ئهڤرۆ نیوز:
نووترين نووچه
- كۆمبوونا سەرۆك بارزانی و بافل تالەبانی گەلەك یا ئەرێنی بوو
- نێچیرڤان بارازنی چەندین دیدارێن دی یێن گرنگ ل گەل سەركردە و بەرپرسێن وەلاتێن جیهانێ ل میۆنشنێ ئەنجامدان
- مەسرور بارزانی و بالیۆزێ هنگاریا دوپاتی ل گرنگییا ب هێزكرنا هەڤبەندییان كر
- سەرۆك بارزانی: ئازارێن هەڤپشك بنەمایێن هەڤبەندیێن كوردستانێ و كوێتێ نە
- نێچیرڤان بارزانی ل كۆنفرانسێ ئاسایشا میونشنێ زنجیرەكا كۆمبونێن دیپلۆماسی ل گەل سەرۆك و بەرپرسێن جیهانێ ئەنجام ددەت
- مەسرور بارزانی و بالیۆزێ ئەرمینیا دوپاتی ل پێشڤەبرنا هەڤبەندییان كر
- سەرۆكێ حوكمەتا هەرێمێ و بالیۆزێ گورجستانێ گوهۆڕینێن سووریێ گەنگەشەكرن
- پارتی و ئێكهتی ل دۆر پۆستێ سهرۆك كۆمارێ ئیراقێ و كابینەیا دههێ یا حوكمهتا ههرێما كوردستانێ كۆمبوون
- سەرۆك بارزانی: دخوازین ئاشتی و ئارامی ل سووریێ و رۆژئاڤایێ كوردستانێ بەرقەرار ببیت
- مالپەڕەكێ ئەمریكی باسێ كاریگەرییا سەرۆك بارزانی و نێچیرڤان بارزانی د پرسا رۆژئاڤایێ كوردستانێ دا دكەت
سهرهكى Facebook
د.جمال كوچه ر بهحسێ نهفسیهتا بچیكا حهیدهر عهبادى دكهت
ئهڤرۆ نیوز:
د.جهمال كوچهر رهخنێ ژ گوتارا حهیدهر عهبادى دگریت كو بهحسێ قارهمانیا پێشمهرگهى نهكریه، ئهڤه ژى دهقێ نڤیسینا وى یه.
لاوازیا گتارا د. حیدر عبادى ل نهتهوێن ئێكگرتى
د.حیدر عبادى سهروك وهزیرێ عیراقێ ل كونگرێ نهتهوێن ئێكگرتى وتارا عیراقێ خاند .. و ب دیتنا من وتارهكا گهلهك لاواز بو و یا دیر بو ژ پێتڤیێن عیراقێ یێن سهرهكى ، و نه ل ئاستێ وى كونگرهى و وى جهى بو …
ژ لاوازیێن وتارا د.حیدر عبادى :
1- بهحس ل سوپایێ عیراقێ و حشد الشعبى و سهركهفتنێن وان ل تكریت و صلاحدین كر ، و هیچ ئاخفتنهك دهربارهى پێشمهرگه و سهركهفتنێن وان نه كر .. ددهمهكى دا كو ئهندامێن كونگرهى ههمى دزانن كو پێشمهرگهى چهند سهر كهفتن ب دهست ڤه ئیناینه و چهند جه رزگاركرینه ب شێوهكى كو د ههمان روژا كونگرهى دا پێشمهرگهى (12 گوند) ب دویراتیا 60 كیلومهتران رزگاركرینه .
وهزیرێ بهرگریا ئهمریكا بهحسێ ڤێ قارهمانیێ كر و عهبادى بهحس نهكر ، و ئهڤ چهنده ژى نهفسیهتا بچیكا وى و لایهنگریا تا ئیفى دهردئێخیت .
2- ب درێژى بهحسكرنا رزگاركرنا جرف الصخر و ئامرلى و تكریت و چهندین جهێن دى .. د كونگرهیهكى دا نه جهێ بهحسكرنا ڤان وردهكاریانه .. و ئهوێن لوێرێ ههمى دزانن سوپایێ عیراقێ و حشد الشعبى نهشێن بهوستهكێ پێشڤه بچن بێى وهلاتێن ههڤ پهیمان .
3- بهحسكرنهكا لاواز بو ئاریشێن عیراقێ یێن لهشكهرى و ئهمنى و ئابورى و پێتڤیێن عیراقێ یێن سهرهكى دوان بواران دا ، دگهل ئاریشا تیرورێ و كوچبهران و دابهزینا بهایێ گازێ و و كارتێكرنا وێ ل سهر رهوشا ئابورى یا دهولهتى .
ب راستى وتارهكا لاواز و نه ل ئاستێ سهروك وهزیران بو و نه دهربرین بو ژ ههمى ئاخا عیراقێ و خهلكێ وێ و نه ل دویڤ پێتڤى و رهوشا ئهڤرو یا عیراقێ بو .. و دڤێ وتارێ دا ئاستێ سهروك وهزیرێن عیراقێ باش دیاربو .
د.جمال كوچهر
سێ هونهرمهند هاتنه خهلاتكرن
ئهڤرۆ نیوز:
ب هەلکەفتا روژا جیهانی یا موزیکێ رێڤەبەریا گشتی یا رەوشەنبیری و هونەری دهوک رێڤەبەریا هونەری موزیکێ، کونسێرتەکا مەزن سازكر كو هونەرمەندان (حسن شریف ،عبدالقهار زاخویی ، گوران سالح ، کیژان ابراهیم ) هەروەسا تیپا روباد یا موزیکێ و کورالا پەیمانگەها هونەرێ جوان دهوك پشكدارببون.
دڤێ کونسێرتێ دا سێ هونەرمەندێن مەزن یێن هەرێما کوردستانێ ژ لایێ رێڤەبەریا گشتی یا رەوشەنبیری و هونەری دهوک هاتنە رێز لێنان ئەو ژی ( ئەنوەر قەرەداغی ژ سلێمانیێ و سید احمد ژ هەولێرێ و وەلید خالد ژ دهوکێ) .
ڤيديۆ: ب ساناهيترين رێ بۆ چێكرنا دوندرمێ
ب وێنه: كاروانهكێ داعش دهێته ژناڤبرن
ئهڤرۆ نيوز، بارزان مزوورى:
ئەفسەرەکى ژ ھێزێن پێشمەرگەی ل میحوەرێ ناوەران بو مالپەرێ ئەڤرو نیوز ئاشکرا کر کو ئەڤرو دەمژمێر 4:30ى ئیڤاريا 1ى چريا ئێكێ يا سالا 2015ێ چەکدارێن تیرورستێن داعش مژوولی ڤەگوھاستنا چەکدارێن خوه بوون فروکەیێن ھەڤپەیمانان کاروانەکێ ترومبێلێن ڤەگوھاستنێ بوردومان کرن ژمارەکا مەزن یا چەکدارا دناڤ بو ھەموو ب ترومبێل ڤە ھاتن ناڤبرن.
ناڤبری دیار کر کو چەکدارێن تیروستێن داعش پشتی پێشمەرگەی جەندین گوند ل میحوەرێ کەرکوک ددەستێن وان دا ئیناینە دەر شکەستن کەفتیە ھەمی میحوەرێن وان ھەولێن سستکرنا میحوەرا کریە چەکدارێن خو ژ ترسێن پێشمەرگەی بو ناڤ باژێرێ مووسل ڤەگوھاستینە ،
ناڤبری گوت ژی کو دناڤ باژێرێ مووسل ژی ترس ژ ناڤ وان دروست بویە ھەولێن کوشتنا دەستگیرکرنێن ددەستێن وان دا دکوژن.
فەرهاد پیربال سێلفیەکێ خوە و هەڤژینا خوە بەلاڤ دکەت
عهبادی: ئیراق دێ بخێرهاتنا هێرشێن ئاسمانیێن رووسیا لدژی داعش ل ئیراقێ كهت
ئهڤرۆ نیوز:
حهیدهر عهبادی سهرۆك وهزیرێ ئیراقێ گۆت كو حكومهتا ئیراقێ دێ بخێرهاتنا هێرشێن ئاسمانیێن رووسیا كهن ل دژی داعش ل ئیراقێ.
پشتی پرسیار ژ عهبادی هاتیه كرن كا ئهڤ یهكه ل گهل رووسیا گهنگهشهكریه گۆت : هیشتا نه، لێ ههكهر رووسیا ڤێ یهكێ بخازیت ئهم دێ هزر تیدا كهین و بخێرهاتنێ لێ كهین.
ئهڤ ئاخڤتنا عهبادی د كۆنگرهكێ رۆژنامهڤانی دا ل پشتی گۆتارا وی یا ل نهتهوێن ئێكگرتی هات كو تیدا بهحسێ رۆلی پێشمهرگه ل دژی داعش نهكر.
کۆتلەیا کوردستانی ل دژی عەبادی بەیاننامەک بەلاڤکر
ئەڤرۆ نیوز، زنار تۆڤی:
پشتی عەبادی ل کومبۆنا نەتەوێن ئێکگرتی بەشداری کری وەک سەڕۆک وەزیرێن عێراقێ و ب نۆنەراتیا وەلاتێ عێراقێ، پشتی پەیڤا خوە د وێ کومبۆنێدا پێشکێشکری ب ئێکجاری بەحسێ رۆلێ پێشمەرگەی نەکر کو قارەمانانە شیاینە بەرسنگێ داعش بگرن و دربێن کۆژەک لێ بدەن.
لەورا ئەڤرۆ کۆتلەیا کوردستانی ل پەرلەمانێ عێڕاقێ بەیاننامەک بەلاڤکر و ئاماژە دا هندێ کو عەبادی د وی کۆنفراسی دا بەحسێ خەباتا پێشمەرگەی و رۆلێ کوردستانێ نەکریە بۆ حەواندنا ئاوارەیان، ڤێ وەکریە کو ئێدی کورد قەبوول ناکەن کو عەبادی ڤان هەلویستێن خەلەت دوبارە بکەت و رێزێ ل گەلێ کورد نهگریت، لەورا دێ ل دژی هەلویستێ وی راوەستین، ئەڤە هندێ دگەهینیت کو عەبادی گرنگیێ ب پێشمەرگەی نادەت ل شەرێ دژی داعش.
بۆ ههمی كچان خاتینا ئێكێ یا ئهمریكا گۆتنهك یا بۆ ههوه ههی
ئهڤرۆ نیوز:
میشێل ئۆباما ههڤژینا سهرۆكێ ئهمریكا و خاتینا ئێكێ یا وی وهلاتی د گۆتارهكێ دا ل باژێرێ نیویۆركێ ئهمریكی لگهل گرۆپهكێ كچێن گهنج چهند شیرهت پێشكێشی كچان كرن و گۆت: “د ڤی ژیێ هین تێدا چ كورهك هندێ لاو و شیرین نینه كو هین خاندنا خۆ لسهر خاترا بهێلن یان تێدا لاواز بن.”
میشێلێ داخاز ژ كچان كر تهركیزا خوه بێخنه سهر خاندنێ نه لسهر كۆران و گۆت: ههكهر دهمێ ئهز د ژیێ ههوه دا هزرا من سهر وێ یهكی با كا كی حهز ژ من دكهت و كی كی حهز ژ من ناكهت، ئهز نۆكه ههڤژینا سهرۆكی ئهمریكا نهدبووم.”
ڤێ ئاخڤتنێن راشكاو و ژدل یێن خاتینا ئێكێ یا ئهمریكی كهنی و گرنژین لدهڤ ئامادهبوویان ئاماده كر و نامهك بۆ ههمی كچان گههاند.
میلیشیێن عیراقی دێ موشهكێن رووسی ل سهر سنۆرێ سعودیێ بهلاڤكهن
ئهڤرۆ نیۆز، ئهیاد بهروارى:
هندهك میلیشیێن عیراقی بزاڤێ دكهن موشهكێن دوورهاڤێژ ل سهر زنجیرا سنۆری ل گهل سعودیێ بهلاڤكهن، پشتى هژمارهكا مهزن ژ چهك و موشهكێن رووسی گههشتینه دهستێ وان میلیشیان.
سایتێ (ئهلخهلیج ئونلاین) یێ قهتهری ئاماژهدا ب هندهك ژێدهرێن نێزیك ژ سهركردێن وان میلیشیان، د راپۆرتهكا خوهدا بهلاڤكریه كو هندهك خالێن سنۆری یێن عیراقێ ل گهل سعودیێ دێ بنه جهێ بهلاڤكرنا موشهكان كو دبیت بهێنه بكارئینان د شهڕهكی دا كو ئهو میلیشانه بهرههڤیا خوه بۆ دكهن.
ل دووڤ وان ژێدهران پلانا سهركردێن وان میلیشیان ئارمانج ژێ پاراستنا ئاسایشا نهتهوی یا عیراقێ یه و كونترۆلكرنا پارێزگههێن ناڤهراست و باشوورێ عیراقێ و نههێلانا كونترۆلكرنا هێزێن ئهمنی یێن فهرمی یێن عیراقی ل وان پارێزگههان و گهفكرن ل ئاسایشا وهلاتێن دهڤهرێ ههكه د مایتێكرنێن خوهدا د عیراقێ دا رانهوهستن” .لێ وان ژێدهران بۆ (ئهلخهلیج ئونلاین) دیاركر كو ئهو ب دوور دزانن ئهو موشهكێن رووسی یێن وان میلیشیان ل ڤێ دووماهیێ ب دهستڤهئیناین، دژی سعودیێ بهێنه بكارئینان.
هندهك ژێدهران دناڤ فرۆكخانا بهغدا یا نێڤدهولهتی بۆ (ئهلخهلیج ئونلاین) ئاشكراكربوو كو ل رۆژێن ئێكشهمبی و دو شهمبی یێن بۆری چهندین فرۆكێن روسی گههشتبوونه وێ فرۆكخانێ، كو رێژهكا مهزن یا چهكی گههاندبوو بۆ پشتهڤانیا میلیشیێن چهكدار ل عیراقێ، دیسا وان ژێدهران دیاركربوو ژی كو ههر د ناڤبهرا چهند رۆژان دا و ب ڕێیا فرۆكخانا بهغدا رێژهكا چهكێ روسی دگههیته عیراقێ كو موشهكێن دوور هاڤێژ یێن پێشكهفتی ژی دناڤدا یێن ههین و مهزنه سهركردێن میلیشیێن عیراقی ئهو چهكه ل فرۆكخانا وهرگرتن.
نيشاندان
WP Facebook Auto Publish Powered By : XYZScripts.com