بەرواری بالا،زنار تۆڤی:
شەڤا دەربازبووی 6.3.2016 پێلەکا سەرمایێ دەڤەرا بەرواری بالا ڤەگرت و د ئەنجام دا سەقایێ ڤێ دەڤەرێ گەلەک ساربوویە و پلێن گەرماتیێ دابەزینە و ل چەندین گوندێن ڤێ دەڤەرێ ژی بەفر باریە.
ل شەڤا ئێکشەمبی رێژەکا باش یا بەفرێ ل گوندێن بناڤیێ و هەدێنە و ئۆرە و بێدوهێ و دێشێشێ و چەندین گوندێن دیتر و هەروەسا ل خالا گومرکا سەرزێری و بارۆخێ ژی باریە،ل چیایان ژی گەلەک بەفر باریە و هەروەسا رێژەیەکا باش یا بارانێ ژی ل دەڤەرا بەرواری بالا باریە .
ئه‌ڤرۆ نیوز:
پارتى دیموكراتى كوردستان و ئێكه‌تیا نیشمانى كوردستان بڕیاردان ب كریار پێنگاڤ بۆ ئاسایى كرنا ره‌وشا هه‌رێمێ و كاراكرنا په‌رله‌مانێ كوردستانێ بهێنه هاڤێتن و رژدى ل سه‌ر هه‌ڤپه‌یمانى و هه‌ماهه‌نگیا د ناڤبه‌را هه‌ردو ئالیان دا هاته كرن.
رۆژا 6 ئادارێ ، ب سه‌رپه‌رشتیا مه‌سعود بارزانى سه‌رۆكێ هه‌رێما كوردستانێ هه‌ردو مه‌كته‌بێن سیاسیێن پارتى و ئێكه‌تیێ ل پیرمام كۆمبوون، ل دووڤ راگه‌هاندنه‌كا كۆمبوونێ، به‌حسێ قه‌یرانێن هه‌رێما كوردستانێ هاتیه كرن ب تایبه‌ت قه‌یرانا سیاسى و چاره‌كرنا وێ ب بنه‌مایه‌ك بۆ بده‌ستڤه‌هاتنا ئێكهه‌لویستیێ د چاره‌كرنا قه‌یرانا ئابوورى و ئێمناهی و ئیدارى دا زانیه.
دیسان هه‌ردو ئالیان رژدى ل سه‌ر هه‌ڤپه‌یمانى و هه‌ماهه‌نگیا د ناڤبه‌را وان و پارتێن دى یێن كوردستانى كریه و ل سه‌ر وێ بنه‌مایێ بریار هاته دان رێێن چاره‌سه‌ركرنێ بهێنه دانان و ب هه‌ڤكاریا هه‌موو لایه‌ك و ب ئێك هه‌لویستى پێنگاڤێن كریارى بۆ ئاسایى كرنا ره‌وشا هه‌رێمێ و بكارخستنا په‌رله‌مان و بهێزكرنا كاروبارێن حكومى یێن حوكمه‌تێ بهێنه هاڤێتن.
ئه‌ڤرۆ نيوز، عه‌دنان رێكانى:
په‌رله‌مانتارێ پارتى ديموكراتى كوردستان ل په‌رله‌مانێ كوردستانێ راگه‌هاند كو دژى فه‌رمانا وه‌زاری یا وه‌زاره‌تا ناڤخو سه‌باره‌ت زێده‌كرنا رسومات و سزایێن دارای یێن هات و چوویێ ئه‌و دێ سكالايه‌كێ ل وه‌زاره‌تا ناڤخۆى تۆمار كه‌ت.
دلشاد شه‌عبان، ئه‌ندامێ په‌رله‌مانێ كوردستانێ ل سه‌ر فراكسيۆنا پارتى ديموكراتى كوردستان ل په‌يجێ خوه يێ فه‌رمى پۆسته‌ك به‌لاڤكريه و تێدا ئاماژه ب وێ چه‌ندێ ژى كريه كو ل دادگه‌ها ئيدارى ل هه‌ولێر ل دوور ڤێ بڕيارێ ئه‌و دێ سكالايێ تۆمار كه‌ت.
ده‌قێ نڤيسارا دلشاد شه‌عبان ل گه‌ل به‌لگێ داخوازيێ:
پشتی وه‌رگرتنا زانیاریا ل سه‌ر فه‌رمانا وه‌زاری یا وه‌زاره‌تا ناڤخو سه‌باره‌ت زێده‌كرنا رسومات و سزایێن دارای یێن هات و چوویێ، خودێ حه‌ز كه‌ت روژا دووشه‌مبی ل هه‌ڤلێرێ ل دادگه‌ها ئیداری دێ ڤێ سكالایێ بدژی وه‌زاره‌تا ناڤخو توماركه‌م، هیڤیدارم ئه‌نجامه‌كێ باش هه‌بیت .. مه‌ره‌ما من ژ به‌لاڤكرنێ بشته‌ڤانى یا هه‌ویه ب دیكومینت ژ ئه‌ڤرو هه‌تا دووچه‌مبی دێ ڤی پوشتی ب كومینت و لایكێن هه‌وه هه‌ڤپێچی سكالایێ كه‌م.
ئەڤرۆ نیوز:
رۆژنامەیا ” لاگازیتا دیللو سبورت ” یا ئیتالی دیارکری یە ھەردو یانێن فیورنتینا یا ئیتالی و مانچستەر یوناید یا ئینگلیزی حەزا ئینانا یاریکەرێ ھێلا بەرەڤانیێ یا یانە بەرشەلۆنا مارک پاترا ھەیە .
ھەردیسان وێ رۆژنامێ دیارکری یە ژی ھەردو یانا ھەڤرکیەکا ب ھێز ل گەل ئێک کەن لێ دبیت جەنسێ یانا ئیتالی زێدەتر بیت ژبەرکو وێ یانێ ١٢ ملیون یورۆ پێشکێشی یانا کەتەلونی کری نە بۆ دەستڤە ئینانا ڤی یاریکەری.
ئه‌ڤرۆ نيوز:
ئه‌حمه‌د عه‌بدولا زوبێر، به‌رپرسێ راگه‌هاندنێ ل رێڤه‌به‌ريا گشتيا په‌روه‌ردێ ل پارێزگه‌ها دهۆكێ راگه‌هاند: سوبه‌هێ ژڤانێ چاڤپێكه‌فتنێ یه بو به‌ربژێرێن پوستێ رێڤه‌به‌رێن په‌روه‌ردێن قه‌زا رێڤه‌به‌ریا گشتی یا په‌روه‌ردا پارێزگه‌ها دهوكێ ئه‌وان به‌ربژێران ئاگه‌هداردكه‌ت كو ناڤێن وان ده‌رچووین بو ( چاڤپێكه‌فتنێ ) ب مه‌ره‌ما وه‌رگرتنا پوستێ ( رێڤه‌به‌ریا په‌روه‌ردا قه‌زا سێمێل – رێڤه‌به‌ریا په‌روه‌ردا قه‌زا به‌رده‌ره‌ش).
زێده‌تر گۆت: “سوبه‌هی رێكه‌فتی 7/3/2016 ل ده‌م ژمێر ( 10:00 ) سپێدێ سه‌ره‌دانا رێڤه‌به‌ریا گشتی یا په‌روه‌ردا پارێزگه‌ها دهوكێ بكه‌ن ب مه‌ره‌ما چاڤپێكه‌فتنێ دگه‌ل لیژنا تایبه‌ت بو تمامكرنا پروسا ده‌ست نیشانكرنا كه‌سێ خودان شیان بو وان پوستان لدویف وان مه‌رج وپیڤه‌رێن هاتینه دانان”.
ئەڤرۆ نیوز:
پشتی ستێرا ریال مەدرید و ھەلبژارتیێ پرتوگال ل سالا ٢٠١٥ ژ ھەڤالا خوە یا روسی ئرینا شایک جودابووی بەردەوام ھزر ل ھەڤالەکا نووی کەت ژ بوو وێ چەندێ ئەو ھەڤال وەکو ئرینا شایک بیت بەردەوام بیت د ژیانا وی دا ھەر چەند ل ماوێ بوری پەیوەندیێن وی ل گەل ھژمارەکا کچێن بەرنیاس ل ئورۆپا بوون لێ بتنێ بو کەیخوشحالی و روینشتێن یانێن شەڤێ ئاھنگابوون.
خوشکا کیم کارداشیان کەساتیا ئەمریکی یا بەرنیاس و نمایشکارا جلوبەرگان کیندال جینەر دەستخوشی ل رونالدوی کری یە ل ئنستگرامی وی یێ تایبەت پشتی تومارکرنا چار گولان د یاریا شڤێدی دا بەرامبەر سلتاڤیگو و لایک ل چەندین وێنەیێن رونالدوی داینە و ھەردیسان رونالدوی ژی ئەو فلوکری یە و ب رێیا نامەیا ئەوان پەیوەندی ب ئێکو دو کریە.
رۆژنامەیێن ئورۆپی وەسا ژی دایە دیارکرن رونالدوی کیندال جینەر خوشکا بچووک یا کیم کارداشیان داخوازی ئێک ژ یاریێن ریال مەدرید کریە کو ل یاریگەھێ ئامادەبیت داکو پتر نێزیکی ئیک بن و وێ ژی دلخوشحالیا خوە دیارکری یە کو ئەوژی وەکو رونالدوی نوکە لێگەریانا ھەڤالەکێ نووی دکەت پشتی ھەڤالێ وی یێ بەری نوکە خیانەت ل وێ کری .
ھەژی گوتنێ یی کیندال جینەر یا ٢١ سالی ئێک ژ کەسێن بەرنیاس ل سەر شاشێن ئەمریکی یێن ناڤودەنگ و نمایشکارا جلوبەرگانە ل ئەمریکا نوکە ئەو ل باژێرێ پاریس یێ فەرەنسی دژیت
ئەڤرۆ نیوز:
تیما زاخۆ یا پشکدار دخولا کوردستانێ دا دو یاریکەرێن تیما خولا عیراقێ ل تیما خوە زێدەکرن بۆ یاریێن بھێت ژ خولا فاستلینک یا کوردستانێ ژ بوو ب ھێز ئێخستنا پێکھاتیێ تیما خوە .
ئەو ھەردو یاریکەرێن ل تیما زاخۆ ھاتینە زێدەکرن ئەوژی ھەر ئێک ژ ئاریان موستەفا ل ھێلا ھێرشبەریێ و گولچیێ تیمێ دلوڤان مەھدی و دھێتە چاڤەرێکرن ژی ل ماوێ چەند رۆژێن بھێت ھژمارەکا دی ژی یا یاریکەران ل تیمێ زێدەبکەت تایبەت پشتی تیما خولا عیراقێ یا زاخۆ نەشیای دەربازی قوناغا بژارە بیت.
ھەژی گوتنێ یە تیما زاخۆ دێ یاریا بھێت ژ خولێ دێ ھەمبەری سەرکێشا کوما ئێکێ یانا ھەولێرێ کەت ل یاریگەھا خوە .
ئه‌ڤرو نیوز،هه‌ژار مه‌عروف:
کچا باژێرێ زاخۆ روژین سه‌عید ئه‌ڤرو شیا رێزا ئێکێ ب ده‌ستخوڤه بینت د قاره‌مانیا یاریێن میدانێ لێ سه‌ر ئاستێ عیراقێ پشتی د یاریا ٤٠٠ م بوویه یا ئێکێ، کو نوکه هه‌ڤرکیێن وێ ل باژێرێ به‌غدا هێنه‌کرن .
هه‌ژی گوتنێ یه روژین سه‌عید نوکه یاریێ بۆ یانا پێشمه‌رگا سلێمانیێ که‌ت ژبه‌ر نه‌بوونا یانا ل پارێزگه‌ها دهوکێ په‌یوه‌ندی ب یانه‌کا باژێرێ سلێمانیێ کریه.
ئەڤرۆ نیوز، کاروان باعەدری:
دیاریا شڤێدی یا خۆلا ئیسپانی دا یانەیا ریال مەدرید سەرکەڤتنەکا مەزن ل سەر یانەیا سلتاڤیگۆ تومارکر ب حەفت گولان بەرامبەر گولەکێ، و دوێ یاریێ دا ستێرا ریال کریستانو رونالدو شیا چار گولان توماربکەت و جەماوەرێ یاریگەھێ ھەمی ب تومارکرنا ئەوان چار گولان کەیف خۆشیا خو دەربری ، لێ بتنێ کوڕێ کرستیانۆی ھاژ یاریێ نەبوو ب موبایلا خۆڤە یێ مژوول بوو .
دچەندین تورێن جڤاکی یێن جیھانی دا بوویە جھێ کەنگەشێ و دیاردکرن کو کروێ رونالدو یاریا تەپا پێ دکر ب ب موبایلێ ئەوژی یاری ب مێسی دکر .
دھێتە زانین دچەندین دیداران دا کوڕێ رونالدوی دیارکربوو کو ئەو حەژیکەرێ مێسی یە و حەژ یاریا مێسی دکەت .
نيشاندان
