ئەڤرۆ نیوز:
ئێکەتیا تەپا پێ یا عیراقێ ئەڤرۆ کومبوونەک گرێدا ژبەر ئەو رویدانێن ل ڤێ دووماھیێ دخولا عیراقێ دا رویدای و چەندین بریاریێن گرنگ دەرێخستن کو ژ ئەوانا سەرپەرشتێ یانا زاخۆ تەھا عەبدولحەکیم ھەتا دووماھیێ ڤی وەرزی سزادا نابیت ل گەل تیما خوە ناڤا یاریگەھێ دا بیت ژبەر ئەو داخویانیێن دژوار ل راگەھاندنا عیراقێ دژی ئێکەتیا تەپا پێ گوتین.
ھەردیسان دڤێ کومبوونێ دا ئێکەتیا تەپا پێ بریار دا ھەتا دووماھیا یاریێن قوناغا دوێ یاریکەرێ یانا نەفت وەست کەرار جاسم ماڤێ کرنا یاریێ نابیت ژبەر ئەو رافتارا دژی دادڤانێ یاریێ کری و ب کوژمێ پێنج ملیون دیناران ژی سزادا و جەماوەرێ یانا سەماوە بۆ یاریا بھێت دێ بێ باربیت ژ دیتنا یاریا یانا خوە ژبەرکو جەماوەرەکێ یانێ ھێرشکربوو سەر یاریکەر کەرار جاسم، راھێنەرێ شورتە بۆ یاریەکێ نابیت ل گەل تیما خوە بیت و جەماوەرێ یانا نەجەف ژی ب کوژمێ پێنج ملیون دیناران سزادا ژبەر ئەگەرێ توند توژیا جەماوەرێ وی ل یاریا بەرامبەر شورتە ل حەفتیا بوری.

ئەڤرۆ نیوز:
چاڤەرێ دھێتەکرن سوباھی یاریێن گەرا سیێ ژ خولا پلا ئێک یا ھەرێما کوردستانێ یا تەپا پێ بھێنەکرن کو ھەردو نوونەرێن پارێزگەھا دھۆکێ یانێن ئاکرێ و سێمێل دێ سوباھی بزاڤێ کەن سەرکەفتنا ئێکێ دخولێ دا ب دەستخوڤە بینن.
ل یاریگەھا شێخان تیما سێمێل دێ بزاڤێ کەت سەرکەفتنا ئێکێ ل وەرزێ ئەڤ سالە ب دەستخوڤە بینن کو ل دو یاریێن بوری نەشیای یە سەرکەفتنێ توماربکەت کو ھەر ئەنجامەکێ نە چاڤەرێکری د ڤێ یاریێ دا دێ رەوشا یانا سێمێل لاواز بیت ژبەرکو تیما خاک ئێک ژ ئەوان تیمێن ھەڤرکا وێ یە بۆ پاشڤەزفرینێ ل وەرزێ ئەڤ سالە.
ژلایەکێ دیڤە تیما ئاکرێ ئەو ژی ھەتانوکە نەشیای یە سەرکەفتنێ ب دەستخوڤە بینت کو ل دو یاریێن بوری بتنێ خالەک ھەیە ئەڤ جارە دێ یاریا خوە ل یاریگەھا سوران ل گەل تیما سوران کەت.

ئەڤرۆ نیوز:
پشتی دو سەرکەفتنا ل دیڤ ئێک ل یاریێن ئێکێ و دوێ ژ قارەمانیا ئاسیا یا فوتسالێ ھەلبژارتیێ عیراقێ ب دەستخوڤە ئیناین ئەڤرۆ د یاریا سیێ دا ژ قارەمانیێ توشی خوسارەتیەکا مەزن ل سەر دەستێ ھەلبژارتیێ ئیرانی ب ١٣-٢ گولان سەرارای ڤێ خوسارەتیێ ھەلبژارتیێ عیراقێ یێ فوتسالێ دەربازی قوناغا دوێ بوویە و بریارە یاریا خوە یا قوناغا ھەشتێ ل گەل مێڤاندارا قارەمانیێ ھەلبژارتیێ ئوزباگستان بکەت

ئەڤرۆ نیوز، ھەژار مەعروف:
ژ چارچوڤێ یاریێن خولا پلا ئێک و دو سیێ یێن خولا تورکیا ئەڤرۆ ھژمارەکا یاریان ھاتەکرن و نوونەرێن باکورێ کوردستانێ ژی یێن پشکدار یاریێن خوە کرن .
دخولا پلا ئێک دا یانا شانلی ئورڤا ل یاریگەھا خوە توشی خوسارەتیێ بوو ل سەر دەستێ یانا سامسون سپور ب سێ گولان بەرامبەر دو گولان ژ چارچوڤێ یاریێن خولا پلا ئێک و د یاریێن خولا پلا دو دا یانا ئامەد سپور ژ دەرڤەی یاریگەھا خوە ل گەل یانا ئینگول سپور بێ گول و ئامەد خالێن خوە گەھاندنە ٢٨ خالان نوکە رێزا ھەشتێ دھێت و کێمتر دو یاریان ژ تیمێن دی.
ژ یاریێن خولا پلا سێ یانا دیاربەکر سپور شیا سەرکەفتنەکا مەزن ل سەر یانا ئەڤەلیک گوجو توماربکەت ب پێنج گولان بەرامبەر گولەکێ و یانا دیاربەکر ھیڤێن خوە گەشکرن بۆ دەربازبوونێ بۆ قوناغا پلەی ئوڤ و د ھەمان خول دا ڤان سپور ب سەرکەفت ل سەر باتمان ب گولەکێ بێ بەرامبەر و دێرسم سپور توشی خوسارەتیێ بوو ل گەل دەرنچە سپور ب سێ گولان بەرامبەر گولەکێ.