ئەڤرۆ نیوز:
پشتی ھەر ئێک ژ یانێن نەفت وەست زەورا،نەفت و تەلەبە ژ کوما ئێکێ  و جەویە، مینا،شورتە و بەغدا ژ کوما دوێ دەربازبووینە خولا بژارە یا عیراقێ و ئێکەتیا تەپا پێ ھەر ئەڤرۆ کومبوونەک گرێدا ژبەر دەست نیشانکرنا یاریێن خولا بژارە و شێوازێ خولێ ل گەل نوونەرێن ھەر ھەشت یانا .
د وێ کومبوونێ دا ئێکەتیا تەپا پێ بریار دا ئەو یانە جھێ خولێ دەستنیشان بکەن ل سەر رازەمەندیا خوە کو دو باژێر ھاتبوونە ژێگرتن ئەوژی بەسرا و بەغدا پشتی چەندین گەنگەشێ ل دووماھیێ بوو دەنگدان دناڤبەرا نوونەرێن یانا و د وێ دەنگدانێ دا یانێن بەغدا کونترول کر ئەوژی ھەر شەش یانێن بەغدا دەنگێ خوە دا خول باژێرێ بەغدا بھێتەکرن و ھەردو یانێن مینا و نەفت وەست دژی ئەڤێ بریارێ بوو، ئێکەتیا تەپا پێ ژی بریار دا ب فەرمی یاریێن خولێ ب شێوەیێ خول ئێک قوناغا ل ھەر چار یاریگەھێن شەعب و ئەمانە بەغدا و سیناعە و کەرخ یێن باژێرێ بەغدا بھێنە برێڤەبرن.

ئه‌ڤرۆ نيوز:

كريستيانو رونالدو، هێرشبه‌رێ ريال مه‌دريد ب چار گولان به‌رسڤا ره‌خنێن راگه‌هاندنێ و ياريكه‌رێن به‌رامبه‌ر وى دا.

ئەڤرۆ نیوز:
ئێکەتیا تەپا پێ یا کوردستانێ د کومبوونا خوە یا حەفتیانە دا بریار دا یاریێن مای یێن کوما ئێکێ ژ گەرا ١١-١٢-١٣ ل ماوێ ھەشت رۆژان دا ب دووماھی بینن و یاریێن ھەر سێ گەرا دەستنیشانکرن ئەوژی یاریێن گەرا یازدێ ل رۆژا پێنج شەمبیا بھێت ل ١٠-٣-٢٠١٦ بھێنەکرن و گەرا دوازدێ ل رۆژا دوشەمبیێ ١٤-٣-٢٠١٦ و گەرا سێ زدێ ل رۆژا ھەینێ ١٨-٣-٢٠١٦ بھێنەکرن .
ئێکەتیا تەپا پێ یا کوردستانێ ئەڤ بریارە دایە ژ بوو ئەوێ بشێن ب زیترین دەم یاریێن ڤێ کومێ ب دووماھی بینن کو پشتی یاریێن کوما دوێ ب دووماھی ھاتین.
ھەژی گوتنێ یە نوکە ھەڤرکی یێن کوما ئێکێ یا بەردەوامە ل سەر دەربازبوونێ ھەردیسان پاشڤەزفرینێ کو دو نوونەرێن پارێزگەھا دھۆکێ دڤێ کومێ دا پشکدارن ئەوژی زاخۆ و زێرەڤانی.

ئەڤرۆ نیوز:
بریارە ھەلبژارتیێ عیراقێ ل دووماھیا ڤێ ھەیڤێ دو یاریێن چارەنڤێسی ژ ڤاڤارتنێن موندیالا جیھانی ل گەل ھەردو ھەلبژارتیێن تایلەند و فێتنام بکەت و بەری ئەڤان ھەردو یاریان دربەکێ مەزن ب ھەلبژارتیێ عیراقێ یێ تەپا پێ کەڤت ئەوژی ستێرا ھێلا ناڤینا یانا سویندن تاون یا ئینگلیزی و ھەلبژارتیێ عیراقێ نەشێت پشکداری د ھەردو یاریان دا بکەت.
باسل گورگیس رێڤەبەرێ ھەلبژارتیێ عیراقێ دیارکری یە راپورتێن نوژداری وەسا ل وێ یانێ دیارکری یە ھەتا نوکە یاریکەر ژ ھنگافتنێ ب دووماھی نە ھاتیە ھەر چەندە بریار بوو ل حەفتا بھێت ڤەگەریتە یاریگەھان و راھێنانێن یانا خوە لێ وەسا ھاتیە دیارکرن ھنگافتنا وی یا دژوارە دبیت بۆ چار حەفتیێن دی ژێ ڤەکێشت.