سه‌فین دزه‌یى: وه‌ دیاره‌ پاتریێن حاسیبا عه‌لى حه‌مه‌ سالح یێن لاواز بووین

10/11/2015 23:37

840

ئه‌ڤرۆ نیوز:

سه‌فین دزه‌یى ره‌خنێن دژوار ئاراسته‌ى عه‌لى حه‌مه‌ سالح په‌رله‌مانتارێ فراكسیونا گۆڕان كرن سه‌باره‌ت وان ئامار و داتایێن وى سه‌باره‌ت پرسا نه‌فتا هه‌رێما كوردستانێ به‌لاڤكرین و ب نه‌راست دا زانین، دزه‌یى گۆت” عه‌لى حه‌مه‌ سالح دیاركریه‌ كو هه‌رێم رۆژانه‌ 450 هزار به‌رمیلێن نه‌فتا كه‌ركووكێ دفروشیت، وه‌ دیاره‌ پاتریێن حاسیبا وى یێن لاواز بووى، چونكو ل دووڤ رێككه‌فتنا هه‌رێم و به‌غدا، رۆژانه‌ 300 هزار به‌رمیلێن نه‌فتا كه‌ركووكێ دهێنه‌ هنارتن و به‌رپرسێن كه‌رتێ نه‌فتێ ل وى باژێرى راگه‌هاندینه‌ كو ئه‌و زێده‌تر ژ وێ رێژێ نه‌شێن نه‌فتێ به‌رهه‌م بینن.

خالەتا من رازی نەبو کچا وێ شوو بمن بکەت

10/11/2015 22:22

2299

ئه‌ڤرۆ نيوز:

زەلامەکێ ٢٥ سالی دلێ خوە بۆ ئەڤرۆ ڤەدکەت و دبێژیت: ئەڤە دو سالە من خێزان پێک ئینای و ل کومپانیەکێ کار دکەم مە زارۆیەک ھەیە لێ ئاریشا من ئەوە بەری کو خێزانی َپێک بینم من و کچ خالەتا خوە حەز ژ ھەڤدو دکر بەس خالەتا من رازی نەبو کو کچا وێ شوو بمن بکەت و بێ ئەگەر نەدا من لەوا من ژی خێزان دگەل کەسەکا دی پێک ئینا و ھەڤژینا من گەلەکا باشە و بدلی َمنە و خودان رەوشتە و چو خەلەتی لنک نینن، لێ ئەز ھەر ھزرێن کچ خالەتا خوە دکەم و ئەڤە نە بمنە حەتا ئەو بویە ئەگەر کو دلێ من یێ ژ ڤێ دنیایێ سار بوی ئەڤجا ھیڤی دکەم من ژڤان ھزرا خلاس بکەن ھوون دبێژن ئەز چ بکەمو دێ چەوا ژ ڤێ بێزاریێ خلاس بم؟
برایێ ھێژا :
گەلەک جارا کار ب دلێ مروڤی نە بەلێ خرابی یا تێدا، ھەروەسا ھندەک جارێن دی بەرو ڤاژی وێ چەندێ یە و باشیا مروڤی یا تێدا لەوا ھزرێن خوە باش بکە تو نھا خودان خێزانی و زارویی و کار بکە ژ بو پەیدا کرنا ھەموو پێدڤیێن ژیانێ بو وان و چێدبیت نە رازیبونا خالەتا تە د بەرژەوندیا تە دا بیت، ئەڤجا تو جەختیێ ل نھا بکە و چاڤێن خوە ڤەکە و ب گەشبینی تەماشەی ئایندێ خوە و خێزانا خوە بکە و ب ھەستەکا بەرپرسیارەتیێ بکارێ خوە رابە و خودان خێزان و خودان ئیرادە بە و ھزرێن شاش ژ مێشکێ خوە دەربێخە و ل جھێ وان ھەست ب خوشیا ژیانێ بکە.

ب وێنه‌: قاسم سولێمانی ل كیڤه‌یه‌؟

10/11/2015 22:18

398

ئه‌ڤرۆ نیوز: ڤه‌ده‌ر ره‌شاڤایی:
جه‌نه‌رال قاسم سولێمانی فه‌رماندێ هێزا قودس یا نوخبه‌ یا ئیرانی جار جار د چه‌ند وێنان دا ل ئیراقێ دیار دبوو، وه‌ك بیرئانینه‌ك بۆ رۆلێ ئیرانێ ل ئیراقێ لێ بۆ ده‌مه‌كێ چ وێنێن وی دیار نه‌بوون، نها جاره‌كا دی دیاربوون.
لدووڤ مالپه‌رێ “Uskowi on Iran” یێ ئیرانی، د نووترین وێنه‌ دا قاسم سولێمانی كو رۆلێ ئیرانێ د شه‌رێ دژی داعش دا دگێریت، لگه‌ل دو ملیشیایێن شیعه‌ یێن ئیراقی ژ (كه‌تائیب سه‌ید ئه‌لشوهه‌دا)، ل حه‌له‌بێ، سوریا دیار دبیت، ئه‌ڤه‌ دده‌مه‌كی دایه‌ كو ل مه‌ها بۆری هه‌تا نها 20 سه‌ربازێن ئیرانی د پشته‌ڤانیكرنا به‌شار ئه‌سه‌د دا ل سوریا هاتینه‌ كوشتن.
(كه‌تائیب سه‌ید ئه‌لشوهه‌دا) گرۆپه‌كا چه‌كدارا شیعه‌ یا ئیراقی یه‌ و پشته‌ڤانیا ئیرانێ وه‌ردگریت.

هه‌والگیرییا رووسی داوی زانیاری لدۆر هه‌ژمارا تیرۆستێن داعش دیاردكه‌ت

10/11/2015 21:23

161

ئه‌ڤرۆ نیوز: ڤه‌ده‌ر ره‌شاڤایی:
هه‌والگیرییا رووسیا د راپۆرته‌كێ دا راگه‌هاند كو 80 هزار چه‌كدار شه‌ری بۆ داعش دكه‌ن، 30 هزار ژ وان ل ئیراقێ نه‌ و 50 هزار ل سوریا.
تیرۆرستێن داعش ژ 80 وه‌لاتێن جودا نه‌، 7 هزار ژێ ژ وه‌لاتێن ئێكه‌تیا سۆڤیه‌تا به‌رێ نه‌.
هه‌ر د راپۆرتێ دا ژ زاده‌ڤێ یێڤجێنی سیسۆیێڤ جێگرێ سه‌رۆكێ ئێمناهیا فێدرالی یا رووسیا (FSB) هاتیه‌ ڤه‌گوهاستن كو نێزكی 40 سه‌دێ ژ ئاخا ئیراقێ و 50 سه‌دێ ژ ئاخا سوریا لبن كۆنترۆلا داعش داییه‌.

هه‌تا 2020 بهایێ به‌رمیلا په‌ترۆلێ دێ دبن 50 دۆلارا دا بیت

10/11/2015 20:56

ئه‌ڤرۆنیۆز، ئه‌یاد به‌رواری
ئاژانسا وزا نێڤده‌وله‌تی پێشبینیا وێ چه‌ندێ دكه‌ت كو بازارێ په‌ترۆلێ دێ دوباره‌ هێدی لڤیت و ل سالا 2020 دێ بهایێ به‌رمیله‌كا په‌ترۆلێ گه‌هیته‌ 80 دۆلاران و پاشی دێ بها به‌رده‌وام به‌ر ب بلندبوونێ ڤه‌ چیت.
ئاژانسا ناڤبری، ل دووڤ سایتێ (الخلیج ئونلاین) ئاشكراكریه‌ ژی كو سیناریویا نزمبوونا بهایێن په‌ترۆلێ دێ ده‌مه‌كی ڤه‌كێشیت و هه‌تا سالا 2020 ێ بهایێ ئێك به‌رمیلا په‌ترۆلێ دێ ل دۆرێن 50 دۆلاران بیت و ل سالا 2020 دێ گه‌هیته‌ 80 دۆلاران و پاشی دێ به‌ر ب بلندبوونێ ڤه‌ چیت هه‌تا ل سالا 2040 دگه‌هیته‌ 85 دۆلاران .
بهایێن په‌ترۆلێ هه‌ر ژ ناڤه‌راستا سالا 2014 ێ به‌ر ب نزمبوونێ چوون و گه‌هشتنه‌ نیڤا بهایێن خوه‌ و نوكه‌ بهایێ ئێك به‌رمیلا په‌ترۆلێ خام دبن 50 دۆلاران دایه‌

فراكسیۆنا پارتى دێ راپورته‌كێ راده‌ستى قونسولخانێن بیانى كه‌ت

10/11/2015 20:24

127

ئه‌ڤرۆنیۆز، سالار دۆسكى:
جێگرا فراكسیۆنا پارتى دیموكراتى كوردستان، ئاشكراكر كو وه‌ك فراكسیوونا زه‌ر نها به‌ر ب چه‌په‌رێن پێشمه‌رگه‌ى چووینه‌ و سه‌رده‌دانێن وان به‌رده‌وامن، زێده‌بارى دانا راپورته‌كێ بۆ قونسلخانێن وه‌لاتێن بیانى ل هرێما كوردستانێ.
ئامینا زكرى، جێگرا سه‌رۆكا فراكسیۆنا پارتى دیموكراتى كوردستان بۆ ئه‌ڤرۆ نیۆز گۆت: پشتى مه‌ سه‌ره‌دانا باره‌گایێن پارتى كر ل ده‌ڤه‌رێن سلێمانیێ و راپه‌رین و هه‌له‌پجه‌ و ڤه‌كولین ل چاوانیا سوتاندن و تالانكرنا باره‌گایێن پارتى كرین و كومه‌كا داتا وازانیاریان به‌ر ده‌ستێن مه‌ كه‌فتین.
ئامینا زكرى گۆت: نوكه‌ یێ كار دكه‌ین داكو راپورته‌كا گشتى بۆ رایا گشتى و قونسولخانێن وه‌لاتێن بیانى ل ناف هه‌رێما كوردستانێ به‌رهه‌ڤ بكه‌ین و پێشكێشى وان بهێته‌ كرن.

سوبە ئەڤ جهە دێ مووچێ هەیڤا تەباخێ وەرگرن

10/11/2015 20:00

1915

ئەڤرۆ نیوز،زنار تۆڤی:
د بەردەوامیا پرۆسا دابەشکرنا مووچەی دا، وەزارەتا دارایی و ئابووری یا حوکمەتا هەرێما کوردستانێ دا دیارکرن کو ل رۆژانێن چارشەمبی و پێنج شەمبی مووچێ هەیڤا تەباخێ یێ ئەنجۆمەنێ ئاسایشێ و دەزگایێ گشتی یێ ئاسایشا هەرێما کوردستانێ دێ هێتە دابەشکرن.

پێنج داخوازى پێشكێشى حكومه‌تا رووسیا كرن

10/11/2015 19:50

160

ئه‌ڤرۆ نیوز: كاروان باعه‌درى :
شانده‌كێ ئێزدیان یێ كو به‌ره‌ڤ وه‌لاتێ رووسیا برێكه‌ڤتین و پێكهاتیه‌ ژ جڤاتا روحانیا ئێزدیان و وه‌كیلێ میرێ ئێزدیان و چه‌ندین كه‌سایه‌تێن سیاسى یێن ئیزدى ئه‌ڤرۆ ل گه‌ل به‌رپرسێن حكومه‌تا رووسیا ل مۆسكۆیا پایته‌ختێ وى وه‌لاتى كۆمبوون و ددیدارا ل گه‌ل میخائیل بوگدانۆڤ جێگرێ وه‌زیرێ ده‌رڤه‌یێ رووسیا و نوێنه‌رێ سه‌روكێ رووسیا بۆ كاروبارێن رۆژهه‌لاتا ناڤین ئه‌ڤ داخوازى پێشكیشى وان كرن .
1_ هاریكاریا 400000 ئاواره‌یین هه‌رێمێ بهێته‌ كرن ئه‌وێن د 21 كه‌مپێن هه‌ریمێ دا ژلایێ ته‌ندرووستى و فێركرن و خوارن و هه‌موو لایێن دى ڤه‌ .
2_ هه‌روه‌هان 5838 ئێزدیێن دده‌ستێ داعشێ دا بهێنه‌ ئازادكرن .
3_ كاره‌ساتا ئێزدیان ب جینوساید بده‌نه‌ ناسكرن ژبه‌ركو عیراق نه‌ ئه‌ندامه‌ د دادگه‌ها تاوانێن نیڤده‌وله‌تى دا پێتڤیه‌ هاریكارى بهێته‌ كرن داكو ببیته‌ جینۆساید .
4_ پاراستنا نێڤده‌وله‌تى بهێته‌ دابین كرن .
5_ پێدڤیه‌ حكومه‌تا رووسیا د هه‌موو بواراندا هاریكاریا حكومه‌تا هه‌ریما كوردستانێ بكه‌ت ژبه‌ركو بارگرانیه‌كا مه‌زنا ل سه‌ر حكومه‌تا هه‌ریمێ هه‌ی.

ئه‌ڤ كه‌مپینه‌ ل دێره‌لوكێ هاته‌ پێكئینان

10/11/2015 19:40

2725

ئه‌ڤرو نیوز ، نه‌وزاد زاده‌ هلورى:
كومه‌كا گه‌نجێن سنوورێ ناحیا دێره‌لوكێ كه‌مپیه‌ك بو راگرتنا دراما ” وێستگه‌ها ته‌كسى ” پێك ئینایه‌ و دده‌ن دیاركرن كو ئه‌ڤ كه‌مپین دێ بوو ده‌ما دوو هه‌یڤان یا به‌رده‌وام بیت.
سه‌لاح عه‌بدوللا ئێك ژ رێكخه‌رێن كه‌مپینێ بو ئه‌ڤرو نیوز گۆت : ( ب مه‌ره‌ما راگرتن و په‌خشنه‌كرنا دراما وێستگه‌ها ته‌كسى مه‌ وه‌كو گه‌نجێن دێره‌لوكێ ب هه‌ڤكاریا گه‌نجێن ئامێدیێ و دهوكێ و ده‌وروبه‌ران كه‌مپینه‌ك پێكینایه‌ و بوو ده‌ما دوو هه‌یڤان دێ كاركه‌ین و كارێ مه‌ دێ پتر لسه‌ر تورێن جڤاكى بیت ، و دێ گڤاشتنان ئێخینه‌ سه‌ر كه‌نالێ NRT2 كو درامایێ رابگریت ژ به‌ركو ئه‌ڤ درامایه‌ ب هیچ شێوه‌یه‌كێ دگه‌ل داب و نه‌ریتێن جڤاكیێن مه‌یێن كوردى ناگونجیت و ده‌هان دیمه‌نێن بێ ره‌وشتیێ دناڤ دا ب هیجه‌یتا كومێدیبوونێ په‌خشدكه‌ت )
زێده‌تر گۆت : ( د هه‌ر ئه‌لقه‌كا درامایێ دا دیمه‌نه‌كێ كرێت و نه‌جوان و بێ ره‌وشتیێ هه‌یه‌ و رۆژ بو روژێ ژى ئه‌ڤ دیمه‌ن پتر دبن ، و هزرا من ئه‌ڤ یه‌ك ژى ئاماژه‌دكه‌ت كو ئه‌ڤى كه‌نالى ب بهانه‌یا ئه‌ڤێ درامایێ دخوازیت د پلانه‌كا دارشتى دا كارتێكرنێ ل ره‌وشتێن گه‌نجێن مه‌ بكه‌ت چ نها بیت یان ژى پشتى 50 سالێن دن )
بێوار ئه‌حمه‌د ژى گه‌نجه‌كێ دن یێ كه‌مپینیێ یه‌ و گۆت : ( راسته‌ هه‌ر كه‌ناله‌ك ئازاده‌ چوو به‌لاڤ بكه‌ت به‌لێ دڤێت ئه‌ڤ ئازاده‌ ژى كارتێكرنێ ل به‌رژه‌وه‌ندیێن گشتى نه‌كه‌ت ژبه‌ركو دبیت ئه‌ڤ دراما بوو جڤاكێ توركى یا گونجاى بیت به‌لێ بوو مه‌ نه‌ ژ به‌ركو هه‌موو دزانن ئه‌م جڤاكه‌ك عه‌شائیرى نه‌ و په‌یوه‌ندیێن مه‌یێَن جڤاكى د خوشن و هه‌موو ژى دزانن ئه‌ندامێن مه‌یێن خێزانێ پێكڤه‌ دخون و ڤه‌دخوون و پێكڤه‌ ته‌ماشه‌یێ تێله‌ڤزیوونى َدكه‌ن و ئه‌ڤ یه‌ك ژى زور جاران مروڤى دده‌تن شه‌رمێ و مروڤ نكاریت سه‌حا درامایێ بكه‌ت پێشچاڤێن خێزانێ و دیڤدا ره‌نگه‌ ده‌ركه‌ڤیت و ده‌ركه‌فتن دبیته‌ سه‌ده‌م كو به‌رێ گه‌نجان بده‌تن كولان و چایخانان و هه‌تا نیڤ شه‌ڤان بمینیت ده‌رێ و ره‌نگه‌ كارێن خراپتر ژى بكه‌ت )
لگوره‌ى زانیاریان دراما وێستگه‌ها ته‌كسى 500 ئه‌لقه‌یێن كه‌نالێن مه‌ بخوڤه‌ دگریت و نها دراما د ئه‌لقه‌یا 87 ێ دایه‌ و ئێكه‌ ژ درامایێن ئه‌ڤینى ب شێوه‌یێ كومێدى ، و ژلایێ كومپانیا فه‌رهه‌نگ ل دهوكێ هاتیه‌ وه‌رگێران بوو زمانى َكوردى و رۆژانه‌ ل كه‌نالێ NRT2 دهێته‌ په‌خشكرن.

ڤیدیو: رزگاربوونا ئاواران ل سنورێن ئاڤا یونان

10/11/2015 19:20

131

ئه‌ڤرۆ نیوز:

د گرته‌كا ڤیدیویى دا كو ژ ئالیێ رۆژنامه‌نڤیسه‌كێ ئوروپى ڤه‌ هاتیه‌ توماركرن، چركه‌ ساتێن رزگاربوونا په‌نابه‌ران ل ئاڤا یونان به‌رچاڤ دكه‌ت.

نيشاندان 1...1,260 2,260 3,260 3,2623,2633,264...4,226 زێده‌تر

لاپه‌ر 3,263 ژ 4,226