ئهڤرۆ نیوز:
ئهڤ ڤیدیویه ل نهخوشخانهكى هاتیه توماركرن ب كامیرێن چاڤدێریێ، دیار دبیت كانێ بووك چاوا رهفتارێ ل گهل خهزیرێ خوه دكهت.
ڤیدیو: رهفتارا بووكێ ل گهل خهزیرى
نووترين نووچه
- سەرۆك بارزانی: ئێكەتییا قوتابییان و لاوان قوتابخانەیا پێگەهاندنا خەباتكاران بوو
- سەرۆك بارزانی پیرۆزباهی ل ڕێكخەرێ گشتیێ بزاڤا گۆڕانێ كر
- گرنگە د حوكمەتا بهێت یا ئیراقێ دا هەڤپشكی و هەڤسەنگی و ل هەڤكرن بنەمایێن سەرەكی یێن هەڤبەندیێ بن ل گەل بەغدا
- نێچیرڤان بارزانی و جۆشوا هاریس دووماهی پێشهاتێن پرۆسەیا سیاسی ل ئیراقێ گەنگەشەكر
- ئێكەتییا قوتابییان و لاوان ڕۆلەكێ كاریگەر د بزاڤا ڕزگاریخوازا گەلێ كوردستانێ دا هەبوو
- فراكسیۆنا پارتی: بنپێكرنا دەستووری ژ ئالیێ سەرۆكێ جڤاتا نوونەرێن ئیراقێ ڤە ڕەت دكەین
- دەنگدانا جڤاتا نوونەران بۆ سوپاسالارێ ئیراقێ بەرەڤاژی دەستووری بوو
- ب پشکداریا کوردان دێ دستوورەک نوو بۆ سووریێ هێتە ئامادە کرن
- كۆمبوونا سەرۆك بارزانی و بافل تالەبانی گەلەك یا ئەرێنی بوو
- نێچیرڤان بارازنی چەندین دیدارێن دی یێن گرنگ ل گەل سەركردە و بەرپرسێن وەلاتێن جیهانێ ل میۆنشنێ ئەنجامدان
سهرهكى Facebook
تیمهكا ئیراقی دێ لێكۆلینێ لسهر هێرشا كیمیاوییا داعش بۆ سهر هێزێن پێشمهرگه كهت
ئهڤرۆ نیوز: ڤهدهر رهشاڤایی:
تیمهك ژ پسپۆرێن حكومهتا ئیراقێ دێ گههنه ههرێما كوردستانێ بمهرهما كرنا لێكۆلینان لسهر وێ یهكێ كو تیرۆرستێن داعش چهكێ گازا كیمیاوی د هێرشێن خوه دا بۆ سهر هێزێن پێشمهرگهیێ كوردستانێ بكارئینایه.
ژێدهرهكێ ژ حكومهتا ئیراقێ دا خویاكرن كو ل سالا 2003 ێ ههتا نها نههاتیه زانین كو چهكێ كیمیاوی د شهران دا ئیراقێ دا هاتبیته بكارئینان، لهورا ههكهر ئهڤ یهك راست بیت، دێ رامانا وێ ئهو بیت دێ وهسا خویابیت كو تیرۆرستێن داعش چهكهكێ نوو بدهست كهڤتیه د ڤی شهرێ دهڤهر نه ئارام كری.
سێ هێرشێن كیمیاوی ژ ئالیێ داعش ڤه بۆ سهر پێشمهرگه د ئهڤ ساله دا برێیا گوله هاونان هاتینه كرن و ژ ئالیێ حكومهتا ههرێما كوردستانێ ڤه هاتینه تۆماركرن.
داعش داوی كێلگهها نهفتێ ددهستێ رژێما ئهسهد دا كنترۆل كر
ئهڤرۆ نیوز: ڤهدهر رهشاڤایی:
روانگهها سوری یا مافێن مرۆڤی خویاكر كو پشتی شهری دناڤبهرا تیرۆرستێن داعش و سۆپایێ ئهسهد ، تیرۆرستێن داعش شیاینه داوی كێلگهها نهفتێ ددهستێن رژێما ئهسهد دا كنترۆل بكهن.
تیرۆرستێن داعش كێلگهها جهزال ل ناڤهندا پارێزگهها حومسێ ل سوریا كۆنترۆلكریه و ههمی فهرمانبهرێن كێلگههێ كێلگههـ بجههێلایه و چووینه كێلگهها شهعیر یا غازێ یا كو لبن دهستێ رژێما ئهسهد دا.
چهندین كێلگههێن نهفتێ ل سوریا ل بن كنترۆلا تیرۆرستێن داعش دانه كو پرانیا وان ل ههرێمێن نێزیكی سنۆرێ ئیراقێ نه، و لدووڤ ژێدهرێن وی وهلاتی پار سال داعش رۆژانه 3 ملیۆن دۆلار ژ فرۆتنا پهترۆلێ ل بازارێ رهش دهست دكهفت.
داخواز دهێتهكرن مووچێن پله بلند بهێنه كێمكرن
ئهڤرۆ نیۆز، قائید میرۆ:
بڕیاره سبهی خۆنیشاندانهك لباژێڕێ ههولێرێ بهێته ئهنجامدان و تێدا داخواز ل ههرسێ سهرۆكایهتیێن ههرێمێ بهێتهكرن، خانهنشینێن نهقانوونی بهێنه ههلوهشاندن و مووچێن پله بلند بهێنه كێمكرن.
عهلی مهحموود، چالاكڤانێ مهدهنی ب ئهڤرۆ نیۆز راگههاند” سبهی رۆژا سێشهمبی دێ خۆنیشاندانهك بۆ ههمبهر ئاڤایێ ههرسێ سهرۆكایهتیێن ههرێما كوردستانێ ئهنجامدهین و تێدا دێ داخواز كهین موچێ خانهنشینێن نهقانوونی بهێته ههلوهشاندن و موچێ پلهیێن بلند 50%ێ بهێته كێمكرن.
مهحموود گۆتژی” دهمژمێر 10ی بهری نیڤرۆ دێ دهست ب خۆنیشاندانێ هێتهكرن و داخواز دكهین ئیدی ههرێما كوردستانێ مهزاختیێن سیادی بۆ حوكمهتا عێراقێ ژ داهاتێ پترۆلێ ههرێمێ نه هنێریته بهغدا”.
بارزانی بۆ بالیۆزێ ههنگاریا: ئهوا ل پرۆسا سیاسییا ههرێمێ دا چێدبیت ژ سرۆشتێ دیمۆكراسیێ یه
ئهڤرۆ نیوز:ڤهدهر رهشاڤایی:
مهسعود بارزانی سهرۆكێ ههرێما كوردستانێ ئهڤرۆ 7 ئیلۆنێ ل سهلاحهدیتن پێشوازی ل تیبور ساتمار بالیۆزێ ههنگاریا ل ئیراقێ كر و لدۆر رهوشا ناڤخۆیا ههرێما كوردستانێ، بارزانی دۆپات كر ئهو یهكا د پرۆسا سیاسییا ههرێما كوردستانێ دا چێدبیت ب چ رهنگهكی ئارمی و خۆجهییا ههرێمێ تێك نادهت و بابهتهكێ سرۆشتیێ ژیانا دیموكراسیێ یه.
پشتی بالیۆزێ ههنكاریا دلگرانییا خوه ژ پێلا كۆچبهران بۆ ئهورۆپا بۆ بارزانی دیاركری، بارزانی داخاز كر كو وهلاتێن رۆژئاڤا ههلویستهكێ ئێكلاكهر د قهیرانێن رۆژههلاتا ناڤین دا ههبیت و ب ههلاویستی نههێلن، ژبهركو پهیدابوونا قهیرانێن مرۆڤایهتی و كۆچبهربوونێ ههر ژ سهدهما بهردهوام بوونا ڤان قهیران و شهرانه ل رۆژههلاتا ناڤین.
ههروهسا ههردو ئالییان بهحسێ ههماههنگی و مهشقدانا هێزێن پێشمهرگهی ژ ئالیێ ئهفسهرێن سۆپایێ ههنگارییا ڤه كرن.
ب ڤی رەنگی خوە ژ عەور و بریسیيا ب پارێزە
ئەڤرۆ نیوز: زنار تۆڤی:
عەور و بریسی د دەمەکی دا برەکا زۆرا هێزا کارەبێ ڤەدگۆهێزن و ئەڤ هێزە دشێت ببیتە ئەگەرێ برینداریەکا سەخت و ژ دەستدانا دیتنێ و گوهلێ بوونێ و هندەک جاران راستەوخۆ دبیتە ئهگهرێ مرنێ.
دشێین ب پابەندبوونا چەند رێنمایەکێن ب ساناهی خوە ژ مەترسیا عەور و بریسیا ب پارێزین.
ل دەستپێکێ ئاگەهداربوون ل پێشبینیێن سەقای ئێکەم و سەرەکیترین پێنگاڤە بۆ خۆ پاراستن ژ مەترسیێن سەقای ب گشتی.
گرنگترین راستی کو پێدڤیە ل بارێ عەور و بریسیا بزانین، ئەوە کو بریسیا زۆرترین ئەگەر هەیە کو ل بلندترین خالا دەڤەرێ بدەت، بۆ نمونە ل دەڤەرەکا پرییا ئاكنجیبوویان دا ،ئاڤاهیێن بلند زێدەترین ئەگەرێ بەرکەفتنا بریسیان هەیە.
بۆ مە دیار دبیت ل دەمێ ڤەدانا عەور و بریسیا پێدڤیە ب هەمی رەنگان ئەم خۆ ژ گۆرەپانێن بەر فرەهـ وەک یاریگەهێن ڤەکری دوور بێخین، چونکی ل وی دەمی لەشێ مرۆڤی بلندترین خالا وێ دەڤەرێ یە و زێدەترین ئەگەرێ بەرکەفتنا بریسیان هەیە.
ل دەمێ سەقایێ عەور و بڕیسی دا، هەول بدە نەچە ژێر دار و ستوونێن کارەبێ و تێلەفۆنان، ئەڤە ل دەمێ لێدانا بریسیان، وزێ فەدگۆهێزن بۆ وێ پارچە زەڤیا ل ژێر وان دا، ئانكو بەر ب وی کەسی دکەڤیت کو ل بن دا راوەستایە.
گڕنگە بزاڤێ بكهین د وی سەقای دا تێلەفۆنا ئەردی(نۆرمال) کێم بکار بینین، لەورا مەترسیا گەهاندنا کارەبا عەور و بریسیا هەیە ل ستوونێن تەلەفۆنێ بۆ ئامیرێن ناڤمالێ.
پاراستی ترین جهـ بۆ لێدانا عەور و بریسیا خانی و بالەخەنە نە، هەرۆەسا تڕۆمبێلان ژی مەترسیەکا کێم ل سەرە.
دهیڤد كامیرۆن ههلوهستێ خوه لدۆر كۆچبهران دیاركر
ئهڤرۆ نیوز: ڤهدهر رهشاڤایی:
دهیڤد كامیرۆن سهرۆك وهزیرێن بریتانیا پشتی كهڤتییه ل بن چهندین گڤاشان بریارهكا نوو لدۆر وهرگرتنا كۆچبهران ئاشكرا كر.
كامیرۆن د پهرلهمانێ بریتانی ڤه گۆت كو بریتانیا دێ د 5 سالێن داهاتی دا 20 هزار كۆچبهرێن سوری وهرگریت و چێدبیت ڤێ ژمارێ پتر لێ بكهت، و د ئهڤ ساله دا ههتا 4 هزاران دێ وهرگریت.
ناڤهاتی گۆت هێتیم و سێویێن د كهمپێن سنۆریێن سوریا دێ ئهولهویات ههبیت د ڤێ بریارێ دا و دێ ڤیزایهكا پاراستنا پێنج سالی پێ هێته دان .
ههروهسا تهرخانكرنا ئێك ملیار جونهیهێن ئیسترلینی بۆ هاریكاریێن مرۆڤایهتی بۆ كۆچبهرێن سوری دیاركر و دۆپات كر كو وهرگرتنا كۆچبهران راستهخۆ ژ كهمپان دێ رێییا سهرهدهریكرنا بریتانیا بیت، ژبهركو دێ رێگربیت ژ وێ یهكێ كۆچبهر رێیا درێژ و ب مهترسییا ئهورۆپا بگرنه بهر.
كێشا كێم ئهندامێن دهۆكێ گههشته سهرۆكێ حكومهتێ
ئهڤرۆ نیوز:
رزا نائیف رێڤهبهرێ تورا پاراستنا جڤاكی ل پارێزگهها دهۆكێ بۆ ئهڤرۆ نیوز دیاركر كو ئهڤرۆ ل ههولێرێ د رێورهسمێن راگههاندنا سیستهمێ ب ئهلكترونیكرنا تورا پاراستنا جڤاكى ، وى داخوازا كێم ئهندامێن دهۆكێ گههانده سهرۆكێ حكومهتێ.
رزا نایف دیاركر: چارده هزار کێم ئەندام و خودان پێدڤیێت تایبەت یێن پارێزگەها دهۆک ئهڤه دو ساله چاڤەرێی مووچێ ۱٥٠ هزارینە، لهما ئهڤ كێشهیه من گههانده نێچیرڤان بارزانى سهرۆكێ حكومهتێ كو وهزیرێ كارو و كاروبارێن جڤاكى و وهزیرێ دارایى ددهمێ ئاراستهكرنا داخوازیا كێم ئهندامێن دهۆكێ د بهرههڤ بوون و ئهڤ ههردو وهزیره بهرپرسن ژ ئێكلانهكرنا فایلێن ڤان كێم ئهندامان.
رزا نایف دیسا دیاركر : ب وێ هیڤیێ نه چارهیهك بۆ بهێته دیتن و وەزیرێ دارایی پێداچوونێ درەوشا نالەبارا وان کێم ئەندامان بکەت و چارەیەکی بۆ ببینن.
ئهنجێلا مێركل بهحسێ ئهلمانیا د قۆناغا پشتی پێلا كۆچبهران دا دكهت
ئهڤرۆ نیوز: ڤهدهر رهشاڤایی:
ئهنجێلا مێركل شیرهتكارا ئهلمانیا خویاكر كو ئهڤ تۆمارا پێلا كۆچبهران بۆ مهزنترین ئابۆرا ئهورۆپا دێ ئهلمانیا گۆهوریت.
پشتی گههشتنا 20 هزار كۆچبهران بۆ ئهلمانیا بتنێ ل سێ روژێن بۆری دا، مێركل گۆت ” یا نها ئهم تێدا دبۆرین دێ وهلاتێ مه د سالێن داهاتی دا بكارئينيت و گوهریت”
“مه دڤێت ئهڤ گوهرینه یا ئهرێنی بیت و مه باوهریا ههی دێ شێین وهسا بجهئینین.”
ههروهسا خوهشیا خوه دهربری كو نها ئهلمانیا ب جهێ هیڤییان د چاڤێن خهلكی دا دهێته دیتن و گۆت ” ئهڤ یهكه تشتهكێ گهلهك ببهایه بۆ دیرۆكا ئهلمانیا”
ناڤهاتی خاست ههمی وهلات دهاریكار بن، و ئهلمانیا بتنێ نهشێت ههمی بزاڤێ بكهت ژبهركو ئهو پێشبینیا چوونا 800 هزار كۆچبهران دكهن، ئهڤ یهك ژی د سالا داهاتی دا ” دێ ئهلمانیا رووبرووی مهزاختنا 16 ملیار دۆلاران كهت.”
دێ یا بهردهوام بیت.. بزانه ل دهۆكێ چهند باران هاتیه
نيشاندان
WP Facebook Auto Publish Powered By : XYZScripts.com