ئەڤرۆ نیۆز، قائید میرۆ
تیرۆرستێن داعش 30 وەلاتیێن باژێڕێ مووسل گوللە بارانکرن، کو تێدا دکتۆرەکا ئافرەت ھەبوو.
غەیاس سورچی، پەیڤدارێ مەلبەندێ ئێکەتیێ ل نەینەوا ب ئەڤرۆ نیۆز راگەھاند” سپێدەھیا ئەڤرۆ چەکدارێن داعش ل سەنتەرێ باژێڕێ مووسل، ب تۆمەتێن جۆدا 30 وەلاتیێن سڤیل گوللە بارانکرن و سزایێ خوە بسەردا سەپاند.
سورچی دیارکر، حەفت ژوان 30 وەلاتیان ئافرەتبوون و دکتۆرەکا ژافرەت بناڤێ دکتۆر ئەحلام ھەبوو، کو ئێکە ژ دکتۆرێن ناڤ و دەنگێن باژێڕی و بسپۆر و شەھرەزایا نەخۆشیان بوویە.
ئه‌ڤرۆ نیوز:
سه‌رۆك بارزانى سوپاسیا ئه‌لمانیا كر به‌رامبه‌ر هه‌ڤكاریا وان بۆ هێزێن پێشمه‌رگه‌ى و وه‌رگرتنا په‌نابه‌ران و ئاوارێن شه‌رى.
ئه‌ڤرۆ سه‌رۆك بارزانى پێشوازیا ئورسلا ڤون دێرلان وه‌زیرا به‌ره‌ڤانیا ئه‌لمانیا كر، ددیداره‌كێ دا سه‌رۆك بارزانى سوپاسیا ئه‌لمانیا كر به‌رامبه‌ر هه‌ڤكاریا وان بۆ هێزێن پێشمه‌رگه‌ى و وه‌رگرتنا په‌نابه‌ران و ئاوارێن شه‌رى.
وه‌زیرا به‌ره‌ڤانیا ئه‌لمانیا راگه‌هاند هه‌تا نوكه وان راهێنان ب زێده‌تر ژ 4500 پێشمه‌رگان كریه و دێ د به‌رده‌وام بن ل هه‌ڤكاریكرنا پێشمه‌رگه‌ى ل شه‌رێ دژى داعش.
ئه‌ڤرۆ نیوز: ڤه‌ده‌ر ره‌شاڤایی:
واشنتۆن ئاشكرا كر كو لدووڤ زانیارییان، ئیرانێ دده‌مێ نها دا پتری ئێك هزار سه‌رباز ل ئیراقێ هه‌نه، هه‌روه‌سا نێزیكی 2 هزاران ل سوریا هه‌نه.
جه‌نه‌رالێ ئه‌مریكی و سه‌رۆك ئه‌ركانێ هێزێن هه‌ڤپشك یێن ئه‌مریكا جه‌نه‌رال جۆزێف دانفۆرد خویاكر: ئه‌و د باوه‌رێدانه هه‌ژمارا سه‌ربازێن ئیرانی ل ئیراقێ گه‌هشتیه نێزیكی ئێك هزاران، و ل سوریا گه‌هشتيه نێزكی 2 هزاران، و ببۆرینا ده‌می هه‌ژمارا سه‌ربازێن ئیرانی ل ئیراقێ زێده‌بووینه.”
ئه‌ڤرۆ نیۆز، قائید میرۆ
ئه‌ڤرۆ ل باژێڕێ مووسل هژماره‌ك چه‌كدارێن نه‌نیاس سه‌ركرده‌یه‌كێ گروپا تیرۆرستیا داعش ب چه‌كێ بێده‌نگ كوشت.
ژێده‌ره‌كێ ئاگه‌هدار ب ئه‌ڤرۆ نیۆز راگه‌هاند” ئه‌ڤرۆ هژماره‌ك چه‌كدارێن نه‌نیاس ل تاخێ زهور یێ باژێڕێ مووسل ته‌قه ل سه‌ركرده‌یه‌كێ گروپا تیرۆرستیا داعش بناڤێ عه‌لا سوهه‌یب عه‌فه‌وی كرن كو ب ره‌گه‌ز توركومانه و خه‌لكێ قه‌زا ته‌له‌عفه‌ره.
ژێده‌ری گۆتژی” ئه‌ف مه‌زنه تیرۆرست ب چه‌كێ بێده‌نگ هاتیه كوشتن و دده‌مێ ته‌قه‌كرنێ شوفێری ئه‌ڤی سه‌ركرده‌یێ داعش ژی هاتیه كوشتن و چه‌كدار ژی به‌ره‌ف جهه‌كێ نه‌دیار ره‌ڤینه.
ئه‌ڤرۆ نیوز: ڤه‌ده‌ر ره‌شاڤایی:
رێكخراوا (Reputation) د لێنێرینا خوه یا سالانه دا ئه‌نجامێ راپرسییا رێزبه‌ندییا باژێران بۆ باشترین و خراپترین ناڤوده‌نگی ل جیهانێ ئاشكرا كر.
لدووڤ راپۆرتێ 101 وه‌لات هاتینه ده‌ستنیشانكرن، و راپرسی ژ 19 هزار كه‌سان ل خه‌لكێ فره‌نسا، ئیتالیا، ئه‌لمانیا، بریتانیا، ژاپۆن، كه‌نه‌دا، ئه‌مریكا و رووسیا لسه‌ر بنه‌مایێ (باوه‌ری، قه‌در، داخباری و رێزگرتن) هاته كرن، باژێرێ سیدنی ل رێزا ئێكێ خۆدان باشترین ناڤوده‌نگی بده‌ستڤه‌ئینا و باژێرێ به‌غدا رێزا 101 وه‌ك خودان خرابترین ناڤوده‌نگی ل جیهانێ بده‌ستڤه‌ئینایه.
باژێرێن خۆدان باشترین ناڤۆده‌نگی:
سیدنی، ئوسترالیا
مێلبوورن، ئوسترالیا
ستۆكهۆلم، سوێد
ڤیه‌نا، نه‌مسا
به‌رشه‌لۆنا: ئیسپانیا
ڤانكۆڤه‌ر، كه‌نه‌دا
ئێدینبه‌ره، بریتانیا
جێنێڤ، سویسرا
كۆپێنهاگن، دانیمارك
ڤێنس، ئیتالیا
باژێرێن خۆدان خرابترین ناڤۆده‌نگی:
به‌غدا، ئیراق
ته‌هران، ئیران
مۆسكۆ، رووسیا
نایرۆبی، كێنیا
بۆگۆتا، كۆلۆمبیا
مێكسیكۆ، مه‌كسیك
قاهیره، مسر
كیێڤ، ئوكراینا
كاراكاس، ڤێنزوێلا
ته‌ل ئه‌ڤیڤ، ئیسرائیل
ئه‌ڤرۆ نیوز: ڤه‌ده‌ر ره‌شاڤایی:
سه‌رۆك وه‌زیرێن توركیا ئه‌حمه‌د داود ئوغلو بۆ ئێكه‌م جار پشتراستكر كو توركیا دو هێرش لسه‌ر یه‌په‌گێ ل رۆژئاڤا كوردستانێ كرینه و خویاكر كو توركیا هێلێن سۆر بۆ كوردان ل باكۆرێ سوریا داناینه.
داودئوغلو گۆت: په‌یه‌دێ ده‌ربازی رۆژئاڤا رووبارێ فورات نابیت، هه‌كه‌ر وێ یه‌كێ بكه‌ن دێ ئێكسه‌ر توركیا ته‌قێ لێكه‌ت و وان كه‌ته ئارمانج”
ناڤهاتی د دیداره‌كا تێله‌ڤزۆنی ئه‌ڤ یه‌ك ئینا زمان و گۆت كو توركیا رۆلێ سه‌ره‌كی ل سوریا هه‌یه لێ دیار نه‌كر ل چ به‌روار هه‌ردو هێرش ئه‌نجام داینه.
یه‌په‌گێ به‌رییا ده‌م خویاكر بوو كو توركیا هێرش هێرش كرییه سه‌ر وان لێ وان به‌رسڤ نه‌داییه.
ئەڤرۆنیۆز، سالار دۆسکی:
غازی سەعید ئەندامێ سەرکرداتیا ئێکگرتوو ئیسلامی کوردستان بۆ ئەڤرۆ نیۆز گۆت: ئێکگرتوو چ پوستێن وەزارەتێن بزاڤا گوران دحوکمەتێ دا وەرناگریت، دیارکر بزاڤەک ھەیە گوران و پارتی ئاریشان چارەکەن.
غازی گۆت: بزاڤ ھەنە ئاریشا دناڤبەرا پارتی دیموکراتی کوردستان و بزاڤا گوران دا بھێتە چارەسەکرن و حوکمەتا بەردەوامە و ھێشتا چ پێنگاڤێن دی ل سەر حوکمەتەکا نوو نەھاتینە ھاڤێتن.
ھێشتا گۆت: کومبوونا سێ قولی دناڤبەرا (ئێکەتیێ و ئێکگرتوو و کومەلێ) ھاتبوو گرێدان و مە رونشتن ل گەل بزاڤا گوران و پارتی دیموکراتی کوردستان ھەنە.
ھەمان ئەندام سەرکرداتیا ئێکگرتوو گۆت: ئەگەر ل نافخوە نەگەھشتینە چ چارەسەریا لایەنێ دەرڤە کارتێکرنا خوە ھەنە
ھەمبەر پوستێن بەر ب ئێکگرتوو ئیسلامی کەفتین ل پارێزگەھا دھۆکێ د حوکمەتا خوجھی دا غازی سەعید ئاشکراکر کو ھێشتا دانوستاندن دبەردەوام و رۆژێن بھێت دێ دیاربن و گۆت: مە کاغەزەک رادەستی شاندنێ پارتی ل دھۆکێ کریە و ھێشتا نەگەھشتینە دووماھی ئەنجام.
ئه‌ڤرۆنیۆز، سالار دۆسكى:
غازى سه‌عید ئه‌ندامێ سه‌ركرداتیا ئێكگرتوو ئیسلامى كوردستان بۆ ئه‌ڤرۆ نیۆز گۆت: ئێكگرتوو چ پوستێن وه‌زاره‌تێن بزاڤا گوران دحوكمه‌تێ دا وه‌رناگریت، دیاركر ژى بزاڤه‌ك هه‌یه گوران و پارتى ئاریشان چاره‌كه‌ن.
غازى گۆت: بزاڤ هه‌نه ئاریشا دناڤبه‌را پارتى دیموكراتى كوردستان و بزاڤا گوران دا بهێته چاره‌سه‌كرن.
ئاماژه دا وێ یه‌كێ كو كومبوونا سێ قولى دناڤبه‌را (ئێكه‌تیێ و ئێكگرتوو و كومه‌لێ) هاتبوو گرێدان و مه رونشتن ل گه‌ل بزاڤا گوران و پارتى دیموكراتى كوردستان هه‌نه.
هه‌مان ئه‌ندام سه‌ركرداتیا ئێكگرتوو گۆت: ئه‌گه‌ر ل نافخوه نه‌گه‌هشتینه چ چاره‌سه‌ریا لایه‌نێ ده‌رڤه كارتێكرنا خوه هه‌نه.
هه‌مبه‌ر پوستێن به‌ر ب ئێكگرتوو ئیسلامى كه‌فتین ل پارێزگه‌ها دهۆكێ د حوكمه‌تا خوجهى دا غازى سه‌عید ئاشكراكر كو هێشتا دانوستاندن دبه‌رده‌وام و رۆژێن بهێت دێ دیاربن و گۆت: مه كاغه‌زه‌ك راده‌ستى شاندنێ پارتى ل دهۆكێ كریه و هێشتا نه‌گه‌هشتینه دووماهى ئه‌نجام.
ئه‌ڤرۆ نیوز:
مه‌ریوان نه‌قشبه‌ندى رێڤه‌به‌رێ په‌یوه‌ندیێن وه‌زاره‌تا ئه‌وقاف و كاروبارێن ئاینى راگه‌هاند” ب فه‌رمانا نێچیرڤان بارزانى سه‌رۆكێ حكومه‌تا هه‌رێما كوردستانێ، د.پشتیوان سادق، وه‌زیرێ په‌روه‌ردێ وه‌ك وه‌زیرێ ئه‌وقاف و كاروبارێن ئاینى ب وه‌كاله‌ت هاته راسپاردن”.
پشتى خونیشادانێن قه‌لادزێ و سلێمانیێ ئالوزى تێكه‌تى و 5 وه‌لاتى شه‌هیدبوون، ب فه‌رمانا پارتى دیموكراتى كوردستان رێگرى ل سه‌رۆكێ په‌رله‌مانى هاته كرن كو بهێته هه‌ولێرێ و نێچیرڤان بارزانى خاترا خوه ژ وه‌زیرێن گۆران خواست و پاشان نێچیرڤان بارزانى د گوتاره‌كێ دا راگه‌هاند كو دێ ئه‌و پشكا دوێ ژ پێكئینانا حكومه‌تێ راگه‌هینن.
ئه‌ڤرۆنیۆز، ئه‌یاد به‌روارى
پشتی شوونوارێن كه‌ڤنبوونێ ل سه‌ر ده‌مژمێرا (بیگ بن) ل له‌نده‌ن دیاربووین و زه‌نگ لێدانا وێ ژ ده‌مێ دروست گیرۆدبیت، نوكه له‌نده‌ن هزر د وێ چه‌ندێ دا دكه‌ت ده‌ست ژ دیارترین شوینوارێن خوه به‌رده‌ت.
ل دووڤ سایتێ (روسیا الیوم) ” لژنه‌كا په‌رله‌مانی ل بریتانیا ڤه‌كۆلینه‌ك ل دۆر ده‌مژمێرا ناڤبرى كریه و تێدا دیاركه‌ت كو پێدڤی ب نووژه‌نكرنێ یه ب تایبه‌ت پشتی ئاڤێ و ده‌رزان كارتێكرن ل ئاڤاهیێ وێ كری كو دووماهی نووژه‌نكرن ژب بۆ سالا 1980 دزڤریت”.
ژێده‌ره‌كی په‌رله‌مانی ئاشكراكریه ژی كو پرۆسا نووژه‌نكرنا وێ ده‌مژمێرا كێشا وێ دگه‌هیته پێنج ته‌نا، دێ پێدڤی ب 40 ملیۆن جنه‌یهێن سترلینی بیت، ئانكو 60 ملیۆن دۆلاران و نووژه‌نگرن ژی سێ سال بۆ دڤێن.
په‌یڤداره‌كا جڤاتا گشتی یا بریتانی (په‌رله‌مان) خویاكریه كو ئه‌ندامێن هنده‌ك لژنێن ب سه‌ر په‌رله‌مانی ڤه یێ وێ ڤه‌كۆلینێ د هه‌لسه‌نگینن و دێ بۆچوونا خوه ل سه‌ر ده‌ن”.
لێ ژێده‌ره‌كێ په‌رله‌مانی ل بریتانیا ئاشكراكر كو ده‌مژمێرا بێك بن یا د حاله‌ته‌كێ نه‌باش دا و به‌ر هه‌لوه‌شاندنێ ڤه دچیت و دبیت ب ئێكجاری بهێته راوه‌ستاندن.
دهێته زانین ده‌مژمێرا (بیگ بن) ل ژ رۆژا 3 خزیرانا 1859 یا هاتیه دانان و هه‌تا نوكه كاردكه‌ت.
نيشاندان