ئه‌ڤرۆ نيوز:
بڕياره ئه‌ڤرۆ رۆژا ئێكشه‌مبى رێكه‌فتى 25ى چريا ئێكێ د ياريێن گه‌را نه‌هێ دا ژ خولا لاليگا يا ئسپانى يانا به‌رشه‌لۆنا مێڤانداريا يانا ئيبار بكه‌ت.
پێكهاتيێ هه‌ردو يانان:
به‌رشه‌لۆنا: براڤۆ، ئەلڤێس، ماسیۆ، پیکێ، ئەلبا، بۆسکێتس، ڕاکیتیچ، ئینێستا، ساندرۆ، نێیمار، سوارێز.
ئیبار: ریسیۆ، کاپا، سانتۆس، پانتیچ، خوانکا، ئسکالانتی، گارسیا، ئێنریچ، بێریۆن، ئینوی، باستۆن.
ئه‌ڤرۆ نيوز:
بڕياره ئێڤاريا ئه‌ڤرۆ ل ده‌مژمێر 5:5 ده‌قيقه ب ده‌مێ دهۆكێ، د دێربيێ ئنگلته‌را و جيهانێ دا و د چارچۆڤێ حه‌فتيا 10ێ ژ خولا پريمه‌ر ليگ دا، هه‌ردو يانێن مانشێسته‌ر يونايت و مانشێسته‌ر ستى روو ب روويێ ئێك ببن.
پێكهاتيێ مانشێسته‌ر ستى:
هارت، سانیا، کۆمپانی، مانگالا، کۆلارۆڤ، تۆرێ، فێرناندینهۆ، ناڤاس، دی برۆین، ستێرلینگ، بۆنی.
پێكهاتيێ مانشێسته‌ر يونايت:
مان یونایتد: دی خیا، دارمیان، ڕۆخۆ، جۆنز، سمالینگ، ڕۆخۆ، کاریک، شنایدەرلین، ماتا، ڕۆنی، دیپای، مارتیال.
ئه‌ڤرۆ نیۆز، قائید میرۆ
شه‌ڤا بۆری فڕۆكه‌یێن شه‌ڕكه‌رێن هه‌ڤپه‌یمانان بنكه و باره‌گایێن تیرۆرستێن داعش ل میحوه‌رێ ناوه‌ران بۆردومانكرن و هژماره‌كا چه‌كدارێن داعش هاتنه كوشتن.
عه‌قید دلشاد مه‌ولوود، به‌رپرسێ هۆبا راگه‌هاندنا فه‌رماندا زێره‌ڤانی ب ئه‌ڤرۆ نیۆز راگه‌هاند” ده‌مژمێر هه‌شتی شه‌ڤا بۆری فڕۆكه‌یێن هه‌ڤپه‌یمانان بنكه و باره‌گه‌هێن تیرۆرستێن داعش ل گوندێ خورساباد یێ میحوه‌رێ ناوه‌ران بۆرودومانكرن و زیانێن مه‌زن ب چه‌كدارێن داعش گه‌هاندن.
دلشادی گۆتژی” گوره‌ی زانیاریێن گه‌هشتینه فه‌رمانده‌یا زێره‌ڤانی ژ ئه‌گه‌رێ بۆردومانێ هژماره‌ك چه‌كدارێن داعش هاتینه كوشتن و برینداركرن، هه‌روه‌سا چه‌كه‌كێ دۆشكه‌ژی هاتیه ژناڤبرن.
ئه‌ڤرۆ نیۆز، قائید میرۆ
ژ ئه‌گه‌رێ ره‌وشا نوكه‌یا هه‌رێما كوردستانێ گرێدانا كۆنگرێ ئێكه‌تیا مامۆستایان بۆ ده‌مێ سێ هه‌یڤێن دی هاته پاش ئێخستن.
ئه‌حمه‌د گه‌رمیانی، جیگرێ سه‌رۆكێ ئێكه‌تیا مامۆستایێن كوردستانێ ب ئه‌ڤرۆ نیۆز راگه‌هاند” بڕیاربوو ده‌ستپێكا هه‌یڤا داهاتی كۆنفڕانسێن ئێكه‌تیا مامۆستایان بهێنه ئه‌نجامدان و دوڤدا كۆنگره بهێته گرێدان، به‌لێ كۆنفڕانسێن مامۆستا هاتنه پاشئێخستن.
گه‌رمیانی گۆتژی” كۆنفڕانسێن مامۆستا بۆ ده‌ستنیشانكرنا نوونه‌رێن وانه بۆ كۆنگرێ داهاتی، به‌لێ ژبه‌ر ره‌وشا نوكه‌یا هه‌رێما كوردستانێ و ئه‌ف قه‌یرانێن هه‌ی كۆنفڕانس بۆ ده‌مێ سێ هه‌یڤان هاتنه پاشخستن، بمه‌رجه‌كی هه‌رده‌مێ ده‌م یێ گونجایی بوو دێ ده‌ست ب كۆنفڕانسا هێته‌كرن.
ئه‌ڤرۆ نیوز:
سالح موسلم هه‌ڤسه‌رۆكێ په‌یه‌دێ راگه‌هاند: بزاڤێن مه بۆ بهێزكرنا په‌یوه‌ندیێن مه یێن دبلوماسى ل گه‌ل ولاتێن جیهانێ د به‌رده‌وامن و د ڤى چوارچوڤى دا دێ نڤیسینگه‌ها رێڤه‌به‌ریا دیموكراتى و سه‌ربه‌خویى ل پاریس و به‌رلینێ ژى ڤه‌كه‌ین.
سالح موسلم هه‌ڤسه‌رۆكێ په‌یه‌دێ پشكدارى د 43 یه‌مین كومبوونا جڤاتا قانوونى یا كانتونا جزیرێ كر و رژى ل سه‌ر بهێزكرنا په‌یوه‌ندیێن په‌یه‌دێ كر ل سه‌ر ئاستێ ولاتێن جیهانى و دیاكر كو نڤیسینگه‌ها نوونه‌راتیا رێڤه‌به‌ریا دیموكراتى و سه‌ربه‌خویى ل پاریس و به‌رلینێ ژى ڤه‌كه‌ن.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا دوشه‌مبى رێكه‌فتى 26ى چريا ئێكێ يا 2015ێ ئه‌سمانێ دهۆكێ دێ ب تمامى ئه‌ور بيت و ب درێژاهيا ده‌مێ رۆژێ دێ باران باريت و بريسى ل گه‌ل دا بن.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن نزمێن ده‌ريا ناڤه‌راست بۆ سه‌ر هه‌رێما كوردستانێ دهێته پێشبينيكرن ئه‌سمانێ دهۆكێ دێ ب تمامى ئه‌ور بيت و ب درێژاهيا ده‌مێ رۆژێ دێ باران باريت و بريسى ل گه‌ل دا بن.
پشكا پێشبينيان دايه زايه زانين كو دێ ئاراستێ باى ژى باكوورێ رۆژهه‌لاته ب ره‌نگه‌كى د ناڤبه‌را 15 هه‌تا 30 كم دا و ماوێ ديتنێ ژى دێ 8 كم بيت.
ئه‌ڤرۆ نیۆز، قائید میرۆ
ئه‌ندامه‌كا فڕاكسیۆنا پارتی ل په‌رله‌مانێ عێراقێ هویرده‌كاریێن سه‌ره‌دانا شاندێ هه‌رێمێ بۆ به‌غدا ئاشكرادكه‌ت و رادگه‌هینیت، مه‌ره‌ما سه‌ره‌كیا سه‌ره‌دانێ بۆ به‌حسكرنا پرسا شه‌ڕێ داعشه.
ئه‌شواق جاف، په‌رله‌مانتارا پارتی دیموكراتی كوردستان ل به‌غدا ب ئه‌ڤرۆ نیۆز راگه‌هاند” ژڤانێ چوونا شاندێ هه‌رێما كوردستانێ بۆ به‌غدا دیارنینه، تنێ بڕیاره ئه‌ف شاند بسه‌رۆكایه‌تیا نێچیرڤان بارزانی بهێته ئه‌نجامدان و دێ شانده‌كێ حوكمه‌تێ بیت نه‌ك حزبی، ئه‌ڤ زانیاریه حوكمه‌تا هه‌رێمی داینه‌مه.
ئه‌شواقێ گۆت ژی” ته‌وه‌رێ سه‌ره‌كیێ سه‌ره‌دانا شاندێ هه‌رێمێ دگه‌ل حوكمه‌تا عه‌بادی دێ لدۆر په‌یوه‌ندیێن هه‌رێما كوردستانێ و به‌غدا بۆ به‌ره‌نگاربوونا تیرۆرستێن داعش بیت نه‌ك مه‌له‌فێ دارایی و نه‌فتێ.
ئه‌ڤرۆ نیۆز، قائید میرۆ
تیرۆرستێن داعش ل ناحیا گه‌یاره به‌رپرسه‌كێ زانكۆیا حه‌دبا و ئه‌فسه‌ره‌كێ پۆلیسێن عێراقی گولله بارانكرن.
غه‌یاس سورچی، په‌یڤدارێ ئێكه‌تی نیشتیمانی كوردستان ل نه‌ینه‌وا ب ئه‌ڤرۆ نیۆز راگه‌هاند” كو ئه‌ڤرۆ چه‌كدارێن تیرۆرستێن داعش ل گونده‌كێ سه‌ر ب ناحیا گه‌یاره، به‌رپرسێ پشكا قانوونێ ل زانكۆیا حه‌دبا یا باژێڕێ مووسل و عه‌قیده‌كێ پۆلیسێن عێراقی گولله بارانكرینه.
سورچی گۆتژی” هه‌ردو كه‌سێن ئه‌ڤرۆ ژلایێ داعشڤه هاتینه كوشتن، به‌ری نوكه لسه‌ر ده‌ستێ داعش توبه‌كربوو، به‌لێ ئه‌ف سزایه هه‌ر بسه‌ردا هاته سه‌پاندن.
نيشاندان