ەڤرۆ نیوز:
وەلاتیێن گۆندێن دەڤەرا بارزان ئەڤێن ل ژێر کونترولا PKK دا گازندا وێ یەکێ دکەن کو ژ بەر سەدەما ھەبوونا گەریلایێن PKK زیانێن مەزن ب رێیا فروکێن تورکی ب وان کەفتینە و دخوازن گۆندێن وان ژلایێ وان ڤە بھێنە چولکرن، قایمقامێ مێرگەسوورێ ژی دیارکر کو ٨٠ گۆندێن دەڤەرا بارزان د بن کۆنترولا وانن.
عومەر عەلی، وەلاتیەکێ دەڤەرا بارزانە دیار کر، ئەڤە زێدەتری ٢٥ سالایە ئەو نکارن بچنە سەر گۆندێن خوە و گۆت: (وەکو ھەموو سالەکێ ئەڤ سال ژی گۆندێن مە بوونە ئارمانجا بۆمبەبارانکرنا فروکێن تورکی و زیانێن زورێن مەزنێن ماددی ب گۆندێن مە کەفتینە و ئەڤە سەرەرایی وێ یەکێ کو ئەم نکارین گۆندێن خوە ئاڤەدان بکەین).
گۆت ژی: (سالانە ملیاران دینار وەلاتی وەکو داھات ژ متایێن ھشک و ئاڤی و رەز و بیستانێن خوە بەرھەم دئینن و گۆندێن مە ھەموو جھێ ب خودانکرنا پەزی و چاندنێ یە، بەلێ ب مخابنیڤە ھەتا نھا مرۆڤ نکاریت بچیتە گۆندێ خوە وەکو گەریان ژی).
ئەرکان عەزیز ئەو ژی وەلاتیەکێ گۆندێن وەلاتی ژێری یە ل دەڤەرا بارزان گۆت: (من ژ دایبابێن خوە زانیە مە گۆندەک ھەیە و خودان مولک و رەز و بیستانین و ھێلاینە و نھا ل سەر مولک و ئاخا جھەکێ دن دژین وەکو ئاوارە).
دڤیا ب رێیا ئەڤرء بۆ جھێن پەیوەندیدار بێژیت کو ئەو دخوازن گۆندێن وان بھێنە ئاڤەدانکرن و گۆت: (ئەڤ سالە ژ بەر ھەبوونا مەترسیا بۆمبەبارانکرنا فورکێن تورکی بوو گۆندێن مە ئەم نەچوینە ھێلا کەزان، سماق، کەنگروک، گیز، گھیشک و ھەموو متایێن دن کو ئەڤ یەک ژی ئێک بوو ژ دەھان وان زیانێن ب وەلاتیان کەفتی).
غەفور ئەحمەد قایمقامێ قەزا مێرگەسوورێ دیار کر، زێدەتری ٨٠ گۆندێن دەڤەرا بارزان نھا د بن کۆنترولا PKK دانە و گۆت: (ل ڤان سالێن دووماھیێ پشتی پرۆسەیا ئاشتیێ ل تورکیا بەر ب پێشڤەچوونێ د چوو وەلاتیێن گۆندێن دەڤەرا بارزان قەستا سەر گۆندێن خوە کربوون و بەھرا پتریا وان ژی رەز و بیستان و چاندن ل گۆندێن خوە کربوو و سالانە داھاتیەکێ باش بۆ خوە کۆم دکر، بەلێ ب مخابنیڤە جارەک دن گۆندێن بارزان بوونەڤ ئارمانجا بۆمبەبارانکرنا فروکێن تورکی و ھەتا نھا ژی ئەڤ یەک یا بەردەوامە و بێگومان ئەگەر ژی دزڤریت بوو ھەبوونا گەریلایێن PKK بوو دەڤەرێ و ھندی PKK ل دەڤەرێ ژی ھەبن ئەڤ گۆندە دێ ھەر د چول و وێرانکری بن).
زێدەتر گۆت: (گۆند چەند د مەترسی و وێرانکری بن مرۆڤ نکاریت رێگریێ ل وەلاتیان بکەت کو قەستا گۆندێن خوە نەکەن، ژ بەر کو ئاخا وایە و چو منەتا ل خەلکی ناکەن، ژ بەر ڤێ سەدەمێ ژی چەندان کەس تووشی مرن و بریندارکرن و گرەنتێ بووینە).
قایمقامێ مێرگەسوورێ دیار کر ژی، سەدان بزاڤ ھاتینەکرن کو PKK دەڤەرێ چول بکەن و وەلاتی بوو گۆندێن خوە بزڤرن، بەلێ ھەموو د بەر ئاڤێ داچووینە و گۆت ژی: (ئەڤ سالە پتر ھەموو سالان وەلاتیان قەستا گۆندێن خوە کربوون و رەز و بیستانێن خوە ساخکربوون و ببوویە جھێ ب خودانکرنا پەز و مێشێن ھنگڤینی و داھاتیەکێ باش ژ متایێن ھشک و ئاڤی دھاتن دەستڤەئینان و د نھا دا دخوازین کو وەلاتی قەستا گۆندێن خوە نەکەن، ژ بەر کو جھێ مەترسیێ یە).
ئه‌ڤرۆ نیوز:
سەروکاتیا زانکویا دهوک- نڤێسینگەها هاریکارێ سەروکێ زانکویێ بو کار وبارێن زانستی، ئەنجامێن بەرایێ یێن خواندنا بلند (دکتورایێ) ل زانکویا دهوک راد گەهینن بو سالا خواندنێ (2015-2016) ئەوێن هاتینە پەسەندکرن ژلایێ وەزارەتا خواندنا وبلند وتوێژینەوەیا زانستی.
ئەڤرۆ نیوز:
گەلەک ئافرەت ل سپێدەھیا پشتی کو ژ خەو ھشیار دبن سەروچاڤێن وان زەر دیار دکەن ئەڤە ژی ژ ئەگەرێ خاڤبوونا زڤرینا خوینێ یە د رۆخسارێ وان دا . ئەڤجا داکو ژ ڤێ چەندێ دەرباز ببی سەروچاڤێن خوە ب ئاڤا سار بشوو و پیچەک ب دەستێ خوە دیمێ خوە ب پەرخینە، ئانکو مەساجەکی بۆ دێمێ خوە بکە. داکو لڤاندن و چالاکیا تمام بزڤریتەڤە.
ژبلی ڤێ چەندێ ژی تو دشێی پرتەکا جەمەدی یا بچووک لسەر دێمێ خوە بینی و ببەی ب ڤێ رێکێ زڤڕینا خوینێ چالاک بکەی.
ئەڤرۆ نيوز:
رێڤەبەرێ پەیمانگەھا گەشتوگوزار و ئۆتێلگێری ئاشکرا کر کو بریارا ھەلوەشاندنا پەیمانگەھا وان ھاتیە دان و ئێدی وەکو ئامادەیا گەشتوگۆزار و ئۆتێلگێری سەرەدەری ل گەل دھێتە کرن
سەدار مەحفوز، ڕێڤەبەرێ پەیمانگەھا گەشتوگۆزار و ئۆتێلگێری، بۆ رۆژناما ئەڤرۆ دیار کر، ل دەستپێکا وەرزێ خواندنا ئەڤ سالە، بریار ھاتە دان کو پەیمانگەھا وان بھێتە ھەلوەشاندن و ئێدی وەکو ئامادەیا گەشتوگۆزار و ئۆتێلگێری سەرەدەری ل گەل بھێتە کرن و گۆت “ڤی سیستەمی قوتابی گەلەک دلگران کرینە و ل گەل ھندێ ژی پەیرەوە و پرۆگرامێ خواندنا پەیمانگەھێ ھەموو تێک دایە”.
رێڤەبەرێ پەیمانگەھا گەشتوگۆزار و ئۆتێلگێری ئاشکرا کر، سیستەمێ پەیمانگەھا وان یێ کەڤنە و یێ سالا ١٩٧٨ یە و ل گۆر قانوونا ژمارە ١٢٠ یا ھەمان سالێ، دەرچوویێن ئێکێ ژ پەیمانگەھێ ماف ھەیە ل کۆلیژێن پەیوەندیدار بھێنە وەرگرتن و گەلەک ژ ڤان حالەتان ژی ل عیراقێ و ل بەغدا پەیدا بووینە و گۆت “بەلێ ھەتا نوکە ئەڤ ڕێیە بۆ دەرچوویێن پەیمانگەھا مە نەھاتیە ڤەکرن و ھەکە ھات و پەیمانگەە بۆ ئامادەیی، د ئێک خال دا دێ خزمەتا قوتابی کەت، ئەو ژی مافێ ھەی بچنە زانکۆیێ خواندنا خوە تمام بکەن”.
ئه‌ڤرۆ نيوز:
رێڤەبەرێ شوونوارێن پارێزگەھا دھۆکێ بۆ ئەڤرۆ دیار کر کو چار گۆر ل گۆڕستانەکا شندوخا ھاتینە دیتن، کو پێشبینی دھێتە کرن مێژوویا وان بۆ بەری زاینی بزڤڕیت و گۆت “ڤان رۆژان دێ نموونە ژ ڤان گۆڕان ھێنە وەرگرتن و رەوانەکرن بۆ وەلاتی ئیتالیا، دا کو ڤەکۆلین ل سەر بھێنە کرن و دیار ببیت کا زەلامن یان ژنن”.
د. حەسەن ئەحمەد قاسم رێڤەبەرێ شوونوارێن پارێزگەھا دھۆکێ دیار کر کو نوکە ئەو چار گۆڕ ل گۆرەستانەکا دا دەڤەرا شندوخا ل باژارێ دھۆکێ دھێنە کولان، کو گۆڕین تابووتن و پرۆژە ژلایێ پارێزگارێ دھۆکێ ڤە دھێتە پێشتەڤانیکرن و تێمین رێڤەبەریا شوونوارێن دھۆکێ د پرۆژەی دا کار دکەن و گۆت “مە بسپور د وارێ ئەنسروپولۆجی دا نینە، لەورا نەچار بووینە بسپورێ ڤی واری ژ ئیتالیا بینین و بۆ ڤەکرنا ھەر چار گۆرێن د ناڤ گۆرستانێ دا ھاتینە دیتن دا دگەل تیمێن مە کار دکەت و دێ پێزانینان ل سەر ڤان مریان کۆم کەت، بگرە ژلایێ نفشی و ژیێ وان ڤە و دێ ڤەکۆلین ل سەر ھێنەکرن کا ژنن یان زەلامن”.
د. حەسەن ئەحمەد قاسم دیار کر ژی کو ئێک ژ وان گۆڕین ھاتینە دیتن دێ بۆ مۆزەخانا دھۆکێ یا نشتیمانی ھێتە ڤەگوھاستن و کار ب سەرکەفتی یێ دھێتە ئەنجامدان دێ و چەند نموونە ژی دێ ھێنە وەرگرتن و رەوانەکرن بۆ وەلاتی ئیتالیا بۆ پشتراستبوونێ ژ مێژوویا وان و دێ ل تاقیگەھێن تایبەتێن شوونواران ھێنە پشکنین، داکو دیار بیت کا بۆ چ چەرخی ڤەدگەرن و گۆت “چار گۆرن، لێ مرۆڤەک ھەتا چار مرۆڤان د ئێک گۆڕی دا ھاتینە ڤەشارتن و ئەڤە ئێکەمین جارە ب ڤی شێوەیێ ئەکادیمی ڤەکۆلین ل سەر شوونواران دھێتە کرن و ئەم پێشبینیێ دکەین کو مێژوویا وان ڤەگەریت بۆ بەری زاینی”.
ئەلی ساندرو بسپۆرێ ئیتالیی د وارێ ئەنسروپولۆجی دا بۆ ئەڤرۆ دیار کر کو دێ ل ڤان نێزیکان چەندین نموونە ژ ڤان مریێن ھاتینە دیتن ھێنە وەرگرتن و رەوانەکرن بۆ ئیتالیا و پشتی دو ھەیڤان دێ ئەنجام ئاشکرا بن، ئەو ژی دێ دیار بیت کا مێژوویا ڤان مریان بۆ کیژ چەرخی ڤەدگەریت و دێ پیشکنینەکا ھوور ل سەر ھێتە کرن.
ئەڤرۆ نیۆز، قائید میرۆ:
سپێدەھیا ئەڤرۆ ل میحوەرێ مەخموور چەکدارێن داعش ھێرشکرە سەر ھێزێن پێشمەرگەی و پێشمەرگەیەک برینداربوو.
ژێدەرەکێ ھێزێن پێشمەرگەی ب ئەڤرۆ نیۆز راگەھاند” دەمژمێر ٧ی سپێدەھیا ئەڤرۆ تیرۆرستێن داعش ل گوندێ گڕا و کو دکەڤیتە باشوورێ قەزا مەخموور ھێرشکرنە سەر سەنگەرێن پێشمەرگەی و ژلایێ ھێزێن پێشمەرگەی ب توندی بەرسیڤا ھێرشا داعش ھاتەدان.
ژێدەری گۆتژی” گوندێ گڕا و دکەڤیتە قونتارا چیایێ قەرەچۆغ و چەکدارێن داعش مفا ژ سەقایێ دەڤەرێ وەرگرتیە بۆ ھێرشکرنێ، بەلێ ژبلی برینداربوونا پێشمەرگەیەکی چو زیان دی بەر ھێزێن پێشمەرگەی نەکەفتینە و داعش بەرەف پاشڤە رەڤینە.
ئەڤرۆ نیوز:
پتریا فلمێن رومانسی ل وەلاتێ ھندستانێ دھێنەچێکرن دەمێ ناڤێ لەیلا و مەجنون و رومیۆ جولێت دھێت، ناڤێ شرین و فەرھاد ژی ھاتیە و ھەتا نوکە بولیودێ دو فلم ل سەر ڤێ چیرۆکێ چێکرینە، دیسان چەندین سترانێن گرێدایی ڤیانا (شرین و فەرھاد)ی ل سەر ھە دو بەرھەمان ھاتینە چێکرن.
فلمێ شرین و فەرھاد ل سالا ٢٠١٣ێ بولیۆدێ ھاتیە بەرھەم ئینان، ل دووڤ گۆتنا حەزژێکرێن سینەما بۆلیوودێ ئاماژە دکەنە وێ چەندێ کو ئەڤە ئەفسانەکا فارسی یە یان تورکی یە و ئاگەە ژێ نینە کو کوردی بیت و فلمێ ناڤبری حەزژێکەرێن خوە ھەنە، دیسان فلم ب شێوەکێ رومانسی کو مێدی ھاتیە چێکرن و شرین و فەرھاد حەزژێکرنەکا بێ سنوری حەزژ ئێک دو دکەن، ١٢٢ خولەکە و دھاتێ وی ٩٤ ملیۆن روپی بووینە کو دبیتە نێزیکی ئێک ملیۆن دۆلارێن ئەمریکی.
سەنجەی لیلا بانسالی، سیناریۆ نڤیسەکە دیارکر کو ل سالا
١٩٥٦ بۆ جارا ئێکێ ل بولیۆدێ ئەڤ چیرۆکە کریە فلم و جەماوەرەکێ باش ل خوە کوم کریە.
ئه‌ڤرۆ نيوز:
سترانبێژا دەنگ خوەش مژدین سالح د نووترین گۆتنێن خوە دا بۆ سازیێن راگەھاندنێ دیارکر کو بلا خوە فێری زمانێ دیالۆکێ بکەین و ئێدی ژ توند و تیژیێ و کوشتنێ دوور بکەڤین.
مژدێن دپەیجێ خوەیێ تایبەتێ فەیسبووکی دا دبێژیت چێوونا کوشتنێ بۆ وێ چەندێ ڤەدگەریت کو نەتێگەھشتن دناڤبەرا مرۆڤان دا ھەیە و تایبەت ھەر دو رەگەزان، دیسان ئاماژە دکەت وێ چەندێ کو پێدڤی یە ھەموو بزاڤ بھێنەکرن کو کوشتن پەیدا نەبیت.
مژدێنێ ئەو ژی گۆت: پێدڤی یە زارۆ بھێنە فێرکرن کو زمانێ دیالۆکێ و تێگەھشتنێ ل گەل ئێک ھەبیت و دوور بکەڤن ژ توند و تیژیێ.
سترانبێژ مژدێن خەلکا باشورێ کوردستانێ یە و ل وەلاتێ ھولەندا دژیت و بەری سێ سالان بەرھەمەکێ ھونەری بناڤێ(پاداشت) بەلاڤ کربوو و تێدا یا رووت بوو.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا سێشه‌مبى رێكه‌فتى 10ى چريا دويێ 2015 ئه‌سمانێ دهۆكێ دێ ژ ئه‌وره‌كێ كێم بۆ ئه‌ورێن تمام هێته گوهۆڕين و باران ل ده‌ڤه‌رێن جودا يێن پارێزگه‌ها باريت و ل هنده‌ك ده‌ڤه‌ران ژى دێ مژ زێده بيت و ل ده‌مێن دره‌نگى شه‌ڤ دێ ئه‌ور ل ئه‌سمانى كێم بن.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن نزمێن ده‌ريا سۆر كو هه‌وايه‌كێ هه‌تا راده‌كى سار ل گه‌ل هه‌يه بۆ سه‌ر هه‌رێما كوردستانێ دهێته پێشبينيكرن ئه‌سمانێ دهۆكێ دێ ژ ئه‌وره‌كێ كێم بۆ ئه‌ورێن تمام هێته گوهۆڕين و باران ل ده‌ڤه‌رێن جودا يێن پارێزگه‌ها باريت و ل هنده‌ك ده‌ڤه‌ران ژى دێ مژ زێده بيت و ل ده‌مێن دره‌نگى شه‌ڤ دێ ئه‌ور ل ئه‌سمانى كێم بن.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژئاڤا بيت ب ره‌نگه‌كى د ناڤبه‌را 5 هه‌تا 10 كم دا و ماوێ ديتنێ ژى 8 بۆ دێ 10كم بيت و پلێن گه‌رمێ ژى دێ د ناڤبه‌را 10 بۆ 16 پلان دا بيت.
نيشاندان