ئەڤرۆ نیوز، قائید میرۆ:
ب ئەگەرێ روویدانەکا ھاتن وچوونێ ل گەرمیان ژنەک و چوار زارۆیان گیانێ خوە ژدەستدا و پۆلیسان دەست ب ڤەکۆلینێ کریە.

رائید عەلی جەمال، پەیڤدارێ پۆلیسێن گەرمیان ب ئەڤرۆ نیۆز راگەھاند” سپێدەھیا ئەڤرۆ لسەر رێیا سەرەکیا قەزا کفری_ کەلار یا دەڤەرا گەرمیان ترۆمبێلەکا ژجۆرێ ھۆندا وەرگەڕیا و د ئەنجامدا ھەموو سەنشینێ ناڤا ترۆمبێلێ بوونە قوربانی کو ژ ئێک خێزانبوون.
رائید عەلی گۆتژی” دایکەک و چوار زارۆکا گیانێ خوە ژدەستداژی بابێ وانژی برینداربوویە و ھاتیە ھنارتن بۆ نەخۆشخانا تەنگاڤیا، پشتی روویدانێ ھێزێن پۆلیسان گەھشتنە جھێ روویدانێ و ڤەکۆلین د بەردەومن لسەر چاوانا چێبوونا روویدانێ و پۆلیسان شوفێرێ بریندار دەستەسەرکریە.

ئه‌ڤرۆ نيوز:

پشتى بۆ ماوێ 48 ده‌مژمێران گه‌شتێن فرۆكه‌ڤانى يێن فرۆكخانێن هه‌ولێر و سلێمانيێ هاتينه‌ راگرتن، ئه‌ڤرۆ رۆژا چارشه‌مبى رێكه‌فتى 25ى چريا دويێ جاره‌كا دى گه‌شتێن ڤان دو فرۆكخانا ده‌سپێكرن.

ب گۆره‌ى راگه‌هاندنه‌كا وه‌زاره‌تا ڤه‌گوهاستن و گه‌هاندنێ ل حوكمه‌تا هه‌رێما كوردستانێ كو دانه‌ك ب ده‌ست ئه‌ڤرۆ نيوز كه‌فتيه‌ هاتيه‌: “ژ ده‌مژمێر 8ى سپێده‌هيا ئه‌ڤرۆ رۆژا چارشه‌مبى رێكه‌فتى 25ى چريا دويێ 2015 گه‌شتێن هه‌ردو فرۆكخانێن نێڤده‌وله‌تى يێن هه‌ولێر و سلێمانيێ ده‌ست ب گه‌شتێن خوه‌ كره‌ڤه‌”.
ژ ئه‌نجامێ بۆردۆمانا مووشه‌كێن رۆسى ل سه‌ر وه‌لاتێ سوريا كو بنگه‌هێ وان ژ ده‌ريا قه‌زوين بوو، بۆ ماوێ 48 ده‌مژمێران گه‌شتێن ڤان هه‌ردو فرۆكخانان هاتبوونه‌ راوه‌ستاندن.

ئه‌ڤرۆ نيوز:

پشتى كۆمبوونا پارتى و ئێكه‌تێ، ئه‌ڤرۆ جاره‌كا دى ل سلێمانێ ئێكه‌تى نشتيمانى كوردستان و بزاڤا گۆڕان ل سلێمانيێ كۆمبوون.

ئه‌ڤرۆ رۆژا چارشه‌مبى رێكه‌فتى 26ى چريا دويێ 2015 كۆمبوونا ئێكه‌تى نشتيمانى كوردستان و بزاڤا گۆڕان ل مه‌كته‌با سياسى يا ئێكه‌تى نشتيمانى كوردستان ل سلێمانيێ ده‌سپێكر.