ئەڤرۆ نیوز،زنار تۆڤی:
ئەڤرۆ رۆژا ئەینی 29 کانینا دویێ تیرۆپشکا قوناغا بەری دوماهیا جاما شاهێ ئیسپانیا هاتە راکێشان و تێدا چار یانە ماینە و د ئەنجامدا یانەیا بەرشەلۆنا دێ یاریێ دگەل یانەیا سلتافیگۆ کەت و یانا ڤالنسیا ژی دێ دگەل یانەیە سیڤیلیا یاریێ کەت و دڤێ قوناغێ دا یاری دێ ب رەنگێ هاتنوچوونێ هێتەکرن و سەرکەفتیێ هەردو یاریان دێ گەهنە یاریێ دوماهیێ ژ جامێ شاهێ ئیسپانیا.
ئەڤرۆ نیوز:
راپورتێن رۆژنامەڤانی ل کولومپیا وەسا دیاردکەن دبیت ل ماوێ بھێت کچەکا نمایشکار یا روسی بنافێ ھێلیگا لوفکاتی بیتە ئەگەرێ ب دووماھی ھاتنا پەیوەندیا خێزانی دناڤبەرا یاریکەرێ ھەلبژارتیێ کولومپیا و یانا ریال مەدرید جمێس رودریگێز ل گەل ھەڤژینا وی یا نوکە، پشتی چەند رۆژنامەیێن کولومپی دیڤچوونا ڤی بابەتی کری کو پەیوەندیەکا نەھێنی یا دناڤبەرا ھولیگا رودرێگیزی ھەی تایبەت کچا رۆسی چەندین کومێنت جودا جودا ل سەر مالپەرێ تایبەت یێ یاریکەرێ کولومپی داینە و تێدا دیارکری یە ئەو ئێک ژ حەژێکەرێن.
ھەژی گوتنێ یە ھێلیگا لوفکاتی ئێک ژ بەرنیاسترین و جوانترین نمایشکارێن کچە ل وەلاتێ روسیا و چەندین جاران ل دەزگەھێن راگەھاندنێ و ل سەر پەیجێ خوە یێ تویتر و ئیستگرام دیارکری یە ئەو ئێک ژ حەژێکەرێن ڤی یاریکەری یە و دخوازیت ل گەل بژیت و حەژێکرنا رودریگیزی بوو وێ گەلەکا مەزنە
ئەڤرۆ نیوز،زنار تۆڤی:
ئوپۆزسیۆنا سووریێ بایکۆتا بەشداربوونا کۆنگرێ جنێف ۳ کر،کو وەسا بریاربوو ئەڤرۆ رۆژا 29 کانینا ئێکێ ل جنێفا سویسرا برێڤە بچیت،مەرەم ژ ڤی کۆنگرەی دوماهی پێئینانا شەرێ نافخۆیێ سووریایە. دەستەیا بلندا دانۆستاندنا ئوپۆزسیۆنا سووریێ یا بەشداربووی ل کۆنگرێ ریاز راگەهاند،مە بەرسڤا داخوازیێن خۆ وەرنەگرتینە،لەورا ب هیچ رەنگەکی ناچینە چنێف 3. ئوپۆزسیۆنا سووریێ وەک نیەتەکا پاقژ داخوازکربوو کو پێدڤیە رووسیا و سووریا بۆردومانا ئەسمانی راوەستینیت و ئابلۆقا ئابووری ل سەر دەڤەرێن گەمارۆ ل سەر بهێنە راکرن. دۆپاتکر ژی کو ئوپۆزسیۆنا سووریێ ئەڤڕۆ رۆژا ئەینی 29 کانینا 2016 دێ بەردەوامبیت ل کومبوونێن خۆ ل ریازا پایتەختێ سعودیێ،تا دگەهنە ئەنجامەکێ ل کونگرێسێ جنێف 3. خەولە مەتەر پەیڤدارا هنارتیێ نەتەوێن ئێکگرتی ل سووریێ راگەهاندیە،ئەڤرۆ رۆژا ئەینی 29 کانینا دویێ دێ دانوستاندنێن دەربارەی کۆنگرێ جنێف ۳ ل سووریێ دەستپێکەن و چ پاشخستن بۆ ڤی کۆنگرەی نینە. دەربارەی بەشداربوونا پەیەدێ مشتۆمرەکا مەزن کەفتیێ و تورکیا و ئوپۆزسیۆنا سووریێ دژی هندێ بوون کو پەیەدە پشکداریێ بکەت،لەورا هنارتیێ نەتەوێن ئێکگرتی ل سووریێ راگەهاند،کو پەیەدە پشکداریێ د ڤی کۆنگرەی دا ناکەت.
ئەڤرۆ نیوز،زنار تۆڤی:
جۆ بایدن جێگرێ سەرۆکێ ئەمریکا دیارکر،ئەو شەرێ ئەمریکا ل دژی داعشێ بەرپاکری بوویە ئەگەرێ هندێ کو داعش دەڤەرەکا زۆر ژ دەست بدەت،ل دۆماهیا ئەڤ سالە دێ سەرکەفتنێن مەزن بدەستڤە ئینین.
د چارچووڤێ پشتەڤانیکرنا سیاسەتا دەرڤە یا وەلاتێ خۆ جۆ بایدن دبێژیت،مە سەرکەفتنێن مەزن ل شەرێ دژی داعشێ بدەستخستینە.
هەروەسا دیمۆکراتێن کۆنگرێسی ژی پستەڤانیا سەرۆکێ وەلاتێ خۆ دکەن و بەحسێ هندێ دکەن کو وەلاتێ وان پشتەڤانیەکا مەزن ل رزگارکرنا روومادی ئەنجامدایە ل عێراقێ و هەروەسا بۆ رزگارکرنا رەققا سووریێ ژی دێ ئەنجامدەن.
بایدنی گۆتیەژی ئەم شیاینە 40% وان دەڤەرێن دبن کۆنترولا داعشێ رزگار بکەین.
ئه‌ڤرۆ نیۆز، قائید میرۆ
به‌رپرسه‌كێ وه‌زاره‌تا ئه‌وقاف و كاروبارێن ئاینی ئاشكراكر، وه‌زاره‌ت دێ بڕیاره‌كێ ده‌ربكه‌ت و گوره‌ی بڕیارێ هه‌ر وه‌لاتیه‌كێ گه‌شتا عومرێ دكه‌ت پێدڤیه گوژمه‌كێ پاره‌ی بۆ پێشمه‌رگه‌ی ژى بمه‌زێخیت.
كامه‌ران ئه‌حمه‌د، رێڤه‌به‌رێ په‌یوه‌ندیێن حه‌ج و عومرێ ب ئه‌ڤرۆ نیۆز راگه‌هاند” نوكه وه‌زاره‌تا ئه‌وقافێ مژولی ده‌ركرنا بڕیاره‌كێ یه لدۆر وه‌لاتیێن هه‌رێما كوردستانێ یێن گه‌شتا عومرێ دكه‌ن و گوره‌ی بڕیارێ هه‌ر وه‌لاتیه‌كێ هه‌رێمێ گه‌شتا عومرێ بكه‌ت، پێدڤیه گوژمه‌كێ پاره بۆ سندۆقا هاریكاریا پێشمه‌رگه‌ی بمه‌زێخیت.
كامه‌رانی گۆتژی” ئه‌ڤ بڕیارا ئه‌وقافێ پشتی نه‌ڕازیبوونا خه‌لكێ هه‌رێما كوردستانێ دهێت، كو دڤێ قه‌یرانێ دا خه‌لكه‌ك هه‌یه گه‌شتا عومرێ دكه‌ت و ره‌وشا دارایی وان وه‌لاتیان یاباشه و دڤێت هاریكاریا پێشمه‌رگه‌ی بكه‌ن.
ئه‌ڤرۆ نیۆز، قائید میرۆ
به‌رپرسێ میحوه‌رێ رۆژئاڤایێ كه‌ركووكێ ئاشكراكر، فڕۆكه‌یێن هه‌ڤپه‌یمانان تونێلێن داعش كرینه ئارمانج و هژماره‌ك چه‌كدارێن داعش هاتینه كوشتن و برینداركرن.
دكتۆر كه‌مال كه‌ركووكی، به‌رپرسێ میحوه‌رێ رۆژئاڤایێ كوردستانێ ب ئه‌ڤرۆ نیۆز راگه‌هاند” پشتی ده‌ستكه‌فتنا زانیاریێن هه‌والگه‌ری ژلایێ هێزێن پێشمه‌رگه‌ی، ئه‌ڤرۆ بۆ سێ جارا فڕۆكه‌یێن هه‌ڤپه‌یمانان چه‌ند تونێله‌كێن چه‌كدارێن داعش ل رۆژئاڤایێ كه‌ركووكێ بوردۆمانكرن و زیانێن مه‌زن گه‌هاندن تیرۆرستێن داعش.
كه‌ركووكی دیاركر، دده‌مێ بوردۆمانێ چه‌كدارێن داعش دناڤا تونێلانبووینه و گوره‌ی زانیاریێن مه شه‌ش چه‌كدار هاتینه كوشتن و هژماره‌كا زێده‌ترژی برینداربووینه
ئه‌ڤرۆ نیوز، زه‌رى نه‌وزاد:
ئه‌ڤه هنده‌ك هزرن دێ هاریكاریا ته‌كه‌ن تو پلانه‌كێ بدارێژى بو مه‌زاختن و خه‌رجیێن مالێ بو ده‌مه‌كێ دیار كرى ب تایبه‌ت ل ڤى ده‌مى كو قه‌یرانه‌كا ئابووریه و پتریا خێزانان داهاتێ وان كێم بوویه.
1_ده‌ستنیشانكرنا پێدڤیێن هه‌ره گرنگ: هه‌ر ژ ده‌ستپێكا دانانا پلانا خوه یا هه‌یڤانه هنده‌ك خالان بنڤیسه كو پێدڤیێن خێزانێ یێن هه‌ره گرنگن، دیسان وان خالان ژى بنڤیسه یێن دشیاندایه بهێنه پاشئێخستن، دیسان یێن نه گرنگ ژى بنڤیسه، ژ نوى ده‌ست ب نڤیسینا پلانا خوه بكه، بزانه هه‌ر خاله‌كێ چه‌ند مه‌زاختن بو دڤێت.
2_ده‌ستنیشانكرنا كوژمێ پێدڤیه بهێته مه‌زاختن بو هه‌یڤه‌كێ: بزانه ل دوڤ داهاتێ خوه پێدڤیه چ كوژمه‌یه‌كى خه‌رج بكه‌ى و ل هه‌مان ده‌م كوژمه‌یه‌كێ دیاركرى بدانه بو پێدڤیێن نه‌چاڤه‌رێ كرى ئانكو گه‌ر تو هه‌یڤێ 500 هزار دیناران خه‌رج بكه‌ى 100هزاران بدانه بو یه‌ده‌ك تاكو ژ پلانا خوه ده‌رنه‌كه‌ڤى.
3_ فێرى رێكێن نوى یێن مه‌زاختنێ ببه: دیڤچونا ماركێت و بازارێن كێمكرنێ دداننه سه‌ر كه‌لوپه‌لێن خوه بكه هه‌ول بده كه‌لوپه‌لێن خوه ب نرخێ كوم بكرى ل هه‌مان ده‌م فێقى و كه‌سكاتى ل دوڤ پێدڤیا خوه بینه و نه‌هێله زێده بیت و تێك بچیت.
4_ئارمانجا خوه یا سالێ دیار بكه: بزانه ل دوڤ داهات و خه‌رجیێن خوه ته ڤ ئارمانج هه‌یه بو دوماهیا سالێ وه‌ك:كرینا ئوتومبێله‌كێ،گهورینا خانى،كرینا زه‌ڤى، گهورین یان كرینا هه‌ر پێدڤیه‌كا كوژمه‌كێ مه‌زن دڤێت.
ئەڤرو نیوز:
بریارە ئەڤرۆ ل دەمژمێر ٢:٣٠ پشتی نیڤرو سێ یاری ژ گەرا شەشێ ژ کوما ئێکێ یا خۆلا فاست لینکا کوردستانی یا پلا نایاب بھێنەکرن کو د گرنگترین یاریا ڤێ حەفتیێ دا تیما تەپا پێ یا زاخۆ دێ ل یاریگەھا خوە مێڤانداریا تیما ھندرین کەت ، تیما زاخۆ نوکە ل سەرێ لیستەیا ڤێ کومێ دھێت ب حەفت خالان و تیما ھندرین رێزا سیێ دھێت ب شەش خالان ھەردو تیم ئارمانجا وان ئێکە ئەوژی سێ خالێن یاریێ و رێیا خوە خوشتر لێ بکەن بۆ دەربازبوونێ بۆ چار گوشا زێرین .
ژلایەکێ دیڤە ل یاریگەھا کەرکوک ھەلگرا ھەر سێ وەرزێن بوری ئەوا نوکە د رەوشەکا لاواز دابوریت ل چار یاریێن بوری نەشێای چو سەرکەفتنا ب دەستخوڤە بینت دێ بزاڤێ کەت ب رێیا تیما کەرکوک سەرکەفتنا ئێکێ توماربکەت و ھیڤێن خوە گەش بکەت بۆ پاراستنا ناسناڤێ خۆلێ و دەربازبوون بۆ قوناغا چار گوشا زێرین بەرامبەر تیما کەرکوک پاریەکێ ب سانەھی نابیت د دەستێ ھەلگرا ناسناڤێ خولێ ژبەرکو مێژویا یاریێن ھەردو تیمان ل یاریگەھا کەرکوک بۆ بۆ بەرژوەندیا خودانا یاریگەھێ ڤەدگەریت و ل یاریگەھا پیرمام ھەردو تیمێن ئارارات و ھەولێر دێ ھەمبەری ئێک کەن.
به‌روارى بالا ، زنار توڤى:
ژبه‌ر به‌فرو و سر و سه‌رمایێ و جه‌مدیدنا هه‌ر تشته‌كێ ته‌ر ل ده‌ڤه‌را به‌روارى بالا ئه‌ڤه چوار رۆژه ده‌واما قوتابخانان و هنده‌ك فه‌رمانگه‌هێن میرى هاتیه راگرتن و قوتابى نكارن بچنه قوتابخانان.
دڤى واریدا ناسر محه‌مه‌د رێڤه‌به‌رێ په‌روه‌ردا ئامێدیێ بۆ ئه‌ڤرۆ نیوز گۆت : ( هه‌ر ده‌ڤه‌ره‌كا كو پله‌یا گه‌رمایێ بگه‌هیته 10- ل ژێر سفرێ رێڤه‌به‌رێن قوتابخانان دكارن ده‌واما قوتابخانان رابگرن و نه‌چنه ده‌وامێ هه‌تاكو جاره‌ك دن پله‌یێن گه‌رمایێ بلند دبن ڤه )
زێده‌تر گۆت : ( ئه‌ڤ بریاره بتنێ بو قوتابخانه‌یێن بنه‌ره‌تى و باخچێن زاروكانه و قوتابخانه‌یێن ئاماده‌یى دكارن ده‌واما خوه بكه‌ن )
ل گوره‌ى زانیاریێن ئه‌ڤرۆ دوهى پله‌یێن گه‌رمایێ ل ده‌ڤه‌را به‌روارى بالا گه‌هشتبوویه 13 بو 15 پله‌یان ل ژێر سفرێ.
ئه‌ڤرۆ نیۆز، ئه‌یاد به‌رواری
مامۆستایه‌ك ل قوتابخانا مهاباد ل تاخێ گه‌لی، كو د خانیه‌كێ ب كرێ دابوو ل وی تاخی، ژبه‌ر گیرۆبوونا مووچان، خودانێ خانی ژ خانی ده‌ركر و نوكه چوویه د كاڤله‌كی ڤه.
قه‌یس حسێن ئیبراهیم بۆ (ئه‌ڤرۆنیۆز) گوت” ئه‌ز مامۆستایێ وه‌رزشێ مه ل قوتابخانا مهاباد ل تاخێ گه‌لی، ب سه‌ر په‌روه‌ردا شنگالێ مه و ئاوارێ شنگالێ مه، هه‌ر ل تاخێ گه‌لی من خانیه‌ك ب 450 هزار دیناران كرێ كربوو”.
قه‌سی گوت ژی” خێزانا من ژ چار كه‌سان پێك دهێت، كۆره‌كێ من قوتابیێ شه‌شێ ئاماده‌یی یه و ئێك ژی ل زانكۆیا كه‌ركووكێ دخوینیت، ژبه‌ركو مووچێ من وه‌كو هه‌موو فه‌رمانبه‌ران گیرۆبوو، خودانێ خانی داخوازا چۆلكرنا خانیێ وی ژ من كر و ئه‌ز ژی یێ هاتیمه ڤی كاڤلی ل قاتێ بنی یێ باله‌خانه‌كێ ل زركا و خودانێ باله‌خانێ بێ به‌رامبه‌ر ئه‌ز یێ حه‌واندیم”.
گوت ژی”ئه‌ڤه 20 رۆژه ئه‌ز یێ هاتیمه د ڤی كاڤلی ڤه و ڕۆژانه ب تاكسیێ ژ زركا دچمه تاخێ گه‌لی ل ده‌واما خوه ل قوتابخانێ و ل ڤان ڕۆژان دێ ده‌ست ب مامه‌لا ڤه‌گوهاستنا خوه‌كه‌م بۆ قوتابخانه‌كا نێزیك”.
نيشاندان