ئه‌ڤرۆ نيوز:
ژ ياريێن گه‌را نه‌هێ يێن خولا كالچيۆ يانا ميلان سه‌ركه‌فتنه‌كا ب زه‌حمه‌ت ل سه‌ر تيما ساسولۆ تۆمار كر ب دو گۆلان به‌رامبه‌ر گۆله‌كێ.
نووترين نووچه
- سەرۆك بارزانی و فالح فەیاز رەوشا سیاسی و ئەمنی یا ئیراقێ و دەڤەرێ گەنگەشە كر
- چاڤدێرەكێ سیاسی: سەرۆك بارزانی بڕیاردەرێ چارەسەرییا پرسا كوردی یە ل دەڤەرێ
- وەزارەتا دەرڤەیا ئیراقێ: پەیاما عەبدوللا ئۆجەلانی بۆ ئیراقێ و هەرێما كوردستانێ یا گرنگە
- ئەوێن تاوان دژی ئێزدییان كرین لێبۆرینا گشتی ژێ ناگریت
- سەرۆك بارزانی پێشوازی ل سەرۆككۆمارێ ئیراقێ كر
- سەرۆك بارزانی و سەرۆكێ هوداپار: هەماهەنگییا ئالییان یا گرنگە ژ پێخەمەت سەرئێخستنا پرۆسەیا ئاشتیێ ل توركیا
- سەرۆك بارزانی و هادی عامری چارەسەركرنا كێشەیێن هەولێرێ و بەغدایێ گەنگەشەكرن
- نێچیرڤان بارزانی دوپاتی ل سەر پێدڤییا بەردەوامییا هەماهەنگیێ د ناڤبەرا هەولێرێ و بەغدایێ دا كر
- نێچیرڤان بارزانی دوپاتیێ ل هەماهەنگیێ ل گەل هێزێن نیشتمانی ل ئیراقێ دكەت
- سەرۆكێ هەرێما كوردستانێ: سیستەمێ بڕێڤەبرنا ئیراقێ فیدرالی نینە
سهرهكى Facebook
خشتێ به‌لاڤكرنا مووچه‌ى يێ ڤێ حه‌فتيێ
ئه‌ڤرۆ نيوز:
ب گۆره‌يى نڤيساره‌كا فه‌رمى كو وێنه‌ك ب ده‌ست ئه‌ڤرۆ نيوز كه‌فتيه، تێدا هاتيه، وه‌زاره‌تا دارايى يا حوكمه‌تا هه‌رێما كوردستانێ دێ به‌ردواميێ ده‌ته به‌لاڤكرنا موچێ هه‌يڤا تيرمه‌هێ ب ڤى ره‌نگێ ل خوارێ:
- رۆژا دوشه‌مبى 26ى چريا ئێكێ مووچێ رێڤه‌به‌ريا گشتى يا پۆليسان ل وه‌زاره‌تا ناڤخۆ هێته به‌لاڤكرن.
- رۆژا سێشه‌مبى 27ى چريا ئێكێ مووچێ ديوانا وه‌زاره‌تا ناڤخۆ و فه‌رمانگه‌هێن سه‌ر ب وێ وه‌زاره‌تێ هێته به‌لاڤكرن.
- رۆژا چارشه‌مبى 28ى چريا ئێكێ دێ مووچێ وه‌زاره‌تا كاره‌بێ هێته به‌لاڤكرن.
- رۆژا پێنجشه‌مبى 29ى چريا ئێكێ دێ مووچێ وه‌زاره‌تا ئه‌وقاف و كاوربارێن ئاينى هێته به‌لاڤكرن.
دووماهى ئامارا گرتنا ئه‌ندامێن هه‌ده‌پێ
ئه‌ڤرۆ نیوز:
پروسا گرتنا ئه‌ندام و لایه‌نگرێن هه‌ده‌پێ ژ ئالیێ حكومه‌تا توركیا ڤه یا به‌رده‌وامه و ل ده‌ڤه‌رێن كوردى 54 كه‌س هاتینه گرتن.
ل ده‌مێ پروسا بانگه‌شه‌یا هه‌لبژارتنێن توركیا، پولیسێن توركیا یا به‌رده‌وامه ل سه‌ر گرتنا ئه‌ندام و لایه‌نگرێن هه‌ده‌پێ و ل دووڤ ئاژانسا دیجله هه‌تا نوكه ل باژێرێ ڤارتو یا موش 24 كه‌س و ل سێرت 22 كه‌س و ل ئه‌رزنجان و شرناخ و وانێ 8 وه‌لاتى هاتینه گرتن.
نه‌رازیبوون ل دژى سیسته‌مێ نوو یێ مووچان ل عیراقێ په‌یدا دبن
ئه‌ڤرۆ نیوز:
وه‌زاره‌تا كاره‌با عیراقێ راگه‌هاند كو سیسته‌مێ نوى یێ مووچان ل عیراقێ دێ جوداكاریێ د ناڤبه‌را وه‌زاره‌تان دا دروست كه‌ت و ل دووڤ گوتنا ئه‌ندامه‌كێ لژنا نه‌زاهێ، سیسته‌مێ نوى دێ هه‌ژاریێ دروست كه‌ت.
قاسم فه‌هداوی وه‌زیرێ كاره‌با عیراقێ راگه‌هاند: سیسته‌مێ نوو یێ موچان نه‌عه‌داله‌تى یێ تێدا بۆ كارمه‌ندێن وه‌زاره‌تا وى و وه‌زاره‌تێن دى.
ژ ئالیێ خوڤه، حه‌یده‌ر فه‌وادی ئه‌ندامی‌َ لژنا نه‌زاهێ ل په‌رله‌مانێ عیراقێ راگه‌هاند كو سیسته‌مێ نوو یێ موچان ل عیراقێ دێ بیته ئه‌گه‌رێ هه‌ژاریێ ل عیراقێ چونكه عه‌داله‌ت تێدا نینه.
ئێكه‌تیا ئوروپا پرۆژه‌كێ 16 خالى بۆ چاره‌كرنا پرسا كوچبه‌ران به‌رهه‌ڤ كریه
ئه‌ڤرۆ نیوز:
هه‌ولێن ئێكه‌تیا ئوروپا بۆ دووماهى هاتن ب قه‌یرانا كوچبه‌ران یا به‌رده‌وامه و ئه‌ڤرۆ كومسیونا ئوروپا ل گه‌ل سه‌ركردێن 10 ولاتان ل بروكسل دێ كوم بیت و پرۆژه‌كێ 16 خالى دێ شروڤه كه‌ن.
نه‌ته‌وێن یه‌كگرتى داخواز ژ ئه‌مریكا وكه‌نه‌دا و ئوسترالیا و نیوزیله‌ندا كریه كو ب وه‌رگرتنا كوچبه‌ران، دێ بارگرانى ل سه‌ر ولاتێن ئوروپا سڤك بیت.
نوكه پشتى هنگاریا سنورێن خوه ل هه‌مبه‌ر كوچبه‌ران دائێخستى، كوچبه‌ر ب رێیا ولاتێن به‌لكا به‌ره‌ڤ ولاتێن ئه‌لمانیا و نه‌مسا دچن.
داعش هه‌یڤانه 50 ملیۆن دۆلاران ب هنارتنا په‌ترۆلێ بده‌ستڤه‌دئینیت
ئه‌ڤرۆنیۆز، ئه‌یاد به‌روارى
هه‌والگیریا عیراقی و به‌رپرسێن ئه‌مریكی ئاشكراكرن كو رێكخستیا ده‌وله‌تا ئیسلامی (داعش) یا تیرۆرستی هه‌یڤانه گوژمێ 50 ملیۆن دۆلاران ژ هنارتنا په‌ترۆلێ ژوان بیرێن په‌ترۆلی یێن دبن كونترۆلا وێڤه ل عیراقێ و سووریێ بده‌ستڤه‌دئینیت.
ل دووڤ راپۆرته‌كا ئاژانسا (ئه‌سوشێتد پریس) هنارتنا هه‌یڤانه یا په‌ترۆلێ ژلایێ داعشێ ڤه هه‌تا راده‌یه‌كێ مه‌زن دراڤێ پێدڤی بۆ كریارێن چه‌كدارێ یێن وێ دابین دكه‌ت و ئه‌و چه‌نده ژی بۆ ئه‌گه‌رێ سه‌رنه‌گرتنا هه‌موو بزاڤێن دبلوماسی و له‌شكری یێن ئه‌مریكا بۆ ژناڤبرنا داعشێ ل ده‌ڤه‌رێن دبن كونترۆلا وێڤه.
ئاژانسا ناڤبری ئاماژه دا كو ئه‌و دراڤێ بۆ داعشێ ژ هنارتنا په‌ترۆلێ بده‌ستڤه‌دهێت بۆ ئه‌گه‌رێ په‌یدابوونا دراڤه‌كێ مه‌زن ل ده‌ڤ وێ رێكخستیا تیرۆرستی و مانا وێ ل ده‌ڤه‌رێن كونترۆلكرین ل عیراقێ و سووریێ.
ل دووڤ ژێده‌رێن هه‌والگیریا عیراقی، داعش هه‌یڤانه 30 هزار به‌رمیلێن په‌ترۆلێ به‌رهه‌م دئینیت ژ بیرێن په‌ترۆلێ یێن دبن كونترۆلا وێڤه ل سووریێ و 10 هزار هه‌تا 20 هزار به‌رمیلان رۆژانه به‌رهه‌م دئینیت ژ بیرێن په‌ترۆلێ ئه‌وێن دبن كونترۆلا وێڤه ل عیراقێ و به‌رمیلا په‌ترۆلێ دناڤبه‌را 10 هه‌تا 35 دۆلاران دفروشیته قه‌چاغچیان.
ژلایێ خوه‌ڤه ئۆفیسا سه‌رۆك وه‌زیرێن توركیا (ئه‌حمه‌د داود ئۆگلۆ) ب ئاژانسا (ئه‌سوشه‌یتد پرێس) راگه‌هاند كو توركیا پێرابوونێن گونجای ئه‌نجامداینه ژبۆ نه‌هێلانا ب قه‌چاغ فرۆتنا په‌ترۆلێ ب دناڤ سنۆرێ وێ ڕا، دیسا دیاركریه كو ده‌زگه‌هێن ئه‌منی یێن توركی هه‌ر ژ دووماهیا هه‌یڤا ئلۆنا 2015ێ و هه‌تا نوكه 3319 حاله‌تێن قه‌چاغیێ ژ سووریێ راوه‌ستاندینه.
نێچیرڤان بارزانى: ئه‌م د به‌رهه‌ڤین بچینه به‌غدا
ئه‌ڤرۆ نیوز:
ئه‌ڤرۆ نیڤرۆ، نێچیرڤان بارزانى سه‌رۆكێ حكومه‌تا هه‌رێما كوردستانێ ل ده‌مێ پێشوازیا مارك ئایشهۆڕن كونسولێ ئه‌لمانیا ل هه‌رێمێ راگه‌هاند كو ئه‌و د ئاماده‌نه بۆ شروڤه‌كرنا پرسا هه‌رێمێ و چاره‌كرنا پرسێن هه‌رێمێ سه‌را به‌غدا بده‌ن.
ژ ئالیه‌كێ دى یێ كومبوونێ، نێچیرڤان بارزانى دیاركر كو حكومه‌تا هه‌رێمێ و خه‌لكێ كوردستانێ ب رێزڤه ته‌ماشاى هاریكاریێن ولاتێ ئه‌لمانیا بۆ هه‌رێمێ دكه‌ت و هیڤى خواست په‌یوه‌ندیێن هه‌ردوئالیان د هه‌مبوو بواره‌كێ دا به‌ره‌ڤ پێشڤه بچن.
ڤیدیو: ل هه‌لبژارتنێن پێشوه‌خت یێن په‌رله‌مانى توركیا شه‌ر چێبوو
سێ شه‌مبیێ په‌رله‌مان دێ به‌حسێ بودجه‌ی كه‌ت
ئه‌ڤرۆ نیۆز، قائید میرۆ
رۆژا سێ شه‌مبیێ په‌رله‌مانێ عێراقێ دێ كۆمبیت و په‌رله‌مانتاره‌ك ژی پێشبینی دكه‌ت، پڕۆژه قانوونا بودجێ گشتیێ عێراقێ مژارا كۆمبوونێ بیت.
دكتۆر به‌ختیار شاوێس، په‌رله‌مانتارێ كورد له به‌غدا ب ئه‌ڤرۆ نیۆز راگه‌هاند” بڕیاره رۆژا سێ شه‌مبیا داهاتی په‌رله‌مانێ عێراقێ كۆمبوونه‌كا ئاسایی ئه‌نجامبده‌ت و پێشبینی دكه‌ین دانوستان لدۆر پڕۆژه قانوونا بودجێ گشتیێ عێراقێ بۆ سالا 2016ێ بهێنه‌كرن.
شاوێس دیاركر، به‌ری نوكه سه‌رۆكایه‌تیا جڤاتا وه‌زیرێن عێراقێ پڕۆژه قانوونا بودجه‌ی په‌سه‌ندكریه و گه‌هشتیه په‌رله‌مانی، له‌وڕا پێشبینی دكه‌م د كۆمبوونا رۆژا سێ شه‌مبیێ بكه‌ڤیته كارناما كۆمبوونێ و دانوستان لدۆر بودجه‌ی بهێنه‌كرن.
فه‌رمانده‌كێ پێشمه‌رگه‌ی پێزانینێن په‌كه‌كێ ره‌ت دكه‌ت
ئه‌ڤرۆ نیۆز، قائید میرۆ
فه‌رمانده‌كێ هێزێن پێشمه‌رگه‌ی دیار چو هێزێن ل ده‌ڤه‌را شنگالێ نه‌هاتینه كۆمكرن بتایبه‌تی یین په‌كه‌كێ.
عیسا زێوه‌یی، فه‌رماندێ هێزێن پێشمه‌رگه‌ی ره‌تكر چو هێزه‌كا مه‌زنا سه‌ربازی هاتبیته كۆمكرن ل میحوه‌رێ شنگالێ بۆ رزگاركرنا قه‌زا شنگالێ لبن كۆنتڕۆلا چه‌كدارێن داعش و گۆت” ئه‌ف زانیاریێن میدیایێن نێزیكی په‌كه‌كێ راست نینه هێزێن وان هاتبنه ده‌ڤه‌رێ بڤێ رێژا ئه‌و به‌حس دكه‌ن.
زێوه‌یی گۆتژی” ئه‌ڤرۆ ل میحوه‌رێ شنگالێ چو پێكدادان نینه ژبلی هێرشا دوهی و ئه‌ڤرۆ ره‌وشا ده‌ڤه‌رێ ژلایێ سه‌ربازیڤه یا ته‌نایه و باوه‌رناكه‌م چو رۆژا وه‌كی ئه‌ڤرۆ یا بێده‌نگبیت.
نيشاندان
WP Facebook Auto Publish Powered By : XYZScripts.com