ئه‌ڤرۆ نیوز:
كورته فلمێ بێ ده‌نگ..زه‌لام و دز
نووترين نووچه
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
- مەسرور بارزانی: پێدڤییە بەرپرسێن پارتی زێدەتر خزمەتا خەلكی بكەن
- هیڤیدارین حوكمەتا فیدرال مووچەی نەكەتە پرسەكا سیاسی
- بەغدا مووچەی وەك كارەتەكا فشارا سیاسی بەرانبەر هەرێما كوردستانێ ب كار دئینیت
- مافێ چارەنڤـیس، مافـەكێ سروشتیێ نەتـەوەیا كـوردە
- نێچیرڤان بارزانی ب فەرمی بۆ وەلاتێ قەتەرێ دهێتە ڤەخواندن
- نێچیرڤان بارزانی و مەسرور بارزانی پیرۆزباهیێ ل شیرەتكارێ نوو یێ ئەلمانیایێ دكەن
- سەرۆكێ حوكمەتا هەرێمێ دوپاتیێ ل بهێزكرنا پەیوەندییان ل گەل هندستانێ دكەت
- خسرۆ گۆران: روودانێن دەڤەرێ كاریگەری ل سەر هەلبژارتنێن ئیراقێ نابیت
- نێزیكی 50 هزار تیرۆرست و كەسوكارێن وان مووچەیێ شەهیدان ژ حوكمەتا ئیراقێ وەردگرن
سه‌ره‌كى Facebook
بڕیاره‌كا شاشبوو حكومه‌تێ داى
ئه‌ڤرۆ نیۆز، رێوار مزیرى:
ب مه‌ره‌ما ژ نێزیك ئاگه‌هداربوون ل سه‌ر ره‌وشا سه‌نته‌رێن ره‌وشه‌نبیرى ل پارێزگه‌ها دهۆكێ ئه‌ڤرۆ رۆژا سێشه‌مبى 17/11/2015 ل ده‌مژمێر 10 ى سپێدێ، (ئه‌یوب ره‌مه‌زان) رێڤه‌به‌رێ گشتى یێ ره‌وشه‌نبیرى و هونه‌رى ل گه‌ل به‌رپرسێن هه‌موو سه‌نته‌رێن ره‌وشه‌نبیرى ل سنوورێ پارێزگه‌ها دهۆكێ ل هولا كۆمبوونان ل رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ كۆمبوو.
ئه‌یوب ره‌مه‌زان، رێڤه‌به‌رێ گشتى یێ رێڤه‌به‌ریا ره‌وشه‌نبیرى و هونه‌رى ل دهۆكێ پشتى ده‌ستخوه‌شى ل كارێ ئه‌و كه‌سێن د ناڤ سه‌نته‌رێن ره‌وشه‌نبیرى دا كاردكه‌ن كرى ئاماژه دا وێ چه‌ندێ كو ئه‌و بڕیارا وه‌زاره‌تا دارایى و ئابوورى یا حوكمه‌تا هه‌رێما كوردستانێ ل سه‌ر بڕینا به‌خشینا هه‌یڤانه یا سه‌نته‌ران داى یا شاشبوو، و گۆت: “راسته نوكه سه‌نته‌ر به‌خشینێن خوه یێن هه‌یڤانه ناوه‌رگرن و به‌هراپتریا وان د بێ ئاڤاهى نه، به‌لێ ئه‌ڤه نابیته ئه‌گه‌رێ وێ چه‌ندێ كو ئه‌و كه‌سێن چالاك و خوه‌به‌خشێن د ناڤ ڤان سه‌نته‌ران دا كاردكه‌ن چو چالاكییان ئه‌نجام نه‌ده‌ن، چونكى ده‌مێ سه‌نته‌ران ئاڤاهى ژى هه‌ین بتنێ چه‌ند ژوره‌كێن كارگێرى هه‌بوون و چالاكیێن خوه ژ ده‌رڤه‌ى ئاڤاهیێن سه‌نته‌رێن خوه ئه‌نجامدان ژ به‌ر ڤێ چه‌ندێ نوكه ژى د شێن هه‌مان چالاكییان بێ ئاڤاهى ئه‌نجام بده‌ن”.
فه‌رمانده‌ك به‌حسێ ڤه‌لڤینێن داعش پشتى ل شنگال شكه‌ستى دكه‌ت
ئه‌ڤرۆ نیۆز، قائید میرۆ
فه‌رمانده‌یه‌كێ هێزا پێشمه‌رگه‌ی دیاركر، داعش ده‌ست ب زنجیره‌كا هێرشان بۆسه‌ر هێزێن پێشمه‌رگه‌یكریه و هه‌موو هێرش هاتینه شكاندن.
به‌هرام عه‌ریف یاسین، فه‌رماندێ پێشمه‌رگه‌ی ل میحوه‌رێ باشیك ب ئه‌ڤرۆ نیۆز راگه‌هاند” پشتی شكه‌ستنا گروپا داعش ل شنگالێ، وره‌یا چه‌كدارێن وان وه‌ك به‌رێ نه‌مایه و زۆر لاوازبووینه، له‌وڕا بۆ بلندكرنا مۆڕالا چه‌كدارێن خوه داعش چه‌ند رۆژه‌كه ده‌ست ب زنجیره‌كا هێرشان بۆسه‌ر هێزێن پێشمه‌رگه‌ی كریه.
به‌هرامی گۆت ژی” ئه‌ڤ هێرشێن داعش چو كاریگه‌ری ل سه‌ر پێشمه‌رگه‌ی نینه و هه‌موو هێرشێن وان هاتینه شكاندن و سه‌دان چه‌كدارێن تیرۆرست هاتینه كوشتن، پشتی ئۆپه‌ڕاسیۆنا شنگالێ مه پێشبینیا ڤان هێرشان دكر.
ڤیدیو: ئاڤاهیه‌ك كو درێژاهیا وێ 118 مترن د 13 چركان دا دهه‌رفیت
ئه‌ڤرۆ نیوز وینێ ئێكه‌م دوكانا ل شنگال هاتیه ڤه‌كرن به‌لاڤ دكه‌ت
ئه‌ڤرۆ نیوز:
رۆژنامه‌ڤان مراد هه‌سكانى، وێنه‌ك بۆ ئه‌ڤرۆ نیوز هنارتیه و دیاركریه كو ئێكه‌م دوكان ل شنگال هاته ڤه‌كرن.
داعش ل 8 ته‌باخا سالا 2014 شنگال كونترولكربوو، و پتر ژ ساله‌ك و سێ هه‌یڤان مانه تێدا، به‌لێ پێشمه‌رگێن قاره‌مان به‌رى چه‌ند رۆژان شنگال رزگاركر و داعش تووشى شكه‌ستنه‌كا ئێكجار مه‌زن كر و ب سه‌دان داعش كوشتن و یێن ماین هه‌مى بۆ مووسل ره‌ڤین.
ده‌زگایێ سپیرێز چه‌ندین په‌رتوك پێشكێشى گرتییان كرن
ئه‌ڤرۆ نیوز:
ئه‌ڤرو شانده‌كێ ده‌زگایێ سپیرێز یێ چاپ و وه‌شانێ بسه‌روكایه‌تیا موئه‌یه‌د ته‌یب به‌رپرسێ ده‌زگه‌هى، سه‌ره‌دانا رێڤه‌به‌ریا چاكسازیا ئافره‌ت وسنێلان ل دهوكێ كر و چه‌ندین په‌رتوك ونامیلك وگوڤارێن تایبه‌ت ب زاروك وسنێلان ڤه پێشگێشى په‌رتوكخانا چاكسازیێ كرن وپاشى سه‌ره‌دانا هولێن گرتییان و به‌شێن رێڤه‌به‌ریێ كر و خویاكر كو د نهادا پروسێسا چاكسازیێ بره‌نگه‌كێ جوان ب رێڤه دچیت .
تێ زانین په‌رتوكخانه‌كا تایبه‌ت دناڤا چاكسازیێ دا هه‌یه و روژانه گرتى وراگرتیێن ئافره‌ت وسنێله ل دیڤ حه‌زێن خو دشێن په‌رتوكان هه‌لبژێرن ودخوینن.
سێ کادرێن پارتی ژ لایێ حەشد شەعبی ھاتنە دەستەسەرکرن
ئەڤرۆ نیوز، قائید میرۆ:
بەرپرسەکێ بلندێ پارتی دیموکراتی کوردستان دیارکر سێ کادرێن پارتی ژ لایێ میلیشیاتێن شیعە ھاتینە رەڤاندن.
جەعفەر شێخ مستەفا، بەرپرسێ لقا خانەقین یا پارتی دیموکراتی کوردستان بۆ ئەڤرۆ نیوز راگەھاند: “بەری چەند رۆژان سێ کادرێن پارتی دیموکراتی کوردستانێ سەر ب لقێ بەغدا دخواست ڤەگەڕیێنە مالێن خوە، بەلێ ژ لایێ خالەکا پشکنینێ یا حەشد شەعبی ل دیالا ھاتینە دەستەسەرکرن و د بەرھەڤ نینن ئازاد بکەن”.
جەعفەر گۆتژی: “مە پەیوەندی ب حەشد شەعبی کریە، بەلێ د بەرھەڤ نینن ئەڤان سێ کادرێن مە ئازاد بکەن، د دەمەکی دا ئەف سێ کادرێن پارتی ب مەزھەب شیعەنە، لێ ژ بەر کو کادرێن پارتی نە ھاتینە گرتن و بزاڤێن مە بۆ ئازادکرنا کادرێن مە یا بەردەوامە”.
سه‌يرترين 10 لێدانێن ئێكسه‌ر ل جيهانێ
په‌رده ل سه‌ر تابلۆیا شه‌هید كازم رێكانى هاته لادان
شێلادزێ، رۆژهات لوقمان :
درێوره‌سمه‌كێ دا ب ئاماده‌بۆنا فه‌ریق فارۆق به‌رپرسێ لقێ هه‌ژده یێ پارتی دیموكراتی كوردستان و لیوا خالد سالح ئامێدی به‌رپرسێ راگه‌هاندنا فه‌رماندا گشتی یا زێره‌ڤانی و هژماره‌كا زور یا به‌رپرسێن دام و ده‌زگه‌هێن میری و حزبی و ب ئاماده‌بونا هژماره‌كا زور یا خه‌لكێ ناحیا شێلادزێ و سیریێ ل ناحیا شێلادزێ په‌رده ل سه‌ر وێنێ تابلویا شه‌هیدێ قه‌هره‌مان كازم حسێن رێكانی هاته لادان.
لده‌ستپێكا رێوره‌سمێ دا په‌یڤا ده‌ستپێكێ ژلایێ فه‌ریق فاروق به‌رپرسێ لقێ 18 یێ پارتی و لیوا ئازاد حوێزی و بنه‌مالا شه‌هیدی ڤه هاته خاندن و به‌حسێ مێرخاسی و رولێ شه‌هید كازم حسێن رێكانی هاته كرن د هه‌مو شه‌ران دا.
شه‌هید كازم حسێن رێكانى ل سالا 1970 ل گوندێ بێزه‌ل ل ده‌ڤه‌را رێكان هاتیه سه‌ر دونیایێ و ل سالا 1986 دچیته دناڤ رێكخستنێن پارتی دیموكراتی كوردستان و پاشان ل سالا 1988 ل ده‌مێ ئه‌نفالا ره‌ش ب سه‌ر گه‌لێ كورد دا هاتی شه‌هید كازم رێكانی ئاواره‌ی وه‌لاتێ توركیا بویه,و ل بهارا 1991 پشكداری د ئازادكرنا كوردستانێ دا كریه, ل رێكه‌فتی 8/6/2014 ل میحوه‌رێ شه‌لالات دشه‌ره‌كێ دژوار دا ل چه‌په‌رێن به‌ره‌ڤانیكرنێ دژى داعشێن روی ره‌ش دا دهێـته برینداركرن وئێخسیر دبیت ل بن ده‌ستێ زولما تیرورستێن داعشتێ و ل رێكه‌فتی 30/9/2015 ب شێوه‌كێ هوبانه دهێـته شه‌هید كرن و 9 زاروكان لده‌ڤ خو دهێلیت.
کوێت دێ ڤان پرۆژان ل ھەرێمێ ئەنجام دەت
ئەڤرۆنیۆز ،سالار دۆسکی::
پەیڤدارێ دەشتیا گەشتوگوزارێ ل حوکمەتا ھەرێما کوردستانێ دیارکر کر كو وەلاتێ کوێتێ بەرھەڤیا خوە دیارکریە کو چەند کارێن وه‌بەرھێنانێ ل ھەرێما کوردستانێ ئەنجام بدەت.
نادر روستی، پەیڤدارێ دەستەیا گەشتوگوزارێ ل حوکمەتا ھەرێما کوردستانێ بۆ ئەڤرۆ نیۆز گۆت: “سپێده‌هيا ئه‌ڤرۆ رۆژا سێشه‌مبى رێكه‌فتى 17ى چريا دويێ سەرۆکێ دەستەیا گەشتوگوزارێ ل حوکمەتا ھەرێما کوردستانێ پێشوازی ل قونسلێ گشتیێ وەلاتێ کوێتێ ل ھەرێما کوردستانێ کر و د کۆمبوونەکێ دا بەحسێ ھەڤکاری و پتر خورتکرنا پەیوەندیان ھاتەکرن”.
دا زانين ژى كو قونسلێ کوێت ژى بەحسێ ھەفکاری و گوھۆڕینا گەشتیاران د ناڤبەرا کوێت و ھەرێما کوردستانێ دا ھاتەکرن.
رۆستى دا زانين ژى كو قونسلێ گشتیێ کوێتێ سۆز دا کو پتر ھاریکار بن بۆ ئەنجامدانا پرۆژێن وه‌بەرھێنانێ و گەشتیاری ل کوردستانێ.
نيشاندان
WP Facebook Auto Publish Powered By : XYZScripts.com