ئه‌ڤرۆ نيوز: ره‌وان نهێلى:
دامه‌زرێنه‌رێ فێسبوكێ مارك زوكيبرج دوهى ل فێسبوكێ خوه نڤێسيه: ئه‌ڤرۆ رۆژا ده‌واما منه پشتى موله‌تا بابينيێ، نزانم چ بكه‌مه به‌رخو….. مارك زوكيبرج وێنێ كه‌نتورا جلكێن خوه به‌لاڤكريه كو ب ڤى ره‌نگى يه و ئێك ره‌نگ:
ڤى وێنه‌ى ده‌نگڤه‌دانه‌كا مه‌زن ل فێسبوكێ دروست كر و هنده‌كان نڤێسى يه :
ئه‌ڤه‌يه مارك
ملياردێره، به‌لێ پارا بۆ جلك و ترۆمبێلان نامه‌زێخيت، به‌لكو پارێ خوه بۆ پێشڤه‌چوونا مروڤايه‌تيێ دمه‌زێخيت.
ئه‌ڤرۆ نيوز، نيوار محه‌مه‌د سه‌ليم:
رۆژنامه و مالپه‌رێ هاولاتى، هه‌تا هه‌يڤه‌كا دى دێ به‌رده‌وام بن و ل 25ى شوباتا بهێت دێ بۆ ده‌مه‌كێ نه‌ديار هێنه راوه‌ستاندن.
ئه‌ڤرۆ نيوز: زه‌رى نه‌وزاد:
ل دووڤ ئاماره‌كا كومپانيا ADC يا تایبەت ب ڤه‌كولينێن بازارى، دياربوويه ل چارێكا دووماهيا سالا بوورى، داخوازى ل سه‌ر كومپيوته‌رى ب رێژا 6% كێم بوويه و ئه‌گه‌رێ ڤێ يه‌كێ ژى ڤه‌گه‌رنديه بۆ زێده‌بوونا داخوازيان ل سه‌ر ئاميرێن زيره‌ك.
كومپانيێ ئاماژه ب وێ يه‌كێ دايه كو سالا بوورى داخوازى ل سه‌ر ئاميرێن ئه‌پل ب رێژا 6% زێده‌بوويه ژ ئه‌گه‌رێ نزميا بهايێ وێ و داهێنانێن به‌رده‌وام د بوارێ چاكسازيێ دا.
ئەڤرۆ نیوز، مەحمود نھێلی
ژ ئەگەرێ قەیرانا ئابوری و رەوشا ھەرێمێ و ژ بۆ پتر ھاریکاری کرنا وەلاتیێن دەڤەرێ و بتایەبتی ژی نەخوشان و کێم دەرامەتان ھندەک ژ جھێن بازرگانی و ساخلەمی و کلینیکێن نوژداری بھاییێن خوە کێم کرینە.
دکتور نەجیب رێڤەبەرێ ساخلەمیا قەزا ئامێدیێ بۆ ئەڤرۆ نیوز دیارکر، کو ژ بەر رەوشا نھا یا ھەرێمێ و بارودوخێ ئابوری یێ وەلاتیان و نەبوونا موچەیان مە فەردیت ل ھند جھێن نوژداری یێن دەڤەرێ کێمکرنا دانینە سەر بھایان و گۆت : (20% ژ بھایێن تاقیگەھا مە یا نوژداری ل شێلادزێ کێمکرینە و ئەڤە ژی دێ بێتە ھاریکاریەک بۆ خەلکێ دەڤەرێ).
ئامێدیێ، مه‌حمود نهێلى
ب مه‌ره‌ما نیزیك هایدار بوون ل سه‌ر ره‌وشا خێزانێن شه‌هیدێن شه‌رى داعش و هاریكارى كرنا وانا شانده‌كى لقێ هه‌ژده یێ پارتى دیموكراتى كوردستانى سه‌را چه‌ندین خێزانێن شه‌هیدان دان و هاریكاریێن لقێ پێشكێشى وانا كرن.
ئیبراهیم ره‌زیكى به‌رپرسێ نڤیسینگه‌ها ره‌وشه‌نبیرى و راگه‌هاندنا لقێ ناڤبرى بۆ ئه‌ڤرۆ دیاركر، به‌رى ئازادكرنا باژێرێ شنگالێ لقێ هه‌ژده سه‌را ته‌ڤایا خێزانێن شه‌هیدێن شه‌رێ داعش دایه ل سنورێ لقێ وانا و بتنێ ئه‌و مابوونه یێن پشتى ئازادكرنا شنگالێ شه‌هید بووین و د سه‌ره‌دانێ دا، به‌رپرسێ لقێ، فه‌ریق فاروق و كوردستان هوره‌یى كارگێرا لقێ به‌شدار بوون هاریكاریێن لقێ پێشكێش ڤان خێزانان كرن .
ئەڤرۆ نیوز، بارزان مزووری:
سەرۆکێ پۆلیسێن ئێکەتیا ئورۆپا راگەھاند کو چەکدارێن تیرۆرستێن داعش نەخشە رێیەکا مەزن ئامادە کریە کو ھێرشێ بکەنە سەر ئورۆپا.
روب واینرایت سەروکێ پۆلیسێن ئێکەتیا ئورۆپا ل رۆژا دوشەمبی 26 کانونا دویێ 2016 راگەھاند کو چەکدارێن تیرۆرستێن داعش ب ھەموو ھێزا خوەڤە بەرھەڤیێن خوە بۆ زنجیرەیەکا “پەلامارێن تیرورستی” دکەن کو ھێرشێ بکەنە سەر جیھانێ و وەلاتێن ئورۆپا، وەلاتێ فەرەنسا کریە ئێک ژ ئارمانجێن ھێرشا خوە یا سەرەکی.
گۆتیژی: “ل دووڤ نووترین راپۆرت چەکدارێن تیرۆرستێن داعش دڤێت ھێرشەکا بەرفرەھـ بکەتە سەر وەلاتێن ئورۆپا”.
ئه‌ڤرۆ نيوز، زه‌رى نه‌وزاد:
د ڤه‌كولينه‌كێ دا كو ل سه‌ر 32 جورێن سوراڤ و له‌ماعێن لێڤا هاتيه ئه‌نجامدان، كو پرانيا وان ل بازارێن جيهانێ ده‌ست دكه‌ڤن و زورترين ئافره‌ت بكاردئينن، سوراڤ دبيته ئه‌گه‌رێ ژه‌هراويبوونا له‌شى ژبه‌ر كو پيچه‌كا رساسى و كادميوم و كروم يێت تێدا و ديسا دبيته ئه‌گه‌رێ توشبوون ب په‌نجه‌شێرا حه‌فكێ و مه‌عيدێ.
ئەڤرۆ نیوز، قائید میرۆ:
ئەندامەکێ لیژنا ساخلەمی ئیماژە بڤێ چەندێ دکەت، مەترسی ھەیە بەغدا بەھرا ھەرێما کوردستانێ ژ دەرمان و کەل و پەلێن ساخلەمی ببڕیت.
سرۆد سەلیم، ئەندامێ لیژنا ساخلەمی یا پەرلەمانێ کوردستانێ ب ئەڤرۆ نیۆز راگەھاند” ھەر ژ دەستپێکێ بەغدا بەھرا ھەرێما کوردستانێ ژدەرمان و کەل و پەلێن ساخلەمی بۆ ھەرێما کوردستانێ فڕێناکەت، مەترسی ھەیە رۆژەک بھێت حوکمەتا عێراقێ دەرمانا بۆ ھەرێما کوردستانێ ھەر نەھنێریت و ب ئێکجاری ببڕیت، ئەڤەژی جھێ مەترسیێ یە.
سەلیم دیارکر” ھیڤیدارین بەغدا پێنگاڤێن بڤی شێوەی نەھاڤێژیت، ژبەرکو دەرمان بابەتەکێ مرۆڤیە و ھەردەمێ بڕیارەکا وەسا ھاتەدان، ئەڤە حوکمەتا ھەرێما کوردستانێ دێ دەرمانا بۆ نەخۆشخانە و بنگەھێن ساخلەمی دابین کەت.
ئه‌ڤرۆ نيوز:
نێچيرڤان بارزانى سه‌رۆكێ حوكمه‌تا هه‌رێما كوردستانێ ل ده‌مێ پێشكێشكرنا گۆتاره‌كێ د كۆنفرانسێ چاكسازيێن داراى، به‌حس ل مووچێ فه‌رمانبه‌ران كر و راگه‌هاند: ئه‌و پارێ ئه‌م وه‌ردگرين كێمتره ژ مووچێ وان، به‌لێ مووچێ چو فه‌رمانبه‌ران ناسوژيت و ئه‌وێ دمينيت دێ بيته قه‌ر.
سه‌رۆكێ حوكمه‌تێ راگه‌هاند ژى كو كێمكرنا مووچێ فه‌رمانبه‌ران چاكسازيا دارايى نينه، به‌لكو سياسه‌تا ده‌ستگرن ب پاره‌يه، داخواز ژى ژ وه‌لاتێن ژ ده‌رڤه كر كو هاريكاريا دارايى يا هه‌رێما كوردستانێ بكه‌ن، چونكو ئه‌و ژ شه‌رێ داعش دژوارتره.
نيشاندان