ئەڤرۆ نيوز:
وەزارەتا پلاندانانا ئیراقێ دیارکر رێژەیا ھەژاریێ ل ھەرێما کوردستانێ بۆ سالا ٢٠١٤ ژ سەدێ ١٢ یە و ئەو رێژە ژی نزمترین ئاستێ نێڤ دەولەتی یە ژ تەڤایا پارێزگەھێن ئیراقێ دا ھاتیە تومارکرن.
عەبدولازەھرە ھینداوی بەردەڤکێ وەزارەتا پلاندانانا ئیراقێ راگەھاند:ل سالا ٢٠١٤ تەڤایا رێژەیا ھەژاریێ ل ئیراقێ بۆ ٢٢.٥% زێدەکریە،لێ ل ھەرێما کوردستانێ رێژە نزمترین ئاست توماریکریە کو ١٢% بوو.
ناڤبری ئەو چەندە ژی دیارکر رێژەیا ھەژاریێ ل پارێزگەھێن باشورێ ئیراقێ گەھشتیە ٣١% ئەو ژی ل دەمەکی دایە کو رێژا ھەژاریێ ل پارێزگەھێن ناڤەراست ١٧% یە و ل بەغدا ئەو رێژە ١٣% یە.
عەبدولازەھرە ھینداوی گۆت ژی رێەژای ھەژاریێ ل ئەوان پارێزگەھێن ل بن دەستێ داعشێ گەھشتیە ٤١% ب وێ چەندێ ئاکنجیێن بن دەسەلاتا داعشێ د ژیانەکا نەخوش دانە.
ئەڤرۆ نيوز:
رێکخراوا دور بۆ زانیاریێن پترۆلا کوردستانێ دیارکر ھەرێما کوردستانێ ل ھەیڤا ئاب دا رۆژانە ٩٧٥ ھەزار بەرمیلێن پترۆلێ ھنارتینە دەرڤە و ل ١٦ حسابێن جودا دا داھاتێ پترۆلا ھەرێمێ دھێتە ھەلگرتن.
رێکخراوا ناڤبری ئەو چەندە ژی دیارکر ل ھەیڤا ئاب ئێک ملیۆن و ١٥٥ ھەزار بەرمیل بوونە درۆژێ دا،دوێ ھەیڤێ دا رۆژانە ٤٥ ھەزار بەرمیلێن پترۆلێ زێدەتر بەرھەم ئیناینە ھەمبەر ل گەل ھەیڤا تەموزێ.
رێکخراوا دور ئەو چەندە ژی دیارکر کو ژبلی ٩٧٥ ھەزار بەرمیل رەوانەکرینە بەلکو ١٨٠ ھەزار بەرمیل بۆ بکارئینانا ناڤخویی ژی بکارئیناینە، داھاتێ پترۆلا فرۆتی یێ ھەیڤا ئاب ٨٥٠ ملیۆن دۆلار بوون و زیانەکا مەزن ب ھەرێمێ کەفتی ب داکەتنا بھایێ پترۆلێ کو ئەو زیان ب ٢ ملیار و ١١٤ ملیۆن دۆلاران دھێتە خەملاندن.
لگوری راپۆرتا حوکمەتا ھەرێما کوردستانێ دەربارێ داھاتێ پترۆلێ کو ل ١٦ ژمارێن حسابێن بەنکی ل چوار وەلاتێن جیھانێ دھێنە ھەلگرتن.
حەسەند نعمە بریکارێ بەریێ وەزارەتا پترۆلا ئیراقێ راگەھاند: تەڤایا بەرھەمێ پترۆلا ئیراقێ د رۆژەکێ دا ٣ ملیۆن و ٧٠٠ ھەزار بەرمیل بوون،کو ٥٠ ھەزار بەرمیل یێن بەرھەمێ زەڤیێن پترۆلا ھەرێما کوردستانێ نە.
ناڤبری ئەو چەندە ژی دیارکر بەرھەمێ پترۆلا پارێزگەھا بەسرە ٣ ملیۆن بەرمیل دەربازکرینە د رۆژێ دا و نھا ھنارتنا ئیراقێ ٤٠ ھەزار بەرمیل ھەمبەر ھنارتنا ھەیڤا حوزەیرانێ زێدەکرینە.
بریکارێ بەرێ یێ وەزارەتا پترۆلا ئیراقێ ئەو چەندە ژی دیارکر ژبلی ئەوێ پترۆلا ل ئیراقێ بەرھەم دئێت زێدەتر ژ ٥٥٠ ھەزار بەرمیلێن پترۆلێ ب ھەروە دچن.
ئەڤرۆ نيوز:
لژنا ب کارخستنێ ل ھەرێما کوردستانێ دیار دکەت کو دڤێت دەلیڤێن کاری بۆ کرێکارێن ناڤخوەیی بھێنە پەیداکرن ئەو ژی ب رێیا کێمکرنا کرێکارێن بیانی ل ھەرێما کوردستانێ.
د ڕاگەھاندنەکا وەزارەتا کار و کاروبارێن جڤاکی یا حوکمەتا ھەرێما کوردستانێ دا ھاتیە: “دوھی ٩/٩/٢٠١٥ لژنا بلند یا ب کارخستنێ ل ھەرێما کوردستانێ ب سەرۆکاتیا (محەمەد ھاودیانی) سەرۆکێ لژنی َو وەزیرێ کار و کاروبارێن جڤاکی و نوونەرێن ١٥ وەزارەت و نوونەرێن ژوورێن بازرگانی سەندیکا کرێکاران ل ژوورا بازرگانی و پیشەسازیا ھەولێرێ کۆمبوو، تێدا دوپاتی ل سەر کێمکرنا کرێکارێن بیانی و پەیداکرنا دەلیڤێن کاری بۆ کرێکارێن ناڤخوەیی ھاتە کرن”.
محەمەد ھاودیانی، سەرۆکێ لژنێ ئاشکرا کر، ئارمانج ژ کۆمبوونێ د ھەوارچوونا کار و کرێکارێن خومالی، پەیداکرنا دەلیڤێن کاری، چارەکرن و بەرچاڤکرنا پێشنیاران بوو ل سەر کرێکارێن بیانی و سیاسەتا ب کارخستنێ ل ھەرێما کوردستانێ کو ئەڤە ب خوە پرۆژێن گرنگن بۆ روو ب رووبوونا بێکاریێ و گۆت: “ئاریشا مەزن یا جڤاکی بێکاریە، لەو دڤێت سیاسەتا ب کارخستنێ ب رەنگەکێ سەردەمیانە بھێتە دانان بۆ پەیداکرنا دەلیڤێن پتر یێن کاری”.
ل دووڤ ئاماران د چەندسالێن بۆری دا ھەتا نوکە پتری ٣٤ ھزار کرێکارێن بیانی ھاتینە ھەرێما کوردستانێ، د نوکە ژی دا نەە ھزار کرێکارێن بیانی ل ھەرێمێ ھەنە، کو یێن وەلاتێن (نیپال، ھندستان، ئەندەنوسیا، جورجیا، فلیپین، سریلانکا و چین)ێ نە.
ئەڤرۆ نیۆز، قائید میرۆ
رێڤەبەرێ دادگەھا سەربازیا ھەرێما کوردستانێ ل بارەگایێ فەرماندەیا لەشکرێ کوردستانێ ب چەکێ دەمانچێ دوماھی ب ژیانا خوە ئینان و خوە کوشت.
ژێدەرەکێ بەرپرس ل وەزارەتا پێشمەرگەی ب ئەڤرۆ نیۆز راگەھاند” دوھی ل بارەگایێ فەرماندەیا لەشکرێ کوردستان حاکم غازی ئەتروشی رێڤەبەرێ بەرێ یێ دادگەھا سەربازیا ھەرێمێ ب ئەگەرێ نەدیار خوە کوشتیە و گیانێ خوە ژدەستدایە.
ژێدەری کو نەڤیا ناڤێ وی بھێتە ئاشکراکرن گۆتژی” غازی ئەتروشی بۆ دەمێ چەندین سالا رێڤەبەرێ گشتیێ دادگەھا سەربازیا ھەرێمێ بوویە و بەری دو سالان ب پلەیا فەریق ھاتیە خانەنشینکرن، بەلێ ژۆرەک ل فەرماندەیا لەشکرێ کوردستان ھەبوو جار جار سەرەدانا ئەڤی جھێ خوە دکر، مخابن دوھی ددەمێ دەوامێ ب چەکێ دەمانجێ خوە کوشتیە.
لدۆر ئەگەرێن خوە کوشتنێ ژی دیارکر، چو زانیاریێن دروست لدۆر خوە کوشتنا غازی ئەتروشی نینە، بەلێ نەساخیا شەکرێ ھەبوو نەخۆشیا نافبریژی زۆرا دژواربوو لەوڕا مە گومان ھەیە ب ئەگەرێ دژواریا نەخۆشیێ خوە کوشتبیت
ئهڤرۆ نيوز:
رائيدێ مافپهروهر بێوار عهبدولعهزيز، بهرپرسێ راگههاندنێ ل رێڤهبهريا بهرهڤانيا باژێرى راگههاند: دوهى 8ى ئيلۆنا 2015ێ د روودانهكا ترافيكێ دا ل جادا دهۆك باعهدرێ ل گۆندێ مامزينا سێ ترۆمبێلان لێكدا و شهش كهس بريندار بوون و دوان ژى گيانێ خوه ژ دهست دا.
رائيدێ مافپهروهر گۆتژى: “تيمێن بهرهڤانيا باژێرى گههشتنه جهێ روودانێ و شيان ب ئاميرێن تايبهت وان وهلاتيان ژ ترۆمبێلێن وان بيننه دهر”.
ئهڤرۆ نيوز:
ئەندامەکا لژنا مافێن مرۆڤی ل پەرلەمانێ عیراقێ دیارکرکو لژنەک ژ وەزارەتا پێشمەرگەی ل حوکمەتا ھەرێما کوردستانی و وەزارەتا بەرەڤانیا ل حوکمەتا عیراقی ھاتە پێکئینان و ل دەڤەرا شنگالێ دەست ب ڤەکۆلینی کریە ل سەر پرسا بکارئینانا مادێن کیمیاوێ دژی ھێزێن پێشمەرگێ کوردستانێ ژلایێ رێکخراوا دەولەتا ئیسلامی یا تیرۆستی (داعش) ێ ڤە.
ئەشواق جاف ئەنداما لژنا مافێن مرۆڤی ل پەرلەمانێ عیراقێ ل سەر لیستا پارتی دیموکراتی کوردستان بۆ ئەڤرۆ گوت”رێکخراوا opcw کو بارەگایێ وێ یێ سەرەکی دکەڤیتە باژێرێ (لاھای) ل ھولەندا، بەرھەڤیا خوە نیشا داینە بۆ ئەنجامدانا ڤەکۆلینێ ل سەر چەکێ کیمیاوی یێ کو تیرۆرست بکاردئینن و پێدڤیە عیراق داخوازیێ ژ ڤێ رێکخراوی بکەت قەستا عیراقێ بکەت بۆ ڤەکۆلینی ل سەر کەرەستێن کیمیاوێ یێ داعش بکاردئینت، ئەم ژلایێ خوەڤە دێ ل پەرلەمانێ عیراقێ فشارەکا مەزن ئێخینە سەر حوکمەتا عیراقێ بۆ ھندێ رێکێ ب ھاتنا رێکخراوێن جیھانێ بدەت بۆ ئەنجامدانا ڤەکۆلینی ل سەر مادێن کیمیاوێ یێن تیرۆرستان بکارئینان”.
ئەشواق جافێ زێدەتر گۆت”پێدڤیە جڤاکێ نێڤدەولەتی و ھەڤپەیمانیا نێڤدەولەتی ورێکخراوێن جیھانێ تایبەتی ژی ئەو رێکخراوێن د وارێ مافێن مرۆڤی دا کار دکەن بێدەنگ نەمینن و ھەلویستەکێ توند وەربگرن، چونکی بکارئینانا چەکێ کیمیاوی قەدەغەیە ل ھەموو جیھانێ ، ل میحوەرێن پێشمەرگەی کو تێدا بەرەڤانی ژ ئاخا کوردستانێ دھێتە کرن، مادێن کیمیاوی ژ لایێ رێکخراوا تیرۆرستی یا داعش ڤە دھیچنە بکارئینان دژی ھێزێن پێشمەرگێ کوردستانێ ، داخوازێ ژ رێکخراوێن جیھانێ وھەموو وان وەلاتێن ناڤ ھەڤپەیمانیا نێڤدەولەتی دا دکەین پێشمەرگەی پڕ چەک و تەقەمەنی بکەن وکار بکەن بۆ دابینکرنا کەرەستێن خوەپاراستنێ ژ چەکێ کیمیاوی بۆ ھێزێن پێشمەرگێ کوردستانێ”.
ئەڤرۆ نیوز:
بەرپرسەکێ پارتی دیموکراتی کوردستان ل پارێزگەھا ھەلەبجە د داخۆیانیەکێ دا بۆ رۆژناما ئەڤرۆ دیارکر ب مەرەما پشکداریکرن د حوکمەتا ناڤخوە یا ھەلەبجەدا و پێکئینانا جڤاتا پارێزگەھێ، شاندەکێ ئێکەتیێ و گۆڕان سەرەدانا پارتی کریە و پێشنیارەکا بۆ پێکئینانا جڤاتا پارێزگەھا ھەلەبجە دایە پارتی، بەلێ پارتی ب ھەموو شێوەکی پێشنیارا ئێکەتی و گۆڕان رەتکریە و نابیت ھەلبژارتنێن سالا بۆری ببنە پیڤەر بۆ حوکمەتا ناڤخوە یا ھەلەبجە.
بەختیار سدیق، کارگێڕێ لقا پارتی دیموکراتی کوردستان ل پارێزگەھا ھەلەبجە بۆ ئەڤرۆ گۆت” دوھی جارەکادی ئێکەتیێ و گۆڕانێ سەرەدانا پارتی کرن ب مەرەما پێکئینانا جڤاتا پارێزگەھا ھەلەبجە، بەلێ چو ئەنجام بۆ کۆمبوونێ نەبوون، بەری پێکئینانا حوکمەتێن ناڤخوە یێن پارێزگەھێن دی یێن ھەرێما کوردستانێ، ل پارێزگەھا ھەلەبجە ١٢ جارا لایەنێن سیاسی کۆمبووینە و گەھشتینە رێککەفتنەکێ، بەلێ نەھاتبوو ئیمزاکرن، شاندێ ئێکەتیێ و گۆڕانێ پێشنیارکریە بۆمە وەک پارتی پشکداریێ د جڤاتا پارێزگەھا سلێمانیێ دا بکەین و ھەلبژارتنێن ٣٠ی نیسانێ یێن جڤاتێن پارێزگەھان کرینە پیڤەر بۆ ھەلەبجە، لێ مە ئەو پێشنیار رەتکر، ژ بەر کو دەمێ ھەلبژارتنێن ٣٠ی نیسانێ تشتەک ل ھەلەبجە نەبوویە بناڤێ جڤاتێن پارێزگەھان، بەری نوکە ژی ل دووڤ رێککەفتنێ ھاتبوو دیارکرن، کو پارتی و ئێکەتی و گۆڕان و ئێکگرتوو ھەر ئێکی چوار کورسی ھەبن ل جڤاتا پارێزگەھا ھەلەبجە و لایەنێن دی ژی ھەر ئێکی کورسیەک ھەبیت، مخابن ئێکەتیێ و گۆڕانێ یێن ژ وێ رێککەفتنێ پەشێمان بووین”.
بەختیاری گۆت ژی” بۆچوونا پارتی ل پارێزگەھا ھەلەبجە ئەوە، چاوا پارتی ئەنجامێن ھەلبژارتنان نەکرینە پیڤەر بۆ حوکمەتێن ناڤخوە یێن پارێزگەھێن دی و حوکمەتا ھەرێما کوردستانێ ژی ل سەر ڤی بنگەھی ھاتیە ئاڤاکرن، بۆ نموونە ئێکەتیێ ١٨ کۆرسی ل پەرلەمانێ کوردستانێ یێن ھەین و پارتی ٣٨ کورسی، د ھەمان دەمدا کۆرسیێن پارتی و ئێکەتیێ ل حوکمەتێ وەکی ئێکن، پارتی یا رژدە ل سەر وەرگرتنا پۆستێ قایمقامێ ھەلەبجە و ئەوا ئێکەتیێ و گۆڕان بۆمە دیارکری جھێ قەبوولکرنێ نینە، ھەتا سلێمانیێ ژی غەدر لمە ھاتیەکرن، پارتی سێ کورسی ل جڤاتا پارێزگەھا سلێمانیێ یێن ھەین و چار پۆست یێن بۆ ھاتینە دیارکرن، ھەمبەردا لیستا چاکسازی چار کورسی یێن و ١٧ پۆست وەرگرتینە، ئەم دگەشبینین ب ڤان کۆمبوونێن دھێنەکرن، بەلێ ھەکە ھوسابیت پارتی پشکداریێ د جڤاتا پارێزگەھا ھەلەبجەدا ناکەت”.
نيشاندان