ئه‌ڤرۆ نیوز:
سوپاسالارێ وه‌زاره‌تا پێشمه‌رگه‌ى بۆ ئه‌ڤرۆ نیوز دیاركر، خالید عوبه‌یدى وه‌زیرێ به‌ره‌ڤانیا عیراقێ د چارچوڤێ سه‌ره‌دانه‌كێ دا بۆ هه‌رێما كوردستانێ، ئه‌ڤرۆ رۆژا ئه‌ینى گه‌هشته قه‌زا شنگال كو به‌رى چه‌نده‌كێ ل سه‌ر ده‌ستێ هێزا پێشمه‌رگێ قاره‌مان هاتیه رزگاركرن.
سه‌ردانا عوبه‌یدى بۆ وێ چه‌ندێ یه ل گه‌ل به‌رپرسێن وێ قه‌زایێ كوم ببیت و ژ نێزیك ئاگه‌هدارى ره‌وشا وێ ببیت.
ئه‌ڤرۆ نیوز:
دووباره ژن ئینا، به‌لێ د شه‌ڤه‌كێ دا، 4 ژن ئینان، به‌لێ ڤێ جارێ ئه‌گه‌رێ وێ یێ جودا و سه‌رنجراكێشه.
گه‌نجه‌كێ سعودى یێ ته‌مه‌ن 23 سال، چار ژن د ئێك شه‌ڤ دا ئینان ژ كه‌ربێن ژنا خوه یا به‌ردایى دا، كو بۆ سویند خواربوو كو ڤى كارى بكه‌ت.
رۆژنامه‌كا ناڤخویى ل سه‌ر زارێ گه‌نجێ ب ناڤێ “م م القحتانی” ژ خه‌لكێ پارێزگه‌ها وادى ئه‌لدواسر به‌لاڤكریه كو وى گه‌نجى په‌یوه‌ندیه‌كا فاشل ل گه‌ل كچه‌كێ پێكئینابوو و پشتى خواستى و داواتا خو كرى، پشتى چه‌ند هه‌یڤان به‌ردا، و ژنا وى یا به‌ردایى گوتێ، تو نه‌شێ چ كچا بۆ خو بخوازى، ژبه‌ر كو كه‌س شى ب ته ناكه‌ت، به‌لێ وى بۆ سویند خار كو د ئێك شه‌ڤ دا ئه‌و دشێت 4 ژنا بینیت و فعلا كره راست.
ئه‌ڤرۆ نیوز:
1-لویس ئینڕیکی: راهێنه‌رێ نوكه یێ به‌رشه‌لونا 5 سالا یارى بۆ ریال كریه و پاشان بۆ به‌رشه‌لونه هاتیه ڤه‌گوهاستن
2- لویس فیگۆی، 5 سالا یارى بۆ به‌رشه‌لونه یێ كرى و پاشان بۆ ریال هاتیه ڤه‌گوهاستن
3-مایکل لاودرۆپی
4- خاڤێر ساڤیۆلای
5- ساموێل ئیتۆی کامیرۆنی:
6- ڕۆناڵدۆی بەڕازیلی:
7- جۆرج هاجی رۆمانی:
ئه‌ڤرۆ نیۆز، قائید میرۆ
هه‌ردو وه‌لاتێن توركیا و ئیران دبه‌رده‌وامن بۆ گرتنا ژێده‌رێ ئاڤا هه‌رێما كوردستانێ و نوونه‌ره‌كێ كوردژی دبێژیت، ئیرانێ نوكه ژێده‌ره‌كێ ئاڤێ هشككریه.
خۆشه‌ڤی خه‌لیل، ئه‌ندامێ لیژنا ژێده‌رێن ئاڤێ ل په‌رله‌مانێ عێراقێ ب ئه‌ڤرۆ نیۆز راگه‌هاند” هه‌ردو وه‌لاتێن توركیا و ئیران وه‌كه پێدڤی ناهێلن ئاڤ بگه‌هیته ناڤا هه‌رێما كوردستانێ و كاریگه‌ری هه‌بوویه لسه‌ر كێمبوونا ئاڤێ لهه‌رێما كوردستانێ، چونكو گوره‌ی رێكه‌فتنێن ناڤده‌وله‌تی دڤێت ئاڤ نه‌هێته بڕین.
خه‌لیلی دیاركر، ڤێ دوماهیێ كۆمارا ئیسلامیا ئیرانێ زێده‌تر گڤاشتن ئێخستیه سه‌ر هه‌رێما كوردستانێ ژێده‌رێ ئاڤا سیروان وه‌كی پێدڤی ناگه‌هته هه‌رێما كوردستانێ و ژلایێ ئیرانێ ڤه رێژه‌یه‌كا كێم یا ئاڤێ دهێته به‌ردان.
ئه‌ڤرۆ نیۆز، قائید میرۆ
ل میحوه‌ری خازر چه‌كدارێن داعش ده‌ست ب لڤینان كریه و فه‌رمانده‌یه‌كێ پێشمه‌رگه‌ی ژی ئاشكراكر، پێشمه‌رگه یێ به‌رهه‌ڤه.
عه‌مید سه‌ید هه‌ژار، جێگرێ فه‌رماندێ فه‌رمانده‌ییا زێره‌ڤانی ب ئه‌ڤرۆ نیۆز راگه‌هاند” چه‌كدارێن تیرۆرستێن داعش چه‌ند رۆژه‌كه لڤینێن خوه ده‌سپێكرینه ل میحوه‌رێ خازر و به‌رده‌وام ئه‌م چاڤدێریا لڤینین چه‌كدارێن داعش دكه‌ین، به‌لێ نابێژم زۆرتربویه ل به‌رێ، لێ نیه‌ته‌ك هه‌یه بۆ پیلانێن خوه یێن شكه‌ستی.
سه‌ید هه‌ژار گۆتژی” پشتی ل شنگالێ شكه‌ستی داعش دخوازیت هنده‌ك ڤێ بێ ئومێدیا خه‌لكی خوه بڕه‌ڤینیت و چالاكیان دژی پێشمه‌رگه‌ی ئه‌نجامبده‌ت، له‌وڕا هێزێن مه كه‌فته د ئاماده‌باشیاندا بۆ به‌رسیڤدانا هه‌ر پیلانه‌كا تیرۆرستێن داعش.
ئه‌ڤرۆنیۆز، ئه‌یاد به‌رواری
شاره‌زایه‌كێ له‌شكریێ عیراقی پایته‌ختێ نهێنیێ رێكخستیا ده‌وله‌تا ئیسلامی (داعش) یا تیرۆرستی ئاشكرا دكه‌ت و دبێژیت ئه‌و ده‌ڤه‌ر یا پاراستیه ب چه‌ندین جهێن ب زه‌حمه‌ت ژ لایێ سنۆری یێ عیراقێ و سووریێ ژی.
هیشام هاشمی بۆ (عین العراق نیۆز) گوت” باژێرێ به‌عاج ل رۆژئاڤایێ مووسلێ گرنگترین ده‌ڤه‌ره بۆ داعشێ و پایته‌ختا وێ یا نهێنی یه و سه‌ركردێن داعشێ یێن ل وی باژێری و ئه‌و باژێر (به‌عاج) یێ پاراستیه و ده‌وردایه ب ده‌ڤه‌ر و جهێن ب زه‌حمه‌ت، كو ژلایێ سووریێ ده‌ڤه‌رێن (دیرلزۆر و ئه‌لبوكه‌مال و هه‌جین) و ژلایێ عیراقێ (قائیم و بیابانا قه‌یره‌وان و گزیرتا سه‌رسار و بیابانا به‌عاج).
هاشمی كو د هه‌مان ده‌مدا ڤه‌كۆله‌ره د بیاڤێ گرۆپێن تیرۆرستی دا دبێژیت” ده‌ڤه‌را به‌عاج ڕێیا هه‌موو پرۆسێن ڤه‌گوهاستنێن له‌شكری و بازرگانی نه و ژ گرنگترین وان ڕێیان ( به‌عاج – جه‌زیره) و ( روتبه – هباریه) و ( قائیم – راوا) و ( ره‌قه – ئه‌لبو كه‌مال) و ( حه‌زه‌ر – مووسل) و ( صگار – درێشه) و (ره‌قه – تریفاوی) و ( عكاشات – قائیم – ئه‌لبو كه‌مال).
گوت ژی” ل ته‌موزا 2014 ێ، داعشێ هه‌رسێ باژێرێن (ئه‌لبو كه‌مال و هه‌جین و قائیم) تێكهه‌لكرن و ناڤه‌كێ نوو دانا سه‌ر ئه‌وژی (ویلایه‌تا فورات) و ل شوباتا 2015 ێ ویلایه‌تا جه‌زیره راگه‌هاند كو ژ باژێرێن (شنگال و زومار و ته‌له‌عفه‌ر و ته‌ل عه‌بته و حه‌مه‌دانیه و قه‌یره‌وان و شه‌مال و عه‌یازیه و به‌عاج پێكدهات) و ئه‌ڤ دابه‌شكرنێن نوو یێن وان باژێران ژلایێ داعشێ ڤه ستراتیژیه‌تا باژێرێن ئه‌لترناتیڤ بوو ژلایێ داعشێ ڤه پشتی شكه‌ستنێ و ئه‌وژی باژێرێن رۆژئاڤا عیراقێ و رۆژهه‌لاتا سووریێ كو باژێرێن سنۆری نه و به‌ری نوكه نه شكه‌ستینه و گرۆپێن ته‌كفیری هه‌ر ژ سالا 2003 ێ ل هنده‌ك ژ وان باژێران یێن هه‌ین و گرۆپێن قه‌چاخچیان ژی یێن لێ هه‌ین، و هنده‌ك ده‌ڤه‌ر ژوان ده‌ڤه‌رێن چاندنێ نه ب تایبه‌تی ب گه‌نمی و جه‌هی و هه‌تاكو ماده‌ێ هوشبه‌رێ (قه‌نه‌ب هندی) و ئه‌ردێ بیابانێ یێ به‌رفره‌ه لێ هه‌یه و شه‌قێن مه‌زن یێن ئه‌ردی یێن لێ هه‌ین كو جهێن گونجاینه بۆ عومبارێن له‌شكری و لۆژستی و دگونجاینه ژی ببنه سه‌ربازگه‌هێن مه‌شقدانێ و ئه‌ڤ باژێره ژلایێ عه‌شائیری ڤه د تێكهه‌لن ل گه‌ل باژێرێن سنۆری یێن رۆژهه‌لاتا سووریا و ئالوگۆریێن بازرگانی و ئابووری یێن دناڤ واندا هه‌ین”.
گوت ژی” پتریا سه‌ركردێن مه‌زن یێن داعشێ ئه‌وێن هاتینه كوشتن، ل ده‌ڤه‌را به‌عاج یێن هاتینه كوشتن و (عه‌دنانی) په‌یڤدارێ داعشێ هه‌ر ل سه‌ر ئاخا به‌عاج خیلافه‌ت راگه‌هاندبوو و هه‌تاكو هه‌موو به‌لگه و راپۆرت ئاماژێ دده‌ن كو ئه‌به به‌كر به‌غدادی ب خوه ژی یێ ل وێ ده‌ڤه‌رێ”.
دیاركر” دبیت باژێرێ به‌عاج سه‌نته‌رێ سه‌نگا وان ویلایه‌تێن سنۆری بیت، عه‌شیره‌تێن وان ده‌ڤه‌رێ وزه و چه‌كه‌كێ گرنگه دده‌ستێ داعشێ دا، ژ گرنگترین وان عه‌شیره‌تان ژی ل درووڤ هنده‌ك راپۆرتێن ناڤخوه‌یی، عه‌شیره‌تێن (خاتونی و متێوت و زبێدات (ئه‌لعبێد) كو پتریا ئه‌ندامێن وان عه‌شیره‌تان یێن گه‌هشتینه داعشێ و رێژه‌كا كێم ژی یێن بۆ توركیا و هه‌رێما كوردستانێ ڕه‌ڤین، دیسا هه‌موو لایه‌ن ئه‌ندامێن وان هه‌رسێ عه‌شیره‌تان ئه‌وێن گه‌هشتینه داعشێ ، دیسا هه‌موو لایه‌ن ئه‌ندامێن وان هه‌رسێ عه‌شیره‌تان ئه‌وێن گه‌هشتینه داعشێ دكه‌نه ئه‌گه‌رێ وێ كاره‌ساتا ب سه‌رێ ئێزدیان هاتی، سه‌باره‌ت عه‌شیره‌تێن (ساده ئه‌لبو سه‌لامه) ( ئه‌لشێخ عیسا) و عه‌شیره‌تا ئه‌لحه‌سون ( ئه‌لجبور) و عه‌شیره‌تا (عگێدات) نێڤه‌كا وان یێن ل گه‌ل داعشێ و ییچن دی ئاواره‌ی گوندێن ده‌وروبه‌ری به‌عاج بووینه، هژماره‌كا كێم ژ عه‌شیره‌تێن (شمه‌ر و حه‌دیدی و راشد) گه‌هشتینه داعشێ و ییچن دی هه‌موو یێن هاتینه ده‌ربه‌ده‌ركرن و ئاواره‌كرن بۆ ده‌رڤه‌ی ده‌ڤه‌رێن دبن كونترۆلا داعشێ دا”.
قه‌زا به‌عاج سه‌ر ب پارێزگه‌ها نه‌ینه‌وا ڤه‌یه و دكه‌ڤیته رۆژئاڤایێ باژێرێ مووسلێ و باشوورێ باژێرێ شنگالێ ل سه‌ر سنۆرێ عیراقێ و سووریێ و حه‌سه‌كه باژێرێ هه‌ڤسنۆرێ وێ یه ژلایێ سووری ڤه.
نيشاندان