ئەڤرۆ نیوز، ھەژار مەعروف:
چاڤەرێ دھێـتەکرن ئەڤرۆ حەفت یاری ژ خۆلا پلا نایاب یا عیراقێ بھێنەکرن و ھەردو نوونەرێن ھەرێما کوردستانێ دخۆلا عیراقێ دا دێ یاریێن خول یاریگەھا خوە کەن.
تیما تەپا پێ یا زاخۆ دێ ل یاریگەھا خوە مێڤانداریا یانا سیناعە کەت کو تیما زاخۆ دڤێ یاریێ دا چاڤ ل سێ خالێن یاریێ نە و بەردەوامی ب دەتە ھەڤرکیێ بۆ ب دەستڤە ئینانا پلێتا قوناغا نوخبە یا عیراقێ بەرامبەر تیما سیناعە د بزاڤێ کەت خوە ژ مەترسیا داکەفتنێ قورتال بکەت ھەر چەندە ھەتا رادەکێ یا بزحمەتە ژبەرکو نوکە ل رێزا دووماھیێ دھێت ب ٥ خالان .
ژلایەکێ دیڤە ل یاریگەھا خوە تیما ھەولێرێ د بزاڤێن دووماھیێ دا نە بۆ ھەڤرکی ل سەر دەربازبوونێ بۆ خۆلا نوخبەر دەمێ مێڤانداریا یانا شورتە کەت کو ھەردو تیم دێ بۆ سەرکەفتنێ یاریێ کەن ژبەرکو بتنێ دڤی دەمی دا پێدڤی سێ خالانە داکو ھەڤرکی ل سەر پلێتا دەربازبوونێ بکەن.
ژ یاریێن دی یێن ئەڤرۆ ھێنەکرن نەفت دێ ل گەل یانا کەرخ کەت و حدود ل گەل بەغدا کەت و نەفت میسان دێ مێڤانداریا ھەلگرا ناسناڤێ خولێ نەفت وەست کەت و ھەردو یانێن کەربەلا و مینا دی ھەمبەری ئێک بن و د یاریا گوپیتکا ڤێ حەفتیێ دا زەورا دێ ل گەل تەلەبە کەت.

ئەڤرۆ نیوز، ھەژار مەعروف:
ژێدەرێن دەنگوباسی دوھی وەسا دیارکر بوون سەروکێ ئێکەتیا تەپا پێ عیراقێ  و وەزیری وەرزش لاوان ل عیراقێ بزاڤێن مەزن کرینە کارگێریا یانا دھۆک رازی بکەن جارەکا دی ڤەگەریتە دناڤا خۆلا عیراقێ دا پشتی بریارا ڤەکێشانی دایی ، ھاتبوو دیارکرن ئەوان ب فەرمی پەیوەندی ب یانا دھۆک و بەرپرسێن پارێزگەھا دھۆکێ کریە بۆ ڤەگەراندنا یانا دھۆک.
ل دور ڤی بیاڤی چێگرێ سەروکێ یانا دھۆک محەمەد عەبدی د داخویانیەکا تایبەت دا بۆ ئەڤرۆ نیوز دیارکر ھەتانوکە چو نڤێسین فەرمی نە گەھشتی نە بەر دەستێ کارگێریا یانا دھۆک نە ژلایێ وەزارتا وەرزش لاوان ل عیراقێ و ئێکەتیا تەپا پێ و کارگێریا یانێ ژی ھەتا نوکە ل سەر بریارا خوە درژدن ژبەرکو ئەوان نڤێسینەک پێشکێشی ئێکەتیا تەپا پێ یا عیراقێ کر بوو ئەگەرێن خوە ڤەکێشانی بۆ تێدا دیارکربوون لێ ھەتا نوکە بەرسڤ ل سەر نڤێسینا ئەوان نە ھاتیە دانێ ھەر دەمێ بەرسڤ ل سەر ھاتە دانێ وی دەمی دێ کومبوون ل سەر بەرسڤا ئەوان ھێتەدانێ

ئەڤرۆ نیوز:
یاریکەرێ ھەلبژارتیێ عیراقێ وی یانا سویند تاون یا ئینگلیزی ئەوا دخۆلا پلا دو دا یاریێ کەت بۆ پەیامنێرێ کەنالێ mbc دیارکری یە ئەو گەھشتی یە رێککەفتنێ ل گەل یانا سوانزی سیتی یا ئینگلیزی ئەوا یاریێ دخۆلا پلا نایاب دا کەت و بریارە ئەڤرۆ ھەتا سوباھی ب فەرمی ھەڤبەستا وی ل گەل وێ یانێ بھێتە راگەھاندن.
ھەژی گوتنێ یە یاسر قاسم نوکە دھێتە ھژمارتن ئێک ژ باشترین یاریکەرێن ھێلا ناڤین ل سەر ئاستێ ھەلبژارتیێ عیراقێ خودان رەگەز نامەیا برێتانی و عیراقی یە .