ئەڤرۆ نیوز:
بریارە سوباھی یاریێن گەرا دەھێ ژ خولا فاستلینک کوردستانێ یا پلا نایاب بھێنەکرن کو ھەردو نوونەرێن پارێزگەھا دھۆکێ دکوما ئێکێ دا دێ یاریێن خوە ژ دەرڤەی یاریگەھا خوە کەن زێرەڤانی د یاریا دەلیڤەیا دووماھیێ دا دێ ل گەل ھندرین کەت و زاخۆ یاریەکا ب زحمەت ھەمبەری شێروانە کەن.
ل یاریگەھا خوە یانا ھندرین دێ مێڤانداریا یانا زێرەڤانی کەت کو شەش یاریکەرێن تیما ھەولێر یا خولا عیراقێ دڤێ یاریێ دا دێ بوو ھەردو تیمان کەن کو پێنج یاریکەر بۆ ھندین و ئێک بۆ زێرەڤانی ب شێوەیەکێ خواستن ژ یانا ھەولێرێ بۆ ھەردو یانا ھاتینە ڤەگوھاستن .
تیما زێرەڤانی خودانا ١٠ خالان ھەر ئەنجامەکێ نە چاڤەرێکری دێ مەترسی ل سەر وێ توماربکەت دبیت خوسارەتیا وێ د یاریا سوباھی دا بیتە ئەگەێ مەترسیا پاشڤەزفرینی و سەرکەفتنا وێ دێ ھیڤێن وێ گەگەرینت جارەکا دی بۆ ھەڤرکیا دەبازبوونێ چار گوشا زێرین.
ژلایەکێ دیڤە یانا زاخۆ دێ یاریا خوە بەرامبەر شێروانە ل یاریگەھا کەلار کەت کو ئەرکێ یانا زاخۆ دڤێ یاریێ دا دێ گەلەک یێ ب زحمەت بیت ژبەرکو تیما زاخۆ یا خولا کوردستانێ نوکە رەوشەکا لاواز دا بوریت ماوێ چار رۆژە یاریکەرێن تیمێ پایکوتا راھێنانێن تیمێ کری یە و ئەڤرۆ کارگێریا یانێ ھژمارەکا یاریکەرێن تیمێ رازی کریە جارەکا دی رازیبکەن و ڤەگەرنە پێکھاتیێ تیمێ و بۆ یاریا سوباھی ئامادەبن.
ژلایەکێ دیڤە یانا ھەولێرێ دێ ل یاریگەھا خوە مێڤانداریا یانا کەرکوک کەت .
ھەولیستێ کوما ئێکێ ب ڤی رەنگی یە بەری یاریێن گەرا دەھێ ب ڤی شێوەیە
ھەولێر ١٦ خال
زاخۆ ١٢ خال
شێروانە ١١ خال
کەرکوک ١١ خال
ئارارات ١٠ خال
زێرەڤانی ١٠ خال
ھندرین ٦ خال

ئەڤرۆ نیوز، ھەژار مەعروف:
سەرپەرشتێ تیما زاخۆ یێ تەپا پێ یا زاخۆ یا پشکدار دخولا کوردستانێ دا رەتکر کو ئەو ناچنە یاریا سوباھی دیارکر ئەو دێ سوباھی ل یاریگەھا کەلار ئامادەبن بۆ کرنا یاریا خوە یا ڤێ حەفتیێ ھەمبەری شێروانە .
زێدەتر د پەیوەندیەکا تەلەفونی دا سکڤان محەمەد بۆ ئەڤرۆ نیوز دیارکر کارگێریا یانێ شیان یاریکەرێن تیما خوە یا خولا کودستانێ رازی بکەن جارەکا دی پەیوەندی ب یانێ بکەن پشتی ماوێ سێ رۆژان بایکوتا راھێنانان کری ژبەر نەدانا پشکا ئێکێ ژ ھەڤبەستێن ئەوان .
زێدەتر سەرپەرشتێ تیمێ دیارکر چو راسی بۆ ئەوان دەنگوباسان نین ئەوێن دیارکرین ئەو دێ ل یاریا بھێت یا خولا کوردستانێ خوە ڤەکێشین و ھەکە ب ھژمارەکا یاریکەرێن گەنج پشکداری کری یە ئەو دێ ل یاریگەھێ ئامادەبن و بەرەڤانیێ ژ ناڤێ یانا زاخۆ کەن.
ھەژی گوتنێ یە یاریکەرێن تیما زاخۆ یا خولا کوردستانێ سێ رۆژانە بایکوتا راھێنانان کریە و بۆ ڤێ یاریێ ژی ھژمارەکا ژ ئەوان یاریکەران ئامادە نابن .

ئەڤرۆ نیوز:
ستێرا بەرازیلی و یاریکەرێ یانا بەرشەلۆنا نیمار دا سێلڤا ل ئینستگرامێ خوە پارچە ڤیدیویەک بەلاڤەکری یە ل گەل ستێرا بەرنیاس یا ھولیود کلوی گرایس مارتێنیز و گەلەک رۆژنامە ئاماژە ب وێ چەندێ کریە دبیت پەیوەندیەکا نەھێنی یا ئەڤینی دناڤبەرا ھەردو ستێران دا ھەبیت.
ھژمارەکا دی یا رۆژناما وەسا ژی دایە دیارکرن گەلەک جاران نیمار و کلوی کومێنت و لایک ل وێنەیێن ئێک داینە ل ئینستگرامی ھەردیسان دیارکری یە ژی دبیت پەیوەندیەکا ئەڤینی دناڤبەرا ھەردو ستێران دا ھەبیت .
ھەژی گوتنێ یە کلوی گرایس مارتێنیز ئێک ژ بەرنیاسترین ئەکتەرێن ھولیود ل سالا ١٩٩٧ ل وەلاتێ ئەمریکا ژ دایکبوویە پشکداری د چەندین فلمێن بەرنیاس ل سەر ئاستێ جیھانێ دا کریە دھێتە ھژمارتن ئەکتەرەکا گرنگ د فلمێن ھولیود دا .