ئەڤرۆ نیوز:
رێکا دەربازبوونا ھەردو نوونەرێن ھەرێما کوردستانێ دخولا عیراقێ دا ب زحمەت کەڤت پشتی سەرکەفتنا ئەڤرۆ یا یانا مینا ل سەر یانا شورتە ب دو گولان بێ بەرامبەر کو یانا مینا خالێن خوە گەھاندنە ٢٦ خالان .
سەرکەفتنا ئەڤرۆ یا مینا بۆ جھێ مەترسیا ھەردو نوونەرێن ھەرێما کوردستانێ ھەولێر و زاخۆ ئەوێن ھەڤرکیا دەربازبوونا قوناغا بژارە کەن د ھەمان کوم دا .
پشتی یاریا مینا ل گەل شورتە ب دووماھی ھاتی ھەلویستی کوما دوێ ب ڤی رەنگی یە
جەویە ٣٠ خال
مینا ٢٦ خال
بەغدا ٢٤ خال
ھەولێر ٢٣ خال
شورتە ٢٣ خال
نەجەف ٢٣ خال
زاخۆ ٢٢خال
ھەژی گوتنێ یە ھەردو یانێن نەجەف و زاخۆ یاریەکێ کێمتر ھەیە ژ یانێن دی بریارە سوباھی ھەمبەری ئێک بەن

ئەڤرۆ نیوز، ھەژار مەعروف:
بریارە سوباھی سێ یاری ژ گەرا چارێ و بەری دووماھیێ ژ کوما دوێ یا خولا فاستلینکا ھەرێما کوردستانێ بھێنەکرن کو دڤان سێ یاریان دا دێ چارەنڤێسی پێنج یانا بۆ حەفتیا دووماھیێ دیارکەت ژبەرکو ئەو پێنج یانا ھەڤرکیا دو پلێتێن دەربازبوونا چار گوشا زێرین کەن .
ل پارێزگەھا دھۆکێ بریارە دو یاریێن گرنگ بھێنەکرن کو تیما دھۆک دێ مێڤانداریا برایەتی کەت ل یاریگەھا خوە ھەکە دھۆک ب خوازیت بەردەوامی ب دەتە ھەڤرکیا دەربازبوونێ پێدڤی یە سێ خالێن یاریێ ب دەستخوڤە بینت داکو رێزا دوێ پارێزیت و ھەر ئەنجامەکێ نە چاڤەرێکری بۆ یانا دھۆک دێ مەترسی ل سەر دەربازبوونا دھۆکێ پەیدا کەت .
ل یاریگەھا گارە ھەردو یانێن گارە و نەوروز دێ ھەمبەری ئێک بەن و ژبلی سەرکەفتنێ چو ئەنجامێن دی د بەرژوەندیا ھەردو یانا دا نینە وەکھەڤیا ھەردو یانا دێ ھەردو ژ ھەڤرکیا دەربازبوونێ دورکەفن و تیما گارە ئەوا ل دو یاریێن بوری شیای دو سەرکەفتنا ل دیڤ ئێک بینت د بەرھەڤیەکا باش دایە بۆ ڤێ یاریێ بتنێ یاریکەرەکێ وی پشکداریێ ناکەت ئەوژی پیشەکارێ وێ یێ کوتیڤواری جونیور .
ژلایەکێ دیڤە یانا پێشمەرگە ھەولێرێ سەرکێشا ڤێ کومێ دێ یاریا خوە بەرامبەر یانا سولاڤ کەت کو ئەرکێ وێ یێ ب زحمەت نابیت ژبەرکو دێ ل گەل تیما خودانا رێزا دووماھیێ کەت و ھەمی ھیڤێن خوە ژ دەست داینە بەرامبەر تیما پێشمەرگە دخوازیت سێ خالێن یاریێ ب دەستخوڤە بینت و سەرێ لیستەیا خولێ پارێزیت

ئەڤرۆ نیوز:
ئێکەتیا تەپا پێ یا عیراقێ لیستەیا دووماھیێ یا پێکھاتیێ ھەلبژارتیێ عیراقێ بۆ ھەردو یاریێن بھێت یێن ژ ڤاڤارتنێن موندیالا جیھانێ بەرامبەر ھەلبژارتیێ فیتنام و تایلەند ل وەلاتێ ئیرانی.
دوێ لیستەیێ دا ناڤێ ٢٦ یاریکەران ھاتیە دیارکرن کو ناڤێ یاریکەرەکێ کورد ل گەل دا بوو ئەوژی یاریکەرێ ھێلا بەرەڤانیێ یێ یانا ھەولێرێ ھەردی سیماند ئەوێ ل وەرزێ ئەڤ سالە ئاستەکێ بلند ل گەل یانا خوە دخولا پلا نایاب یا عیراقێ دا پێشکێشکری .
ئەو ھەر ٢٦ یاریکەرێن ھاتینە ھەلبژارتن ژلایێ دەستەیا راھێنەریا ھەلبژارتیێ عیراقێ ئەڤێن خوارێ بوون.
گولچی نور سەبر ژیانا نەفت وەست، جەلال حەسەن ژ یانا شورتە، فەھد تالب ژ یانا جەویە و محەمەد گاسد ژ یانا زەورا
ھێلا بەرەڤانیێ سەلام شاکر ژ یانا فەتح یا سعودی، ھەردی سیماند ژ یانا ھەولێرێ، مستەفا نازم ژ نەفت وەست، سەعد ناتق ژ جەویە و ولید سالم ژ شورتە، عەلی مھاوی ژ زەورا، فەیسل جاسم ژ مینا، عەلی عەدنان ژ ئودونیزی یا ئیتالی و زرغام ئیسماعیل ژ ریزا سپور یا تورکی.
ھێلا ناڤین یاسر قاسم ژ سویندن تاون ئینگلیزی،سەعد عەبدو ئەمیر ژ یانا قادسیە یا سعودی و ئەمجەد عتوان و مەھدی کامل ژ یانا شورتە، ھەمام تارق بەشار رەسن ژ جەویە، عەلی حوسنی ژ مینا و ئەحمەد یاسین ژ ئایک یا سویدی.
ل ھێلا ھێرشبەریێ یونس مەحمود ژ تەلەبە، عەلا عەبدولزەھرە و موھند عەبدورەحیم ژ زەورا، ئەیمن حسێن ژ نەفت و حەمادی ئەحمەد ژ جەویە