NO IORG
نووترين نووچه
Facebook

553

ئه‌ڤرۆ نیۆز، قائید میرۆ
فڕاكسیۆنه‌كا په‌رله‌مانێ كوردستانێ داخواز ژ ده‌زگه‌هێن بجه ئینانێ كر، كریا خانی و شوقان ب رێژه‌یه‌كا به‌رچاڤ بهێنه‌ ئه‌رزانكرن، ژبه‌ركو وه‌لاتی نه‌شێن كریێ بده‌ن.
شوان قه‌لادزه‌یی، ئه‌ندامێ په‌رله‌مانێ كوردستانێ ب ئه‌ڤرۆ نیۆز راگه‌هاند” مه‌ وه‌كی فڕاكسیۆنا بزاڤا ئیسلامی ل په‌رله‌مانێ كوردستانێ یاداشته‌ك ئاراسته‌ی لایه‌نێن جێ به‌جێكاركریه‌ و تێدا داخوازكریه‌، بۆ سڤككرنا ره‌وشا گرانا یا لسه‌ر ملێن وه‌لاتیان هاریكاربن و كرێ بهێته‌ ئه‌رزانكرن، چونكه‌ دڤێ قه‌یرانێ دا وه‌لاتی نه‌شێن پاره‌یه‌كێ زۆر بمه‌زێخین.
قه‌لادزه‌یی دیاركر، مه‌ داخوازكریه‌، كریا دۆكان و خانی و شوقان ب رێژیا 40%ێ بهێنه‌ كێمكرن و ئیك لیترا پانزینێ ببیته‌ 450 دینار، هه‌روه‌سا كریا ڤه‌گوهاستنێ ب رێژه‌یا 20%ێ بهێته‌ كێمكرن.

294

ئه‌ڤرۆنیۆز، ئه‌یاد به‌رواری
داخۆیانیه‌كا وه‌زیرێ وزا رۆسیا بۆ ئه‌گه‌رێ بلندبوونا بهایێن په‌ترۆلێ ل بازارێن جیهانی ب رێژا 6% و بهایێ به‌رمیله‌كا په‌ترۆلی بۆ 36 دۆلاران بلند بوو.
وه‌زیرێ وزا رۆسیا (ئه‌لكسه‌نده‌ر نۆفاك) به‌رهه‌ڤیا وه‌لاتێ خوه‌ دیاركر بۆ پشكداریێ د كۆمبوونا رێكخراوا ئۆپك یا وه‌لاتێن به‌رهه‌مهێنه‌رێن په‌ترۆلێ كو ل به‌ر ل مه‌ها شوباتا داهاتی بهێته‌ ئه‌نجامدان.
وه‌زیرێ رۆسی دیاركر كو د وێ كۆمبوونێ دا دێ به‌حسێ هاتنا خوارا بهایێن په‌ترۆلێ هێته‌ كرن و دانوستاندن دێ پتر ل سه‌ر پرسا كێمكرنا هه‌ر وه‌لاته‌كێ به‌رهه‌مهێنه‌رێ په‌ترۆلێ بۆ رێا 5% ژ به‌رهه‌مێ خوه‌ یێ په‌ترۆلێ.
ئه‌ڤ داخۆیانیێن وه‌زیرێ وزا رۆسیا بوونه‌ ئه‌گه‌رێ بلندبوونا بهایێن په‌ترۆلێ ل جیهانێ ب رێژا 6% و بهایێ به‌رمیله‌كا په‌ترۆلێ بۆ 36 دۆلاران بلند بوو.
دهێته‌ زانین رۆسیا ل رێزا ئێكێ دهێته‌ ل سه‌ر جیهانێ د رێژا به‌رهه‌مئینانا په‌ترۆلێ دا كو رۆژانه‌ 10 ملیۆن و 730 هزار به‌رمیلان به‌رهه‌م دئینیت.

186

ئه‌ڤرۆ نیۆز، قائید میرۆ:
سه‌رۆكێ لیژنا كاروبارێن پێشمه‌رگه‌ی ره‌تكر موچێ هێزێن پێشمه‌رگه‌ی بهێته‌ كێمكرن و دیاركر، هه‌ركه‌سه‌كێ نوچه‌یه‌كێ وه‌سا شاش به‌لاف بكه‌ت مونافقه‌. ئاری هه‌رسین، سه‌رۆكێ لیژنا پێشمه‌رگه‌ی ل په‌رله‌مانێ كوردستانێ ب ئه‌ڤرۆ نیۆز راگه‌هاند” پشتی پلانا چاكسازیا حوكمه‌تێ و پرسا كێمكرنا موچێ فه‌رمانبه‌ران هاتیه‌ به‌لافكرن، هنده‌ك كه‌س و لایه‌ن به‌حسێ كێمكرنا موچێ هێزێن پێشمه‌رگه‌یژی دكه‌ن، به‌لێ چو راستی بۆڤێ چه‌ندێ نینه‌.
هه‌رسین گۆتژی” ئه‌ز هێزێن پێشمه‌رگه‌ی پشتڕاست دكه‌م ب چو شێوه‌یه‌كی موچێ وان ناهێته‌ كێمكرن و هه‌ر كه‌سه‌كێ نوچه‌یه‌كا وه‌سا یێ شاش لدۆر كێمكرنا موچێ پێشمه‌رگه‌ی به‌لاف بكه‌ت مونافقه‌.

ئەڤرۆ نیوز:
نوکە یاریا ھەلبژارتیێ ئولومپی عیر اقێ ل گەل ھەلبژارتیێ قەتەر یا دھێتەکرن بۆ دەست نیشانکرنا تیما رێزا سیێ د قارەمانیا ئولومپیاتێن ئاسیا و دەستڤە ئینانا پلێتا سیێ بۆ دەربازبوونێ بۆ قارەمانیا ئولومپیاتێن ریوجونێرو .
بۆ دیتنا ڤێ یاریێ ب رەنگەکێ ئێکسەر ڤی لینکی خارێ ڤەکە

http://www.iraqfpg.com/ar/videogalleryembed/videodetails.aspx?vid=1384&Time=635896542345347016

ئەڤرۆ نیوز، ھەژار مەعروف:
تیما تەپا پێ یا زاخۆ بەردەوامی دا ئەنجامێن خوە یێن باش ل وەرزێ ئەڤ سالە دخۆلا فاست لینکا کوردستانێ پشتی د یاریا خوە یا ئەڤرۆ شێیای سەرکەفتنەکا گرنگ ل سەر یانا ھندرین توماربکەت ب گولەکێ بێ بەرامبەر و ب ڤێ سەرکەفتنێ تیما زاخۆ خالێن خوە گەھاندنە ١٠ خالان سەرێ لیستەیا خولێ پاراست بەرامبەر .
ژلایەکێ دیڤە ل یاریگەھا کەرکوک تیما زێرەڤانی بەردەوامی دا ئەنجامێن خوە یێن لاواز ل وەرزێ ئەڤ سالە پشتی د یاریا خوە یا ئەڤرۆ دا توشی خوسارەتیێ بوو ب سێ گولان بەرامبەر دو گولان کو دڤێ یاریێ دا تیما زێرەڤانی ل نیڤا ئێکێ یا پێشکەفتی بوو ب دو گولا بەرامبەر گولەکێ لێ ل نیڤا دوێ یاریکەرێن کەرکوک شێیان دو گولان توماربکەن و ئەنجامێ یاریێ د بەرژوەندیا خوە دا ب دووماھی بین و ل یاریگەھا پیرمام تیما ھەولێر بەردەوامی دا ئەنجامێن باش ل وەرزێ ئەڤ سالە پشتی شێیای سەرکەفتنێ ل سەر یانا ئارارات توماربکەت ب دو گولان بەرامبەر گولەکێ .
پشتی یاریێن گەرا شەشێ ژ قوناغا ئێکێ ب دووماھی ھاتين ھەلویستێ کوما ئێکێ ب ڤی رەنگی یە
زاخۆ ١٠ خال
ھەولێر ٩ خال
کەرکوک ٨ خال
ھندرین ٦ خال
ئارارات ٥ خال
شێروانە ٤ خال
زێرەڤانی ٣ خال

1402

ئه‌ڤرۆ نيوز:

رێڤەبەریا ئاسایشا پاریزگەها دهوکی د راگه‌هاندنه‌كێ دا كو بۆ ئه‌ڤرۆ نيوز هنارتيه‌ دياركريه‌ كو بكوژێن پێشمه‌رگه‌ محه‌مه‌د موسا کانیکى هاتنه‌ گرتن، ئه‌ڤه‌ ده‌قێ راگه‌هاندنێ يه‌:

لسەر رویدانا هاوولاتى (محمد موسا کانیکى)ئەوێ ل روژا (14/1/2016) ژلایى هەندەک کەساڤە هاتیە بریندارکرن و پاش گیانی خو ژ دەست دایی ، پشتیی رویدانى بەردەوامی دیڤچوون ژلایێ مەڤە لسەر بابەتی هاتە کرن بو دیارکرن و ئاشکراکرنا تاوانباران و خوش بەختانە ل رۆژا (28/1/2016)مە شیا تاوانباران بنیاسین و لشەڤا (28/29،1/ 2016) هەردوو تاوانبارێن بناڤین (خ.خ.ى)و (ج.ع.ا)ژلایێ مە هاتنە گرتن و دان پیدان ب تاوانا خو کرن  و کێشە هاتە رەوانەکرن بو دادگەهێ بو وەرگرتنا پێرابونێن یاسایى .

خەلکی خو یی خوشتفى دلنیا دکەین کو ب هاریکارى و دلسوزیا خەلکێ مە دگەل دەزگایێن ئینماهیێ کو هەردەم دێ باژیرێ مە یێ پاراستى بیت. و تاوانبار دێ گەهنە سزایێن خو یین عادیلانە .

رێڤەبەریا ئاسایشا پاریزگەها دهوکی 29/1/2016

223

ئەڤرۆ نیوز،ھەژار مەعروف:
تیما تەپا پێ یا زاخۆ بریار بوو ئەڤرۆ یاریا خوە بەرامبەر یانا شورتە ل یاریگەھا شورتە بکەت ژ چارچوڤێ یاریێن گەرا چارێ ژ قوناغا دوێ یا خۆلا فوکس یا عیراقێ لێ ژبەر پشکداریا چار یاریکەرێن شورتە ل گەل ھەلبژارتیێ ئولومپی عیراقێ یاری ھاتە پاشئێخستن بۆ دەمەکێ دی و بتنێ سێ یاری ژ ڤێ حەفتیێ ژ کوما دوێ ھاتنەکرن و دو ئەنجام د بەرژوەندیا یانا زاخۆ دا ب دووماھی ھاتن.
تیما سیناعە ئەڤرۆ شێیا خزمەتەکا مەزن بوو یانا زاخۆ بکەت دەمێ ل دقیقا ٩٤ ژ یاریێ گولا وەکھەڤیێ ل سەر یانا نەجەف توماربکەت کو تیما نەجەف ژی ئێک ژ ھەڤرکیێن یانا زاخۆ یە بۆ دەربازبوونێ بۆ قوناغا بژارە  و ژلایەکێ دیڤە دوھی تیما ھەولێر ژی وەکھەڤ بوو ل گەل حدود کو ئەڤ ئەنجامە  د بەرژوەندیا تیما زاخۆ دا بوو ژبەرکو ھەولێر خالێن وی گەھشتنە ١٩ خالان.
ھەلویستێ ڤێ کوما دوێ ب ڤی رەنگی یە
جەویە ژ ١١ یاریان ٢٢ خال ھەنە
مینا ژ ١١ یاریان ٢٠ خال ھەنە
زاخۆ ١٢ یاریان ٢٠ خال ھەنە
نەجەف ١٢ یاریان ٢٠ خال ھەنە
ھەولێر ١٣ یاریان ١٩ خال ھەنە
بەغدا ١٢ یاریان ١٧ خال ھەنە
شورتە ١١ یاریان ١٤ خال ھەنە

173

ئەڤرۆ نیوز:
نوکە سێ یاری ژ خۆلا فاست لینکا پلا نایاب یا ھەرێما کوردستانێ دھێنەکرن و نیڤا ئێکێ یا ھەر سێ یاریان ب دووماھی ھاتی ل یاریگەھا زاخۆ تیما تەپا پێ یا زاخۆ یا پێشکەفتی یە ل سەر یانا ھندرین ب گولا یاریکەرێ خوە بەروژ جادر.
تیما زێرەڤانی ھەلگرا ھەر سێ ناسناڤێن وەرزێ بوری یا پێشکەفتی یە ل سەر یانا کەرکوک ب دو گولان بەرامبەر گولەکێ ھەردو گولێن زێرەڤانی ژ لایێ یاریکەران بیلال سالح و پەیمان عەزیز ڤە ھاتینە تومارکرن و ھەردو یانێن ھەولێر و ئارارات ل یاریگەھا پیرمام وەکھەڤن

179

ئامێدیێ، مه‌حمود نهێلى
ژ ئه‌نجامێ بوردومانكرنا باله‌فرێن له‌شكه‌رى یێن توركیا بۆ سه‌ر ده‌ڤه‌رێ، به‌رى سپێده‌هیا رۆژا پێنج شه‌مبى 28/1/2016 ئاڤا سێ گوندێن سنورێ ناحیا دێره‌لۆك ل گه‌لیێ شێرانه‌ خراب كریه‌.
ته‌مه‌ر گه‌له‌كى هه‌لبژێرێ گوندێ گه‌له‌كى بۆ ئه‌ڤرۆ نیوز دیاركر، كو دوهى سپێدى فرۆكه‌یێن توركیا ب دژوارى گه‌لیێ شێرانه‌ بۆردومانكریه‌ و د ئه‌نجامێ دا ئاڤا گوندێ وانا خراب كریه‌ و گۆت: ( خه‌لكێ گوندى ل دووڤ دا چوویه‌ و دیار بوویه‌ چه‌ند قونبه‌له‌یێن مه‌زن ل سه‌روكانیا ئاڤێ كه‌فتینه‌ و بوریێن وانا یێن ئاڤێ دانه‌ و چه‌ندین بورى شكاندینه‌).

ئه‌ڤرۆ نيوز:

بوريا غازێ كورمو – هه‌ولێر ل نێزيك ناحيا شوان ته‌قى و ژ ئه‌گه‌رێ وێ هه‌ردو ويستگه‌هێن كاره‌با غازا هه‌ولێر و سلێمانيێ ژ كار كه‌فتن و كاره‌با نيشتمانى بۆ كێمتر ژ شه‌ش ده‌مژمێران كێم بوو و زێده‌تر ژ 1200 مێگاوات  ژ كاره‌با نيشتمانى كێم بوون.

 

 

 

website security
WP Facebook Auto Publish Powered By : XYZScripts.com