ئه‌ڤرۆنیوز : كاروان باعه‌درى :
سه‌رۆكێ ده‌سته‌یا بلندا بنگه‌هێ لالش یێ ره‌وشه‌نبیرى و جڤاكى و په‌رله‌مانتارێ كوردێ ئێزدى شێخ شامۆ شیخۆ ئه‌ڤرۆ په‌یامه‌ك به‌لاڤ كر سه‌باره‌ت ره‌وشا نهایا كوردستانێ.
شێخ شامۆێ راگه‌هاند : ب تنێ پێشمه‌رگه‌ و سه‌رۆك بارزانى دشێت شنگالێ رزگاربكه‌ت و شنگال بزڤرته‌ وه‌ك ره‌وشا جاران و خه‌لكێ وێ بزڤرته‌ سه‌ر مالێن خۆ.
ڤى په‌رله‌مانتارى زێده‌تر گۆت : پێدڤیه‌ ده‌ست ژ به‌رژه‌وه‌ندیێن سیاسی یێن كه‌سۆكى بهێنه‌ به‌ردان و ئه‌م هه‌می پێكڤه‌ به‌ر سینگێ داعشێ بگری بۆ ڤه‌گه‌راندنا شنگالێ ژ ده‌ستێن داعشێ .

ئه‌ڤرو نیوز ،بارزان مزوورى
ستێركڤانێ پێشمه‌رگه‌ عومه‌ر عیسا، سه‌ر ب به‌ته‌لیونا 2 بو مالپه‌رێ ئه‌ڤرو نیوز ئاشكرا كر كو ئه‌ڤه‌ى سپێدێ ئه‌زو هه‌ڤالێ خو یێ ستێركڤان ب چه‌كێ قه‌ناص به‌ر دوو ستێركڤانێن داعش راوه‌ستیائین ئێك ژوانا خو ڤه‌كێشا و بو جهه‌ك دى چو و یێ مایى جهێ خو ڤه‌گوهاست بو نێزیك پێشمه‌رگه‌ى ل ئاسكى مووسل و ئه‌ڤرو ده‌مژمێر 5 ئێڤارى 3/11/2015 كه‌فته‌ به‌ر ستێركا قه‌ناصا من و ب ئێك گوله‌ هاته‌ كوشتن .
ناڤبرى دیار كر كو ئه‌و ستێركڤانێ داعش ئه‌وێ هاتى كوشتن ل 17/10/2015 ئێك ژ پێشمه‌رگه‌یێن مه‌ هه‌ڤالێ مه‌ بناڤێ ” شه‌هید ئه‌نه‌س عه‌لى محه‌مه‌د زێبارى خه‌لكێ گوندێ هزارجوت ب چه‌كێ قه‌ناصێ شه‌هید كربوو.
ناڤبرى زێده‌تر گوت : بنه‌مالا شه‌هید ئه‌نه‌س دلنیا دكه‌م كو مه‌ ب ده‌ستێن خو تولا وى ڤه‌كر.

ئه‌ڤرۆ نیوز:
بێوار عه‌بدولعه‌زیز، به‌رپرسێ پشكا په‌یوه‌ندى و راگه‌هاندنێ ل رێڤه‌به‌ریا به‌ره‌ڤانیا باژێرى ل دهۆكێ بۆ ئه‌ڤرۆ نیوز دیاركر كو ل كه‌مپا دومیز ئاگر بەردبیتە چادرا ئاوارەکێ.
به‌رپرسێ پشكا په‌یوه‌ندى و راگه‌هاندنێ ل رێڤه‌به‌ریا به‌ره‌ڤانیا باژێرى ل دهۆكێ دیاركر كو ئه‌ڤرۆ ل دەمژمێر 12:00 نیڤرو تیمێن بنگەهێ کەمپا دومیز هاتە ئاگەهدارکرن ب هەبونا رویدانەکا ئاگری ل قاتعی 41 و بزیترین دەم ئاگر هاتە کونترول کرن و رێک ل ئاگری هاتە گرتن کو دەرباز نەبیت.
سه‌باره‌ت ئه‌گه‌رێ روودانێ، بێوار عه‌بدولعه‌زیز، دیاركر كو ئەگەرێ ڤێ رویدانێ د زڤریت بو ژبەرچونا غازێ ژ قنینه‌ى.