ئەڤرۆ نیوز:
رێڤەبەرێ گشتیێ تۆمارکرنا کۆمپانیان ل وەزارەتا بازرگانی و پیشەسازی راگەھاند” تۆمارکرنا کۆمپانیان ژلایێ حوکمەتێ ب شێوەیەکێ بەرچاڤ کێمبوویە و دیارکر، ھەتا نوکە ٤٠ کۆمپانیا کەفتینە د لیستا رەشدا و ئەگەر رەوش یا ھوسا بیت ھندەک کۆمپانی ب تنێ دێ ناف مینن و چو کاری ناکەن.
دلزار ئیسماعیل، رێڤەبەرێ گشتیێ تۆمارکرنا کۆمپانیان ل وەزارەتا بازرگانی و پیشەسازی بۆ رۆژناما ئەڤرۆ گۆت” پتری ٢٠ ھزار کۆمپانیێن نافخۆیی ل ھەرێما کوردستانێ ھاتینە تۆمارکرن و سێ ھزار و ١٠٠ کۆمپانی ژی بیانینە، سەرجەمێ وان کۆمپانیێن ل حوکمەتێ ھاتینە تۆماکرن پتری ٢٣ ھزار کۆمپانینە، ھەتا نوکە ٤٠ کۆمپانی کەفتینە لیستا رەشدا و ھندەک ژوان کۆمپانیان دەمێ خوە یێ قانوونی تمام کرینە و ھندەکێن دی دکەڤنە لیستا رەشدا، چونکو گورەی قانوونێ دەم بۆدھێتە دیارکرن و ھەردەمێ گورەی قانوونێ سزایێ خوە وەردگریت کۆمپانیا دێ ھێتە دەرکرن ژ لیستا رەش، پرسەکادی یا کۆمپانیان ئیفلاس بوونە و ھەتا نوکە ھژمارەکا زۆر یا کۆمپانیان پوچبووینە و ئیفلاسا خوە راگەھاندینە، ھژمارا وان نابێژم چەندە یێن ئیفلاسکری،بەلێ پشتڕاستبن ھژمار ژ حالەتێ ئاسایی پترە، پشتی چێبوونا ڤێ قەیرانێ و کێمبوونا پارەی و تۆمارکرنا کۆمپانیان زۆر کێمبووینە و دشێم بێژم ٤٠%ێ تۆمارکرن یا کێمبووی”.
دلزاری گۆتژی” رێڤەبەرایەتیا تۆمارکرنا کۆمپانیان قانوونەکا تایبەت ب خوە ھەیە و گورەی ئەڤێ قانوونێ دڤێت چوار کەس کۆمپانیێ تۆماربکەن، رێڤەبەرێ رێپێدانێ و پارێزەرەک و ئەندازیارەک و ژمێریارەک، واتە نوکە ل ھەرێما کوردستانێ سەد ھزار کەس ل کۆمپانیان کاردکەن بەس وەکی دەستەیا رێڤەبرنێ، ئەڤان کۆمپانیان پشتی دکەڤنە کاری پێدڤی ب دەستێ کاری ھەیە و ب ھزاران کەس کەفتینە کاری، بەلێ ب رێیا مە نینە چونکو بەس ئەف چوار کەسێن دھێنە دامەزراندن ژلایێ وەزارەتا بازرگانی و پیشەسازیە، ڤێ قەیرانێ زۆر کاریگەری ل سەر کۆمپانیان ھەبوویە و رەنگە کۆمپانی ھەر بمینن بەلێ ئەف سەنگا بەرێ نامینیت، ب تایبەتی کۆمپانیێن بیانی وەکی سەنتەرەکێ بازرگانی بووینە دناڤبەرا ھەرێما کوردستانێ و وەلاتێن خوە، ئەف رەوشا نوکە ب تایبەتی ژلایێ ئەمنی و ئابووری چەند بەرەف باشیێ بچیت دێ رەوشا کاری و کۆمپانیان باشتربیت”.
رێڤەبەرێ تۆمارکرنا کۆمپانیان: تۆمارکرنا کۆمپانیا گهلهك يا کێمبوويى
نيشاندان