ئه‌ڤرۆ نيوز:
پارێزەرەکێ دادگەھا دھۆکێ راگەھاند، کچەکا سنێلە دڤیا بۆ خوە ھندەک پاران ژ ھندەک کوڕان چێکەت، داوایەک ل دادگەھێ تومارکر بۆ ل سەر مادێ ٤٢٢ ژ قانوونا سزایێن عیراقی کو یا ھاتیە رەڤاندن و بریە ژ دەرڤە ژلایێ چوار کورانڤە، لێ پشتی دادگەھێ دووڤچوونا خوە کری قەناعەت بۆ چێبوو کو ڤێ کچێ ب تنێ گەف ل ڤان کوڕان کرینە پارە ژێ دڤیان لەوما چو ل سەر ڤان کوران نەچوو و بێ گونەە دەرکەفتن.
پارێزەر شێروان زاویتەیی بۆ ئەڤرۆ دیار کر وێ کچێ گۆت ئێک ژ وان کوڕان ئەز ب ترومبێلێ دەرئێخستم و برمە پشت گەلی و زڤراندمە ڤە ئەڤی کوڕی سوز دابو من من بخوە بخوازیت، ھەروەسا رۆژەکا دی کوڕەکێ جیرانێ مە دوکاندار بۆ من داخواز ژێ کر من بگەھینە سوارەتوکا ھەڤالەکا منا ل وێرێ دێ بۆ وێ دیاریەکێ بەم، دەمێ ئەز گەھاندیم ل وێرێ من تەلەفونا عەلی کر و داخواز ژێ کر بھێتە دووڤ منرا دا من بگەھینتە مال، ئەو بۆ ھاتە دووڤ منرا بەلێ د ترومبێلێ دا ئیزعاجا من دکر و زلەھەک لمن دا و موبایلا من د جاما ترومبێلێ دا ھاڤێت.
پارێزەری ئەو چەندە ژی گۆت: د پسیارا دادوەری دا بۆ وێ کچا سنێلە کانێ ئەڤی کوڕی دەستدرێژی لسەر کر یان نە د بەرسڤێ دا گۆت نەخێر، ل دووڤ راپورتا لێژنا پزیشکی ژی دیار بۆ کو ئەو ھێشتا کچە و کەس نێزیکی وێ نەبوویە،کورێ ئێکێ د ئیفادێن خوەدا گۆت من بتنێ ب تەلەفونێ ھەڤالینی ل گەل کریە و چو سوزێن دیتر نەداینێ ئەز دگەل ھەڤالێن خوە چبوومە گەریانێ ل بابلو وێ تێلەفونا من کر و گۆت وەرە ل دووڤ منرا ئەز و ھەردو ھەڤالێن خوە چووینە دووڤرا بەلێ ھندی وێ دگەل خەلکی دئاخفت ب تێلەفونێ من ژی موبایلا وێ د جامێ دا ھاڤێت، کچا سنێلە گۆت وی ئەز نەگەھاندمە مال بەلکو برمە د کولکەکی ڤە و گۆت دێ چم بووتە خارنێ ئینم بەلێ نەئینا و سێ رۆژا ھێلامە ل وێرێ بێ خارن و ڤەخوارن.
پارێزەری زێدەتر گۆت: د ڤێ کێشێ دیار دبیت کو ڤێ کچا سنێلە ب سادەیا خوەڤە وەسا ھزر کر کو دێ گەفان ل ڤان کوڕان کەت بو بدەستڤەئینانا ھندەک پاران، د دەمەکی دا مەترسی ل سەر ڤێ کچێ ھەبوو کو ب ساناھی سەر رێدا بچیت، بەلێ ئەڤ کوڕە دەرکەفتن پەروەردا وان یا باش و دەستدرێژی ل سەر نەکر، ل دووماھیێ دیسا ڤەدگەریت بۆ پەروەردا دەیک و بابێن ڤێ کچێ، ھیڤیە ڤێ کچا سنێلە سەربوور ژ ڤێ خەلەتیا خوە وەرگرتبیت و دووبارە نەبیتەڤە.