ئه‌ڤرۆ نيوز:
وه‌زاره‌تا دارايى و ئابوورى ل حوكمه‌تا هه‌رێما كوردستانێ خشتێ به‌لاڤكرنا مووچێ هه‌يڤا كانوونا دويێ يا سالا 2016ێ راگه‌هاند.
ب گۆره‌ى وێ راگه‌هاندنا وه‌زاره‌تا دارايى، بڕياره ئه‌ڤرۆ رۆژا ئێكشه‌مبى رێكه‌فتى 14ى شوباتا 2016ێ دێ مووچێ هه‌يڤا كانوونا دويێ يا سالا 2016ێ يێ وه‌زاره‌تا داراى و ئابوورى و وه‌زاره‌تا ساخله‌ميێ هێته به‌لاڤكرن.
ئەڤرۆ نیوز:
بەری دەمەکێ کێم یانا یوڤانتوس د یاریا گوپیتکا ڤێ حەفتیێ ژ خولا کاتشیو یا ئیتالی شیا سەرکەفتنەکا گرنگ ل سەر سەرکێشا خولێ یانا ناپولی توماربکەت ب گولەکێ بێ بەرامبەر ئەوا ژلایێ یاریکەرێ وێ یێ پێگوھور زازا ھاتە تومارکرن ل دقیقا ٨٨ ژ خولێ و ب ڤی ئەنجامێ یانا یوڤانتوس سەرێ لیستەیا خولێ ژ یانا ناپولی وەرگرت ب ٥٧ خالان یوڤی رێزا ئێکێ دھێت و ناپولی پاشڤەزفری رێزا دوێ ٥٦ خالان.
ئه‌ڤرۆ نیوز: ڤه‌ده‌ر ره‌شاڤایی:
ئه‌ڤرۆ د په‌راوێزا كۆنگرێ میونشن یێ ئێمناهیێ دا، مه‌سعود بارزانی سه‌رۆكێ هه‌رێما كوردستانێ دگه‌ل برێـت مه‌كورگ نوونه‌رێ باراك ئۆباما سه‌رۆكێ ئه‌مریكا د هه‌ڤپه‌یمانییا دژی داعش دا كووم بوو.
د كومبوونێ دا ب درێژی به‌حس ل ره‌وشا ئابۆرییا هه‌رێما كوردستانێ و ره‌وشا پێشمه‌رگێ كوردستانێ هاته كرن.
بارزانی دیاریه‌ك دا ده‌ستێ برێت مه‌كورگ بۆ ئۆباما كو وێنه‌یێ ئێك ژ ئێكه‌مین ئالایێن داعش بوو، كو پێشمه‌رگه شییابوو د سه‌ركه‌فتنه‌كا خوه دا ل سه‌ر تیرۆرستێن داعش دا ل مه‌ها ئابا 2014 ێ ب ئینیته خار و ئالایێ كوردستانێ ل شوونا بلند كه‌ت.
مه‌كورگ كه‌یفخوه‌شییا خوه ب ڤێ دیاریێ ده‌ربری.
ئەڤرۆ نیوز:
یانا لیستەر سیتی حنێرا ئەڤ سالە دخولا پرێمیرلیگ یا ئینگلیزی ئەوا نوکە ل سەرێ لیستەیا خولێ دھێت ب ٥٣ خالان ب جوداھیا ٥ خالان ژ ھەر ئێک ژ یانێن توتنھام و ئەرسینال ئەوێن رێزێن دوێ و سیێ دھێن دخولێ دا، بتنێ ١٣ گەر ژ ھەڤرکیێن خولێ ماینە کو ھەتانوکە یانا لیستەر سیتی ئاستەکێ باش پێشکێشکری یە و سەرپەرشتیا راھێنەرێ خوە یێ ئیتالی کو بوجون وەسا دھێنە دیارکرن لیستەر سیتی بۆ جارا ئێکێ ل وەرزێ ئەڤ سالە دێ شیت ناسناڤێ خولێ ب دەستخوڤە ئینت.
گوڤارا فرانس فتبول یا فەرەنسی راپرسینەک دروستکر بوو تێدا دیارکر بوو دشیانێن یانا لیستەر سیتی دایە شێت ناسناڤێ خولێ ب دەستخوڤە ئینت کو ب رێژەیا ٦٨% جەماوەرێ خولا ئینگلتەرا و ئورۆپا وەسا دیارکری یە یانا لیستەر ستی دێ بیتە قارەمانا ئەڤ سالە یا خولێ بەرامبەر ب رێژەیا ٣٨% دیارکریە یانەکا دی دێ بیتە قارەمانا خولێ و دشیانێن یانا لیستەرستی دا نینە ھەتا دووماھیێ بەردەوامی ب دەتە ھەڤرکیا خولێ.
ئەڤرۆ نیوز:
یانا ریال مەدرید شیا سەرکەفتنەکا مەزن ل سەر یانا ئەتلەتیکو بلباو توماربکەت ب چار گولان بەرامبەر دو گولان ھەر چار گولێن ریال ژلایێ یاریکەران رونالدو دو گول و تونی کروس و رودریگێز ب ڤی ئەنجامی ریال خالێن خوە گەھاندنە ٥٣ خالان .
پشتی راھێنەرێ فەرەنسی ئەرکێ راھێنەریا یانا ریال مەدرید وەگرتی ل شەش یاریێن بوری شیا پێنج سەرکەفتنا بەرامبەر وەکھەڤیەکێ ب دەستخوڤە بینت.
ئه‌ڤرۆ نیوز: ڤه‌ده‌ر ره‌شاڤایی:
پۆلێی و سیمۆن دو خوشكێن جێمكن ل سالا 1912 ژ دایكبوونه، ل دووڤ گۆتنا وان ئه‌و سێ مه‌هان به‌ری وه‌ختێ ته‌مام ژ دایكبوونه و نۆشداران چ هیڤی ب مان وان ب ساخی نه‌بوو.
لێ پشتی چوار هه‌یڤان سه‌ره‌رای چاڤدانه‌كا ساده و ئاسایی وه‌ك زارۆكێن ئاسایی لێ هاتن، ئه‌ڤ ساله رۆژبوونا خوه یا 104 پێكڤه ل پاریسا پایته‌ختێ فره‌نسا كرن.
پۆلێی و سیمۆن دبێژن ئه‌گه‌رێ ژیێ وان یێ درێژ و ساخله‌مییا وان، لێك نێزیكیییا وانه بۆ هه‌ڤدوو، هه‌ر ئێك ژ وان سه‌ربخوویا خوه دپارێزن و ژۆرا خوه یا تایبه‌ت هه‌یه لێ د ئێك ئاڤاهی دا دژین و ژێك دوور ناكه‌ڤن.
شیره‌تا وان بۆ ژیانه‌كا ساخله‌م و ژیه‌كێ درێژ ئه‌وه كو: زێده‌گاڤی و زێده‌كاریێ د چ تشتان دا د ژیانێ دا نه‌كه، مادێن كحۆلی نه‌ڤه‌خۆ، گه‌له‌ك وه‌رزشێ بكه”
هه‌روه‌سا دبێژن وان ده‌مه‌كێ درێژ یارییا جمناستیكێ دكر و ژیێ خوه هه‌میێ ب به‌رده‌وامی پایسكل هاژووتیه.
هه‌ردو ته‌ماشای تێله‌ڤزیۆنێ دكه‌ن و گوهێ خوه دده‌نه موزیكێ، سیمۆن هه‌لبه‌ستان ببه‌رده‌وامی دنڤیسیت، خۆدێ چ زارۆ نه‌داینێ هه‌ر چه‌نده هه‌ردوویان د وه‌ختێ خوه دا شیكربوو.
ئەڤرۆ نیوز:
رۆژناما مارکا یا ئیسپانی دیارکر یانا بەرشەلۆنا دخوازیت ھەڤبەستێ ل گەل ستێرا ھێلا ناڤین یا یانا ئەرسینال و ھەلبژارتیێ ئەلمانیا مەسعود ئوزێل ئیمزابکەت پشتی وی ئاستێ بلند ل گەل یانا ئەرسینال ل وەرزێ ئەڤ سالە پێشکێشکری.
وێ رۆژنامێ تەکید ل وێ چەندێ ژی کریە یانا بەرشەلۆنا ب رێیا بریکارێ یاریکەری دەست ب دانوستاندنان ل گەل یاریکەرێ یانا ریال مەدرید یێ بەری نوکە مەسعود ئوزێل کریە ژی پێخەمەت ب ھێز ئێخستنا ھێلا ناڤینا یانا کەتەلونی ل وەرزێ بھێت کو دبیت ل ڤەگوھاستنێن ھاڤینا بھێت بەر ب کامپ نوو بچیت.
ئوزێل ل وەرزێ ئەڤ سالە پشکداری د ١٨ گولێن یانا ئەرسینال دا کریە کو شیای یە ١٦ گولان بۆ ھەڤالێن خوە بەرھەڤبکەت و ھەردیسان دو گول ژی تومارکری نە .
ھەژی گوتنێ یە مەسعود ئوزێل ھەڤبەستا ریال مەدرید ب کوژمێ ١٥ ملیون جینێ ئیسترلینی ئیمزاکر بوو پاش یانا مەلەکی ب کوژمێ ٤٢ ملیون جینێ ئیسترلینی فروت بوو یانا ئەریسنال .
ئه‌ڤرۆ نیوز: ڤه‌ده‌ر ره‌شاڤایی:
د پشكداریكرنا خوه دا د كۆنگرێ میونشن دا، مه‌سعود بارزانی سه‌رۆكێ هه‌رێما كوردستانێ هه‌تا نها دگه‌ل چه‌ندین سه‌ركرده و به‌رپرسێن وه‌لاتان كۆم بوویه، د كۆمبوونێن خوه دا بارزانی بزاڤا بده‌ستڤه‌ئینانا هاریكاریێن دارایی و سه‌ربازی بۆ هه‌رێمێ دكه‌ت و چه‌ندین وه‌لاتان سۆزا هاریكاریكرنا هه‌رێما كوردستانێ دایه.
تێ زانین كو كۆمبوونێن بارزانی دگه‌ل شاندێ، نێڤده‌وله‌تی یێن جودا جودا ل میونشن د به‌رده‌وامن.
نيشاندان