ئه‌ڤرۆ نيوز:

كارلا اكينتۆ ئه‌و ژنا مه‌كسيكى يه‌ يا 43.200 جاران ده‌ستدرێژيا سكسى كريه‌ سه‌ر د ماوێ چار سالان دا ژ لايێ كۆمه‌كا كه‌سان.

ئه‌و ژنا مه‌كسيكى بۆ مالپه‌رێ CNN دبێژيت: “رۆژانه‌ ژ لايێ 30 زه‌لامان ڤه‌ ده‌ستدرێژيا سكسى كريه‌ سه‌ر من و د حه‌فتيه‌كێ دا حه‌فت رۆژان و بۆ ماوێ چار سالان وه‌سان يا ژيايم”.

راگه‌هانديه‌ ژى كو ده‌ما ئه‌و پێنج سال ده‌ستدرێژى ژ لايێ كه‌سه‌كێ نێزيكێ وێ كريه‌ سه‌ر پاشان د ژيێ 12 ساليێ دا ژ لايێ گرۆپه‌كێ بازرگانيكرنێ ب مرۆڤان ڤه‌ هاتيه‌ ره‌ڤاندن و ماوێ چار سالان ل وێرێ مايه‌.

كارلا وه‌كو ئه‌و ب خوه‌ دبێژيت د جه‌هنه‌مێ دا ژيايه‌ ده‌ما خۆشتڤيێ وێ نه‌چار كريه‌ كو په‌يوه‌نديا سكسى ل گه‌ل زه‌لامێن دى بكه‌ت ژ سپێدێ و هه‌تا ئێڤارى، ئه‌ڤ ژنا مه‌كسيكى د ژيێ 15 ساليێ دا زارۆيه‌ك ژ وى زه‌لامى دبيت و هه‌ر ژ ئه‌گه‌رێ وێ چه‌ندێ ژى ژن نه‌چار دبيت پابه‌ندى هه‌موو داخوازيێن وى ببيت.

سالا 2006ێ ئه‌ڤ ژنه‌ ژ لايێ پۆليسێن مه‌كسيك د ژيێ 23 ساليێ دا رزگار دبيت و نوكه‌ ژى دياردا بازرگانيكرنێ ب ژنان ل جيهانێ گه‌له‌ك يا به‌ربه‌لاڤه‌، هه‌ر چه‌نده‌ چالاكڤانێن مافێن مرۆڤى كار ژ بوو نه‌هێلانا وێ دكه‌ن، به‌لێ خوه‌ نه‌شياينه‌ كێم كه‌ن ژى و ڤێ دووماهيێ ئه‌ڤ ديارده‌ ل عيراقێ ژى هه‌يه‌.