ئه‌ڤرۆ نيوز
ھندەک رێ ھەنە تۆ دشێی ڤان خالێن رەش ل سەر دفنا خوە نەھێلی و دبیت بەری نکە تە بزاڤ کربن چارەسەر بکەی، بەلێ چ کارتێکرن نەکربیت، تو ب خوە ییە دختورا خوە و ڤان پێنگاڤان ل مال بکاربینە، پیچەکا مەعجینێ ددانا دانە سەر فرچێ تایبەت ب تەڤە، پاشان فرچەی تەر بکە و ئەو جھێ خالێن رەش ژی ل سەر تەر بکە، ب شێوەکێ بازنەی ل سەر دفنا بینە و ببە، بەلێ ھشیار بی نێزیکی چاڤێن تە نەبیت، ئەڤ رێیە دێ ھەتا رادەکێ مەزن کارتێکرنێ ل دێمێ تە کەت، بەلێ بێگومان 100% چارەسەریێ نادەتە، رۆژانە و بەردەوام بکاربینە داکو ئەڤ خالە ب ئێکجاری نەمینن، ھەر جارەکا تە ڤیا ڤێ رێکێ بکاربینی فرچێ خوە یێ ددانا باش پاقژکە.
ئه‌ڤرۆ نيوز:
بڕياره سوبه‌هى كۆمبوونا دويێ يا سه‌رۆكێ هه‌رێما كوردستانێ ل گه‌ل لايه‌نێن سياسى يێن كوردستانێ بهێته ئه‌نجام دان.
فوئاد حسێن، سه‌رۆكێ ديوانا سه‌رۆكاتيا هه‌رێما كوردستانێ راگه‌هاند: سوبه‌هى كۆمبوونا دويێ يا مه‌سعود بارزانى، سه‌رۆكێ هه‌رێما كوردستانێ ل گه‌ل لايه‌نێن سياسى يێن باشوورێ كوردستانێ بهێته ئه‌نجام دان.
فوئاد حسێن بۆ K24 ئاشكه‌را كر كو ئه‌ڤرۆ 6ى شوباتا 2016ێ كۆمبوونا ناڤبه‌را ئه‌ندامێن كۆميتا كاراكرنا په‌رله‌مان و حوكمه‌تێ ب رێڤه بچيت و نوكه كۆمبوونێ يا ده‌سپێكرى.
ئه‌ڤرۆ نيوز:
تۆڕا ميدياى يا رووداو ل پۆرتالێ خوه يێ ديجيتال ميديا به‌لاڤكريه كو محه‌مه‌د حاجى ئه‌ندامێ به‌رێ يێ جڤاتا نشتيمانيا گۆڕان په‌يوه‌ندى ب پارتى ديموكراتى كوردستان كر.
محه‌مه‌د حاجى پێشتر به‌رپرسێ ژوورا په‌يوه‌نديێن بزاڤا گۆڕان بوو و پشتى جودابوونا خوه ژ گۆڕان د چه‌ندين هه‌لكه‌فتان دا ئه‌گه‌رێن ده‌ست ژ كار كێشنانا خوه راگه‌هاند بوون.
ديسا ده‌رباره‌ى كارێ وى يێ سياسى يێ داهاتى ژى دا بوو زانين كو ئه‌و دێ چيته ناڤ رێزێن پارتيه‌كێ كو گرنگيێ ب بابه‌تێ ده‌وله‌تبوون و سه‌به‌خۆيا كوردستانێ بده‌ت وه‌كو ئاماژه‌ك بۆ پارتى ديموكراتى كوردستان به‌لێ بێى كو ناڤێ وێ ببێژيت.
ئەڤرۆ نیوز، لەزگین جۆقی:
د پرێس کونفرانسەکى دا ئەڤرۆ 6 شوبانا 2016ێ ل ھۆلا رێڤەبەریا گشتيا ساخلەمیا پارێزگەھا دھۆکێ ب ھەلکەفتا رۆژا جیھانیا پەنچەشێرێ، چەندین ئامارێن تووشبویێن ئەنچەشێرێ ھاتنە راگەھاندن و داخواز ژ وەلاتیان ھاتیە کرن پێش وەخت پشکنینێن خوە بکەن.
د. زەکی عه‌لى بەرواری رێڤەبەرێ سەنتەرێ نەخۆشیێن په‌نجه‌شێرێ ل دھۆکێ دیارکر کو سالا 2015ێ ل سەرانسەری پارێزگەھا دھۆکێ 1022 تووشبویێن په‌نجه‌شێرێ یێن ھاتنیە تۆمارکرن بەرامبەر ل گه‌ل سالا 2014ێ رێژه دکێمبوونێ دایە، سالا 2014ێ ل سەرانسەری دھۆکێ 1160 کەس ھاتبوونە تۆمارکرن و گۆتژی: “ل سالا بۆری 418 کەسان ژ بەر نەخۆشیا په‌نجه‌شێرێ گیانێ خوە ژ دەست داینە و سالا 2014 ژێ ل پارێزگەھا دھۆکێ په‌نجه‌شێرێ دووماھی ب ژیانا 310 وەلاتیان ئینایە”.
د. زەکی عەلی ئەو ژی دیارکر کو ب پشتەڤانیا سندوقا په‌نجه‌شێرێ 11 وەلاتيێن نەخۆش بۆ وەلاتی تورکیا یێن ھاتینە رەوانەکرن، لێ پارێزگەھا دھۆکێ ئامیرێ تیشکێ نينە، وەلاتی قەستا پارێزگەھێن دى دکەن و داخوازێ ژ خەلکێ خوە دکەين پێش وەخت پیشکنینا خوە بکەن و ھاتنا ئاواران زۆر بارگرانی یا دروستکری، چونکو بەغدا ب تنی رێژا 20% دەرمانێن په‌نجه‌شێرێ بۆ ھەرێمێ رەوانە دکەت د وەختەکى دا ئاوارێن سێ پاریزگەھێن عیراقێ ل ھەرێمێ نە و رێژا تووشبویێن په‌نجه‌شێرێ د ناڤ ئاواران دا ژى گەلەک زێدەتره ژ وێ رێژا دەرمانێن په‌نجه‌شێرێ یێن بەغدا بۆ ھەرێمێ رەوانە دکەت، داخوازێ دکەين بەغدا پێداچوونێ د وێ رێژا دەرمانێن په‌نجه‌شێرێ دا بکەت و بەھرا ھەرێمێ زێدەتر لێ بکەت ژ بەر رێژا زۆر يا ئاواران ل ھەرێمێ.
ئەڤرۆ نیوز ، نەوزاد زادە ھلۆری:
لگوەری وان دەنگ و باسێن کو کومپانیا سامسونگ ھاتینە دزین کو کومپانیا ناڤبری رۆژەکێ بەری پێشانگەھا یا MWC 2016 جیھانی موبایلا خوەیا نوو دێ راگەھینیت.
چەند ئاژانسەکێن دەنگ و باسان تایبەت ب تەکنولوژیایێ دیارکر کو کومپانیا سامسونگ ل رۆژا 21 شوباتا 2016 دێ ھاندێ خوەیێ نوو راگەھینیت.
ھاندی َنوویێ سامسونگ Galaxy S7 ب وێنەیێ نەڤیێن بەرا خوە ب دوو جوران درۆستکرینە کو ئەو ژی S7 و S7 edge کو یا ئێکێ شاشەکا راستە و یا دوویێ ژی شاشەکا چەمیایی ژ ھەردوو لایێن وێ ھەیە
ئەو یەک ژی ل بارا ھاندا نوویا سەمسونگێ یا کو دزی لسەر ھاتیەکرن دیاربو کو S7 شاشا وێ ژ جورێ (Super AMOLED) کو ب پیڤانا 5،1 ئینج و روناھیا 1440×2560 پێکسل و راما وێ ژی 4 گێگایە و برگا ناڤەکی یا وێ ژی 64، 128 گێگایە و جھێ میموریێ یا دەرڤەژی بوو درۆستکریە ، ھەروەسا پاتریا وێ ژی (3000 ملى ئەمپێره و کامیرا سەرەکی 12 مێگا پێکسلە و کامیرا پێشیێی ژی 5 مێگایە کو ئەڤ یەک ژی ڤەگەران بو پشتڤە دھێتە دانان و سامسونگێ خوە ئەڤ یەک راگەھاندنە، سەرجەمێ ئەوان پیڤەران کامیرا S7 ژ کامیرا S6ێ باشتربیت.
بەلێ S7 edge شاشەیا ڤەچەمیایی ب پیڤانا 5،5 ئینجە و ئەڤە ژ بلی شاشەیی، پروسیسەرا ئەڤان ھەردوو ھه‌ندێن سامسونگێ د جودانە کو یا ئێکێ پروسیەر ژ جورێ (Exynos 8890) کو ژ لایێ سامسونگێ ڤە ھاتیە درۆستکرن، پروسیسەرێ دوویێ ژی ژ جورێ (Snapdragon 820) و ژبلی ئەڤان ھەردوو خالان چوو جوداھیێن دن د ناڤبەرا ئەڤان ھەردوو ھه‌ندێن سەمسونگێ نینە.
ئه‌ندامه‌كێ مه‌كته‌با سياسى يا ئێكگتروو ئيسلامى كوردستان راگه‌هاند كو بڕيار ئێكگرتوو ل ناڤه‌راستان ئه‌ڤ ساله كۆنگرێ خوه يێ حه‌فتێ بگێريت.
هيوا ميرزا، ئه‌ندامێ مه‌كته‌با سياسى يا ئێكگرتوو ئيسلامى كوردستان گۆت: “ل ده‌سپێكا هه‌يڤا ئه‌يارێ يا ئه‌ڤ ساله ئێكگرتوو دێ كۆنگرێ خوه يێ حه‌فتێ گێريت”.
ئێكگرتوو ئيسلامى كوردستان ل 6ى شوباتا 1994 و د درۆژه‌كا وه‌كو ئه‌ڤرۆ دا هاتيه دامه‌زراندن و بۆ ماوێ 18 سالان، سه‌لاحه‌دين محه‌مه‌د بهائه‌دين ئه‌ميندارێ وێ بوو و پاشان د كۆنگرێ شه‌شێ دا، محه‌مه‌د فه‌رج وه‌كو ئه‌ميندارێ وێ پارێ هاتيه هه‌لبژارتن.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئێكشه‌مبى رێكه‌فتى 7ى شۆباتا 2016ێ ئه‌سمان دێ ب ته‌مامى ئه‌ورێ باراناوى بيت و ل ده‌ڤه‌رێن چياى يێن پارێزگه‌هێ دێ به‌فر بيت و ل ئه‌گه‌رێ هه‌بوونا بريسيان ژى يێ هه‌ى.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن بلندێن ئێكگرتى يێن ده‌ريا سۆر و ده‌ريا ناڤه‌راست بۆ سه‌ر هه‌رێما كوردستانێ دهێته پێشبينيكرن ئه‌سمان ب ته‌مامى ئه‌ورێ باراناوى بيت و ل ده‌ڤه‌رێن چياى يێن پارێزگه‌هێ دێ به‌فر بيت و ل ئه‌گه‌رێ هه‌بوونا بريسيان ژى يێ هه‌ى.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژئاڤا بيت ب ره‌نگه‌كى د ناڤبه‌را 10 هه‌تا 20 كم دا و هنده‌ك و ماوێ ديتنێ ژى دێ 6 بۆ 8كم بيت، پلێن گه‌رمێ ژى دێ د ناڤبه‌را (6 بۆ 12) پلان دا بيت.
ئەڤرۆ نیوز ، نەوزاد زادە ھلۆری:
ژ سەدەما نەخوشیەکێ 35 گولێن دابەستیێن پرۆژەکێ کولکا ل گوندێ حسەینیێ یا ناحیا روڤیا مرن و خودانێ وێ ژی دیارکر کو رەنگە یێن مایی ژی بمرن و ھەتا نھا زیانێن پرۆژەی زێدەتری 35 ملیون دینارانە.
عیرام فەوزی خودانێ پرۆژەی دیارکر کو دماوەیێ دوو رۆژێن بوری دا 35 گولێن وی مرینە و بۆ ئەڤرۆ نیوز گۆت: (من ھژمارەکا زور یا کولکان ل بازارێ ھەولێرێ کرین کو ژ وەلاتێ جورجیا ھاتبوونە ھەولێر و دەما من ئینانیە مال پشتی حەفتیەکێ مرن کەفتنە دناڤ وان دا و د ماوەیێ دوو سێ رۆژێن بوری دا 35 ژ وان مرن و ئەگەر بلەز چارەسەریێن پێدڤی بوو کولێن مایی نەھێتەکرن ئەو ژی دێ مرن).
زێدەتر گۆت: (ئەڤ کولکە ل جورجیا قەفس کربوون کو گەلەک خوارنێ بخون و ھەردەم ب قەلەو دیاربن و ئەم ژی لسەر ڤێ یەکێ ئاگەھدارنەکربوون ژبەرڤێ مەعیدا وان ماددەیێ حەلکرنا خوارنی َنەما و دەملدەست ھەموو مرن).
ناڤبری دیارکر ژی کو زیانێن گولکێن مری زێدتری 35 ملیون دینارانە و گۆت ژی: (ئەڤان کولکان زیانەکا زور مەزن تایبەتی د ڤێ قەیرانێ دا گەھاندن من و ژبەرڤێ دخوازم کو لایەنێن پەیوەندیدار ھەڤکاریا من بکەن و ئەز مرۆڤەک ھەژارم و گەلەک ژ وان کولکان ژی من ب دەین کریبوون).
نيشاندان