ئه‌ڤرۆ نيوز:

رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئێكشه‌مبى رێكه‌فتى 1ى چريا دويێ 2015 ئه‌سمانێ دهۆكێ دێ د ناڤبه‌را ئه‌وره‌كێ كێم و ساهياتيێ دا بيت.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه‌ كرينه‌ راگه‌هاند كو ژ ئه‌نجامێ فشارێن بلندێن وه‌لاتێ توركيا بۆ سه‌ر هه‌رێما كوردستانێ دهێته‌ پێشبينيكرن ئه‌سمانێ دهۆكێ دێ د ناڤبه‌را ئه‌وره‌كێ كێم و ساهياتيێ دا بيت.

پشكا پێشبينيان دايه‌ زايه‌ زانين كو دێ ئاراستێ باى ژى باشوورێ رۆژهه‌لات بيت ب ره‌نگه‌كى د ناڤبه‌را 10 هه‌تا 20 كم دا و ماوێ ديتنێ ژى دێ 9 بۆ 10كم بيت و پلێن گه‌رمێ ژى دێ د ناڤبه‌را 12 بۆ 20 پلان دا بيت.

ئه‌ڤرۆ نيوز:

وه‌زاره‌تا په‌روه‌ردێ ل حوكمه‌تا هه‌رێما كوردستانێ راگه‌هاند كو ئه‌و سێ نمرێن زێده‌ ب تنێ ب وان قوتابيان دهێنه‌ دان يێن ب ساله‌كێ پۆلا 12ێ ئاماده‌يى ب دووماهى ئيناى و ئه‌ڤه‌ يا گرێدايه‌ ب رێنمايێن وه‌زاره‌تا خواندنا بلند و ڤه‌كۆلينێن زانستى.

پێشتر ئاخفتنكه‌رێ ب ناڤێ وه‌زاره‌تا خواندنا بلند و ڤه‌كۆلينێن زانستى عه‌باس ئه‌كره‌م راگه‌هاندبوو كو ل سه‌ر وه‌زاره‌تا په‌روه‌ردێ پێدڤيه‌ ده‌ستنيشان بكه‌ت، كيش قوتابى سالا سه‌ركه‌فتنێ يا ئێكێ يه‌ يان يا دويێ يه‌.

ئەڤرۆ نیوز، بارزان مزووری:

رائيد فيراس ياسين، به‌رپرسێ پشكا راگه‌هاندنێ ل رێڤه‌به‌ريا به‌ره‌ڤانيا باژێرى ل ئاكرێ، بۆ مالپه‌رێ ئه‌ڤرۆ نيوز گۆت: “رۆژا ئه‌ينى رێكه‌فتى 30ى چريا ئێكێ ئه‌م هاتينه‌ ئاگه‌هداركرن ژ لايێ بنگه‌هێ پۆليسێن رۆڤيا كو گه‌نجه‌كى ب ناڤێ محه‌مه‌د عه‌بدولعه‌زيز د ژيێ 21 ساليێ دا تووشى شورتێ كاره‌بێ دبيت و د جهدا گيانێ خوه‌ ژ ده‌ست دده‌ت”.

زێده‌تر گۆت: “ته‌رمێ ڤى گه‌نجى بۆ نوشداريا داد ل ئاكرێ هاتيه‌ ره‌وانه‌كرن و دوسه‌يا ڤه‌كۆلينێ ژى ل دۆر ئه‌گه‌رێن گيان ژ ده‌ستدانێ هاتينه‌ ڤه‌كرن”.