ئهڤرۆ نیوز:
بهرپرسێ پشكا ئهزموونان ل رێڤهبهریا پهروهردهیا دهۆك رۆژئاڤا دیار كر كو دهرگههێ وهرگرتنا قوتابیێن دهرهكی ل پۆلا 5 بنهرهت ههتا 11 ئامادهیی بۆ سالا خواندنێ 2015-2016 هاته ڤهكرن و ههتا 20/10/2015 پێشكێشكرن دێ یا بهردهوام بیت.
خویا ژی كر كو ژ دایكبوویێن 1995 و بهر ب خوارێ مافێ ههی پێشكێشی پۆلێن قۆناغا بنهرهت بكهن، ژ دایكبوویێن 1996 ههتا 1999 ژی ههكه دو سالان ل ئێك پۆل كهفت بن وان ژی مافێ خواندنێ ل قوتابخانهیێن رۆژ نامینیت و دشێن پێشكێشی دهرهكی بكهن، لێ سالا خواندنێ 2013-2014 ناهێته هژمارتن كهفتن، ههروهسا ژ دایكبوویێن 2000 و پێههل ههكه دو سالان ل پۆلا خوه كهفت بن مافێ ههی ههر بمیننه ل خواندنا ب رۆژ.
ل دۆر وان قوتابیێن مافێ دهرهكی ل پۆلێن 10 و 11 ئامادهیی ههی ، خالد ئهحمهد خالد دیار كر كو ئهو كهس دشێن پێشكێشی ڤان ههردو پۆلێن ئامادهیی بكهن یێن مافێ خواندنێ ل قوتابخانێ نهمینیت ئهو ژی ژ دایكبوویێن 1991 كور و 1990 كچ و بهر ب خوارێ، ههروهسا قوتابیێن دو سالان ل پۆلا خوه دمینن یان دێ چنه قوتابخانهیێن ئێڤاران یان ژی دێ پێشكێشی دهرهكی كهن و گۆت:(ئهم یێن هاتینه ئاگههدار كرن كو ئهڤ ساله ژی پێشكێشكرن بۆ پۆلێن 10 و 11 پیشهیی نابیت).
ناڤهاتی ئاشكرا كر ههر قوتابیهكێ پێشكێشی دهرهكی وهرزی دكهت، پێدڤیه شهش وێنان و كۆپیهكا ناسنامێ ل گهل خوه بینیت و دێ سهرهدانا پهروهردێ كهت و فۆرمهكێ وهرگریت و ل دووڤ دا دێ ل قوتابخانێ داگریت و پاشی دێ زڤڕینته پهروهردێ و فایل دێ بۆ هێته ڤهكرن و وهك قوتابیهكێ دهرهكی دێ هێته وهرگرتن.
خویا ژی كر كو پشتی قوتابی دهێنه وهرگرتن، قوتابیێن ل سالا بۆری ئهزموونێن دهرهكی كرین جارهكا دی ههر دێ چنه وان قوتابخانان.
ژێدهر: پهیجێ راگههاندنا پهروهردا دهۆك، رۆژئاڤا
ئهڤرو نیوز،بارزان مزوورى
ئهفسهرهك ژ هێزێن پێشمهرگهى ل میحوهرێ ناوهران بو مالپهرێ ئهڤرو نیوز ئاشكرا كر كو ئهڤرودهمژمێر 5:40 خولهك مهغرهب 4/9/2015 چهكدارێن تیرورستێن داعش ب سێ لاینڤه هێرش كره سهر هێزێن پێشمهرگهى ل میحوهرێ ناوهران و ب چهكێ گران پێشمهرگه گولهباران كریه و پێشمهرگهى ژى ب توندى بهرسڤا هێرشا وان دا ههرسێ هێرشدا دایه و هاتن تێك شكاندن بێ كو زیان بگههنه پێشمهرگهى.
ناڤبرى دیار كر كو دههرسێ هێرشێن وان دا، ب چهكێ دوشكا بهردهوام پێشمهرگه گولهباران كر و چهكێ كاتیوشیا ب پێشمهرگهى د وهركر .
ناڤبرى گوت ژى داعش كهش و ههوایێ ئهڤرو بخو ب دهلیڤه دانایه هێرشێ بكهنه سهر پێشمهرگهى، چونكو توز ل میحوهرێن پێشمهرگهى یا ههى.
ئهڤرۆ نیوز:
گهنجهك ل شرنهخێ ژ ئالیێ هێزێن تایبهت یێن سوپایێ توركیا ل تاخهكێ دیجله ل شرنهخێ باكوورێ كوردستانێ دهێته برینداركرن، پاشان دهێته كوشتن و تهرمێ وى ل دووڤ ترومبێلهكا سهربازى ڤه دهێته گرێدان و راكێشان.
سهلاحهدین دهمیرتاش ههڤسهرۆكێ ههدهپێ ل سهر ڤى وێنهى ل فێسبوكێ خوه نڤیسى یه: سهحكهنه ڤى وێنهى، ئهڤه دوهى ل شرنهخ یێ چێبووى، كهس ڤێ یهكێ ژبیر نهكهن، ژبهر كو ئهم ژبیر ناكهین.
ل دووڤ پێزانینان، ئهڤ كهسێ هاتیه كوشتن، ناڤێ وى لوقمان بێرلیكه و دهرهێنان بۆ كورته فلمهكێ كریه و رۆل ژى تێدا ههبوویه.
ئهڤرۆنیۆز، ئهیاد بهروارى
فهرماندهكێ لهشكرێ روسی راگههاند، هێرشێن ئهسمانی یێن روسی ل سووریێ ههتا رادهكێ مهزن شیانێن لهشكری یێن تیرۆرستان ل سووریێ یێن لاواز كرین و تیرۆرست یێ بهر ب ئورۆپا ڤه درهڤن.
جهنهرال ئهندرێه كارتابولوف فهرماندێ ئۆپهراسیۆنان ل دهستهیا ئهركانێن لهشكرێ روسی بۆ رۆژنامهڤانان گوت” فرۆكێن روسی د سێ رۆژێن بۆری دا 60 هێرشێن ئهسمانی ئهنجامداینه و 50 جه و ژێرخانا رێكخستیا داعشێ ئارمانجێن وان هێرشان بوون و د وان سێ رۆژان دا بنگههێ دارایی و تهكنیكی یێ تیرۆرستان و شیانێن وان یێن شهری ههتا رادهكێ یێن لاوازبووین و ئارمانجا سهرهكی یا فرۆكێن روسی خالێن پشكنینێ و عومبارێن چهكی و تهقهمهنیان و بنگههێن پهیوهندیكرنێ و كارخانێن چێكرنا چهكی ئهوێن تیرۆرستێن خوهكوژ بكاردئینن و سهربازگههێن مهشقكرنا تیرۆرستانه و دێ هێرشێن ئهسمانی زێدهتر و ب هێزتر لێكهین”.
جهنهرال كارتابولوف گوت ژی” ترسهكا مهزن یا كهفتیه دناڤ تیرۆرستان دا ژبهر هێرشێن ئهسمانی یێن روسی و ههتا نوكه 600 تیرۆرست ژ جهێن خوه یێن رهڤین و بزاڤا دهربازبوونێ بۆ ئورۆپا دكهن”.
ئهڤرۆ نیۆز، قائید میرۆ
رۆژا پێنج شهمبیا بۆری تیمهكا ئیتالی ژلایێ خالا سینوریا سێمالكا هاتیه ڤهگهڕاندن و رێ پێنههاتیهدان بچنه رۆژئاڤایێ كوردستانێ.
هوگر رۆژنامهڤان و چالاكێ مهدهنی ب ئهڤرۆ نیۆز راگههاند” رۆژا پێنج شهمبیا بۆری تیمهكی ئیتالی كو ل 15 رۆژنامهڤان و چالاكڤان و رهوشنبیرا پێكهاتبوو دخواست سهرهدانا رۆژئاڤایێ كوردستانێ بكهن، بهلێ ژلایێ ههرێما كوردستانێ ل خالا سینوریا سێ مالكا رێ پێنههاتهدان و هاتنه ڤهگهڕاندن، ئهڤه ددهمهكیدایه ئهڤێ خالا ههرێمێ چو بهها نهبوون بۆ ڤێ رێگریێ.
هوگری دیاركر” ئهف تیما ئیتالی دلگرانبوویه ههمبهر ئهڤێ پێنگاڤا ههرێما كوردستانێ و ئهڤرۆ ئێك شهمبی خرڤهبوونهك ههمبهر ئاڤاهیێ پهرلهمانێ كوردستانێ ئهنجامدان و تێدا یاداشتهكا نهڕازیبونێ ئاراستهی پهرلهمانی كر
ئهڤرو نیوز:
مهلا بهختیار بهرپرسێ دهستهیا كارگێرى یا مهكتهبا سیاسى یا ئێكهتیا نیشتمانى كوردستان راگههاند ” ئهگهر ههلبژارتنێن پێشوهخت بهێنه كرن، ئێكهتیێ دێ بهربژێرهكێ بهێز بۆ پۆستێ سهرۆكێ ههرێمێ ههبیت”
بهرپرسێ دهستهیا كارگێرى یا مهكتهبا سیاسى یا ئێكهتیا نیشتمانى كوردستان ئاماژه ب وێ یهكێ ژى كر” ئهگهر سازان چێ نهبیت، ئێكهتیێ پرۆژهكێ جودا دێ بۆ ههلبژارتنێن پێشوهخت ههبیت”
ئهڤرۆ نیوز ، لهزگین جۆقى:
رێڤهبهرێ كاروبارین ئیزدیان ل پارێزگهها دهۆكێ بۆ ئهڤرۆ نیوز دیاركر كو ئهڤ ساله چوو فهرمانبهرێن كاروبارێن ئێزدیان ل دهۆكێ جهژنا جهمایێ ناكهن و دێ ل رۆژێن بهێنڤهدان ژى ههموو فهرمانبهرێن گریدایى رێڤهبهریا كاروبارێن ئێزدیان ل دهۆكێ دهوامێ كهن ب مهرهما هندێ بشێین خزمهتا ئاواران بكهین ب تایبهتى ژى یا كچ وژن وزارۆیێن رهڤاندى.
کچەکا ٢٢ سالی کو خواندنا خوە یا ئامادەیی ب دووماھی ئینایە دلێ خوە بۆ ئەڤرۆ ڤەدکەت و دبێژیت: ئاریشا من ئەوە ئەز گەلەک کچەکا بێ تەحەملم گەلەک زوو دگەل ئەندامێن خێزانێ تورە دبم نەمازە خوشک و برایا و ھندەک جارا وەختێ ئەز تورە دبم کا چ ددەستێ من دایە ئەز دھاڤێژمێ یان ژی ژ کەربێت خودا ل عەردی ددەم دا توربونا من بشکێت، ئەڤجا ئەز چ بکەم و چەوا کونترولێ لسەر تورەبونا خوە بکەم من نەڤێت یا ھوسا بم ؟
کچا ھێژا :
د قوناغا زارۆینیێ دا مرۆڤ ھەموو کارا ژ دەوروبەرێن خوە وەردگریت و د مێشکێ خوەدا دچەسپینیت و دبیتە رەفتار ب وی شێوەی سەرەدەریا ژیانا خوە دکەت ئەڤجا چو باش بن یان دخراب بن و بێی ھزرکرن دھێنە ئەنجام دان و مروڤ دزانیت یا خرابە بەلێ نەشێت نەکەت و دبیتە ساخلەتەکێ دیار لدەف مروڤی ئەڤجا پێدڤی ب پروگرامەکێ ھەیە بو گوھورینی و چارەسەر کرنێ بھاریکاریا کەسانێن بسپور دبوارێ دەروونی دا، ھەروەسا یاباش ئەوە نوکە تو بخوە خشتەکی دارێژی و پێگیریێ پێ بکەی دەمێ ھەر کارەکی رەفتاری دگەل بکەی بو نموونە دەمێ بەرامبەر کارەکی دراوەستی ستراتیجیا دناڤ دلێ خوەدا ھەتا دەھێ بھژمێرە و دڤی ماوەی دا ھزرا برێکێن بەرسڤ دانێ بکە دوور ژکارێ بەرێ. یان ھەول بدە کارەکی دی لجھێ یێ بەرێ ئەنجام بدە.
ئهڤرۆ نيوز:
ڤەکۆلینەکا نوو دەرێخستیە کو بکارئینانا فلاشی د دەمێ وێنەگرتنێ دا چاڤێن زارۆیان تووشی مەترسیا کورەبوونێ و ئاریشێن دیتنێ دکەت، ب تایبەت ئەو زارۆیێن کو ژیێ وان ژ ٤ سالان دەرباز بووی. ھەروەسا ڤەکۆلینێ دیار کریە کو رۆناھیا ژوورا نڤستنێ و یاریێن ئاگری ژی بۆ زارۆیا دخرابن.
د ڤی چارچوڤی دا ڤەکۆلینەکا نوو یا زانکۆیا لەندەن ل بریتانیا دەرێخستیە کو ل ڤان دووماھیان چەندین زارۆیێن بچووک کو ژیێ وان ژ چار سالان دەرباز نەبوویە توشی گرفتا دیتنێ بووینە و ئەڤە ژی ژ ئەگەرێ ھندێ بوویە کو د دەمێ وێنە گرتنێ دا فلاشێ ب چاڤێن وان کەفتی و ئەڤێ چەندێ کارتێکرن ل دیتنا چاڤێن وان کریە.لەوا ھشیار بن ژ زارۆیێن خوە بلا فلاشێ کامیرێ ل چاڤێن وان نەکەڤیت و بپارێزن.
نيشاندان