ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 12ى چريا دويێ يا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1233 |
| 1 يۆرۆيێ ئه‌ورۆپى | 1320 |
| 1 ليرێ توركى | 420 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نیوز: ڤه‌ده‌ر ره‌شاڤایی:
ئه‌ڤرۆ ل باژێرێ سیلڤانێ یێ سه‌ر ب پارێزگه‌ها ئامه‌دێ ل باكۆرێ كوردستانێ فیگه‌ن یوكسه‌كداغ هه‌ڤسه‌رۆكا هه‌ده‌پێ و شانده‌كێ لگه‌ل دا كه‌فتنه به‌ر هێرشا گازا رۆندك رێژ و ئاڤا خورت یا پۆلیسێن تورك.
هه‌ڤسه‌رۆكا هه‌ده‌پی وه‌ك نه‌رازیبوون لدژی قه‌ده‌غه‌كرنا هاتووچوویێ ل باژێرێ سیلڤانێ كو بۆ ده‌ما 10 رۆژانه یا به‌رده‌وامه رێپیڤانه‌ك دناڤ وی باژێری دا كر لێ پۆلیسێن تورك بێ دودلی وه‌ك پشكه‌ك ژ بجهئینانا قه‌ده‌غه‌كرنێ به‌رێ سوندێن ئاڤێ و گازا رۆندكرێژ دانه وێ و شاندێ لگه‌ل دا كو ژ چه‌ند به‌رپرسێ، دی یێن هه‌ده‌پێ پێك دهاتن.
ئه‌ڤرۆ نيوز:
لژنا هه‌لبژارتنێن فيفايێ ناڤێ پێنج به‌ربژێران بۆ وه‌رگرتنا پۆستێ سه‌رۆكاتيا فيدراسيۆنا ته‌پا پێ يا جيهانێ ئاشكه‌را كر و ناڤێ ميشێل پلاتينى يێ فره‌نسى د ناڤ دا نينه.
لژنێ راگه‌هاند ژى كو هه‌ر ئێك ژ ئه‌مير بن حوسێن يێ ئوردنى، شێخ سه‌لمان بن خه‌ليفه يێ به‌حرێنى، جيرۆم شامبانى يێ فره‌نسى، جيانى ئينفانتينۆى سويسرى و تۆكيۆ سيكسۆيلى يێ ئه‌فريقى وه‌كو پالێورێن سه‌رۆكاتيا فيدراسيۆنێ راگه‌هاندن.
هه‌لبژارتنێن سه‌رۆكاتيێ مه‌زنترين دامه‌زاوا ته‌پا پێ يا جيهانێ يه ب ره‌نگه‌كێ پێش وه‌خت دێ ل 26ى هه‌يڤا دو يا سالا 2016ێ هێته ئه‌نجام دان.
ئه‌ڤرۆ نيوز، ئۆمێد وه‌لاتى:
ئه‌ڤرۆ رۆژا پێنجشه‌مبى رێكه‌فتى 12ى چريا دويێ ب سه‌رپه‌رشتيا ئێكسه‌را سه‌رۆكێ هه‌رێما كوردستانێ، مه‌سعود بارزانى، هێزێن پێشمه‌گه‌ى هێرش ژ سێ لايان ڤه كره سه‌ر چه‌كدارێن داعش و هێزێن هه‌ڤپه‌يمانان ژى ل ئه‌سمانێ وێ قه‌زايێ چاڤدێريا ره‌وشێ دكر.
سيهاد مسته‌قا بارزانى، فه‌رماندێ هێزا پشته‌ڤانيا ئێك يا له‌شكرێ كوردستانێ د داخۆيانيه‌كا تايبه‌ت دا، ئه‌ڤرۆ نيوز گۆت: “نوكه ژ هه‌موو لايان ڤه شنگال يا دوورپێچ دايه و شه‌ر يێ كه‌فتيه د ناڤا شنگال دا”.
زێده‌تر گۆت: “ژ به‌ر هه‌بوونا مينێن چاندى، دبيت كۆنترۆلكرنا شنگال گيرۆ ببيت، به‌لێ دێ د به‌رده‌وام بيت هه‌تا شنگال ب ته‌مامى دهێته رزگاركرن”.
سيهاد مسته‌فا بارزانى، فه‌رماندێ هێزا پشته‌ڤانيا ئێك يا له‌شكرێ كوردستانێ زانين ژى كو هه‌ر چه‌نده ل ده‌وروبه‌رێن شنگال پێشڤه‌چوون د به‌رده‌وامن، به‌لێ ل چ ميحوه‌ران ژى پێشڤه‌چوونێن پێشمه‌رگه‌ى ب دووماهى نه‌هاتينه و دێ د به‌رده‌وام بن.
ئه‌ڤرۆ نيوز:
به‌نكا ناڤه‌ندى يا عيراقى ئه‌ڤرۆ رۆژا پێنجشه‌مبى راگه‌هاند: دێ كاغه‌زا دراڤێ 50 هزار دينارى ده‌ركه‌ن، ئاماژه ب وێ چه‌ندێ ژى كر كو ره‌نگێ كاغه‌زێ قه‌هوه‌يه‌كێ ڤه‌بوويه و چه‌ند ئاماژه‌كێن نهێنى يێن ئه‌منى يێن تێدا و وێنێ ناعوره‌كێ و رووبارێ فورات و ئه‌هوارێن عيراقێ و گه‌ليێ عه‌لى به‌گ يێ ل سه‌ر.
ئەڤرۆ نیۆز، قائید میرۆ:
رەوشا قەزا خوورماتو بتەمامی تێکچوو میلشیاتێن شیعە ھژمارەک وەلاتیێن کورد رەڤاندن و دو وەلاتیژی شەھیدکرن.
ژێدەرەکێ ئاگەھدار ل رەوشا خوورماتو ب ئەڤرۆ نیۆز راگەھاند” پشتی شەڕۆ و پێکدادانێ، ئەڤرۆ ناڤبەرا ھێزێن پێشمەرگە و میلیشیاتێن شیعە، نوکە رەوشا باژێڕکێ خوورماتوو بتەمامی تێکچوویە و رەوشا نە ئاسایی ھاتیە راگەھاندن، بەلێ حەشد شەعبی سەنگەرێن خوە گرێداینە و دخوازن شەڕی بکەن.
ژێدەری کو نەڤیا ناڤێ وی بھێتە بەلافکرن گۆتژی” ھژمارەک وەلاتیێن کورد ل دەوروبەرێ قەزا خوورماتوو مژۆلی کارێ خوە بووینە ژلایێ میلیشیاتێن شیعەڤە ھاتینە رەڤاندن و ھەر پشتی نیڤرۆ دو وەلاتیێن دی یێن کورد ژلایێ حەشد شەعبی ڤە ھاتینە شەھیدکرن.
ئەڤرۆ نیوز،زنار تۆڤی:
ئەڤرۆ ڕۆژا پێنجشەمبی 12ى چريا دويێ کۆمەلا ئیسلامی و ئێکەتیێ کومبوونەک ل ھەولێرێ ئەنجام دا و ل کۆنفرانسەکێ رۆژنامەڤانی دا ئەمیرێ كۆمەلا ئیسلامی گۆت: “کۆمبوونا مە ل سەر بارودۆخێ ھەرێما کوردستانێ بوون و ھەروەسا ھیڤیدارین ھەر پێنج لایەنێن سیاسی بگەھنە رێکەفتنەکێ و ھیڤیەکێ بدەینە خەلکێ خۆ”.
ژ لایێ خۆ ڤە مەلا بەختیاری دیارکر: پێدڤیە ئەم ھەمی ل رێگە چارەیەکێ بگەرین و نابیت کێشەیان قۆلتر بکەین، بەرپرسێ دەستەیا گشتی یێ مەکتەبا سیاسی یا ئێکەتیێ گۆت ژی: “ھەتانوکە سەرۆک بارزانی سەرۆکێ ھەرێمێ یە و داخوازا سەرکەفتنێ بۆ ھێزێن پێشمەرگەی دکەین”.
ئه‌ڤرۆ نيوز:
ئه‌ڤرۆ رۆژا پێنجشه‌مبى رێكه‌فتى 12ى چريا دويێ ب سه‌رپه‌رشتيا سه‌رۆكێ هه‌رێما كوردستانێ، مه‌سعود بارزانى، هێزێن پێشمه‌گه‌ى هێرش ژ سێ لايان ڤه كره سه‌ر چه‌كدارێن داعش و هێزێن هه‌ڤپه‌يمانان ژى ل ئه‌سمانێ وێ قه‌زايێ چاڤدێريا ره‌وشێ دكر.
ل ميحوه‌رێ رۆژئاڤايێ شنگال، هێزێن پێشمه‌گه‌ى پێشڤه‌چوونێن گه‌له‌ك باش كرينه و زێده‌ترى پلانا خوه يا بۆ هاتيه دارێتن كرينه كو گه‌هشتينه سێريانا گرعزێر و ب ڤێ چه‌ندێ ژ لايێ رۆژئاڤا ڤه ب ته‌مامى هه‌موو رێيێن داعش هاتينه گرتن.
ژ لايێ رۆژهه‌لات ڤه ژى كه رێيا سه‌ره‌كى يا شنگال تله‌عفه‌ره، ئه‌و ژى ب ته‌مامى هاتيه كونترۆلكرن كو نوكه رێيا ناڤبه‌را شنگال و تله‌عفه‌ر ژى هاتيه گرتن.
ل ناڤ شنگال ژى هێزێن پێشمه‌رگه‌ى سه‌ركه‌فتنێن مه‌زن مينا رۆژهه‌لات و رۆژئاڤا يێن تۆماركرين و نوكه شنگالا كه‌ڤن كه‌ڤيته ده‌ست پێشمه‌رگه‌ى و به‌ر ب سه‌نته‌رێ وێ قه‌زايێ دچن.
نوكه چه‌كدارێن داعش بزاڤێن خوه‌كوژى ئه‌نجام بده‌ن، به‌لێ ژ لايێ هێزێن پێشته‌ڤانيا ئێك دژه تيرۆر و هه‌ڤپه‌يمانان ڤه دهێنه ژناڤبرن، گه‌له‌ك ژ چه‌كدارێن وان به‌ر ب به‌عاج ل قيبله‌تێ ڤه ب ره‌ڤن.
ئه‌ڤرۆ نيوز:
پارێزگەرێ دھۆکێ دوھی رۆژا ١١-١١-٢٠١٥ بۆ رۆژا دویێ ل گەل لژنا پیشەسازیێ ل پارێزگەھا دھۆکێ کۆمبوو، دڤێ کۆمبوونێ بڕیار لسەر ١٥ پرۆژێن گرنگ ھاتنەدان.
فەرھاد ئەمین ئەترووشی، پارێزگەرێ دھۆکێ ئاشکرا کر کو وان د کۆمبوونێ دا بڕیار ل سەر ١٠ پرۆژێن پیشەسازی و پێنج پرۆژێن وەبەرئینانێ دا کو د بەرژەوەندیا وەلاتیان دانە و گۆت: ” کومپانیەکا ناڤخوە دی قەپانێن فێقی ل سەر رووبەرەکێ مەزنێ ئەردی کو مولکێ وێ بخوەیە ل دەڤەرا زاخۆ دێ چێکەت و حوکمەت چ مەزاختیان لێ ناکەت”.
ناڤھاتی دیار کر کو بڕیار ھاتیەدان جھێ پیشەسازیا ترۆمبێلان ل تاخێ سەرھلدان ل باژێرێ دھۆکێ بکەنە پارکەکا مەزن بو خەلکێ تاخێ ناڤبری و نیچیرڤان بارزانی سەرۆکێ حوکمەتا ھەرێما کوردستانێ سۆز دایە مەزاختیێن ڤێ پارکێ ب ستویێ خوەڤە بگریت و گۆت: ” باژێرڤانیا دھۆکێ د گەل نەخشەدانانا ئاڤاھیان و سەندیکا کرێکاران ل پارێزگەھا دھۆکێ رازیبوونا ھەموو دوکاندارێن وێ دەڤەرا پیشەسازی وەرگرتیە کو دەڤەرەکا پیشەسازی یا پێشکەفتی و بەرفرەھتر بۆ وان بھێتە چێکرن و نێزیکی ٨٠٠ پارچێن ئەردی لسەر خۆدانێن ڤان دوکانان دێ ھێنە بەلاڤکرن”.
د لایەکێ دی دا ناڤھاتی ئاماژە دا وێ چەندێ کو نوکە ئەو کار دکەن بۆ ل شوونا گۆرستانا شاخکێ گۆرستانەکا دی ب دیزاینەکَا باش ل نێزیک ئالوکا و دولوبێ چێکەین و گۆت:” رەنگە گۆرستانا شاخکێ بەرفرەھتر لێ بکەین بۆ دەمەکێ دی ھەتا گۆرستانا نوو دھێتە چێکرن”.
نيشاندان
