گه‌هێ قایمقامیا قه‌زا شنگالێ و فه‌رمانگه‌هێن ناسناما بارێ كه‌سایه‌تى هاته ڤه‌گوهاستن بۆ ناحیا سنوونێ و دێ ل هه‌فتیا بهێت دێ كه‌ڤنه دخزمه‌تا خه‌لكێ دا .
تێ زانین پشتى كاره‌ساتا شنگالێ پتریا فه‌رمانگه‌ه ل وان ناوچه‌یان هاتبوونه ڤه‌كرن ئه‌وێن ئاواره‌ێن شنگال لێ دژین و هنده‌ك ژ وان فه‌رمانگه‌ها ل قه‌زا سێمیلێ هاتبوونه ڤه‌كرن بۆ چێكرنا مامه‌له‌یێن ئاواره‌یان چونكى زۆربه‌یا ناسنامه و ره‌گه‌زنامه‌یێت ئاواره‌یان ل شنكالێ مابوون .
ئه‌ڤرۆنیۆز، ئه‌یاد به‌رواری
بۆ جارا ئێكێ د دیرۆكا سعودیێ دا، ئه‌ڤرۆ ئێكشه‌مبی 29 چریا دویێ، به‌ربژارێن ژن یێن سعودی ده‌ست ب هه‌وێن خوه یێن هه‌لبژارتنێن باژێرڤانیان ل سعودیێ كرن، كو دێ بیته جارا ئێكێ ژنێن سعودی پشكداریێ د هه‌لبژارتنان دا بكه‌ن وه‌كو به‌ربژار و ده‌نگده‌ر.
ل دووڤ سایتێ (هاڤینگتۆن پۆست)، 900 ژنان ژ سه‌رجه‌مێ 7 هزار كه‌سان خوه به‌ربژاركریه بۆ هه‌لبژارتنێن باژێرڤانیان كو ل به‌ره ل 12 مه‌ها مانوونا ئێكێ بهێنه ئه‌نجامدان، دیسا 130 هزار و 600 ژنان وه‌كو ده‌نگده‌ر خوه ناڤێن خوه وه‌كو ده‌نگده‌ر یێن توماركرین.
هه‌لبژارتنێن ئێكێ یێن باژێرڤانیان ل سعودیێ ل سالا 2005 ێ هاتبوونه ئه‌نجامدان ل سه‌رده‌مێ شاهێ كوچكری (عه‌بدوللا بن عه‌بدولعه‌زیز ئال سعود) كو وی شاهی به‌ری هه‌لبژارتنێن 2011 ێ سۆز دابوو كو د هه‌لبژارتنێن 2015 ێ دا ژن پشكداریێ تێدا بكه‌ن و شاهێ نوكه یێ سعودیێ (سه‌لمان بن عه‌بدولعه‌زیز ئال سعود) پێگیری ب وێ سۆزێ كر، به‌لێ ل دووڤ سیسته‌مێ سعودی، د هه‌وێن هه‌لبژارتنان دا ژنێن به‌ربژار تنێ دێ ژنان بینن و دشێن هندك زه‌لامان بكه‌نه وه‌كیلێن خوه كو هه‌وا وان یا هه‌لبژارتنان دناڤ زه‌لامان دا ب رێڤه ببه‌ن.
وه‌لاتێ سعودیێ كو شه‌ریعه‌تا ئیسلامی په‌یره‌و دكه‌ت، پێرابوونێن گران ل سه‌ر ژنان سه‌پاندینه وه‌كو قه‌ده‌غه‌كرنا لێخورینا ترومبێلان و سه‌پاندنا له‌چكێ ل سه‌ر وان ل جهێن گشتی و وه‌رگرتنا رازیبوونێ زه‌لامی ل ده‌مێ گه‌شتان و كاری و پێكئینان ژیانا هه‌ڤژینیێ.
ئه‌ڤرۆ نيوز:
كچه‌كا به‌رازيلى، دا كو نامێن مۆبايلێ ل خۆشتڤيێ خوه ڤه‌شێريت مۆبايلا خوه داعيرا.
ئه‌دريانا ئه‌نده‌ردى، كچه‌كا 19 سالى يا به‌رازيلى يه، پشتى كو ژ لايێ خۆشتڤيێ خوه گۆمانا وێ چه‌ندێ لێ هاتيه كرن كو غيرێ ژێ دبينيت و گۆمان بۆ درست بوويه، داخوازا مۆبايلێ ژێ دكه‌ت، به‌لێ دا كو ئه‌دريانا وان نامه و وێنێن ناڤ مۆبيلێ لێ ڤه‌شێريت، نه‌چار بوو بێ هزركرن مۆبايلێ ب داعيريت و ئێكسه‌ر بێ هوش ما و كه‌فته سه‌ر ئه‌ردى و ب هه‌واركى گه‌هاندنه نه‌خۆشخانێ.
نۆشدارێن نه‌خۆشخانێ ب له‌ز بڕيارا ئه‌نجامدانا نشته‌رگه‌ريێ بۆ دا دا كو ب زووترين ده‌م ژ مرنێ رزگار بكه‌ن.
ئەڤرۆ نیو ، نەوزاد ھلوری:
ب پشکداریا 12 وەلاتێن عەرەبی و بیانی چلەیا ئیمام حسێن ل کەربەلا ب رێڤە چوو و تێدا نێزیکێ دوو ملیون کەس پشکداربوون و داھاتیێ عیراقێ ژ پشکدارێن چلەیا ماتەمینیا ئیمام حسێن 800 ملیون دولار بوون.
باسم جەمیل ئەنتوان شارەزایەکێ ئابوویی یە ل کەربەلا دیارکر کو داھاتیێ عیراقێ دماوەیێ چلەیا ماتەمینیا ئیمام حسێن دا زێدەتری 800 ملیون دولاران بوون و ھەر وەکو بوو کەربەلا نیوز دیارکری و گۆت : ( ئەو کەسانێن کو پشکداری د چلەیا ماتەمینیا ئیمام حسێن-ی ل کەربەلا کری ، و دیسان ئەو کەسانێن کو گەشتێن ئاینی و سەرەدانێن جھێن پیروزێن شیعە و رێورسمێن ئاینی دا کری و کرین و فروتن ب ئاخا نڤێژا و چەند پێشەسازیێن دن کری رێژەیا وان یا دیارکری بوویە کو نێزیکێ دوو ملیون کەسان بوون ، و تێکرا مەزاختیێن ھەر کەسەکێ ژ وان گەشتیاران دناڤبەرا 300-400 دولاربوون ).
زێدەتر گۆت : ( ئەڤ یەک ژ بوو عیراقێ دەلیڤەکا گرنگە دوارێ گەشتێن ئاینی دا ، ژبەرکو ئەو کەسانێن کو سەرەدانکەرێن مەزارگەھێن ئیمام حسێن-ی ل کەربەلا کری پێدڤی ب خوار و ڤەخوارنێ نە ، و نھا ل کەربەلا 400 ئوتێل بوو ڤەحەواندنا گەشتیاران ھەنە ، و دگەل ڤێ یەکێ ژی پێدڤی یە حکومەت زێدەتر بزاڤێ بکەت بوو درۆستکرنا وان و ئەڤە زێدەباری دابینکرنا خزمەتێن تەندودستی و خوارنگەھان ، و دیسان دڤێت حکومەت پشتەڤانیا کەرتێ پێشەسازی و باشترکرنا جاددەیان ژی بکەت ل دەڤەرێ ).
لیوا سامی سودانی رێڤەبەرێ دەریێن سنووری ل کەربەلا دیارکر کو ئەو کەسانێن کو سەرەدانا کەربەلاکری بوو پشکداریا د چلەیا ماتەمینیا ئیمام حسێن-ی و جھێن پیروزێن کەربەلا ژ 12 وەلاتێن جیھانێ یێن بیانی و عەرەبی ھاتبوون وەکو وەلاتێن بیانیێن مینا ئیران ، پاکستان ، ھندستان ، مالیزیا و ئەفغانستان ، و وەلاتێن عەرەبی ژی مینا کوێت ، سعودیا ، بەحیرین ، مسر ، لوبنان ،یەمەن و قەتەر بوون ).
ئه‌ڤرۆ نيوز:
ب گۆره‌ى به‌ياننامه‌كا سه‌رۆكاتيا جڤاتا وه‌زيرێن عيراقێ، ئه‌ڤرۆ 30ى چريا دويێ يا سالا 2015ێ حه‌يده‌ر عه‌بادى بڕيار دا رۆژا پێنجشه‌مبيا داهاتى ب هه‌لكه‌فتا چلينيا ئيمام حسێن ل هه‌موو داموده‌زگه‌هێن حوكمه‌تا عيراقێ ببيته بهێنڤه‌دانا فه‌رمى.
هه‌ر ب گۆره‌يى بڕيارا عه‌بادى ل نه‌جه‌ف و كه‌ربه‌لا و بابل 2 و 3ى كانوونا ئێكێ ژى بهێنڤه‌دانه، به‌لێ هێشتا نه‌هاتيه پشتراستكرن كا دێ ل هه‌رێما كوردستانێ بيته بهێنڤه‌دان يان نه.
ئەڤرۆ نیۆز، قائید میرۆ:
شاندەکێ حوکمەتا ھەرێما کوردستانێ دێ سەرەدانا پاریس بکەت، ئەوژی ب مەرەما پشکداریکرنێ د کۆنفڕانسێ پاراستنا ژینگەھێ یاکۆ بڕیارە سبە بھێتە دەستپێکرن.
لوقمان شێروانی، پەیڤدارێ دەستەیا ژینگەھا ھەرێما کوردستانێ ب ئەڤرۆ نیۆز راگەھاند” بڕیارە شاندەکێ ھەرێما کوردستانێ پشکداریێ د کۆنفڕانسێ ژینگەھێ ل پاریسا پایتەختێ فەڕەنسا بکەت و بەریا نوکەژی نوونەرێن وەلاتێن بیانی لدۆر ھەڤکاریا ھەرێمێ د بیاڤێ ژینگەھێ ھاتینە ئاگەھدارکرن.
شێروانی گۆتژی” ئەف شاند ل چەند رۆژێن داھاتی دێ دەست ب سەرەدانا خوە بکەت و بڕیارە داخوازا گوژمەکێ پارەی بکەت ل ئەڤان ٢٠٠ ملیار دۆلارێن بۆ پاراستن و چێکرنا ژینگەھێ ھاتینە دیارکرن ژلایێ وەلاتێن جیھانێ.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 30ى چريا دويێ يا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1215 |
| 1 يۆرۆيێ ئه‌ورۆپى | 1290 |
| 1 ليرێ توركى | 430 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
نيشاندان
