ئه‌ڤرۆ نیوز:
ل دووڤ ئه‌نجامێن راپرسیا كومپانیا گه‌زیجى، دهه‌لبژارتنێن پێشوه‌خت یێن په‌رله‌مانێ توركیا دا، ئاكه‌په دێ 18 كورسیێن دى ژ ده‌ست ده‌ت و هه‌ده‌په دێ ژمارا كورسیێن خوه بۆ 83 كورسیان زێده كه‌ت.
كومپانیا گه‌زیجى بۆ راپرسیان ل توركیا ل رۆژانێن 22 هه‌تا 23 ته‌باخێ ل ناڤ چار هزار و 860 كه‌ساندا ئه‌نجامدابوو و ل 36 پارێزگه‌هێن توركیا راپرسى ئه‌نجامدایه.
ئه‌ڤرۆ نیوز:
په‌رله‌مانێ عیراقێ خواندنا دووێ بۆ پرۆژه قانوونا دیاركرنا ویلایه‌تا سێ سه‌رۆكایه‌تیان پاشخشت و سه‌باره‌ت خشتێ نوو یێ موچان بریاردا حه‌یده‌ر عه‌بادى سه‌رۆك وه‌زیرێن عیراقێ بۆ په‌رله‌مانى داخواز بكه‌ن.
ئەردەلان نورەددین، ئه‌ئدامێ په‌رله‌مانێ عیراقێ راگه‌هاند كو ئه‌ڤرۆ په‌رله‌مانێ عیراقێ دانوستاندن ل دور خشتێ نوو یێ مووچێن فه‌رمانبه‌ران كر و بریاردا حه‌یده‌ر عه‌بادى سه‌رۆك وه‌یزێن عیراقێ بۆ په‌رله‌مانى بهێته داخوازكرن و رۆنكرنێن پێدڤى بده‌ت.
ئه‌ڤرۆ نیۆز، قائید میرۆ
فڕاكسیۆنا پارتی دیموكراتی كوردستان ل په‌رله‌مانێ عێراقێ بێ ئاگه‌هیا خوه ژ سه‌ره‌دانا سه‌لیم جبوری بۆ هه‌رێما كوردستانێ ئاشكراكر.
دكتۆر عه‌ره‌فات كه‌ره‌م، په‌رله‌مانتارێ پارتی ل به‌غدا ب ئه‌ڤرۆ نیۆز راگه‌هاند” مه وه‌كی په‌رله‌مانتارێن پارتی دیر و نێزیك ئاگه‌هداری سه‌ره‌دانا سه‌لیم جبوری سه‌رۆكێ په‌رله‌مانێ عێراقێ نینه بۆ هه‌رێما كوردستانێ و ناڤبژیكرنا پارتی و بزاڤا گۆڕان، لسه‌ر پرسێن ڤێ دوماهیێ”.
عه‌ره‌فاتی گۆتژی” مه‌ژی تنێ ل ده‌زگه‌هێن راگه‌هاندنێ ئه‌ف زانیاریێن سه‌ره‌دانا جبوری زانینه و به‌حسێ سه‌ره‌دانا زۆر سه‌ركرده‌یێن عێراقێ دهێته‌كرن سه‌ره‌دانا هه‌ولێرێ بكه‌ن ژوانا ئه‌یاد عه‌لاوی و سه‌لیم جبوری.
ئه‌ڤرۆ نیوز:
وه‌زیرێ نه‌فتا عیراقێ راگه‌هاند شاندێ بلندێ هه‌رێما كوردستانێ ل چه‌ند رۆژێن بهێت دێ سه‌ره‌دانا به‌غدا كه‌ت.
د چوارچوڤێ كومبوونا پارێزگه‌هان سه‌باره‌تا برێڤه‌برنا دوسه‌یا نه‌فتێ كو ل پارێزگه‌ها زیقار برێڤه‌چوو، عادل عه‌بدولمه‌هدى وه‌زیرێ نه‌فتا عیراقێ د كۆنگره‌یه‌كێ رۆژنامه‌ڤانى دا گوت” شانده‌كێ بلندێ هه‌رێما كوردستانێ ل چه‌ند رۆژێن دێ سه‌ره‌دانا به‌غدا كه‌ت ب مه‌ره‌ما شروڤه‌كرنا پرسا رێككه‌فتنا نه‌فتێ و پشكا هه‌رێمێ ژ پرۆژه قانوونا بودجێ 2016 یێ عیراقێ”.
ئه‌ڤرۆ نیوز:
پشتى كه‌فتنا فرۆكه‌كا رووسى ل ناڤ ئاخا مسرێ، راسته‌وخو گرته‌یه‌كا ڤیدیویى ل ناڤ تورێن جڤاكى به‌لاڤبوو و تێدا چه‌ند ئه‌كاونته‌كێن نێزیك ژ رێكخراوا تیرورستیا داعش و به‌رپرسایه‌تیا خوه ژ شكه‌ستنا وێ فرۆكێ راگه‌هاند.
پێشتر ئاژانسا فرۆكه‌ڤانى یا رووسیا راگه‌هاندبوو: فرۆكا نه‌فه‌رهه‌لگرا جورێ Airbus-320 سه‌ر ب كومپانیا هێلا ئاسمانیا رووسى كولاڤیا، كو ل شه‌رم ئه‌لشیخ ل مسرێ گه‌شت كریه ل نێزیك سینا په‌یوه‌ندى ل گه‌ل هاتیه برین، ئانكو پشتى 23 ده‌قیقا ژ فرینێ، په‌یوه‌ندى ب رادارێ ڤه نه‌مایه كو د وێ فرۆكێ دا 217 نه‌فه‌ر تێدا بوون و پرانیا وان وه‌لاتیێن رووسى بوون.
ئه‌ڤرۆ نيوز:
هه‌ڤسه‌رۆكێ پارتيا ديموكراتا گه‌لان “هه‌ده‌په” پێشبينى دكه‌ت د هه‌لبژارتنێن په‌رله‌مانى يێن رۆژا ئێكشه‌مبى دا زێده‌تر ژ 13% يا ده‌نگان ب ده‌ست ڤه بينن.
سه‌لاحه‌دين ده‌ميرتاش هه‌ڤسه‌رۆكێ پارتيا ديموكراتا گه‌لان “هه‌ده‌په” د چاڤپێكه‌فتنه‌كێ دا ل گه‌ل پشكا كوردى يا ده‌نگێ ئه‌مريكا گۆت: “د هه‌لبژارتنێن به‌رێ دا نه‌حه‌قيه‌كا مه‌زن ل به‌رامبه‌ر كودان كريه و پارتا ئاكپارتى يا ده‌سته‌لاتدار ب هه‌موو ره‌نگه‌كى فشار د خسته سه‌ر وان ژ ده‌سته‌سه‌ركرنا ئه‌ندامان و رێگرتن ژ كه‌مپينێن هه‌لبژارتنان و گه‌له‌ك كارێن دى”.
هه‌ڤسه‌رۆكێ پارتيا ديموكراتا گه‌لان “هه‌ده‌په” ئاشكرا ژى كر كو پێشبينى دكه‌ن د هه‌لبژارتنێن په‌رله‌مانى دا يێن رۆژا ئێكشه‌مبى زێده‌تر ژ 13% ژ ده‌نگان ب ده‌ست ڤه بينن.
ئه‌ڤرۆنیۆز، ئه‌یاد به‌روارى
زانایێن یابانی جۆره‌كێ ده‌رمانی یێ به‌رهه‌مئیناى كو د رۆژه‌كێ ب تنێ دا به‌رسیڤی ل نه‌خوه‌شی ناهێلیت.
ل دووڤ ئاژانسا (نوفوستی) یا روسی، ده‌رمانێ نوو به‌روڤاژی ده‌رمانێن نوكه بۆ چاره‌سه‌ریا په‌رسیڤی دهێنه بكارئینان، ڕێ ل ڤه‌گوهاستنا وێ نه‌خوه‌شیێ دگریت و ڤایرۆسان ژی دكوژیت، دێ رێگریێ ل گه‌هشتنا ئه‌نزیماتان بۆ ڤایرۆسی دكه‌ت كو ئه‌و ئه‌نزیمه ڤایرۆسێن په‌رسیڤی زێده دكه‌ت.
ئاژانسا ناڤبرى ئاماژه دا كو قۆناغا ئێكێ یا به‌رهه‌مئینانا وی ده‌رمانی ب دووماهی هاتیه و ئه‌نجامێن وی د كاریگه‌ر بوون و قۆناغا دویێ دێ ل مه‌ها چریا دویێ 2015 ێ بیت كو ل وێ مه‌هێ په‌رسیڤ به‌ربه‌لاڤ دبیت.
خویاكر ژی، وه‌زاره‌تا ساخله‌میا یابانی راگه‌هاندیه كو ئه‌و ده‌رمانێ نوو یێ به‌رسیڤی دێ ل سالا 2018 ێ هێته دناڤ بازارى دا.
ئەڤرۆ نیۆز، قائید میرۆ:
شەڤا بۆری فڕۆکەیێن ھەڤپەیمانان ل ناحیا گوێڕ بنکە و بارەگایێن تیرۆرستێن داعش بۆردومانکرن و زیانێن مەزن گەھشتن تیرۆرستان.
پێشمەرگەیەکی ل میحوەرێ گوێڕ ب ئەڤرۆ نیۆز راگەھاند” پشتی ھەستکرن ب لڤینێن چەکدارێن گروپا تیرۆرستیا داعش شەڤا بۆری فڕۆکەیێن شەڕکەرێن ھەڤپەمانان بنکە و بارەگایێن تیرۆرستان ل میحوەرێ گوێڕ بۆردومانکرن، بتایبەتی ل گوندێ زاویە.
ئەڤی پێشمەرگەی کو نەڤیا ناڤێ وی بھێتە بەلافکرن دیارکر، ب ئەگەرێ بۆردومانا شەڤا بۆری زیانێن مەزن یێن ماددی و گیانی گەھشتینە تیرۆرستێن داعش، بەلێ ھژمارا کوشتی و بریندارێن داعش نەھاتیە زانین.
ئه‌ڤرۆ نيوز:
د گرته‌يه‌كا ڤيديۆى دا، ستێرا سترانا كوردى بلند ئيبراهيم د گه‌ل زارۆيه‌كێ د ترۆمبێله‌كێ دا ده‌ردكه‌ڤيت و پێكڤه سترانه‌كێ دبێژن.
بلند ئيبراهيم د ڤێ ڤيديۆيێ دا، سترانا خوه يا نوو ل گه‌ل ڤێ زارۆيێ دبێژيت و ب ده‌سته‌كى مۆبايل بۆ وێنه‌گرتنێ يا گرتى و ده‌ستێ دژى يێ ترۆمبێلێ دهاژوت و خوه ل گه‌ل ڤێ زارۆيێ مژوول دكه‌ت، د ده‌مه‌كى دا كو ده‌ستكارى كرن ل ده‌مێ هاژۆتنا ترۆمبێلێ سه‌رپێچى يه.
به‌لێ هه‌بوونا هه‌ردويان د ڤێ سترانا وى يا نوو دا و ده‌ركه‌فتن ب ڤى ره‌نگى بوويه جهێ دلخۆشيا گه‌له‌ك ژ حه‌زژێكه‌رێن ئه‌ڤى سترانبێژێ ده‌نگخۆش.
ئه‌ڤرۆ نیوز:
ئاژانسا فرۆكه‌ڤانى یا رووسیا راگه‌هاند: فرۆكا نه‌فه‌رهه‌لگرا جورێ Airbus-320 سه‌ر ب كومپانیا هێلا ئاسمانیا رووسى كولاڤیا، كو ل شه‌رم ئه‌لشیخ ل مسرێ گه‌شت كریه ل نێزیك سینا په‌یوه‌ندى ل گه‌ل هاتیه برین،
ئاژانسا فرۆكه‌ڤانى یا رووسیا ئاماژه ب وێ یه‌كێ كریه كو گه‌شتا ژماره 9268 یا د ناڤبه‌را ئه‌لشه‌یخ و سێینتپیتێرزبێرگ، پشتى 23 ده‌قیقا ژ فرینێ، په‌یوه‌ندى ب رادارێ ڤه نه‌مایه كو د وێ فرۆكێ دا 217 نه‌فه‌ر تێدا بوون و پرانیا وان وه‌لاتیێن رووسى بن.
نيشاندان