ئەڤرۆ نیۆز، قائید میرۆ:
وەزارەتا خواندنا بلند و ڤەکۆلینێن زانستی بڕیاردایە، قستێن کریا خواندنێ ل زانکۆ و پەیمانگەھێن ئەھلی ببنە پێنج قست.
عەباس ئەکرەم، پەیڤدارێ وەزارەتا خواندنا بلندو ڤەکۆلینێن زانستی ب ئەڤرۆ نیۆز راگەھاند” وەزارەتێ بھەڤکاریا لیژنا پەروەردە و خواندنا بلند لپەرلەمانێ کوردستانێ ب مەرەما بەرچاڤ وەرگرتنا رەوشا ئابوریا قوتابیان بزاڤێن زۆر کرینە دانا قستێن خواندنێ ل زانکۆیێن ئەھلی بھێنە درێژکرن.
ئەکرەم ئیماژە بڤێ چەندێ ژی کر، وەزیرێ خواندنا بلند و ڤەکۆلینێن زانستی بڕیاردایە، قستێن کریا خواندنێ ل زانکۆ و پەیمانگەھێن ئەھلی ژ دو قستان ببنە پێنج قست و ئەڤسالە کریا خواندنێ ل چو زانکۆیەکێ نەھێتە زێدەکرن ھەتا ھەرێما کوردستانێ دڤێ قەیرانێ دایە.

ئەڤرۆ نيوز، سالار دۆسکی:
شازی خەلیل صالح رێڤەبەرێ نەخشەدانانێ ل رێڤەبەریا گشتی یا پەروەردێ ل پارێزگەھا دھۆکێ بۆ ئەڤرۆ نیۆز گۆت: نوکە موولەت بۆ ڤەکرنا باغچە و قوتابخانێن ئەھلی ھاتیە راوستاندن و بتنێ پەیمانگەھێن زمانان دانا موولەتێ یا بەرەدەوامە.
ھێشتا گۆت: پەیمانگەھێ پێنچ سالی ھەموو ل سەرنتەرێ قەزایێ نە و پەیمانگەھێن زمانی ل ھەموو قەزایێن پارێزگەھێ ھەنە و پەیمانگەھێن زمانی بەر ب زێدەبوونێ یە و دیسان پەیمانگەھێن بھێزکرنا وانێن خواندنێ ژی بەر ب زێدەبوونێ نە و پتریا خەلکی بەرێ خوە دایێ و نوکە (2) ھەنە و دو ژی یێ موولەتان چێدکەن.
دیارکر ژی کو (13) باغچێن زارۆیان یێن ئەھلی ھەنە، زێدەباری باغچێن حوکمی ل پارێزگەھا دھۆکێ(66) پەیمانگەھێن کومپوتەری یێن خواندنا پێنچ سالی یێن ئەھلی (4) ل دھۆکێ ھەنە، بتنێ ئێک پەیمانگەھا کومپوتەری یا حوکمی ل پارێزگەھێ ھەیە، پەیمانگەھا پەترۆلێ یا ئەھلی ھەیە، پەیمانگەھێن خواندنا زمانان یێن ئەھلی (20) ھەنە، قوتابخانێن بنەرەت ئەھلی (10) ئامادەیی (2) ژبەر قەیرانا دارایی ل ھەرێما کوردستانێ ب ھیڤی بووین ئەڤ ژمارە ھاتبانە گوھورین و بەر ب زێدەبوونێ دچوون.
شازی ھێشتا ژی گۆت: شازی ھێشتا ژی گۆت: سزادان و گرتنا باغچە و قوتابخانە و پەیمانگەھێن ئەھلی دەستھەلاتا وەزیرێ پەروەردێ نە، دو باغچە ب کوژمەکێ پارەی ھاتینە سزادان و ئەڤە ژی کێماسیا ب رێڤەبەرنا مامەلان..
ناڤبری گۆتژی: ژبەر قەیرانا دارایی مە ئاگەە ھەیە کو خەلکێ زارۆیێن خوە ڤەدگوھێزیتە حوکمی و ئەڤە ژی قەیرانا دارایی ئەگەرە و پتر ئەڤە ل باغچێن زارۆیان ھاتیەکرن.