دوهى ئێڤاری 12-11-2015 ل هولا كومبوونا ل پارێزگه‌ها دهۆكێ ب سه‌رپه‌رشتیا فه‌رهاد ئه‌مین ئه‌ترووشی پارێزگه‌رێ دهۆكێ و ب ئا ماده‌بوونا فه‌هیم عه‌بدولا سه‌رۆكێ جڤاتا پارێزگه‌ها دهۆكێ كومبوونه‌ك ل گه‌ل لیژنا بلندا موه‌لیدا و نوونه‌رێن خودانێن موه‌لیدا هاته‌ ئه‌نجام دان.
د كومبوونێ دا نوونه‌رێن خودانێن موه‌لیدا روونكرن دانه‌ سه‌ر كارێ موه‌لیدا وخه‌رجیێن كارمه‌ندێن ل سه‌ر موه‌لیدا كار دكه‌ن و گرانیا بهایێ گازوایلێ و نزمبوونا بهایێ ئه‌مپێرێ كاره‌بێ و خواستن كو پارێزگه‌ها دهۆكێ چاره‌سه‌ریا ئاریشا وان بكه‌ت.
پاش گه‌نگه‌شێن تێروته‌سه‌ل ل دور بابه‌تێ كومبوونێ هاتنه‌ كرن و ل دووماهیێ و ل دووڤ پشنیارا پارێزگه‌رێ دهۆكێ بریار هاته‌ دان كو بهایێ هه‌ر ئه‌مپێره‌كێ كاره‌بێ ل باژێران ببیته‌ 1800 هزار و هه‌شت سه‌د دینار و ئه‌ڤ بریاره‌ هه‌تا 31-3-2016 كار دێ پێ هێته‌ كرن و به‌رامبه‌رێ وێ پارێزگه‌ها دهۆكێ دێ گازوایلێ ب بهایێ 500 دینارا بۆ هه‌ر لیتره‌كێ ده‌ته‌ خودانێن موه‌لیدا هه‌روه‌سا ئاریشا موه‌لیدا ل گوندا ژی ب رێكه‌فتن ل گه‌ل رێڤه‌به‌رێن ناحیا و موختار و خودانێن موه‌لیدا دێ هێته‌ چاره‌سه‌ركرن.
پارێزگه‌رێ دهوكێ دیاركر كو خودانێن موه‌لیدا و كارێ ئه‌و دكه‌ن خزمه‌ته‌كا مروڤایه‌تی و نیشتمانی یه‌ وته‌كه‌زكر كو ئه‌وا دشیان دا بیت كارگێریا پارێزگه‌هێ دێ بۆ وه‌لاتیێن پارێزگه‌هێ و خودانێن موه‌لیدا پێشكێشكه‌ت و خواست كو وه‌لاتی و خودانێن موه‌لیدا ژی هاریكاریا سازیێن حكومه‌تێ بكه‌ن دا كاره‌ب بۆ وه‌لاتیا یا به‌رده‌وام بیت.
تێ زانین پتر ژ هزار موه‌لیدا ل باژێران ل سنورێ پارێزگه‌هێ هه‌نه‌ و ژبلی یێن گوندان.

ئه‌ڤرۆ نيوز:

وه‌زاره‌تا دارايى و ئابوورى ل حوكمه‌تا هه‌رێما كوردستانێ راگه‌هاند كو رۆژا دوشه‌مبى رێكه‌فتى 16ى چريا دويێ 2015ێ دێ مووچێ هه‌يڤا ته‌باخێ يێ هه‌ر ئێك ژ فه‌رماندا زێره‌ڤانيێ و هێزا ئاماده‌ هێته‌ به‌لاڤكرن.