ئه‌ڤرۆ نیوز : ڤه‌ده‌ر ره‌شاڤایی:
ژ ئه‌نجامێ 7 هێرشێن تیرۆری یێن جودا ل پاریسا پایته‌ختێ فره‌نسا پتری 60 كه‌سان هاتنه كوشتن و پتری 60 كه‌سان بریندار بوون .
نێزیكی 100 كه‌سان ژ ئالیێ تیرۆرستان ڤه وه‌ك بارمته هاتینه ده‌سته‌سه‌ركرن و چه‌ندین ته‌قه‌كرن و په‌قین په‌یدابووینه، فرنسا ره‌وشا نه‌ئاسایی راگه‌هاند و سه‌رۆكێ فره‌نسا فرانسوا هۆلاند ئه‌ڤ هێرشه ب “كێموێنه” د دیرۆكا نوو یا فره‌نسا دا وه‌سف كر.
تێ زانین ئه‌ڤ په‌قینه دده‌مه‌كی دایه كو گۆپیتكه‌كا مه‌زن لبه‌ره پشتی دو حه‌فتیێن دی ب ئاماده‌بوونا 89 سه‌رۆكێن جیهانێ ل پاریس برێڤه‌بچیت.
نووترين نووچه
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
- پارتی دیموكراتی كوردستان پیرۆزباهیێ ل پارتا داد و گەشەپێدانێ یا توركی دكەت
- لژنەیا پەترۆل و غازێ: هەموو بەرهەڤیێن هنارتنا پەترۆلا هەرێما كوردستانێ یێن تمام بووین
- ب سەركەڤتنا پرۆسەیا ئاشتیێ ل توركیا دێ ب سەدان گوندێن مە دوبارە هێنە ڤەژاندن
- قاسم شەشۆ: ئەو كەسێن چووینە بەغدا داخوازێن كەسۆكی هەبوون و تنێ نوونەرایەتییا چەند كەسان دكەن
- كەسایەتییەكێ ئێزدی: چو جاران ئێزدیان جهێ خوە د ناڤا لەشكەرێ ئیراقێ دا نەدیتییە
- سەرۆك بارزانی و فالح فەیاز رەوشا سیاسی و ئەمنی یا ئیراقێ و دەڤەرێ گەنگەشە كر
- چاڤدێرەكێ سیاسی: سەرۆك بارزانی بڕیاردەرێ چارەسەرییا پرسا كوردی یە ل دەڤەرێ
- وەزارەتا دەرڤەیا ئیراقێ: پەیاما عەبدوللا ئۆجەلانی بۆ ئیراقێ و هەرێما كوردستانێ یا گرنگە
سهرهكى Facebook
كاميرا ئه‌ڤرۆ نيوز ل ناڤ شنگالێ پشتى رزگاركرنێ
پێدڤيه هه‌ڤژين ڤان كاران ل پێش چاڤێن ئێك نه‌كه‌ن
ئه‌ڤرۆ نيوز:
هه‌ر چه‌نده په‌يوه‌ندى ژن و مێران ل ئێك نێزيك دكه‌ن، به‌لێ هنده‌ك كار يێن هه‌ين باشتره ل پێش چاڤێن ئێكدا ئه‌نجام نه‌ده‌ن.
ئه‌و كار ژى د گرێدايى پاقژكرنا پيستى و نه‌هێلانا ميان ل سه‌ر له‌شى و جهێن هه‌ستيارن و چوونا ته‌والێتێ كو كارێن كه‌ساتى يێن هه‌ر مرۆڤه‌كى نه و باشتره هه‌ڤژين ل به‌ر چاڤێن ئێك ڤان كاران نه‌كه‌ن.
ئه‌ڤه ژى د ده‌مه‌كى دايه كو ب گۆره‌ى ڤه‌كۆلينێن جڤاكى ئه‌نجامدانا وان كاران ئێك ژ ئه‌گه‌رێن ته‌لاقدانێ بوويه و ل به‌ر دلێ ئێكدو ره‌ش دبن.
ب وێنه: مالا پێشمه‌رگه‌كى سۆت
ئه‌ڤرۆ نيوز:
به‌ره‌ڤانيا باژێرى ل دهۆكێ راگه‌هاند كو سپێده‌هيا ئه‌ڤرۆ رۆژا ل قه‌زا زاخۆ ئاگر به‌ربوو مالا پێشمه‌رگه‌كى و بێ زيانێن گيانى روودان هاته كونترۆلكرن.
بێوار عه‌بدولعه‌زيز، به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى ل دهۆكێ بۆ ئه‌ڤرۆ نيوز: “سپێده‌هيا ئه‌ڤرۆ رۆژا ئه‌ينى رێكه‌فتى 13ى چريا دويێ ل تاخێ گۆلان يێ قه‌زا زاخۆ ئاگر به‌ربوو مالا پێشمه‌گه‌كى.
زێده‌تر گۆت: “هه‌ر زوو تيمێن به‌ره‌ڤانيا باژێرى ل زاخۆ گه‌هشتنه جهێ روودانێ و شيان بێ زيانێن گيانێ روودانێ كونترۆل بكه‌ن”.
به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى ل دهۆكێ داخواز ژ هه‌موو لايه‌نان كر كو ده‌ستێ هاريكاريێ بۆ ڤى پێشمه‌رگه‌ى درێژ كه‌ن ژ به‌ر كو زيانێن مه‌زن يێن مادى ب مالا وى كه‌فتينه.
ھژمارەک گۆڕێن بکۆم ل شنگالێ ھاتنە دیتن
ئەڤرۆ نیۆز، قائید میرۆ:
نوونەرێ کورددێن ئێزدی ل پەرلەمانێ کوردستانێ داخوازێ لکوردێن ئێزدی دکەت دەستکاری گوڕێن بکۆم نەکەن، ھەتا وەکی بەلگە بھێنە بکارئینان.
شێخ شامۆ، پەرلەمانتارێ پارتی دیموکراتی کوردستان ب ئەڤرۆ نیۆز راگەھاند” داخوازێ ژ کوردێن ئێزدی دکەین ددەمێ سەرەدانا دەڤەرا شنگالێ دەست نەکەنە گۆڕێن بکۆم، ژبەرکو ھژمارەکا زۆرا گۆڕێن بکۆم ھەنە ھەتا ژلایێ تیمێن تایبەت بھێنە ھلدان و وەکی بەلگە بۆ جینۆسایدناساندنا کەیسا شنگالێ بھێنە بکارئینان.
شامۆ گۆتژی” ئەف کارەساتا بسەرێ ئێزدیان ھاتی ژلایێ تیرۆرستێن داعشڤە کارەساتەکا کێم وێنەبوویە و فەرە لەزێ بھێتەکرن بۆ ناساندنا وێ وەکی جینۆساید، لەوڕا ددەمێ ڤان دو رۆژێن بۆری یێن ئۆپەڕاسیۆنا ئازادکرنا شنگالێ دا زۆر بەلگە کەفتینە بەردەست.
هه‌ڤژين چاوان مه‌ساجێ بۆ ئێكدو بكه‌ن؟
ئه‌ڤرۆ نيوز:
ژ ئه‌گه‌رێ ره‌قبوونا زه‌بله‌كان ل ده‌مێن شه‌ڤێ، پێدڤيه ژن و ميێر به‌رده‌وام مه‌ساجێ بۆ ئێكدو بكه‌ن، ئه‌و ژى د رێيا ڤه‌مالينا ئه‌ندامێن له‌شكێ ئێكدو يێن پتر تووشى ماندۆبوونێ دبن ژ ئه‌نجامێ كارێ رۆژانه دا كو پيچه‌كێ ئارام ببن.
گرنگترين رێنما بۆ مه‌ساجكرنێ:
• هه‌لبژارتنا پشكه‌كێ: پێدڤيه هه‌ڤژين مه‌ساجێ بۆ وێ پشكا له‌شێ ئێكدو بكه‌ن، ئه‌وێ ژ ئه‌نجامێ كارێ رۆژانه زێده‌تر تووشى وه‌ستيانێ دبيت.
• خوه‌شووشتن: پێدڤيه به‌رى مه‌ساجكرنێ خوه بشوون، چونكو ئه‌وى ده‌مى ئه‌ندامێن له‌شى زێده‌تر ئاماده دبن بۆ مه‌ساجكرنێ.
• بكارئينانا زه‌يتێ: باشتره ل سه‌ر رێنمايێن نوشدارى ئه‌وان جۆرێن زه‌يتێ بكاربينن كو بۆ مه‌ساجكرنێ دهێنه بكارئينان.
• هزرنه‌كرن: پێدڤيه ل ده‌مێ مه‌ساجكرنێ يان مه‌ساجێ كرنێ دا، ب تنێ هزار وان ل سه‌ر مه‌ساجێ بيت و دوور بكه‌ڤن ژ كێشه و ئاريشێن رۆژانه.
• هه‌لبژارتنا جهه‌كى: باشتره ژن و مێر به‌رى مه‌ساجێ بكه‌ن، بۆچوونا هه‌ڤدو وه‌رگرن و ل سه‌ر داخوازا هه‌ڤدو ئه‌وێ پارچا له‌شى هه‌لبژێرن يا وان دڤێت مه‌ساج بۆ بهێته كرن.
• وه‌رگرتنا ده‌مه‌كێ خۆش: مه‌رج نينه مه‌ساجكرنا هه‌ڤژينان ب تنێ وه‌كو چاره‌سه‌ريه‌كێ بيت بۆ خاڤكرنا ئه‌ندامێن له‌شێ هه‌ڤدو، به‌كو دبيت بۆ چێژوه‌رگرتنێ ژ ده‌مه‌كێ خۆش بيت.
سه‌رۆك بارزانى سۆپاسنامه‌ك به‌لاڤكر
ئه‌ڤرۆ نيوز:
مه‌سعود بارزانى سۆپاسنامه‌ك ل دۆر رزگاركرنا قه‌زا شنگال به‌لاڤكر و تێدا سۆپاسيا وان هه‌موو لايه‌نان كر يێن بووينه ئه‌گه‌رێن ڤێ سه‌ركه‌فتنێ و ئه‌ڤێ ل خوارێ ده‌قێ سۆپاسناما وى يه:
ئازادکرنا شنگالێ ل بن دەستێ تيرۆریستێن داعش ژ روویێ له‌شكرى و سیاسی و دیرۆکی ڤە سەرکەفتنەکی مەزن بوو ژ بوو گەلێ کوردستانێ کو ل سەر دەستێ پێشمەرگەیێن مەیێن قەھرەمان ھاتە تۆمار کرن. ئەڤ سەرکەفتنه ب ھەموو ئالیەکى را دبێژيت ئێدی ئەو رۆژ چوو داگیرکەر و ستەمکار گەلێ کوردستانێ ب چەوسێنن. نھا گەلێ کوردستانێ سەربلندانە بەره‌ڤانيێ ژ خوە دکەت و دوژمنى دشکێنيت و پارێزەرێ بھایێن مرۆڤایەتیێیە ژی.
پشتی داگیرکرنا شنگالێ و ئەو کارەساتا ب سەرێ خووشک و برایێن مە یێن ئێزیدیان دا ھاتى ئەم ئامادە بوون ھەموو رێیەکێ ل بەر بگرین و ھەموو بهايه‌كى بده‌ین کو شنگالێ ئازاد بکه‌سن بۆ کو باوەری ب خوە بوون ژ بۆ گەلێ کوردستانێ و خووشک و برایێن مە یێن ئێزیدیان ڤەگەرينين و دوژمن و تيرۆرستان ژ ئاخا پیرۆزا کوردستانێ دەربێخین.
د دەمێن دەرباسبوویی دا خووشک و برایێن مە یێن ئێزیدی دو جاران زولم ل وان ھاتبوو کرن، ب سەدەما کوردبوونا وان ستەم ل وان ھاتیە کرن و ب سەدەما ئۆلێ ڤە ژی ھاتنە چەوساندن و نه‌خۆشى ديتينه. دخوازم خووشک و برایێن ئێزیدیان ژ وێ یەکێ پشت راست بكه‌م کو ھەردەم گەلێ کوردستانێ پالپشتێ وانن و ئەو بەشەکی ئەزیزێ کوردستانێ نە و پێشمەرگەى ب خوین و قوربانیدانا خوە ئه‌و ئێك سەلماند. کوردستان ژی وەلاتێ پێکڤەژیان و برایەتی و لێبۆرینا ئۆل و نەتەوەیێن جودايه و دڤێت ئەو چاندا گەلێ کوردستانێ وەکی خوە بمینيت و بهێته زه‌نگينكرن.
پیرۆزباھیا ئازادبوونا شنگالێ ل ھەموو ھەڤوەلاتیێن کوردستانێ دکه‌م کو ب دەست و پازویێ پێشمەرگەیێن قەھرەمان پێکھات. سەرکەفتنەکا مەزن کو ھەردەم دیرۆک ژ بیر ناکەت. ل ڤێرێ دا ب پێدڤى دزانم سۆپاسیا ئه‌مەریکا و ھێزێن ھەڤپەیمانان بکه‌م کو ل ئازادکرنا شنگالێ دا ب پالپشتیا ئاسمانیا بێ وێنە هاريكارێن پێشمەرگەى بوون. سۆپاسی وان ھەموو ھێزێن پشكداربوویێن پێشمەرگە و فەرماندەیێن وان دکه‌م کو ئه‌ڤ دەستانا مەزن تۆمار کر. سۆپاسیێن خوە یێن بێ پایان پێشکێشی پێشمەرگەیێن فەرماندەیا زێرەڤانی و یەکینەیێن پێشمەرگەیێن رۆژاڤا، فەرماندەیا شنگال، فەرماندەیا دھۆک، فەرماندەیا ھێزێن پشتەڤانی ئێك، فەرماندەیا بارزان، لەشکەرێ تایبەتی ئێك، لەشکەرێ گولان، لەشکەرێ تایبەتی دو، ھێزا دژی تيرۆر، ھێزا تایبەتا ئێك، ھێزا ٣٢، ھێزا ژینگەھا دھۆک، لیوایا ھەڤبەشێن سەر ب وەزارەتا پێشمەرگە، لیوایا ٤، لیوایا ٨، لیوایا ١٢، لیوایا ١١١ێ سەر ب یەکینەیا حەفتێ و ھێزێن خوەبەخشان دکه‌م کو ب ئیرادەیەکا پۆلایی بەشداری ئۆپەراسیۆنا ئازادکرنا شنگالێ بوون. سۆپاسیا یەکینەیێن سەر ب جڤاتا ئاساییشا ھەرێما کوردستانێ دکه‌م کو رۆلەکی وان یێ ب باندۆر ل برێڤەچوونا ئۆپەراسیۆنێ و گه‌ھاندنا زانیاریێن دروست و ھەماھەنگی ل گەل ھێزێن ھەڤپەیمانان و دانانا پلانا رزگارکرنا شنگالێ دا ھەبوو.
ئازادکرنا شنگالێ دەستانا قەھرەمانیا بێ وێنەیا زارۆک و گەدەیێن گەلێ کوردستانە و باندۆرەکا مەزن ل سەر باوەری ب خوە بوون و پاشه‌رۆژا گەلێ کوردستانێ ب جیھانێ دھێليت ژ بوو وێ یەکێ پێدڤى بوو گەلێ کوردستانێ ئاگاھداری رۆلێ وان ھێزان بيت کو پشكداری ئۆپەراسیۆنێ بوون و دیرۆک وان ب بیر بینيت.
ل دووماهیێ ھزاران سلاڤ ژ بوو گیانێ پاکێ شەھیدێن مە یێن نەمر را دشینم و ھيڤى ژ خودایێ مەزن دکه‌م کو شیفایا خێرێ بدەته برینداران و ھيڤیا پاشارۆژەکا گەش ژ بۆ گەلێ کوردستانێ دخوازم.
مەسعود بارزانی
سەرۆکێ ھەرێما کوردستانێ
١٣-١١-٢٠١٥
نووترين پێزانين ل سه‌ر شه‌رێ حه‌شه‌د شه‌عبى و پێشمه‌رگێ كوردستانێ
ئه‌ڤرۆ نيوز:
پشتى ژ دوهى رۆژا پێنجشه‌مبى رێكه‌فتى 13ى چريا دويێ يا 2015ێ شه‌ر د ناڤبه‌را كورد و حه‌شه‌د شه‌عبى ل خورماتۆ ده‌سپێكرى و هه‌تا ئه‌ڤرۆ ئێڤارى ژى به‌رده‌وام بووى، چه‌نده‌كێ به‌رى نوكه رێكه‌فتنه‌ك بۆ ب دووماهى هاتنا شه‌رى هاته مۆركرن.
فارووق ئه‌حمه‌د، رێڤه‌به‌رێ ئاسايشا خورماتۆ بۆ مالپه‌رێ فه‌رميێ پارتى ديموكراتى كوردستان راگه‌هاند: رێكه‌فتنه‌ك د ناڤبه‌را حه‌شه‌د شه‌عبى و پێشمه‌رگه‌ى دا هاتيه كرن دا كو شه‌ر ب راوه‌ستيت و ئێخسيران ژى لێكبگوهۆڕن و هێزێن وان ژى بۆ جهێ خوه ڤه‌گه‌رن و خه‌لكێ زه‌ره‌رمه‌ند ژى بهێته قه‌ره‌بووكرن، ژ به‌ر هندێ نوكه شه‌ر راوه‌ستيايه.
گۆتژى: “ژمارا ئێخسيران يا زێده‌يه و پێدڤيه خه‌لك ب خوه بهێت و بێژيت كورێن مه يێن هاتينه گرتن دا كو ناڤێن وان ب ده‌نێ و بهێنه ئازادكرن”.
ژ ئه‌نجامێ ڤان روو ب رووبوونێن دو رۆژێن بۆرى 12 كه‌س ژ حه‌شه‌د شه‌عبى هاتينه كوشتن ل گه‌ل شه‌ش كه‌سان ژى ژ وه‌لاتى و ئاسايشان هاتينه كوشتن.
ڤيديۆ: ده‌قێ گۆتارا سه‌رۆك بارزانى ل چيايێ شنگال
ئه‌ڤرۆ نيوز:
ئه‌ڤرۆ رۆژا ئه‌ينى رێكه‌فتى 13ى چريا دويێ سه‌رۆكێ هه‌رێما كوردستانێ ل چيايێ شنگال كۆنگره‌كێ رۆژنامه‌ڤانى گرێدا و رزگاركرنا شنگال راگه‌هاند.
سه‌رۆكێ هه‌رێما كوردستانێ ل ده‌سپێكا په‌يڤا خوه سۆپاسيا خودايێ مه‌زن و پێشمه‌رگه‌ى كر كو داستانه‌ك ل سه‌ر ده‌ستێ وان هاتيه تۆماركرن و مزگينيا شنگال راگه‌هاند.
مه‌سعود بارزانى سه‌رۆكێ هه‌رێما كوردستانێ ئه‌ڤ سه‌ركه‌فتنه ل خێزانێن شه‌هيدان و كه‌سوكارێن پێشمه‌رگه‌ى و ئێزديان پيرۆز كر و گۆت: “ئه‌ڤ داستانه ب خوينا ژماره‌كا شه‌هيدێن قاره‌مان هاتيه تۆماركرن جهێ وان به‌هه‌شت بيت و داخواز شيفايێ بۆ برينداران دكه‌ين”.
بارزانى بۆ برايێن ئێزدى گۆت: “مه وه‌عد دا و ب جهـ ئينا و نوكه يێ ل شنگالێ”، گۆتژى: “ب تايبه‌ت بۆ خوشك و برايێن ئێزدى ئه‌و ب تنێ نينه و هه‌موو جيهان يێ ل پشتا وان و ئه‌و به‌شێ ره‌سه‌نێ تاكێ كوردستانێ نه”.
د پشكه‌كا دى يا ئاخفتنا خوه دا سه‌رۆك بارزانى گۆت: “هه‌ر تاكه‌كێ ئێزدى بلا سه‌رێ خوه بلند كه‌ت و باوه‌رى ب خوه هه‌بيت و كچێن ئێزدى ژى بلا بده‌نگه‌كێ بلند گازى بكه‌ت كچا كوردانم”، حۆيا ژى كر كو تۆلا وان ب ڤێ سه‌كه‌فتنێ هاته تۆماركرن.
سه‌رۆك بارزانى سۆپاسيا ئه‌مريكا و هه‌ڤپه‌يمانا كر بۆ وێ پشته‌ڤانيا وان كرى و گۆتژى: “پشته‌ڤانيا وان گه‌له‌ك يا كاريگه‌ر بوو”.
سه‌رۆكێ هه‌رێما كوردستانێ دا زانين ژى كو هندى داعش هه‌بيت شه‌رێ وان دێ ل دژى وێ رێكخراوێ يێ به‌رده‌وام بيت.
د به‌رسڤا رۆژنامه‌نه‌كى ژى دا گۆت: “رزگاركرنا شنگال ل سه‌ر ده‌ستێ پێشه‌رگه‌ى به‌هانه‌يا كوردستانيبوونا وێ دگه‌هينيت”، دا زانين ژى كو ئه‌ڤه چه‌ند بوو چو لايه‌نه‌كى شنگال ئازاد نه‌دكر.
ده‌رباره‌ى پاشه‌رۆژا شنگال ژى سه‌رۆكێ هه‌رێما كوردستانێ گۆت: “شنگال ب خوينا پێشمه‌رگه‌ى هاته رزگاركرن و ده‌ڤه‌ره‌كا كوردستانى يه و دێ سه‌ر ب هه‌رێما كوردستانێ بيت و دێ بزاڤێن پارێزگه‌هبوونا وێ كه‌ين”.
ده‌رباره‌ى وێ چه‌ندێ كا چ هێزێن دى ژ بلى پێشمه‌رگه‌ى پشكدار بووينه، سه‌رۆك بارزانى گۆت: “ژبلى پێشمه‌رگه‌ى چو هێزه‌كا دى پشكدارى نه‌كريه، ب تنێ پێشمه‌رگه‌ى پشكدارى يا كرى و ژ بلى ئالايێ كوردستانێ نابيت ئالايه‌كێ دى بهێته بلندكرن”.
داخواز ژى ل هه‌موو لايه‌نێن جيهانى و عيراقى و ناڤخۆى ژى كر كو ب ره‌نگه‌كێ گه‌له‌ك كارا كار د ئاڤه‌دانكرنا شنگال دا بكه‌ن.
هاتيه نووكرن: سه‌رۆك بارزانى ل شنگال مزگينى راگه‌هاندن
ئه‌ڤرۆ نيوز:
ئه‌ڤرۆ رۆژا ئه‌ينى رێكه‌فتى 13ى چريا دويێ سه‌رۆكێ هه‌رێما كوردستانێ ل چيايێ شنگال كۆنگره‌كێ رۆژنامه‌ڤانى گرێدا و رزگاركرنا شنگال راگه‌هاند.
سه‌رۆكێ هه‌رێما كوردستانێ ل ده‌سپێكا په‌يڤا خوه سۆپاسيا خودايێ مه‌زن و پێشمه‌رگه‌ى كر كو داستانه‌ك ل سه‌ر ده‌ستێ وان هاتيه تۆماركرن و مزگينيا شنگال راگه‌هاند.
مه‌سعود بارزانى سه‌رۆكێ هه‌رێما كوردستانێ ئه‌ڤ سه‌ركه‌فتنه ل خێزانێن شه‌هيدان و كه‌سوكارێن پێشمه‌رگه‌ى و ئێزديان پيرۆز كر و گۆت: “ئه‌ڤ داستانه ب خوينا ژماره‌كا شه‌هيدێن قاره‌مان هاتيه تۆماركرن جهێ وان به‌هه‌شت بيت و داخواز شيفايێ بۆ برينداران دكه‌ين”.
بارزانى بۆ برايێن ئێزدى گۆت: “مه وه‌عد دا و ب جهـ ئينا و نوكه يێ ل شنگالێ”، گۆتژى: “ب تايبه‌ت بۆ خوشك و برايێن ئێزدى ئه‌و ب تنێ نينه و هه‌موو جيهان يێ ل پشتا وان و ئه‌و به‌شێ ره‌سه‌نێ تاكێ كوردستانێ نه”.
د پشكه‌كا دى يا ئاخفتنا خوه دا سه‌رۆك بارزانى گۆت: “هه‌ر تاكه‌كێ ئێزدى بلا سه‌رێ خوه بلند كه‌ت و باوه‌رى ب خوه هه‌بيت و كچێن ئێزدى ژى بلا بده‌نگه‌كێ بلند گازى بكه‌ت كچا كوردانم”، حۆيا ژى كر كو تۆلا وان ب ڤێ سه‌كه‌فتنێ هاته تۆماركرن.
سه‌رۆك بارزانى سۆپاسيا ئه‌مريكا و هه‌ڤپه‌يمانا كر بۆ وێ پشته‌ڤانيا وان كرى و گۆتژى: “پشته‌ڤانيا وان گه‌له‌ك يا كاريگه‌ر بوو”.
سه‌رۆكێ هه‌رێما كوردستانێ دا زانين ژى كو هندى داعش هه‌بيت شه‌رێ وان دێ ل دژى وێ رێكخراوێ يێ به‌رده‌وام بيت.
د به‌رسڤا رۆژنامه‌نه‌كى ژى دا گۆت: “رزگاركرنا شنگال ل سه‌ر ده‌ستێ پێشه‌رگه‌ى به‌هانه‌يا كوردستانيبوونا وێ دگه‌هينيت”، دا زانين ژى كو ئه‌ڤه چه‌ند بوو چو لايه‌نه‌كى شنگال ئازاد نه‌دكر.
ده‌رباره‌ى پاشه‌رۆژا شنگال ژى سه‌رۆكێ هه‌رێما كوردستانێ گۆت: “شنگال ب خوينا پێشمه‌رگه‌ى هاته رزگاركرن و ده‌ڤه‌ره‌كا كوردستانى يه و دێ سه‌ر ب هه‌رێما كوردستانێ بيت و دێ بزاڤێن پارێزگه‌هبوونا وێ كه‌ين”.
ده‌رباره‌ى وێ چه‌ندێ كا چ هێزێن دى ژ بلى پێشمه‌رگه‌ى پشكدار بووينه، سه‌رۆك بارزانى گۆت: “ژبلى پێشمه‌رگه‌ى چو هێزه‌كا دى پشكدارى نه‌كريه، ب تنێ پێشمه‌رگه‌ى پشكدارى يا كرى و ژ بلى ئالايێ كوردستانێ نابيت ئالايه‌كێ دى بهێته بلندكرن”.
داخواز ژى ل هه‌موو لايه‌نێن جيهانى و عيراقى و ناڤخۆى ژى كر كو ب ره‌نگه‌كێ گه‌له‌ك كارا كار د ئاڤه‌دانكرنا شنگال دا بكه‌ن.
نيشاندان
WP Facebook Auto Publish Powered By : XYZScripts.com