ئەڤرۆ نیوز:
پشتی ل دەستپێکا حەفتیا بوری ھێرشبەرێ بەرنیاس ل سەر ئاستێ ھەرێما کوردستانێ و پارێزگەھا دھۆکێ جاسم محەمەد سلێمان ژ یانا دھۆک بەر ب یانا گارە ڤە چووی و ھەڤبەستا وێ یانێ ئیمزاکری بوو یاریێن مای ژ خولا پلا نایاب یا کوردستانێ.
جاسم محەمەد سلێمان د پشکداریا خوە یا ئێکێ دا ل گەل تیما خوە یا نوو د یاریا دوھی بەرامبەر یانا سولاڤ پشکداری کر ل نیڤا دوێ ژ یاریێ و شیا تیما خوە بەر ب سەرکەفتنەکا گرنگ بەت پشتی دوێ یاریێ دا شیای گولا ئێکێ بۆ ھەڤالێ خوە بەرھەڤبکەت و ھەردیسان ئاستەکێ باش د یاریێ دا پێشکێشکر ب بوو جھێ رازیبوونا دەستەیا راھێنەریا تیمێ.
دەستەیا راھێنەریا تیما گارە وەکو رێزگرتن بۆ ناڤێ یاریکەرێ یانا دھۆک یێ بەری نوکە جاسم محەمەد سلێمان ل گەل ھاتنا وی دناڤ یاریگەھێ دا کابتنی پێشکێشی ئەوی ژبەرکو دھێتە ھژمارتن ئێک ژ بەرنیاسترین یاریکەران ل سەر ئاستێ پارێزگەھا دھۆکێ .

ئەڤرۆ نیوز:
شورشا ئینانا ستێران ل خولا چینی ل ڤی ماوەی یا بەردەوامە پشتی ل ماوێ بوری یانێن چینی ب کوژمێن مەزن ھژمارەکا مەزن یا یاریکەرێن بەرنیاس ل سەر ئاستێ ئورۆپا جیھانی ھەڤبەست ل گەل ئیمزاکرین.
رۆژناما مارکا یا ئیسپانی دیارکر یانا شینگھای یا چینی ھەڤبەستەکا ھەشت ملیون یورو یا سالانە پێشکێشی یاریکەرێ ھێلا بەرەڤانیێ یێ یانا ریال مەدرید ئەلفارو ئەربیلو کریە لێ یاریکەرێ ناڤبری ئەو ھەڤبەست رەتکری یە ھەر چەندە ھەڤبەستا ئەوی یاریکەری ل ھاڤینا ئەڤ سالە دێ ب دووماھیی ھێت لێ یاریکەری دیارکری یە ئەو دخوازیت بەردەوامی ب دەتە یاریێ ل یانێن مەزن ل ئورۆپا.
ھەژی گوتنێ یە ئەربیلو ل سالا ٢٠٠٩ ژ یانا لیڤەرپول ھاتبوو ڤەگوھاستن بۆ یانا ریال مەدرید.

ئەڤرۆ نیوز:
یانا نەسر یا سعودی ل سەر مالپەرێ خوە یێ فەرمی راگەھاند دەستەیا کارگێریا یانێ بریارا دورخستنا راھێنەرێ تیمێ یێ ئیتالی فابیو کانافارو دا پشتی خوسارەتیا بەرامبەر یانا نەجران ب چار گولان بەرامبەر سێ گولان ژ چارچوڤێ یاریێن خولا سعودی یا پلا نایاب .
ھەژی گوتنێ یە یانا نەسر کانافارو ل جھێ یێ ئورگوانی خورسی راھێنەرێ بەری نوکە یێ یانا نەسر دانابوو پشتی وی چەند ئەنجامێن لاواز تومارکرین و ب ئەگەرێ ھەمان ئەگەر کانافارو ژی ھاتە دورخستن و ل جھێ وی سەعد شمەری یێ سعودی دا ھەتا دووماھیا ڤی وەرزی.

فابیو کانافارو ئێک ژ بەرنیاسترین یاریکەرێن ھێلا بەرەڤانیێ بوو ل سەر ئاستێ ئورۆپا و جیھانێ ل چەندین یانێن بەرنیاس وەکو ناپولی پوڤانتوس ئەنتر میلان پارما یێن ئیتالی و ریال مەدرید ئیسپانی و سالا ٢٠١١ ھەتا ٢٠١٣ ل یانا ئەھلی یا ئیماراتی یاری کر و وەرزێ بوری بدەست ب ژیانا راھێنەری کر بوو.

ئەڤرۆ نیوز:
بریارە ئەڤرۆ بەردەوامی ب یاریێن خولا فاست لینک یا کوردستانێ بھێنەکرن و د یاریێن کوما ئێکێ دا ژ چارچوڤێ یاریێن گەرا ئێکێ ژ قوناغا دوێ ھەلگرا ناسناڤی َ خولێ تیما زێرەڤانی دێ ل یاریگەھا خوە مێڤانداریا یانا ئارارات کەت تیما زێرەڤانی دخوازیت دڤێ یاریێ دا ھیڤێن خوە بۆ پاراستنا ناسناڤێ خولێ و دەربازبوونێ بۆ قوناغا چوارگوشا زێرین ڤەگەرینت کو ھەر ئەنجامەکێ ژبلی سەرکەفتنێ د بەرژوەندیا زێرەڤانیێ دا نینە ژبەرکو دێ ژ ھەڤرکیا دەربازبوونێ ھەتارادەکی دورکەفیت ژلایەکێ خوڤە تیما ئارارات ژی خودانا ھەشت خالان دخوازیت بەردەوامی ب دەتە ھەڤرکیا دەربازبوونێ .
ژلایەکی دیڤە ئەرکێ تیما زاخۆ ئەڤرۆ یێ ب سانەھی نابیت دەمێ د بیتە مێڤانا یانا کەرکوک ل یاریگەھا وێ و تیما زاخۆ دێ ھەمی بزاڤا کەت بۆ ڤەگەراندنا سەرێ لیستەیا خولێ و بەردەوامی ب ھەڤرکیا دەربازبوونێ یاریێ کەت بەرامبەر ھەر ئەنجامەکێ نە چاڤەرێکری تیما کەرکوک دێ پێش یانا زاخۆ کەڤیت د لیستەیا خولێ دا  و ل یاریگەھا خوە تیما ھندرین دێ ھەمبەری یانا شێروانە کەت.
ھەژی گوتنێ یە دوھی سی یاری ژ یاریێن کوما دوێ یا خولا کوردستانێ ھاتبوونەکرن تیما گارە سەرکەفتن ل سەر سولاڤ تومارکر بوو ب دو گولان بێ بەرامبەر دھۆک ل گەل پێشمەرگە ھەولێرێ ب گولەکێ وەکھەڤ بوو ب ھەمان ئەنجام برایەتی ل گەل نەوروز وەکھەڤ بوو.