ئه‌ڤرۆ نیوز:
نووترين نووچه
- سەرۆك بارزانی و جێگرێ وەزیرێ دەرڤەیێ توركیایێ پرۆسەیا چارەسەریێ و ئاشتیێ گەنگەشە كر
- سەرۆك بارزانی پێشوازی ل هەژمارەكا نڤیسەر و ئەدیب و رەوشەنبیرێن عەرەب كر
- سەرۆك بارزانی پێشوازی ل سەرۆكێ هەڤپەیمانییا عەزم كر
- نێچیرڤان بارزانی پشتەڤانییا هەرێمێ بۆ پرۆسەیا ئاشتیێ دوپاتكر
- پێدڤییە هەموو كێشەیێن ل پێشبەری هنارتنا پەترۆلا هەرێمێ نەمینن
- د قووناغا بەلاڤكرنا پۆستانداینە
- نێچیرڤان بارزانی و سۆدانی دوپاتی ل سەر بەردەوامییا هەماهەنگی و هاریكارییا هەولێرێ و بەغدایێ كر
- سەرۆك بارزانی ل سالڤەگەڕا 37 یا تاوانێن ئەنفالێ: باشترین وەفاداری بۆ شەهیدێن ئەنفالێ ئێكدەنگییە دخزمەتكرن و پاراستنا وەلاتێ مە دا
- سەرۆك بارزانی پیرۆزباهیێ ل نووری مالكی و هومام حەموودی دكەت
- سەرۆك بارزانی پێشوازی ل شاندەكێ هەڤپشك یێ پەرلەمانێ بریتانیا و پەرلەمانێ ئێكەتییا ئۆرۆپا كر
سه‌ره‌كى Facebook
مێسى شوینگرێ خوه دیاركر
ئه‌ڤرۆ نیوز:
لیوێل مێسى ستێرا ئێكێ یا ئه‌رجه‌نتین و یانا به‌رشه‌لونا یا ئسپانێ شوونگرێ خوه بۆ ئاینده ده‌ستنیشانكر.
رۆژناما ” لاگازیتا دیلۆ سپۆرت”یا ئیتاڵى دیاركر كو مێسى داخواز ژ به‌رپرسێن یانا خوه كریه كو هه‌ر زوو داخوازیه‌كێ پێشكێشێ پاوڵۆ دیبالا یاریكه‌رێ یانا یوڤانتوس بكه‌ن، چونكه ئه‌و دێ بیته باشترین شوینگر بۆ وى.
دیبالا یێ ئه‌رجه‌نیتى ل وه‌رزێ ئه‌ڤ ساله ب كوژمێ 40 ملیون یورویان ل پالیرموو چو یوڤانتوس.
رۆنالدۆ و به‌یل و كه‌ریم بۆ مال
ئه‌ڤرۆ نیوز:
فلۆره‌نتینۆ پیرێز سه‌رۆكێ یانا ریال مه‌درید یا ئسپانى ب ژڤانه شوره‌شه‌كا مه‌زن د پێكهاتا یانا خوه‌دا بكه‌ت.
ل دووڤ ژێده‌رێن ده‌نگوباسا فلۆره‌نتینۆ پیرێز دێ ده‌ستبه‌رداى BBC بیت كو هه‌ر ئێك ژ رۆناڵدۆ و به‌یڵ و كه‌ریم بنزیمانه.
ژێده‌رێن ده‌نگوباسا دبێژین كو ل شوونا بى بى سى، دێ هه‌ر ئێك ژ هازارد، لیڤاندوفسكی و موراتا جهێ وان گرن.
نێچیرڤان بارزانى به‌حسێ چاكسازیا ئابوورى دكه‌ت
ئه‌ڤرۆ نیوز:
ئه‌ڤرۆ نێچیرڤان بارزانى د دیدارا جێگرێ وه‌زیرێ ده‌رڤه یێ ئه‌مریكا راگه‌هاند”هه‌رێما كوردستانێ پلانه‌ك بۆ چاكسازیێ د بوارێ ئابوورى دا به‌رهه‌ڤكریه.
ئه‌ڤرۆ نێچیرڤان بارزانى پێشوازیا جێگرێ وه‌زیرێ ده‌رڤه‌یێ ئه‌مریكا تۆنی بلینكن و شاندێ دبلوماسیێ ل گه‌ل دا كر.
سه‌باره‌ت ره‌وشا ئابوورى یا هه‌رێما كوردستانێ نێچیرڤان بارزانى سه‌رۆكێ حكوومه‌تا هه‌رێما كوردستانێ راگه‌هاند” هه‌رێما كوردستانێ پلانه‌ك بۆ ریفورم و چاكسازیێ د بیاڤێ ئابوورى دا به‌رهه‌ڤكریه”
شاندێ ئه‌مریكى ژى رژدى ل سه‌ر وێ یه‌كێ كر كو ژ ئالیێ بسپورى و راوێژكارى د بیاڤێ سه‌رخستنا چاكسازیان دا، ئه‌و دشێن هه‌ڤكاریا حكومه‌تا هه‌رێما كوردستانێ بكه‌ن.
وێنه‌كێ سه‌یر، نه بهارێ دورست خوه خه‌ملاندیه، نه پایزێ ب دروست خاترا خوه خاستیه
فوتو، ئه‌حمه‌د ئه‌دنى:
رۆژنامه‌ڤان ئه‌حمه‌د ئه‌دنى بۆ ئه‌ڤرۆ نیوز هنارتیه كو ديار دبيت ژبه‌ر ئه‌گه‌را سرێ، پایزا ئه‌ڤ ساله ب رێژه‌کا سه‌یر گل وگیا شین بو ل هنده‌ک جهان وه‌ک سروشتێ بهاراێ دیار دکه‌ت.
ئه‌ڤه وێنێ تاخه‌کێ گوندێ کانی سارکێ یه ل ده‌ڤه‌را به‌رواری بالا ل روژا 22/11/2015 هاتیه گرتن ل به‌روکێ وێنێ گوندى وه‌ک بهار دیاردکه‌ت و ل پشتێ نزار و خارێ مسه‌لمێ وه‌ک پایز دیار دبیت.
رۆژنامه‌كا بریتانی: ژناڤبرنا داعشێ پێدڤیه ب هه‌ڤپه‌یمانه‌كێ ناڤخوه‌یی یه
ئه‌ڤرۆنیۆز، ئه‌یاد به‌رواری
رۆژناما (ئیندبندنت) یا بریتانی به‌لاڤكر بۆ شكاندنا رێكخستیا ده‌وله‌تا ئیسلامی (داعش) یا تیرۆرستی، پێدڤیه هه‌ڤپه‌یمانه‌كێ ناڤخوه‌یی هه‌بیت و دیاركر كو ره‌وشا سیاسی یا نوكه یا گونجایه بۆ حوكمه‌تا بریتانی بۆ بریاردانێ ل سه‌ر پشكداریێ د شه‌ڕێ دژی داعشێ دا ل سووریێ، ب تایبه‌تی پشتی هێرشێن تیرۆرستی ل پاریس.
خویا ژی دكه‌ت” ئه‌مریكا و هه‌ڤپه‌یمانیا نێڤده‌وله‌تی دژی داعشێ هه‌شت هزار هێرشێن ئه‌سمانی یێن دژی داعشێ ئه‌نجامداین و هه‌تا نوكه نه‌شیاینه نوكه ژناڤببه‌ن، به‌لكو به‌رۆڤاژی، داعشێ هێرشێن خوه ل ده‌رڤه دژوارتر لێكرینه و په‌قینێن ئه‌نقه‌ره و به‌یروت و به‌غدا و سینا و پاریس په‌یدابوون”.
رۆژناما بریتانی ئاشكرا دكه‌ت، نوكه دانوستاندن ل سه‌ر گه‌له‌ك پێشنیازان دهێته كرن وه‌كو هنارتنا هێزێن له‌شكری یێن ئه‌ردی یێن ئه‌مریكی و بریتانی و فره‌نسی، لێ دبیت رازیبوونا مللی ل سه‌ر هنارتنا وان هێزان بۆ رۆژهه‌لاتا ناڤین نه‌بیت، له‌وما سیناریۆیا ب هێز ئه‌وه كو فرۆكێن بێ فرۆكه‌ڤان بهێنه بكارئینان، زێده‌باری كریارێن كوشتنا سه‌ركردێن داعشێ”.
دبێژیت ژی، هه‌كه چو هێزێن ئه‌ردی نه‌هێنه هنارتن و پشتبه‌ستن ژی ب هه‌ڤپه‌یمانه‌كێ ناڤخوه‌یی یێ ب هێز نه‌هێته كرن، هێرشێن ئه‌سمانی ب تنێ چو ئه‌نجام بۆ نابن.
ب دیتنا ڤێ رۆژناما بریتانی” له‌شكرێ عیراقی، سه‌ره‌رای وان هه‌موو میلیشیێن شیعی ئه‌وێن هاریكاریا وی دكه‌ن، نه‌شیاینه داعشێ ژ فه‌لوجه ده‌ربێخن كو تنێ 40 كیلۆمه‌تران ژ به‌غدا یا دووره و هه‌تا نوكه له‌شكرێ عیراقێ نه‌هاتیه سه‌ر خوه پشتی شكه‌ستنێن ل سه‌ر ده‌ستێ داعشێ خارین و ئه‌وا ل شنگالێ ژی په‌یدابووی ب ڕێیا پێشمه‌رگان بوو ب پشته‌ڤانیا ئه‌سمانی یا مه‌زن ژ لایێ هه‌ڤپه‌یمانیا نێڤده‌وله‌تی ڤه”.
ئینته‌رپۆل پتر ژ پێنج هزار توندره‌وێن بیانی ده‌ستنیشان دكه‌ت
ئه‌ڤرۆنیۆز، ئه‌یاد به‌رواری
سه‌رۆكێ رێكخراوا نێڤده‌وله‌تی بۆ هه‌ڤكاریێ د ناڤبه‌را ده‌زگه‌هێن پۆلیسان (ئینته‌رپۆل) راگه‌هاند، مه وه‌كو ئه‌نتربۆل ناسنامێن زێده‌تر ژ پێنج هزار و 800 توندره‌وێن بیانی ده‌ستنیشان كرینه ژ سه‌رجه‌مێ 25 هزاران كو گه‌هشتینه گرۆپێن توندره‌و ل سووریێ و عیراقێ و هنده‌ك وه‌لاتێن دی.
جورجن ستوك سه‌رۆكێ ئه‌نتربۆلێ ل كۆنگره‌كێ تایبه‌ت ل سه‌ر به‌هنگاریا تیرۆرێ ل باژێرێ ئه‌شبیلیا یێ ئیسپانی گوت” ئه‌و پێنج هزار و 800 توندره‌و ژ 50 وه‌لاتانه و داخواز ژ وه‌لاتان كر پتر د هه‌ڤكاربن ژبۆ ده‌ستنیشانكرنا ناسناما هه‌موو توندره‌وێن بیانی”.
كونگرێ به‌رهنگاریا تیرۆرێ ل ئیسپانیا بۆ ده‌مێ سێ رۆژان هاته گرێدان و تێدا بسپۆرێن هێزێن ئه‌منی ل جیهانێ پشكداری تێداكر و دانوستاندن ل سه‌ر ئالوگۆركرنا پێزانینان ل دۆر به‌هنگاریا تیرۆرێ هاتنه كرن.
سه‌رۆك بارزانى: دانيال ميتران كه‌سا ئێكێ بوو ژ بيانيا من ديتى رۆندك بۆ كوردان رێتى
ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ د ساليادا مشه‌ختبوونا دانيال ميتران ل باژێرێ هه‌ولێرێ گۆتاره‌ك پێشكێش كر و راگه‌هاند هه‌ر ده‌م ب چاڤێ هه‌ڤال و پشته‌ڤان ته‌ماشه‌ى فره‌نسا دكه‌ين.
بارزانى د وه‌سفێ دانيال ميتران دا، هه‌ڤژينا فرانسۆا ميتران سه‌رۆكێ مشه‌تخبوويێ فره‌نسا كو دوسته‌كێ نێزيكى كورد بوويه و ب دايكا كوردان يا به‌رنياس بوو، راگه‌هاند كو دانيال ميتران كه‌سا ئێكێ يا بيانى بوو ب چاڤێ خوه ديتبيت و رووندك بۆ كوردان رێتبن.
سه‌رۆكێ هه‌رێما كوردستانێ گۆتژى: “دانيال ميتران دلسۆزه‌كا ب وه‌فا يا گه‌لێ كورد بوو، ژ به‌ر هندێ هه‌رده‌م بيره‌وه‌ريا وێ ب زيندى رادگرين”.
بارزانى گۆتژى: “هه‌ر ده‌م ب چاڤێ دوستان پشته‌ڤانيا گه‌لێ كورد ل فره‌نسا ته‌ماشه دكه‌ين، فره‌نسا هاريكاره‌كا سه‌ره‌كى يا گه‌لێ كوردستانێ يه د شه‌رێ دژى داعش دا”.
ل گوێڕ ژمارەکا چەکدارێن داعش ھاتنه کوشتن
ئەڤرۆ نیوز، قائید میرۆ:
فڕۆکەیێن ھەڤپەیمانان ل ناحیا گوێڕ بنکە و بارەگایێن تیرۆرستێن داعش بوردۆمانکرن و د ئەنجامدا، ھژمارەک چەکدارەکێن داعش ھاتنە کوشتن.
ژێدەرەکێ پێشمەرگەی ل فەرماندەیا بارزان ب ئەڤرۆ نیۆز راگەھاند” ئەڤرۆ بەری نیڤرۆ فڕۆکەیێن شەڕکەرێن ھەڤپەیمانێن نێڤدەولەتی بنکە و بارەگایێن تیرۆرستێن داعش ل نێزیک ناحیا گوێڕ یا رۆژئاڤایێ باژێڕێ ھەولێرێ ب ھویری بوردۆمانکرن و د ئەنجامدا زیانێن مەزن یێن گیانی و ماددی گەھاندن تیرۆرستان، بەلێ ھژمارا کوشتیان ناھێتە زانین.
ئەڤی ژێدەری کو نەڤیا ناڤێ وی بھێتە بەلافکرن گۆتژی” ئەڤە سێ رۆژە لسەر ئێک فڕۆکەیێن ھەڤپەیمان بارەگایێن داعش ل سنورێ قەزا مەخموور و ناحیا گوێڕ دکەنە ئارمانج و ناھێلن داعش چو لڤینان بکەت ل دەڤەرێ.
بەحسێ خۆشتڤیێ خوە يێ نوو دکەت
ئەڤرۆ نيوز:
سترانبێژا دەنگ خوەش مژدینێ دیارکر کو ل سالا 2001 دەست ب کارێ ھونەری کریە، بۆ بەرپەرێ ھونەری یێ رۆژناما ئەڤرۆ گۆت: دەمێ من دەست ب ستران گۆتنێ کری من بۆچوونێن وان کەسان وەرگرتن یێن دگەل من دژین، بەلێ من بۆ چوونێن چو کەسا وەرنەگرتن، چونکو ل وی دەمی کارێ ھونەری بۆ ئافرەتان گەلەک ب زەحمەت بوو، بتنێ لەیلا فەریقی ستران دگۆتن و یێن دی ھەموو ترسیان وترس ل دناڤ دلێ وان دا بوو
مژدینێ ھێشتا گۆت: پشتەڤانیا رۆژتیڤی ژبیرناکەم چونکو ئەو گەلەک دگرنگن بۆ من و تاکە تەلەڤزیۆن بوو ل ئەورۆپا پشتەڤانیا ئافرەتان دکرب شێوەکێ پرۆفیشنال.
گۆت: من حەزدکر سترانەک ل گەل ھونەرمەندێ مەزن ئیبراھیم تاتلیساس گۆتبا بەری تووشی وێ روودانێ ببیت، و ھەروەسا من پێ خوەش بوو سترانەکێ لەگەل ھونەرمەندا مسریا بناڤ و دەنگا وەغەرکری (ئوم کەلسۆم)ێ گۆتبا، یان دگەل ھونەرمەندێً جیھانی یێ رەش (نێیو) گۆتبا.
مژدینێ گۆت ژی: گەلەک ھونەرمەندان داخازا سترانا دوقولی ژمن کریە، رازیبوویمە لێ پاشان دیاربوو دەنگێ وی ل گەل دەنگێ من نەدگۆنجی لەورا من رەت کرینە.
گۆت : من خۆشتڤیێ خوە ھەیە، من ل سەر وێ باوەریێ یێ ھەلبژارتی کو دئێک و دو بگەھین ئەگەر رۆژانە نەگەھینە ئەنجامەکێ باش و دئێک و دو نەگەھین و دەمەکێ بۆ من تەر خانە کەت باوەرناکەم ل گەلێک بژین و مەرج نینە وەکو من سترانبێژبیت.
گۆت: من گەلەک ستایلێن بیانی خواندینە و حەز دگەم کەسەکا دەولەمەندبم داکو کارێن ھونەری پێ ئەنجام بدەم.
نيشاندان
WP Facebook Auto Publish Powered By : XYZScripts.com