ئەڤڕۆ نێوز،زنار تۆڤی:
ئەلهۆیێن ئازادیا کوردستانێ بەرپرسیارەتیا تەقینا ئەنقەرێ یا بەری چەند رۆژان گرتە ستوویێ خۆ و دیارکریە،ئەم دێ هێرشێن زێدەتر ل دژی تورکیا ئەنجام دەین و هەروەسا تەقینا ئەنقەرێ تۆلڤەکرنا رەوشا باکوورێ کوردستانێ بوو یە،زێدەتر دیا دکەن،تەقینا ئەنقەرێ بەرسڤەک بوو بۆ سیاسەتا ئەردۆگانی دژی باکوورێ کوردستانێ.
ئه‌ڤرۆ نيوز، نيوار محه‌مه‌د سه‌ليم:
ئه‌ڤرۆ رۆژا ئه‌ينى ل سه‌ر رێيا سه‌ره‌كى يا باتيفا بۆ زاخۆ ئاگر به‌ربوو ترۆمبێله‌كا ته‌كسى.
مه‌سعود محه‌مه‌د، به‌رپرسێ بنگه‌هێ هاتنوچوونێ يێ باتيفا بۆ ئه‌ڤرۆ نيوز گۆت: “ئه‌ڤرۆ رۆژا ئه‌ينى رێكه‌فتى 19ى شوباتا 2016ێ و ل ده‌مژمێر 3:00ى ئێڤارى ل سه‌ر جادا سه‌ره‌كيا باتيفا بۆ زاخۆ ل نێزيك كۆمه‌لگه‌ها هيزاوا، ژ ئه‌گه‌رێ شورته‌كێ كاره‌بێ ترۆمبێله‌كا فيكترا كرێ -ته‌كسى- ره‌نگێ تبنى سۆت”.
به‌رپرسێ بنگه‌هێ هاتنوچوونێ يێ باتيفا زێده‌تر گۆت: “خۆشبه‌ختانه گيان ب سلامه‌تن ب تنێ زيانێن مادى يێن مه‌زن يێ ب ترۆمبێلێ كه‌فتين”.
ئه‌ڤرۆ نيوز:
نوونەرا تایبەتا سکرتێرێ نەتەوەیێن ئێکگرتی بۆ ھاریکاریا عیراقێ UNAMI نامەکا بۆ سەرۆکێ جڤاتا پارێزگەھا نەینەوا بەشار کیکی ھنارت، ب رێیا نڤیسینگەھا ھەماھنگیا کاروبارێن مرۆڤایەتێ OCHA ئەو نامە گەھشت.
ب مەرەما گرنگیا رۆلێ سەرۆکێ جڤاتا پارێزگەھا نەینەوا بەرێز بەشار کیکی د کارێ پرۆژێ ئاڤاکرن و پەیداکرنا ئاشتیێ دناڤبەرا پێکھاتێن خەلکێ پارێزگەھا نەینەوا دا، نوونەرا تایبەتا نەتەوەیێن ئێکگرتی سۆپاسیا بەشار کیکی کر.
ئەڤە دەقێ وێ نامێ یە:
ژنڤیسنگەھا شاندێ نەتەوەیێن ئێکگرتی بۆ ھاریکاریا عیراقێ بۆ، بەرێز سەرۆکێ جڤاتا پارێزگەھا نەینەوا بەشار کیکی، ھیڤیدارین سالەکا خوش ل سەر جڤاتا پارێزگەھا نەینەوا دا دەربازببیت و بتایبەتی ل سەر ھەوەیێن بەرێز، ڤێ دەلیڤی ب فەر دزانین، سوپاسیا ھەمی بزاڤ وچالاکیێن ھەوە دکەین سەبارەت داخوازیا مەزختنا مووچێن فەرمانبەرێن پارێزگەھێ و گەھاندنا گەلە و گازندێن ئاوارەیان و دابینکرنا پێدڤیێن تایبەت بۆ وان.
پاشی نوونەرا تایبەتا نەتەوەیێن ئێکگرتی پشتەڤانیا خوەیا مەزن بۆ حکومەتا ناڤخۆیا نەینەوا دوپاتکر، گۆت: پشتراسبن نەتەوەیێن ئێکگرتی یا نیزیک و رژدە ل سەر پشتەڤانیا ھەوە ب رێیا ھەماھنگی و پەیوەندیا بەردەوام یا دناڤبەرا مەدا بۆ بەردەوامیا پشتەڤانیکرنا مافێن مرۆڤی ل نەینەوا .
بناڤێ شاندێ نەتەوەیێن ئێکگرتی ل عیرقێ سوپاسی و رێزگرتنەکا بێ سنۆر بۆ جەنابێ ھەوە ..
لیزی کراند
نوونەرا تایبەتا سکرتێرێ
گشتیێ نەتەوەیێن ئێکگرتی
ئەڤرۆ نیوز،زنار تۆڤی:
سەلاحەدین دەمیرتاش هەڤسەرۆکێ پارتیا گەلان هەدەپێ د پرێس کۆنفرانسەکی دا ل ئامەدێ دیارکر:ئەم حەز ناکەین ل تورکیا شەر بەردەوام بیت،ئەم دێ هەمی هولێن خۆ ئێخینە گەر کو شەر ل باکوورێ کوردستانێ راوەستیت و ئێدی خۆین نەهێتە رشتن،هەروەسا داخوز ژ ئێکەتیا ئورۆپا کر کو هەلویستەکێ باشتر و روونتر هەبیت بۆ راوەستاندنا شەری ل باکوورێ کوردستانێ،ناڤهاتی دیار کر ژی:بۆ چاڕەسەریا ڤێ رەوشێ پێدڤیە کۆمیتەیێن هەفبەش بهێنە پێکئینان بۆ چارەسەریا ڤێ رەوشا ئالۆز،پێدڤیە هەولێن جددی بهێنە هاڤێژتن ژ هەمی لایانڤە ژ پێخەمەت بەردەوامی ب قوناغا ئاشتیێ بهێتەدان،هەروەسا گۆت:ئاکپارتی نەگەهشتییە وێ باوەریێ کو ئەڤ بارودۆخە دێ ل سر مێزا گفتۆگۆیان هێتە چارەسەرکرن،لەورا تورکیا لایەنگریا شەری و ئالۆزیان دکەت و نەڤێت ئەڤ رەوشە ل باکوور بهێتە چارەکرن،دڤێ رەوشێ دا ئەرکێ سەرەکی دکەڤیتە سەر ملێ حوکمەتا تورکیا و دڤێت تورکیا دا ب خەلەتیێن خۆ بکەت،لەورا حوکمەتا تورکیا خەلەتیێن مەزن دکەت بەرامبەر کوردێن باکوور.
ئەڤرۆ نیوز، ھەژار مەعروف:
تیما ته‌پاپێ یا گاره شیا هیڤێن خوه گه‌ش بکه‌ت بۆ هه‌ڤرکیا ده‌ربازبوونێ پشتی د یاریا دێربیا پارێزگه‌ها دهوکێ دا ب سه‌رکه‌فتی ل سه‌ر یانا دهوکێ ب گوله‌کێ بێ به‌رامبه‌ر.
ل یاریگەھا برایەتی تیما پێشمەرگا ھیڤێن خوە گەشکرن بۆ دەربازبوونێ پشتی ب سەرکەفتی ل سەر یانا برایەتی ب سێ گولان بێ بەرامبەر
و نەوروز ب سەرکەفت ل سەر سولاڤ ب گوله‌کێ بێ به‌رامبه‌ر.
پشتی یاریێن گه‌را سێ ژ قوناغا دوێ یێن کوما دوێ ب دووماهی هاتین هه‌لویست ب ڤی شێوه‌یه
پێشمه‌رگه هه‌ولێر ١٤ خال
دهۆک ١٣ خال
گاره ١٢ خال
نه‌وروز ١١ خال
برایه‌تی ١٠ خال
سولاڤ ٢ خال
ئەڤرۆ نیوز:
تیما تەپا پێ یا زاخۆ ب خالەکێ ژ گەشتا خوە یا بەغدا ڤەگەریا پشتی د یاریا خوە یا ئەڤرۆ دا ژ گەرا حەفتێ ژ خولا عیراقێ یا پلا نایاب وەکھەڤ بووی ل گەل یانا جەویە بێ گول .
تیما زاخۆ ئەوا نێزیکی دو حەفتيە ل باژێرێ بەغدا ب مەرەما ئەنجامدانا ھەردو یاریێن خوە ل گەل شورتە و جەویە بەر ب باژێرێ بەغدا چووی شیا ب خالەکێ ژ ھەردو یاریان ڤەگەریت پشتی د یاریا ئێکێ دا خوسارەت بووی ل گەل شورتە.
ھەلویستێ ب ڤی شێوەیە پشتی ب دووماھی ھاتنا یاریێن گەرا حەفتی
جەویە ٣٠ خال
شورتە ٢٣ خال
میناء ٢٣ خال
نەجەف ٢٣ خال
زاخۆ ٢٢
بەغدا ٢١ خال
ھەولێر ٢٠ خال
ئەڤرۆ نیوز،زنار تۆڤی:
وەزارەتا بەرگریا ئەمریکا د دوماهیک راپۆرتا خۆدا سەبارەت شەرێ هەڤپەیمانیا نێڤدەولەتی ل دژی داعشێ دایەدیارکرن،کو هەر ژ هاتنا داعشێ و کونترۆلکرنا چەندین باژێران ل عێراق و سووریێ هەتانوکە هەڤپەیمانیا نێڤدەولەتی 10 هزار هێرشێن ئەسمانی بۆ سەر مۆلگەهێن داعشێ ئەنجامداینە و زیانێن مەزن گەهاندینێ و گۆت ژی:هەروسا روژانە تێچوویا ل دژی شەرێ داعش ژلایێ هەڤپەیمانیا نێڤدەولەتی ڤە 11 ملیۆن و 500 هزار دۆلارن،وەزارەتا بەرگریا ئەمریکا (پنتاگۆنێ) ئەوژی دیارکریە،کو هەتانوکە تێچوویا شەرێ ل دژی تیرۆرستێن داعش گەهشتیە 6 ملیار دۆلاران.
ئەڤرۆ نیوز:
ل ماوێ بوری یانا ریال مەدرید ب ھێز ھاتیە دناڤ ھەڤرکیا ب دەستڤە ئینانا یاریکەرێ پولەندی و یانا بایرن میونیخ لیفاندوفسکی .
راپورتێن رۆژنامەڤانی وەسا دیارکری نە ب رێیا بریکارێ یاریکەرێ پولەندی دانوستاندن ل گەل کارگێریا یانا ریال مەدرید ھاتینەکرن و یاریکەری حەزا خوە دیارکری یە یاریێ ل یانا ریال مەدرید بکەت و بۆ سەروکێ یانا ریال مەدرید فلورنتینو پێرز دیارکری یە ئەو یێ رازی یە ل ڤەگوھاستنێن ھاڤینا بھێت ھەڤبەستا ریال مەدرید ئیمزابکەت لێ ئەوی دێ مەرجەک ھەبیت ھەکە رونالدو ل گەل یانێ بیت ئەو دێ ھەڤبەستا خوە ھەلوەشینت ل گەل یانێ ژبەرکو ئەو دخوازیت یاریێ ب ئازادیانە بکەت و ئەو ھێرشبەرێ ئێکێ بیت ل یانا مەلەکی.
ئەڤرۆ نیوز،زنار تۆڤی:
ئەڤرۆ ل رۆژا ئەینی 19 شواتا 2016 جارەکادی تۆپخانەیا سوپایێ تورکی چەندین گوند و دەڤەرێن نێزیکی سنوری ل دەڤەرا بەرواری بالا ب مەرەما هەبوونا چەکدارێن پەکەکێ ل وان جهان تۆپبارانکرن و ڤێ چەندێ جارەکادی دل نە رحەتیەک ل دەف وەلاتیان پەیداکر،ژبەرکو زۆر جاران گۆلە تۆپ ب نێزێکی گوندان کەفتینە زیانێن ماددی گەهاندینە وەلاتیان.
ئەڤرۆ نیوز:
ھێرشبەرێ بەرنیاس ل سەر ئاستێ کێشوارێ ئەفریقیا و ئورۆپا ساموێل ئیتو یاریکەرێ بەرێ یێ بەرشەلۆنا چێلسی دیارکر ھێرشبەرێ ئەرژەنتینی و یانا بەرشەلۆنا لیونێل مێسی ل ڤی دەمی باشترین یاریکەرێ جیھانێ یە .
یاریکەرێ ئەنتالیا سپور یا تورکی د دیدارەکێ دا ل گەل کەنالەکێ تورکی بەرسڤا بێژەرێ تورک دا ل دەمێ پرسیار ل ئیتوی ھاتیەکرن کیژان یاریکەر باشترە ل جیھانێ مێسی یان رۆنالدو ئەوی دیارکر ل ڤی دەمی چو یاریکەر ژ مێسی باشتر نین و مێسی شیای یە چەندین ناسناڤان بۆ یانا کەتەلونی ب دەستخوڤە بینت کو ئەو پشکەکا مەزن یا ئەوان سەرکەفتنێن بەرشەلۆنا بوون.
نيشاندان