ئەڤرۆ نیوز ، نەوزاد ھلوری:
کونفرانسێ پێنجێ یا پەترول و گازا کوردستانێ ل لەندەن دەستبکارێن خوە کر و دێ بوو ماوەیێ سێ روژان یا بەردەوام بیت ، و چەندین ورگ شوپ و پانیلێن جودا جودا دێ بخوڤە گریت.
ئەڤرو رۆژا دوشەمبی ٣٠ێ چریا دوویێ یا ٢٠١٥ کونفرانسێ پێنجیێ یا نیڤدەولی یا پەرتول و گازا کوردستانێ ل لەندەن دەستبکارێن خوە کر و ھەتا چوار شەمبیا بھێت دێ یا بەرەوام بیت.
د ھەرسێ روژێن کونفرانسێ دا دێ چەند گوتار و ورگ شوپ و پانیلێن جودا جودا بخوڤەگرن.
دکونفرانسی دا ھەر ئێک ژ کومپانیێن ئیکسون موبیل ، شیڤرون ، قەیوان ، دی ئێن ئو ، مول ، گازپروم ، فالکوم ، ھونت و چەند دامەزراوەیەکێن دن دێ سپونسەریێ ل کونفرانسی کەن ، و بەرپرسێن ھەر ئێک ژ کومپانیێن وەکو گەنەل ئینێرجی ، دی ئێن ئو ، شیڤرون ، کار گروپ ، وێستون زاگروس ، گولف کیستون ، قەیوان گروپ دێ ئاخفتنا خوە ھەبیت.
لسەر ئاستێ بەرپرسێن حکومەتا ھەرێما کوردستانێ دێ چەند بەرپرسەک پشکداربن ژ وان ( نێچیرڤان بارزانی سەروکی َحکومەتا ھەرێما کوردستانێ ، قوباد تالەبانی جێگرێ سەروکی َحکومەتا ھەرێما کوردستانێ ، ئاشتی ھەورامی وەیزرێ سامانێن سورشتی یا حکومەتا ھەرێما کوردستانێ ، تەھا زەنگەنە بریکارێ وەزیرێ سامانێن سرۆشتی ، فەلاح موستەفا بەرپرسێ فەرمانگەھا پەیوەندیێن دەرڤەیێن حکومەتا ھەرێما کوردستانێ دگەل ھژمارەکا دن یا راوێژکار و رێڤەبەریێن گشتیێن وەزاەرتا سامانێن سروشتی و حکومەتا ھەرێمی ژ وان ژی ئیان ماگنتوش ، ھەلو عەسکەری ، نسار تالەبانی ، میشێل ھاوارد ، و ئەڤە دگەل نەجمەدین کەریم پارێزگارێ کەرکوکێ و چەند کەساتیەکێن دن ل نێزیک وەزارەتا سامانێن سروشتی ژ وان ھاورێ مەنسور بەگ و دلاوەر عەلائەدین.
کونفرانسا پێنجێ یا پەترول و گازا کوردستانێ بەروڤاژی کونفرانسا چوارێ چوو بەرپرس ژ پەرلەمانی َکوردستانێ پشکداریێ تێدا ناکەن ژبلی ڤێ یەکێ ژی دڤی کونفرانسی دا دێ نەجمەدین کەریم پارێزگارێ کەرکوکێ پشکداربیت و گوتارا خوە ھەبیت.
ئه‌ڤرۆ نيوز:
خودانا سترانا پاداشت، مژدين سالح، راگه‌هاند كو زه‌لامه‌كى دخواست به‌رامبه‌ر خوه ب ده‌ست ڤه به‌ردانێ ب بهايێ مليۆن دۆلاران پشته‌ڤانيا وێ يا هۆنه‌رى بكه‌ت و دا زانين ژى كو به‌رپرس و كه‌سانێن به‌رنياس ژى داخوازيا په‌يوه‌نديێن سكسى ل گه‌ل كريه.
مژدين سالح بۆ ئه‌ڤرۆ نيوز گۆت: “زه‌لامه‌كى ب رێيا ژنه‌كا دى داخواز ژ من كر كو ئه‌و دێ ب بهايێ مليۆن دۆلاران هاريكاريا كارێن وێ يێن هۆنه‌رى كه‌ت به‌رامبه‌ر خوه ب ده‌ست ڤه به‌ردانێ، به‌لێ من ره‌تكر چونكو ئه‌ز ژنه‌كا هۆنه‌رمه‌ندم، نه‌ك له‌شفرۆشم به‌رامبه‌ر داهاته‌كى كاره‌كێ وه‌سان بكه‌م”.
زێده‌تر گۆت: “گه‌له‌ك كه‌سان ژ كوردستانێ ژى خودان پۆستێن مه‌زن و به‌رپرس داخوازى ژ من كريه كو ل ده‌ڤ من بنڤن، به‌لێ من ئه‌و ژى ره‌تكريه، لێ نه‌شێم زێده‌تر پێزانينان ل سه‌ر وان ئاشكه‌را بكه‌م”.
ئەڤرۆ نیوز، قائید میرۆ:
بەرپرسەکێ پارتی لپارێزگەھا ھەلەبجە رەتکر پارتی ب پۆستێن نوکە بچینە ناڤا حوکمەتا نافخۆیی لپارێزگەھا ھەلەبجە.
فازل بەشارەتی، بەرپرسێ لقا ١٢ یا پارتی دیموکراتی کوردستان ب ئەڤرۆ نیۆز راگەھاند” د کۆمبوونا بۆریدا پشتی دەمەکێ کێم بۆدەستپێکرنا کۆمبوونێ مای ئەم ھاتینە داخوازکرن بۆ دانوستانان لدۆر پێک ئینانا حوکمەتا نافخۆیا ھەلەبجە، لەوڕا مە پشکداری تێدا نەکرن و بڕیارە ل رۆژێن داھاتی کۆمبوونەک بھێتە گرێدان و پۆستێن پارێزگەھێ بھێنە بەلافکرن لسەر لایەنێن سیاسی.
بەشارەتی گۆتژی” ئەم وەکی پارتی پشکداریێ د چو کۆمبوونەکێ دا ناکەین ئەگەر پۆستێ قایمقامێ ھەلەبجە بۆ پارتی نەبیت، ژبەرکو ئەڤە چەندین کۆمبوون دھێنەکرن و ناگەھینە رێکەفتنێ، پارتی نابیتە رێگر لھەمبەر حوکمەتا نافخۆیا ھەلەبجە، بەلێ پۆستەکی قەبوولناکەین ھەژی پارتی نەبیت.
ئەڤرۆ نیوز:
سەرۆکێ تیپا رۆباد یا ھونەرێ، دیارکر کو مژوولی بەرھەمەکی نە بناڤێ (شەھید) کو سترانا ھونەرمەندێ مەزنێ وەغەرکری (ئەیاز یوسف) ب دەنگێ ھونەرمەند(عەبدولقھار زاخۆیی) دێ ھێتە گۆتن ڤە.
ھونەرمەند محەمەد زەکی، سەرۆکێ تیپا رۆباد یا ھونەری بۆ بەرپەرێ ھونەری یێ رۆژناما ئەڤرۆ گۆت ژی : ئەڤ سترانە ژ پەیڤێن (حەبیب کەلەش) و ئاواز (عەبدلعەزیز سلێمان و حەبیب کەلەشن) ئەڤ سترانە ل ستودیۆیا ئێم میۆزیک ھاتیە تۆمارکرن، ژدەرھێنانا (شورەشڤان سدیق شەرۆ) یە
زەکی گۆت ژی: مە وەکو تیپا رۆباد یا ھونەری ب فەردیت ئەڤێ سترانێ نوو بکەینە ڤە، چونکو پێشتر ب تنێ ل گەل دەنگێ عودێ ھاتبوو چێکرن.
ئەڤرۆ نیوز:
بریاردەرێ جڤاتا پارێزگەھا دھوک د دیدارەکێ دا بۆ ئەڤرۆ راگەھاند، ب شێوەکێ گشتی ل سالا 1999 پەرلەمانێ کوردستانێ بریار دایە ئەنجوومەنێ وەزیران ئاکرێ ببیتە پارێزگەە، بەلێ ھەتا نھا نەھاتیە جێ بە جێ کرن، داخوازا خەلکێ ئاکرێ یە و دێ کەڤیتە د وارێ جێبەجێکرنێ دا، بەلێ بارودوخێ نھا د ڤێ قەیرانا نھا دا بووینە رێگر و گۆت: مافێ خەلکێ ئاکرێ یە ئەڤ بریارە بھێتە بجھئینان.
ئیدریس ئەحمەد ھەرکی، بریاردەرێ جڤاتا پارێزگەھا دھۆک بۆ رۆژناما ئەڤرۆ دیار کر، ھەتا نھا گەلەک ژ فەرمانگەھێن قەزا بەردەرەش ل سەر قەزا ئاکرێ ڤەنە ب رێیا کارگێریا ئاکرێ کاروبارێن وان برێڤە دچن، گەلەک ژ وان بووینە رێڤەبەری، بەلێ ژ بەر رەوشا نھا ئەم تێدا وەک فەرمانگەە کاروبارێن خوە برێڤە دبەن.
زێدەتر دبێژیت: ل سنوورێ ھەردو قەزایان د بوارێ پەروەردێ دا نە ب تنێ دو دەوامی، بەلکو سێ دەوامی ژی ھەنە، ل ھەردوو قەزایان ژی ھندەک قوتابخانێن کرێ ھەنە، ب تایبەت ل گوندان و بەردەوام لیژنا مە یا پەروەردێ ب کارێ خوە یێ چاڤدێریێ ل دووڤ کێم و کاسی و قوتابیان رادبن.
ناڤبری دیار کر، ئین وەکو لیژنا چاندنێ ل گەل لیژنا چاندنێ یا پەرلەمانێ کوردستانێ روونشتینە بۆ خزمەتکرنا وارێ چاندنێ و ب تایبەت ل ھەردو قەزایێن ئاکرێ و بەردەرەش و ب خۆشحالیڤە سایلویا بەردەرەش کەڤتیە د جێبەجێکرنێ دا و یا ئاکرێ ژی کو دکەڤیتە سنوورێ ناحیا گردەسین ب ئانەھیا خودێ پشتی دەربازبوونا ڤێ قەیرانێ ئەو ژی ئەم باوەرین دێ کەڤیتە د بوارێ جێبەجێکرنێ دا.
ل دور رەوشا رەوشەنبیری و وەرزشێ گۆت: ب رەنگەکێ گشتی وەکو لێژنا رەوشەنبیری و ھونەری و وەرزش و لاوان مە سەرەدانا ھەموو قەزایێن سەر پ پارێزگەھێ ڤە کریە، لێ دەربارێ ئاکرێ و بەردەرەش ل ئاکرێ کێمتر کێماسی ھەنە، چونکو ھۆلەکا رێک و پێک یا کونفرانسان ھەیە، زێدەباری چەندین رێکخراو و سەنتەرێن رەوشەنبیری، ھەر چەندە چەندین سەنتەر ھەنە و وەکو پێدڤی ب رۆلێ خوە نەرابووینە ئەو ژی ڤەدگەریێن ژ بۆ نەبوونا بودجەیی و ئەڤ قەیرانا سەر ھەرێما کوردستانێ دا ھاتی.
ناڤبری زێدەتر گۆت: راستە مافێ خەلکێ قەزایێن سەر ب پارێزگەھا دھوکێ یە پلەیێن کارگێریێن گشتی ھەبن، ب تایبەتی ئاکری َو بەردەرەش کو ھەتا نوکە چو رێڤەبەریێن گشتی ل پارێزگەھا دھۆک نینە، مە وەکو نوونەرێن راستەقینەیێن وەلاتیان ب مافەکێ رەوایێ وانا دزانین و دێ بەرەڤانیێ ژ وان مافان ژی کەین، لێ ل گۆری یاسایا ھەژمار سێ یا سالا 2009ێ یا ئەنجوومەنێن پارێزگەھێن ھەرێما کوردستانێ کارێ سەرەکی یێ مە چاڤدێرییە.
ئه‌ڤرۆ نیوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا سێشه‌مبى رێكه‌فتى 1ى كانوونا ئێكێ يا 2015 ئه‌سمانێ دهۆكێ دێ ساهى بيت و پاشان بۆ ئه‌ورى هێته گوهۆڕين و ل ده‌ڤه‌رێن چيايى ئه‌گه‌رێ بارانه‌كا هوور يێ هه‌يى.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن بلندێن رۆژهه‌لاتێ وه‌لاتێ توركيا و فشارێن نزم يێن ده‌ريا سۆر بۆ سه‌ر هه‌رێما كوردستانێ دهێته پێشبينيكرن ئه‌سمانى دهۆكێ ساهى بيت و پاشان بۆ ئه‌ورى هێته گوهۆڕين و ل ده‌ڤه‌رێن چيايى ئه‌گه‌رێ بارانه‌كا هوور يێ هه‌يى.
پشكا پێشبينيان دايه زايه زانين كو دێ ئاراستێ باى ژى دێ باشوورێ رۆژئاڤا بيت ب ره‌نگه‌كى د ناڤبه‌را 5 هه‌تا 15 كم دا و ماوێ ديتنێ ژى 8 كم بيت و پلێن گه‌رمێ ژى دێ د ناڤبه‌را 8 بۆ 19 پلان دا بيت.
ئەڤرۆ نیوز:
ھێزێن پۆلیسان وەلاتیەک ل قەزا کەلار یا دەڤەرا گەرمیان گرت، کو ب جلکێن پێشمەرگەی خوازووکی دکر و ب بڕیارا دادوەری ھەتا رۆژا دادگەھکرنێ دھێتە زیندانکرن، چونکو ناڤێ پێشمەرگەی بکارئینایە بۆ راکێشانا دلۆڤانیا خەلکی.
رائید جەمال عەلی، پەیڤدارێ پۆلیسێن گەرمیان بۆ رۆژناما ئەڤرۆ گۆت “شەڤا شەمبیێ وەلاتیان ھێزێن پۆلیسان ئاگەھدارکرن ژ ھەبوونا حالەتەکێ خوازووکیێ کو کەسەک ب جلکێن پێشمەرگەی خوازووکیێ دکەت، پشتی گەھشتنا ھێزەکا پۆلیسیان دەرکەفت وەلاتیەک ب ناڤ و جلکێن پێشمەرگەی ل تاخێ ئاوارەیان یێ سەنتەرێ قەزا کەلار یێ خوازووکیێ دکەت، لەوڕا ئێکسەر ھاتە دەستەسەرکرن و ڤەکۆلین دگەلدا ھاتەکرن، ھەتا بزانین پێشمەرگەیە یان ژی ب ناڤێ پێشمەرگەی ڤی کاری دکەت”.
رائید جەمالی گۆت ژی “پشتی ڤەکۆلین دگەلدا ھاتیەکرن، دەرکەفت ئەڤ کەسە خواز خوازووکە و چ پەیوەندی ب پێشمەرگەی ڤە نینە، بەلکی گۆتیە خەلکی ئەز پێشمەرگەمە ھەتا ھاریکاریا وی بکەن و ناڤێ پێشمەرگەی بۆ خوە بکار ئینایە، پشتی دانپێدانکری ژلایێ ھێزێن پۆلیسان ب فەرمانا دادوەری ل بنگەھێ پۆلیسان ھاتە بەندکرن ھەتا وی دەمێ دادوەر ڤەکۆلینێ دگەلدا دکەت و ل گۆر قانوونێ دھێتە سزادان”.
نيشاندان