ئەڤرۆ نیوز : کاروان باعەدری :
ل ھەولیرێ گرێبەستەکا ھاریکاریێ دناڤبەرا پێکھاتەیا ھەرێمێ دا ھەتا گرێدان
کاوە عیدۆ خەتاری ئێک ژبەشداربووێن ڤێ گریبەستا ھاریکاریێ بۆ ئەڤرۆ نیوز گۆت : ئەڤ گرێبەستە دێ دناڤبەرا دەزگاھیێن پێکھاتەیێن ھەرێمێ (مەسیحیا و ئێزدیان و سابیئە و مەندائی و کاکائی و بەھائی و شەبەک ) ژبۆ ھاریکاریا دەزگەھان دا ھاتە گرێدان بۆ کاروچالاکیێن ھۆنەری و رەوشەنبیری و پتر پەیوەندیان دناڤبەرا وان د ادا کو پتر ماڤێن خۆی یێن مرۆڤایەتی ب دەست ڤە بینن .
ئەڤرۆ نیۆز، قائید میرۆ:
ئەف شەڤە حەفت چەکدارێن داعش ل گوندێ نەسر یێ قەزا مەخموور خوە رادەستی ھێزێن پێشمەرگەیکر ل گوندێ سولتان عەبدولا.
ژێدەرەکی ژ ھێزێن پێشمەرگەی ب ئەڤرۆ نیۆز راگەھاند” دەمژمێر ١٢ی ئەف شەڤە حەفت چەکدارێن داعش ل گوندێ نەسر یێ میحوەرێ مەخموور خوە رادەستی ھێزێن پێشمەرگەیێ کوردستانێ کرو ڤەکۆلین دگەلدا دھێتەکرن.
ژێدەری گۆتژی” ددەمێ نوکەدا ھژمارەک چەکدارێن دی یێن داعش نێزیکی سەنگەرێن پێشمەرگەی بووینە و دخوازن خوە رادەستی پێشمەرگەی بکەن، بەلێ ژبەر کو گەرەنتی نینە ئایا ماددێ تەقینێ دگەلدایە یان نە، ئەوژی دێ ھێنە دەستەرکرن .
ئەڤرۆ نیوز، بارزان مزووری:
رائيد فيراس ياسين، به‌رپرسێ پشكا راگه‌هاندنێ ل رێڤه‌به‌ريا به‌ره‌ڤانيا باژێرى ل ئاكرێ، بۆ مالپه‌رێ ئه‌ڤرۆ نيوز گۆت: “رۆژا ئه‌ينى رێكه‌فتى 30ى چريا ئێكێ ئه‌م هاتينه ئاگه‌هداركرن ژ لايێ بنگه‌هێ پۆليسێن رۆڤيا كو گه‌نجه‌كى ب ناڤێ محه‌مه‌د عه‌بدولعه‌زيز د ژيێ 21 ساليێ دا تووشى شورتێ كاره‌بێ دبيت و د جهدا گيانێ خوه ژ ده‌ست دده‌ت”.
زێده‌تر گۆت: “ته‌رمێ ڤى گه‌نجى بۆ نوشداريا داد ل ئاكرێ هاتيه ره‌وانه‌كرن و دوسه‌يا ڤه‌كۆلينێ ژى ل دۆر ئه‌گه‌رێن گيان ژ ده‌ستدانێ هاتينه ڤه‌كرن”.
ئەڤرۆ نیوز، سالاردۆسکی:
رۆژێن بوری گەنجەکێ دھۆکێ ب ناڤێ زیاد سوفی نیشانیا خوە گێرا و د ناڤا نیشانی دا ل جھێ شرینی و بەلاڤەکرنێ ل سەر وەلاتیان ب کارەکێ دی رابوو.
زیاد سوفیێ زاڤا بۆ ئەڤرۆ نیۆز گۆت: مەڤیا وەک بووک و زاڤا تشتەکێ جودا ژ بووک و زاڤایێن دی بکەین و جھێ بەلاڤەکرنا شریناھی یا ل سەر مێھڤانان مە دەست ب بەڤەلاکرنا پرتووکان کر و مە (٣٥٠) پرتووک بەلاڤەکرن و من ل سەر زەلامان و ھەڤالا من ل سەر کچان و ژنان.
زیادی ھێشتا ژی گۆت: پرتووک د گشتی بوون و ھەموو ب زمانێ کوردی بوون و ئارماننجا مە ئەو بۆ تشتەکێ نوو و ئێدی خەلکێ مە بەر ب خواندنا پرتووکان بچیت.
زیادی ئاشکراکر ژی کو ئەڤە ھزرا وی بوو و وەک زاڤایەک خزمەتا مێھڤانێن خوە بکەت.
ئەڤرۆ نیوز: کاروان باعەدری:
ئەڤرۆ ل فرۆکخانەیا ھەولیرا پایتەخت د رێ و رسمەکى دا ب حازربوونا پەلەمانتار و چەندین کەسان پیشوازی ل تەرمێن هه‌ر ئێك ژ “دەخیل مراد” خەلکێ شنگالێ و “ئالان حەمە ئەمین” ژ دۆکان ھاتە کرن.
راگەھاندنا بنگەھێ لالش ل ھەولیرێ دیارکر: ئەڤ ھەردو کەسە د وێ ترۆمبێلێ دابوون ئەوا ل نەمسا ئەوا ئۆکسجین تیڤە نەمای ل ٢٤-٨-٢٠١٥ێ.
ئێک ژ وان خەلکێ شنگارێ و یێ دی خەلکێ دۆکانە. و ئەڤ جەنازنە ب ھاریکاریا نۆینەرێ حکومەتا ھەرێمێ ل نەمسا و ب سەرۆکێ حکومەتا ھەرێمێ نێچیرڤان بارزانی بوو گەھشتنە ھەرێمێ .
ئه‌ڤرۆ نيوز:
به‌ره‌ڤانيا باژێرى ل دهۆكێ راگه‌هاند كو ئه‌ڤرۆ رۆژا ئه‌ينى تيمێن وان يێن هه‌وارهاتنێ شيان مه‌ترسيێ ل سه‌ر تاخێ سه‌رهلدان ل شێلادزێ راكه‌ن ئه‌وا ژ ئه‌نجامێ بارينا بارانه‌كا زۆر په‌يدا بووى.
رائيدێ مافپه‌روه‌ر، بێوار عه‌بدولعه‌زيز، به‌رپرسێ پشكا راگه‌هاندنێ ل رێڤه‌به‌ريا به‌ره‌ڤانيا باژێرى ل پارێزگه‌ها دهۆكێ بۆ ئه‌ڤرۆ نيوز گۆت: “ئه‌ڤرۆ رۆژا ئه‌ينى رێكه‌فتى 30ى چريا ئێكێ ل ناحيا شێلادزێ، تاخێ سه‌رهلدان ژ ئه‌گه‌رێ بارانه‌كا زۆر مه‌ترسى ل سه‌ر چه‌ند مالان درۆست بوو”.
رائيدێ مافپه‌روه‌ر زێده‌تر گۆت: “خۆشبه‌ختانه كارمه‌ندێن مه شيان ب ره‌نگه‌كێ باش كونترۆلا روودانێ بكه‌ن بێ كو چو زيان بگه‌هنه وه‌لاتيێن وى تاخى”.
ئه‌ڤرۆ نيوز، هشيار دۆبانكى:
رێڤه‌به‌ريا پۆليسێن قه‌زا زاخۆ راگه‌هاند كو ئه‌ڤرۆ ئێڤارى سنێله‌كێ دژيێ 15 ساليێ دا خوه ب پارچه په‌رۆكه‌كى خه‌ندقاند.
نه‌قيب نه‌شئه‌ت سلێمان، به‌رپرسێ پشكا راگه‌هاندنێ ل رێڤه‌به‌ريا پۆليسێن زاخۆ بۆ ئه‌ڤرۆ نيوز گۆت: “ئه‌ڤرۆ رۆژا ئه‌ينى رێكه‌فتى 30ى چريا ئێكێ و ل ده‌مژمێر 7ى ئێڤارى، سنێله‌كێ 15 سالى ل تاخێ ئاشێ چه‌مى ب پارچه په‌رۆكه‌كى خوه هه‌لاويست و دووماهى ب ژيانا خوه ئينا”.
زێده‌تر گۆت: “بابێ وى سنێلى ئه‌و ئاگه‌هدار كرينه كو ئه‌ڤه پترى ساله‌كێ ئه‌و كوڕێ وان تووشى نه‌خۆشيه‌كا ده‌روونى بووى”، به‌لێ دا زانين كو دوسه‌يا ڤه‌كۆلينێ ل بنگه‌هێ پۆليسێن زاخۆ هاتيه ڤه‌كرن دا كو راستيا روودانێ بهێته ئاشكه‌را كرن.
ئه‌ڤرۆ نيوز:
رائيدێ مافپه‌روه‌ر، هێمن سلێمان، به‌رپرسێ پشكا په‌يوه‌ندى و راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ بۆ ئه‌ڤرۆ نيوز گۆت: “ئه‌ڤرۆ رۆژا ئه‌ينى رێكه‌فتى 30ى چريا ئێكێ ل تاخێ ماسيكێ ترۆمبێل ژ ده‌ستێن شوفێره‌كى ده‌ركه‌فت و ب دو كه‌سان كه‌فت و د ناڤ وێ ترۆمبێلێ ژى دا سێ گه‌نج هه‌بوون، هه‌ر پێنج بريندار بوون و بۆ نه‌خۆشخانا ته‌نگاڤيان هاتنه ڤه‌گوهاستن”.
ئەڤرۆ نیوز : کاروان باعەدری:
ژێدەرەکى ژناڤ ھێزێن پێشمەرگەی بۆ ئەڤرۆ نیوز گۆت : ل رۆژھەلاتێ باژێرێ موسلێ ٣٥ کەسان خۆ رادەستێ ھێزێن پێشمەرگەی کرن شه‌ش کەس ژ وان پشتی ڤه‌کۆلینی دەست ل گەل داعشێ ھەبوون.
ژێدەری دیار کر ژى: د دەمێ دا کو رادەست کەن بۆمبەک پێڤە پەقیا سێ ژوان ھاتنە کوشتن و گەلەک ژێ برینداربوون .
نيشاندان