ئهڤرۆ نیوز:
پشتى كومسیونا بلندا سهربهخویا ههلبژارتنان ل كوردستانێ بریارداى چهند كهسان دامهزرینیت، هوین دشێن ب رێیا ڤى لینكى فورمێ داگرن
ئهڤرۆ نیوز، ئهكرهم ئیبراهیم
ئهڤرو سپێدێ ل قوتابخانا پیرهمهگرون ل باژێرێ دهوكێ ب ئامادهبونا بهرێز پشتیوان صادق وزیرێ پهروهردا حكومهتا ههرێما كوردستانێ و بههزاد على ئادهم پارێزگهرێ دهوكێ ب وهكالهت رێڤهبهرێ گشتى یێ پهروهردا پارێزگهها دهوكێ و سكرتێرێ ئێكهتیا ماموستایێن كوردستانێ رێ و رهسمێ دهسپێكرنا سالا خواندنێ 2015- 2016 هاتنه گێران دڤان رێو رهسمان دا بهراهیێ ئالایێ كوردستانێ هاته بلند كرن دگهل سرودا ئهى رهقیب و دیڤدا بهرێز عهبد یوسف رێڤهبهرێ گشتى یێ پهروهردێ ل پارێزگهها دهوكێ دپهیڤهكێ دا سهربارى بخێرهاتنا مێهڤانا خوشحالیا خو دیار كر ههمبهر دهستپێكرنا سالا نوى یا خواندنێ و لێدانا زهنگا خواندنێ و ئهف سالا نوى ل ههمى ماموستا و قوتابیێن كوردستانێ و دهوكێ ب تایبهت كر و هیڤى خواست كو ئهف ساله بو خواندنێ یا سهركهفتى بیت و دیار كر كو ئهو كاودانێن سالا بورى ب سهر ههرێما كوردستانێ ب تایبهت پارێزگهها دهوكێ هاتین گهلهك سهخت و دژوار بون و باهرا پێتریا قوتابخانێن پارێزگههێ ئاواره تیدا بون و ب هاریكارى و پشتهڤانیا پارێزگههێ و سهروكاتیا جڤاتا وهزیران شیان ل ههیڤا 12 دهست ب خواندنێ بكهن و ب مانیبونا ماموستایان شیان وان روژێن جویى قهرهبو بكهن و رێژا سهركهفتنێ ژ سالیت بورى زێدهتر بێت .
دیڤدا وهزیرێ پهروهردێ دپهیڤهكێ دا ب ناڤێ رێزدار نێچیرڤان بارزانى سهروكێ حكومهتا ههرێما كوردستانێ و جڤاتا وهزیران پێروزباهی ل خهلكێ كوردستانێ ب گشتى و ههمى ماموستا و قوتابیان كر ب ههلكهفتا دهشپێكرنا سالا نوى یا خواندنێ و دیار كر كو ئهڤرو ل 15-9 ئێك ملیون و 700 هزار قوتابى ل كوردستانێ دێ قهستا خواندنێ كهن ئهڤرو زێدهتر ژ 50 هزار قوتابى دێ ژنوى دهست ب خواندنێ كهن و چنه رێزا ئێكێ سهرهتایى.
و گوت : دسهر هندێ را كو بارودوخێ كوردستانێ نهیێ جێگیره ژبهر شهرێ تیرورستێن داعش و ئالوزیێن ئابورى و هاتنا ڤان ههمى ئاوارا بو كوردستانێ خواندنێ ل كوردستانێ دهست پێكر و دسهر ڤان ههمى ئاستهنك و كێماسیا دا دێ كاروانێ زانستى و خواندنێ ل كوردستانێ ب مانیبونا ماموستا و قوتابیێن بهرێز بهردهوان بیت و پێشڤهچیت و ئهڤه مهزنترین بهرسڤه بو دوژمن و نهحهزێن كوردستانێ ,, ههوهسا رولێ ماموستایێن خوشتڤى دسهر ڤان ههمى كاودانین سهخت و نهخوش دا و نهجونا موچهى بلند سهنگاند و گوت : ماموستا داینهمویێ وێ چهندى بون كو ههرێما كوردستانێ ژ لایێ زانستى ڤه بهرهف پاشڤه نهچیت بهلكو بهرهف پێشڤه دچیت ,, و گوت ئهف ساله دێ پێنگاڤێن مهزن هاڤێژین بو پێشڤهبرنا خواندنێ ل كوردستانێ و راسپاردهو پێشنیارێن كونگرێ پهروردێ هێنه بجهئینان چ ئهوین پهیوهندى ب سهرپهرشیاریێ و كارگێریێ ههیه و ئهوێن پهیوهمدى ب پروگرام و چهندین لایهنین دى ڤه ههیه و دیسان ب سهردا پولێن زمانێ ئینگلیزیێ ل كوردستانێ دێ هێنه ڤهكرن ئهڤهژى گوهرینهكا مهزنه ژبهر كو زمانێ ئێنگلیزیێ زمانهكێ جیهانى و مهزنه و دێ پویتهكێ مهزن ژى دهینه زمانێ كوردى یى شرین دیسان دیار كو وان 3 ملیار دینار پهیدا كرینه بو دابینكرنا پێدڤیێن گرن گیێن پهریوهردێ و قوتابخانان بو نوژهنكرنا قوتابخانا و دیسان ب بهایێ 12 ملیار و 500 ملیون دینارا پهرتوك بو قوتابیان چاپ كرینه دیسان گوت : دێ ئێك جل و بهرگیا قوتابیان ل كوردستانێ یا بهردهوام بیت داكو جوداهى دنافبهرا قوتابیا دا نه هیته دیتن دجل و بهرگا دا ,,
دیڤدا زهنگا خواندنێ هاته لێدان و قوتابیا قهستا پولێن خواندنێ كر , ل دیماهیێ بهرێز عهبد یوسف رێڤهبهرێ گشتى یێ پهروهردێ ل پارێزگهها دهوكێ دكونگرهكێ روژنامهڤانى دا دیار كر كو ل پارێزگهها دهوكێ ئهڤرو دهرگههێ 1409 قوتابخانا ها ته ڤهكرن بو خواندنێ و نێزیكى 450 هزار قوتابیان ل سنورێ پارێزگههێ دێ قهستا خواندنێ كهن زێدهتر ز 25 هزار ماموستا ههنه و زێدهتر ژ 11 هزار فهرمانبهرا ههنه سهر ب پهروهردا گشتى یا پارێزگههێ ڤهنه بو خزمهتا پروسا خواندنێ ,,,دیسان گوت ههمى پێدڤیێن قوتابى پێدڤى بیت دبیاڤێ پهرتوكا دا دائامادهنه و بتنێ رێڤهبهریا گشتى یا پهروهردا دهوكێ كێماسیا ئاڤاهیا نه ژبهر كو ئهڤه دوو ساله ئاڤاهى نههاتینه ئاڤاكرن و گوت : ژبهر ڤێ چهندێ ئهز دبێژمه ههمى ماموستایێن قوتابخانا كو دهرگههى بو ههمى قوتایبان ڤهكهن و نهبیژنه چ قوتابیان جه نینه و نابیت چ قوتابى بهێنه زڤراندن ههر چاوا بیت دڤیت قوتابى بهێته وهرگرتن و ئهز دبێژمه رێڤهبهرێن ههمى قوتابخانا ئهو مالا نێزیكى تهبیت و ل دهوروبهرێن تهبیت دڤیت قوتابیێ وان وهرگرى و نهزڤرینى ,
دهربارهى قوتابیێن ئاواره گوت : قوتابیێن ناف باژێرا ههمى دشێن بخوینن ئهوێن ل دهڤهرێن كوردستانى هاتین و دهرگهه بو وان دڤهكرینه و ئهوێن ل جهێن دى یێن ئێراقى هاتین ئهو پهروهردێن وان سهرپهرشتیا كارێ وان دكهن و مه جه ل قوتابخانا دایێ ل ههمى قهزایێن پارێزگههێ ئهو خواندنا خو برێڤه ببهن , و ئهوێن ل ناف كهمپا ل ههر كهمپهكێ قوتابخانه ههنه هندهك زێدهتر ژ ئێك قوتابخانه هاتیه ڤهكرن ,
ددهربارهى ماموستایێن چوینه ژدهرڤهى وهلاتى گوت : دبیت تا 400 ماموستا مولهت وهرگرتیه و دبیت پێتر ههبن بى مولهت ژى چوبن لهوما مادهم دامهزراندن نینه و گریبهست نینه دێ قهیرانا بهمه دورست كهن لهوما ئهز دبیزم دهرگههێ مه یێ ڤهكریه بو وانه بیژا بهێن دهرچویێن كولیژا و پهیمانگهها گهلهكن بهێن قهستا قوتابخانا بكهن و بهرمبهر پارهكى دێ بو هێته مهزاختن.
ئەڤرۆ نیوز:
جێگرێ سەرۆکێ فڕاکسیۆنا پارتی دیموکراتی کوردستان ل پەرلەمانێ عیراقێ راگەھاند، ئەو پڕۆژە قانوونا ھاتیە بەرھەڤکرن و تێدا بەحسێ ھەلبژارتنا ھەرسێ سەرۆکایەتیێن عیراقێ دکەت ب چو شێوەیەکی ھەرێما کوردستانێ ڤەناگریت و دیارکر، ھەرێما کوردستانێ یا پێگیرنابیت ب وێ قانوونێ و دستووری ئەو دەستھەلات یێن داینە ھەرێمێ کا کیش قانوونێ بجھبینیت.
دکتۆر تارق گەردی، جێگرێ سەرۆکێ فڕاکسیۆنا پارتی دیموکراتی کوردستان ل پەرلەمانێ عیراقێ بۆ رۆژناما ئەڤرۆ گوت” ئەو پڕۆژە قانوونا ژلایێ لیژنا قانوونی ل پەرلەمانێ عیراقێ ڤە ھاتیە بەرھەڤکرن و تێدا ئاماژە ب وێ چەندێ دکەت کو نابیت ھەرسێ سەرۆکێن کۆمار و وەزیران و پەرلەمانێ عیراقێ زێدەتری دو خولان خوە بۆ ڤان پۆستان ھەلبژێرن، چو پەیوەندی ب ھەرێما کوردستانێ ڤە نینە”.
تارق گەردی ئاشکراکر ژی” ئەو پرۆژە قانوونە دھندەک خالاندا بەروڤاژی دستوورێ عیراقێ ب خوەیە، چونکی مادێ ٧٢ ژ دستوورێ عیراقێ دیار دکەت کو تنێ سەرۆک کۆمارێ عیراقێ دو خولان زێدەتر نەشێت خوە بەربژارکەت، بەلێ چو ئاماژەیەک ب سەرۆک وەزیران و سەرۆکێ پەرلەمانی نەکریە، ھەکە بھێت و ئەڤ پڕۆژە قانوونە بھێتە پەسەندکرن و ل عیراقێ بھێتە بجھئینان ژی، بێگومان ل ھەرێما کوردستانێ ناھێتە بجھئینان و ھەرێم یا پێگیرنابیت ب وێ قانوونێ، ژ بەر کو مادێ ١٠ ژ دستوورێ عیراقێ ئەو قانوون دیارکرینە یێن سەرانسەری بن و ھەرێمێ ڤەگریت، بەلێ ئەڤە قانوونەکا ئاساییە و ھێشتا پڕۆژەیەکە ھاتیە بەرھەڤکرن و ھژمارەکا پەرلەمانتاران یێ بەرھەڤکری و نەھاتیە پەرلەمانی”.
جێگرێ سەرۆکێ فراکسیۆنا پارتی ل پەرلەمانێ عیراقێ دیارکر” پەیوەندیێن ھەرێما کوردستانێ و عیراقێ ھێشتا وەک بەرێ ماینە و چو ژڤان نینن بۆ سەرەدانا شاندێ ھەرێما کوردستانێ بۆ بەغدا، ھەر چەندە بڕیاربوو شاندێ ھەرێما کوردستانێ بۆ دانوستاندنان ل سەر پرسێن ھەلاویستی سەرەدانا بەغدا بکەت، لێ دەمێ سەرەدانێ یێ یار نینە و نزا ئەو سەرەدان دێ ھێتەکرن یان نە، مە وەک فڕاکسیۆنا پارتی و ھەموو فڕاکسیۆنێن دی یێن کوردی پشتەڤانیا خوە بۆ پڕۆژێ چاکسازیا حەیدەر عەبادی سەرۆک وەزیرێن عیراقێ نیشاندایە ب مەرجەکی ئەو چاکسازی ھەموو بیاڤان ڤەگریت و مافێَن کورد و پێکھاتەیێن دی بھێتە پاراستن، ل ڕۆژێن بۆری حەیدەر عەبادی سەرۆک وەزیرێن عیراقێ ل گەل سەرۆکێن فڕاکسیۆنێن کوردستانی کومبوو و ب ھووری بەحسێ پڕۆژێ خوە یێ چاکسازیێ کر، بەلێ چو دانوستاندن ل دۆر ھەرێما کوردستانێ نەھاتینە کرن و تنێ بەحسێ چاکسازیێ و چاوانیا ئەنجامدانا ڤێ پڕۆسێ ھاتەکرن، بۆمە ژی یا گرنگە ئەو تەوافوقا ھاتیەکرن بھێتە پاراستن و پێنگاڤێن عەبادی بەرۆڤاژی دستووری نەبن”.
ئەڤرۆ نيوز:
وەرزێ نوو یێ قارەمانیا یانێن ئوروپا قارەمانێن خولان ئەف شەڤە دێ دەستپێکەت ھەر چەندە ل دووڤ پێشبینێت چاڤدێران دبیت وەکو بازارێ ھاڤینێ یێ کرین و فروتنا یاریکەران یێ گەرم نەبیت چونکو ئەوا دھاتە چاڤەرێکرن ل ڤی بازاری نەھاتە پێش و ھەڤبەستێن مەزن و گوھورینێن دھاتنە چاڤەرێکرن نەھاتنە کرن، لێ دبیت ھەڤرکیا ب ھێزا تولڤەکرنێ بھێتە پێش و ھەمی یاریێن ئەف شەڤە دێ ل دەمژمێر ٩:٤٥ دەستپێکەن.
دەستپێکرنا ھەڤرکیا وەرزێ نوو دێ یا ب خوشی و گرنژین بیت بو جەماوەرێ ھەردو یانێن ئایندھوڤن و مانچستەر یونایتد پشتی ل وەرزێ بوری نەشیاین ئارمانجێن خوە ب جە بینن و پلێتێن پشکداریێ ب دەستخوڤە بەن دەمێ یاریا خوە د کوما دویێ دا ل گەلێک دکەن و زێدەتر د ناڤا تیمان ژی دێ دێ خوشیەک ھەبیت ئەوژی راھێنەرێ ھولەندی یێ یانا ئێنگلیزی لویس ڤان گال دێ کەڤیتە ھەمبەر ھژمارەکا یاریکەرێن خوە یێن بەرێ و بو ڤێ یاریێ ھێرشبەرێ یانا ئێنگلیزی واین رونی پشکداریێ ناکەت ب ئەگەرا ھنگافتنێ.
ژلایەکێ دووڤە یانا مانچستەر سیتی دێ دەست ب ھەڤرکیێ کەت د ڤێ قارەمانیێ دا بو جارا پێنجێ و نوکە د رەوشەکا باش دایە پشتی دەستپێکەکا نمونەی د خولا ئێنگلیزی دا تومارکری و دێ لێگەریانا ھەڤرکیەکا مەزن کەت دژی یانێن مەزنێن ئوروپا، ھەر چەندە د پشککێشانێ دا دلوڤانی پێ نەھاتیە برن و کەفتە د کوما یوڤانتوس خودانا رێزا دویێ ل وەرزێ بوری و ئەزمونا وێ یا ئێکێ دێ ل گەل ڤێ یانێ بیت ل یاریگەھا ئێتیحاد و ب سەرکەفتنێ د ڤێ تاقیکرنا پێش وەخت دا دێ ھیڤی بو دەربازبونا وێ بو قوناغا دویێ گەشبن، ب تایبەت د دەمەکی دا کو یانا یوڤانتوس د خولا ئیتالیا دا د رەوشەکا باش دا نینە ب تنێ ئێک وەکھەڤی ل گەل سێ خوسارەتیان ھەیە، زێدەباری چونا باشترین یاریکەرێن وێ ئارتورو فیدال و کارلوس تێڤێز و بو ڤێ یاریێ دێ یا بێ باربیت ژ یاریکەرێ خوە یێ ھێلا ناڤین کلاودیو مارکیسیو ب ئەگەرا ھنگافتنێ لێ وەسا دھێتە زانین کو راھێنەرێ ڤێ یانا ئیتالی ھەست ب دو دلی و ترسێ ناکەت و راپورتێن روژنامەڤانی وەسا دەنە خویاکرن کو بەروڤاژی خولا ئیتالیا دێ ل ناڤا خولا ئوروپی ھێتە دیتن.
دوما ئێکێ دا یانا ریالمەدرید دێ یاریەکا ب ساناھی کەت ل یاریگەھا خوە سانتیاگو بێرنابیو دەمێ مێڤانداریا یانا شاختار دونیستیک یا ئوکرانی دکەت و بو ڤێ یاریێ ژی پێکھاتیێ راھێنەر رافائێل بینیتز ھەتا رادەکی دێ یێ تمام بیت ب تایبەت پشتی بەرەڤانێ وی سێرخیو راموس ڤەگەریایە راھێنانا وەکو بەرھەڤی بو ڤێ یاریێ، ھەر چەندە یێ کولومبی جیمس رودرێگز و یێ بەرازیلی دانیلو پشکدار د راھێنانێن دوھی دا نەکریە و زێدەتر گولچیێ یانێ یێ کوستاریکی کیلور نافاس د بەرھەڤی و پێشکەفتنەکا باش دایە ب تایبەت پشتی بورینا سێ یاریان ژ خولا ئسپانیا شیای پاراستنێ ل سەر تورا گولا ریال بکەت کو جارا ئێکێ یە ئەف دەستکەفتە دھێتە تومارکرن د چل سالێن بوری یێن یانێ دا. ژلایەکێ دووڤە یاریکەرێ سویدی زەلاتان ئیبراھیموڤیچ ل گەل یانا خوە پاریس سان جێرمان یا فرەنسی دێ ھەڤرکیێ ل گەل یانا خوە یا زاروکینیێ مالمو کەت ل فرەنسا، کو پشتی ڤی یاریکەری ل ٢٠٠١ یانا سویدی ب جە ھێلای دھێتە ھژمارتن ئێک ژ مەترسیتیرن ھێرشبەران د تەپا پێ یا جیھانێ دا ھەر چەندە نوکە ژیێ وی گەھشتیە ٣٣ سالیێ.
ژ یاریێن دی یێن ئەف شەڤە دێ ھێنە کرن ب ڤی رەنگی یە.
فولفسبورگ یا ئەلمانی * سیسکا موسکو روسی
ئەشبیلیا ئسپانی * بروسیا مونشن کلادباغ ئەلمانی
بنفیکا پرتوگالی * ئێف سی ئاستانا کازخستانی
گەلاتا سەرای تورکی * ئەتلەتیکو مەدرید ئسپانی
ئهڤرۆ نيوز:
ئهڤرۆ رۆژا سێشهمبى رێكهفتى 15ى ئيلۆنا 2015ێ، جڤاتا وهزيرێن ههرێما كوردستانێ پشتى زێدهتر ژ دو ههيڤان كۆمبوو و بڕيارهكا كۆمهكا پرسان گهنگهشه بكهن و ژ وان ژى پرسا ههلبژارتنا وان كهسێن دێ سندوقا نهفت و گازێ ب رێڤه بهن و پاشان بۆ پهرلهمانێ كوردستانێ بلند كهن دا رهزامهنديێ ل سهر دهرببڕن.
ئهڤرۆ نيوز:
بەرپرسا ھێزا رۆژ یا پێشمەرگێن کچێن ئێزدی بۆ ئەڤرۆ دیار کر کو ھێزا رۆژ یا کچێن ئێزدی بۆ پاراستن و ئازادکرنا دەڤەرێن ئێزدیان ژ کۆمەکا کچێن ئێزدیان ھاتە پێکئینان و سەر ب وەزارەتا پێشمەرگێ کوردستانی ڤەیە.
خاتێ عەلی بەرپرسا ھێزا رۆژ یا پێشمەرگێن کچێن ئێزدی دیار کر کو ھێزا پێشمەرگێ کچێن ئێزدی ژ ٤٢٠ پێشمەرگێن کچێن ئێزدی پیک دئێت و ئەڤ ھێزە دێ تایبەت بیت ب بەرەڤانیکرن و رزگارکرنا دەڤەرێن ئێزدیان ژ دەستێن رێکخراوا تیرۆرستی یا داعش و گۆت “ئەم ژی وەکو کچێن ئێزدی دی مل ب ملێن برایێن خوە یێن پێشمەرگە دژی تیرۆرستان دێ شەری کەین بۆ ئازادی و نەھێلانا تیرۆرێ ل دەڤەرێن کوردێن ئێزدی”.
خاتێ ئەو ژی دیار کر کو ھێزا پێشمەرگێ کچێن رۆژ سەر ب وەزارەتا پێشمەرگەی ڤەیە ل ھەرێما کوردستانێ و حوکمەتا عیراقێ چ ھەڤکاریا وان نەکریە و ژنێن ل عیراقی چ ماف نینە ل کارەساتا شنگال و گۆت “بۆ مە ئاشکرا بوو و مە ھەموو یان دیت چەوا بارزگانیێ ب کچ و ژنان دھاتە کرن و حوکمەتا عیراقی چ نەکر و چ ھەلوەیست ژی وەرنەگرتن، لەورا مە ھزر د وێ چەندێ دا کر بۆ خوە ھێزەکا تایبەت دروست بکەین و ئەم دێ بەرەڤانیێ ژ کەرامەت و شەرەفا خوە کەین”.
بەرپرسا ھێزا پێشمەرگێن کچێن رۆژ گۆت ژی “ئێزدیان ب دلەکێ مەزن پێشوازی ل ھێزا رۆژ یا کچێن ئێزدی کر و بەردەوام کچ پەیوەندیێ ب مە دکەن کو بگەھنە د ناڤ ھێزا رۆژ دا بۆ بەرەڤانیێ و رزگارکرنا دەڤەرێن ئێزدیان”.
ئەڤرۆ نیوز:
کۆمپانیا گەزی یا راپرسیان ل تورکیا کو وەک کۆمپانیەک بەرنیاس دھێتە دیتن و ھەتا نھا ژی راپرسیێن وێ ئەنجام داینە گەلەک نێزیکی ئەنجامێن راست یێن پشتی ھەلبژارتنان بووینە دوھی ئەنجامێ چەندین راپرسیێن خوە راگەھاندن و ل گۆر ئەنجامێن راپرسیێن کۆمپانیا گەزی نێزیکی ٤١% ژ خەلکێ تورکیا رەجەب تەیب ئەردۆگانێ سەرۆک کۆمارێ تورکیا وەک بەرپرسێ شەری و ئالۆزیێن نھا ل تورکیا دبینن و دژبەریا خوە ل ھەمبەر سیستەمێ سەرۆکاتیێ ژی دیار دکەن و ناخوازن کو ئەردۆگان ببیتە سەرۆکێ تورکیا.
د پشکەکا دی یا راپۆرتا کۆمپانیا گەزی دا ھاتیە کو شەرێ نھا دێ کاریگەریا خوە ل سەر رێژا دەنگێ پارتیا نەتەوەپەرست یا تورکیا کەت و دێ دەنگێ وێ پارتیێ گەھیتە ١٨%، چونکو شەر و ئالۆزیێن نھا ل تورکیا وەسا کر کو ئەو کەسێن نەتەوەپەرست کو بەرێ دەنگێ خوە ددانە ئاکپارتی نھا جارەکا دی دەنگێ خوە بدەنە پارتیا نەتەوەپەرست و ژ بەر ھندێ ژی ئەو یەک دێ کاریگەریا خوە ل سەر ئاستێ دەنگێ ئاکپارتیێ کەت.
د بەردەوامیا راپۆرتا راپرسیان دا سەبارەت ب رێژا دەنگێ ئاکپارتی ژی ھاتیە دیار کرن کو دەنگێ ئاکپارتی دێ د ناڤبەرا ٣٥ ھەتا ٣٨% بیت و دێ ل گۆر ھەلبژارتنێن حەفتێ خزیرانێ دەنگێ ئاکپارتیێ کێمتر بیت و ئەو نەشێن ب تنێ حوکمەتێ ئاڤا بکەن و پارتیا کۆماریا گەل ژی دێ رێژا دەنگێ خوە یا د ھەلبژارتنێن حەفتێ خزیرانێ دا پارێزیت و ھەتا رەنگە بشێت چەند کورسیێن دیتر ژی وەربگریت، لێ دەنگێ پارتیا کۆماریا گەل کێم نابیت.
سەبارەت ب رێژا دەنگێ پارتیا دیموکراتی یا گەلان ژی د راپۆرتێ دا ھاتیە دیار کرن کو ژ بەر شەرێ نھا ل پرانیا باژارێن باکورێ کوردستانێ ئێدی روویێ راست یێ ئەردۆگانی و پارتیا وی بۆ کوردان ئاشکرا بوویە و کوردێن کو بەری نھا دەنگێ خوە ددانە ئاکپارتیێ ڤێجارێ دەنگی نادەنێ و دێ دەنگێ خوە دەنە پارتیا دیموکراتی یا گەلان و دەنگدەرێن حەفتێ خزیرانێ ژی دیسان دێ دەنگێ خوە دەنە وێ پارتیێ و ژ بەر ھندێ ژی دھێتە پێشبینی کرن کو پارتیا دیموکراتی یا گەلان ژی دێ چەند کورسیێن خوە زێدە کەت و چو ئاریشا وێ پارتیێ یا بەندێ ١٠% یێ ھەلبژارتنان نامینیت.
ل ئالیێ دی ھژمارەک زێدە ژ نڤیسەر و رۆژنامەڤانێن تورکیا د کۆنفرانسێ ئاشتی و دیموکراسیێ دا کو ئەڤە دو رۆژن ل ئستەنبۆلێ برێڤە دچیت داخواز ژ سەرۆک کۆمارێ تورکیا رەجەب تەیب ئەردۆگانی کرن کو شەرێ ل دژی کوردان بدەتە راگرتن و ھێزێن سەربازی ژ باژارێن کوردان بھێنە دەرخستن، چونکو نھا ل چەندین باژێرێن باکورێ کوردستانێ بارێ نەئاسایی ھاتیە راگەھاندن و شەر ھەیە و ل گۆر راپۆرتا رێکخراوا مافێ مرۆڤی یا تورکیا ژ دەستپێکا شەری ھەتا نھا پتر ژ سەد کەسێن مەدەنی ھاتینە کوشتن و ب دەھان کەس ژی بریندارن و نھا حوکمەتا سەربازی ل دەڤەرێن کوردی ھەیە و کورد ژی ل دژی وێ یەکێ بەرخوەدانیێ دکەن و ئەو یەک دێ تورکیا بەر ب پارچەبوونێ ڤە بەت.
ل ئالیێ دی پرانیا دەزگەھێن راگەھاندنا ئورۆپا ژی ئاماژە ب شەرێ ل جزیرێ، ئامەدێ و باژێرێن دی یێن باکورێ کوردستانێ کرن و راگەھاندن کو شەرێ نھا رەوشا ناڤخوەیی ل تورکیا گەلەک ئالۆز کریە.
نيشاندان