ئەڤرۆ نیوز:
لژنەیا بەریکانان ل ئێکەتیا تەپا پێ یا عیراقێ ژڤانێ ھژمارەکا یاریێن پاشئێخستی یێن خولا پلا نایاب یا عیراقێ دەست نیشانکرن کو بریارە سوباھی چوار یاری بھێنەکرن بەغدا ل گەل مینا و سیناعە ل گەل جەویە و دھۆک ل گەل نەفت و شورتە نەجەف د یاریەکا ب ھێزدا.
بریارە رۆژا ١٣-٢-٢٠١٦ سیێ یاریێن دی ژ یاریێن پاشێخستی یێن خولێ بھێنەکرن کو تیما زاخۆ دێ بیتە مێڤانا یانا شورتە ل باژێرێ بەغدا د یاریەکا ب ھێز و زحمەت دا و ھەردو یانێن مینا و جەویە د یاریەکا پری ھەڤرکی دێ ھەمبەری ئێک بن و نەفت دێ ل گەل زەورا کەت.
تیما زاخۆ پشتی یاریا بەرامبەر شورتە بریارە ل یاریگەھا خوە مێڤانداریا یانا نەجەف بکەت ل ١٦-١-٢٠١٦.
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سهرهكى Facebook
یانا ھەولێرێ دەست ژ پیشەکارێ خوە بەردا و بەر ب خولا ئورۆپا ڤە چوو
ئەڤرۆ نیوز، ھەژار مەعروف:
یانا ھەولێرێ یا پشکدار دخولا پلا نایاب یا عیراقێ دا ب فەرمی راگەھاند ئەوان دەست ژ پیشەکارێ خوە یێ ئیرانی میلاد زەندپور بەردە ل سەر داخوازیا یاریکەرێ ناڤبری پشتی وی داخوازی ژ یانێ کری .
یاریکەرێ ناڤبری د داخویانیەکێ دا بۆ ئەڤرۆ نیوز دیارکر ئەوی چو ئاریشە ل گەل یانێ نەبوون بەروڤاژی ئەو ل گەل یانا خوە گەلەک یێ ئارام بوو کو بەری نوکە ژی ل چەندین یانێن مەزن ئیرانی کریە لێ وەکو یانا ھەولێرێ یێ ئارارام نەبوو .
ناڤبری دیارکر ژی ئەگەرێ ب جھـ ھێلا یانا ھەولێرێ بوو وێ چەندێ ڤەگەریت ئەو دخوازیت بەر ب ئورۆپا بچیت و تایبەت پشتی ب فەرمی یانا دالکورد یا سویدی پەیوەندی ب وی کری ئەوی ژی ئێکسەر داخوازی ژ یانا ھەولێرێ کر و دەست ژ کوژمێ مای یێ یانێ بەردە ژبەرکو کرنا یاریێ ل ڤی دەمی ل ئورۆپا باشتر دبینت ژ خولێن ئاسیا و ئارمانجا وی یا سەرەکی ئەوا جارەکا دی ڤەگەریتە پێکھاتیێ ھەلبژارتیێ ئیرانی.
ھەژی گوتنێ یە میلاد زانیدپور دەستپێکا ڤێ وەرزێ ھەڤبەستا یانا ھەولێرێ ئیمزاکر بوو بەری نوکە ژی یاری ل چەندین یانێن بەرنیاس یێن خولا پلا نایاب یا ئیرانی کری یە و نێزیکی ٣٢ یاریێن نیڤدەولی ل گەل ھەلبژارتیێ ئێکێ ئیرانی کری ھەنە
بزانە ئێکەتیا تەپا پێ یا کوردستانێ چو بریار ل دور یاریا زێرەڤانی و زاخۆ دایە
ئەڤرۆ نیوز، ھەژار مەعروف:
پشتی یاریا زێرەڤانی و زاخۆ ژ خولا فاستلینک یا پلا نایاب یا کوردسانێ ل حەفتیا بوری ب دووماھی ھاتی گەلەک گازندە ژلایێ کارگێریا یانا زاخۆ و یاریکەرێن تیمێ بۆ دادڤانێ یاریێ ھەبوون کو دیارکر بوون زولمەکا مەزن ل تیما ئەوان ھاتیە کرن ، پشتی یاری ب دووماھی ھاتی سەرپەرشتێ یاریێ راپورتا خوە پێشکێشی ئێکەتیا تەپا پێ یا کوردستانێ کر بوو تێدا وەسا دایە دیارکرن یاریی یا سەرکەفتی بۆ ژلایێ دادڤانێ یاریێ ڤە.
سەلام حسێن سکرتێرێ ئێکەتیا تەپا پێ یا ناڤەندی ل ھەرێما کوردستانێ ل دور وێ یاریێ بۆ ئەڤرۆ نیوز دیارکر ئەوان چو بریار ل سەر دادڤانێ یاریێ و وێ یاریێ د کومبوونا ئەڤرۆ دا نەداینی ژبەرکو د راپورتا سەرپەرشتێ یاریێ دا چو تێدا نەھاتبوو دیارکرن کو دادڤانی زولم ل تیمەکێ کربیت و ھەردیسان یانا زاخۆ ژی چو راپورتێن نە رازیبوونێ پێشکێشی ئێکەتیا تەپا پێ نەکری نە ھەتا ئەو لژنەیەکێ دروست بکەن بۆ دیڤچوونا یاریێ و ئەوان پشت بەستن ل سەر راپورتا سەرپەرشتێ یاریێ بتنێ کریە ھەر دەمێ یانا زاخۆ نە رازیبوونەک پێشکێشی ئەوان کربا بێ گومان دا دیڤچوونا بابەتی کەین.
سێ ھەیڤە خولا عیراقێ ب جھـ ھێلایە و ھەتانوکە گولکەرێ خولێ ژێ یە
ئەڤرۆ نیوز:
سەرارای دروکەفتنا وی زێدەتر ژ سێ ھەیڤان ژ یاریێن خولا پلا نایاب یا عیراقێ ھەتا نوکە یاریکەرێ یانا مینا یێ بەری نوکە و یاریکەرێ ھەلبژارتیێ سوریا عومەر ھرێبین گولکەرێ خولا پلا نایاب یا عیراقێ یە ب تومارکرنا دەھـ گولان کو یاریکەرێ ناڤبری ل ١-١٢-٢٠١٥ ژ یانا مینا ھاتیە ڤەگوھاستن بۆ یانا زەفرە یا ئیماراتی .
عومەر خرێبین نوکە ل وەرزێ ئەڤ سالە شیای یە ١٠ گولا توماربکەت ژ نەھـ یاریێن وەرزێ ئەڤ سالە کرین کو دووماھی یاریا وی ل گەل یانا مینا ٨-١١-٢٠١٥ بوو پشتی وێ یاریێ یانا وی چار یاریێن دی کری نە ئەوی پشکداری نەکری یە .
ھەردو یاریکەران حەمادی ئەحمەد و موھند عەبدورەحیم ھەشت گول ھەنە و ھەر ئێک ژ محەمەد جەفال ژ ھەولێرێ و عەبدولقادر تارق ب پێنج گولان رێزا سیێ دھێن.
ملياره‌كا خه‌لكى ته‌ماشه‌ى ڤێ ڤيديويێ كريه
مورینیو نێزیکی خەونا خوە بوویە
ئەڤرۆ نیوز:
راھێنەرێ پرتوگالی و یانا چێلسی یا ئینگلیزی ئەوێ بەری ماوەکا ژلایێ یانا لەندەنی ڤە ھاتیە دورخستن یێ نێزیکی خەونا خوە بیت بۆ وەرگرتنا ئەرکێ راھێنەریا یانا مانچستەر یوناید یا ئینگلیزی کو وی بەری نوکە ژی چەندین جاران دیارکر بوو خەونا ویە ئەرکێ راھێنەریا یانا مانچستەر یوناید وەربگریت ژبەرکو ناڤەکێ مەزن ھەیە ل ئورۆپا و برێتانیا.
رۆژناما دیلی مێل یا برێتانی دیارکر پشتی ب دووماھی ھاتنا وەرزێ ئەڤ سالە مورینیو دێ بیت راھێنەرێ یانا مان یوناید یا ئینگلیزی تایبەت پشتی وان ئەنجامێن نە چاڤەرێکری یێن راھێنەرێ یانێ یێ نوکە ڤان خال یێ ھولەندی.
وێ رۆژنامێ دیارکری یە ژی ھەردو لایەن ب نەھێنی ل گەلێک کومبوونە سەبارەت وەرگرتنا پوستێ یانا مان یوناید و ئینانا چەند ستێرێن بەرنیاس بۆ یانا ئینگلیزی بۆ وەرزێ بھێت بۆ ھەڤرکیا ناسناڤێ خولا پریمێرلیگ کو ماوەکە ئەڤ یانا یا ژی دورە.
ب وێنه: هڕوبارى ئه‌ڤه ب سه‌رێ ڤى خانى ئينا
دینارتە ، نەوزاد زادە ھلۆری:
شڤێدی ژ ئەنجامێ بارینا بارانێ ل گوندێ مێرگەرەش یا سەر ب ناحیا دینارتە بەرەکی َمەزن ب خانویێ وەلاتیەکێ دکەڤیت و زیانان دگەھینیت خانوی.
رەشید مێرگەرەشی خودانێ خانوی بۆ ئەڤرۆ نیوز گۆت: (شڤێدی ژ ئەنجامێ بارینا بارانێ بەرەکێ مەزن ل پشتا خانویێ من دھێتە خوارێ ب خانویی َمن دکەڤیت و د ئەنجام دا دیوارێ خانویی ل جھی َخوە دچیت و ئەڤە سەرەرای کو دیوار کونکریە).
زێدەتر گۆت: (ئەڤە ماوەیێ سالەکێ یە من خانویی َخوە چێکریە و ھێشتا و ئەگەر خانویێ من خانویێ بەران بایە دا ئەو بەرە ب سەرمەدا ھێتەخوار بەلێ سوپاس بو خودی َکو دیوار دیوارێ بلوک و سەبێ بوویە ئەگەر دا مەژی دگەل کوژیت).
مەلا غیاس مێرگەشەری کو ئەو ژی وەلاتیەکێ ھەما گوندی یە دیارکر کو ئەڤە چەندین سالە ئەو ل ھوڤیا حکومەتێ نە کو گوندێ وان ببنە خوارتر درۆست بکەن و جادەیا وان ژی چێبکەن و گۆت: (گوندێ مە ل ھنداڤا جھەکێ بلند ھاتیە چێکرن و ھەردەما بوویە باران بەر و ئاخ دھێتە خوارێ و ئەڤە چەندین جاران ژی یە بەرێن مەزن ھاتین خوارێ و ھەکە ل دەما ھاتنە خوارا بەران زاروک و ھەر کەسەک ل وێرێ بن ئێکسەر دێ ھێنە کوشتن).
خووشکا پەرلەمانتارەکا پارتی د دەریا ئیجە دا خەندقی
ئەڤرۆ نیوز، قائید میرۆ:
خووشکا پەرلەمانتارەکا پارتی د ناڤا دەریا ئیجەدا خەندقی و فڕاکسیۆنا پارتی ژی دبێژیت، ژبلی خووشکا پەرەمانتارێ دو زارۆ ژی د گەل خەندقینە”.
ژێدەرەکی ژ فڕاکسیۆنا پارتی دیموکراتی کوردستان بۆ ئەڤرۆ نیۆز راگەھاند: “بەری چەند رۆژان خووشکا پەرلەمانتارا پارتی دکتۆر ڤالا فەرید سەرۆکا لیژنا قانوونی بەرەف دەرڤە دچوون و د ناڤا دەریا ئیجە دا ب زارۆ ڤە خەندقیە و نوکە تازى ژى بۆھاتیە دانان”.
ژێدەرێ نەڤیاى ناڤێ وی بھێتە بەلافکرن گۆتژی: “تەرمێ خووشکا پەرلەمانتارا پارتی و زارۆیێن وێ ھاتینە دیتن د ناڤا دەریا ئیجە دا، بەلێ پشتی 10 رۆژێن دی دێ تەرمێن وان ڤەگەڕێن ھەرێما کوردستانێ”.
ره‌وشا دراڤى ل بازارێن پاره‌گوهۆڕان
ئه‌ڤرۆ نيوز:
ئه‌ڤرۆ رێكه‌فتى 6ى شوباتا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
مافێ کرێکارێن گیانێ خوە ژ دەست دای ناھێتە خوارن
ئەڤرۆ نیۆز، قائید میرۆ:
پشتی دوھی د روویدانەکێ دا لباژێڕێ ھەولێرێ نێزیکی 20 کرێکاران گیانێ خوە ژدەستدای، رێڤەبەرێ گشتیێ کاری رادگەھینیت، گورەی قانوونێ دێ پێڕابوون ھێنە وەرگرتن.
دکتۆر عارف حیتو، رێڤەبەرێ گشتیێ کارو دەستەبەرا کۆمەلایەتی ب ئەڤرۆ نیۆز راگەھاند”لایەنێن پەیوەندیدار دێ دوڤچوونا ئەگەرێ روویدانا ئاگری کەن یا دوھی لباژێڕێ ھەولێرێ چێبووی تێدا 19 کرێکارا گیانێ خوە ژدەستدای، بەلێ ئەگەر ھاتبنە دەستەبەرکرن ژلایێ قانوونیڤە دێ مافێ ل خوەدیێ کاری ھێتە وەرگرتن، بەرۆڤاژی چو ماف نابن ئەڤان کرێکارێن بووینە قوربانی.
حیتوی گۆتژی” وەزارەتا کارو کاروبارێن جڤاکی چو رێنمایێن نوو بۆ کرێکارێن بیانی دەرنەکریە، تنێ کار ب قانوونێن وەزارەتێ دھێتەکرن، نوکە گورەی قانوونا ھژمارەکا زۆرا کرێکارێن بیانی لھەرێما کوردستانێ کاردکەن.
نيشاندان
WP Facebook Auto Publish Powered By : XYZScripts.com