ئه‌ڤرۆ نیوز:
ژ ئه‌گه‌رێ نقومبوونا به‌له‌مه‌كێ ل نێزیك كنارێن توركیا ، 12 كوچبه‌ر خه‌ندقین كو د ناڤ وان دا ژن و زارۆ هه‌نه و چاره‌نڤیسێ 13 كوچبه‌رێن دى نه‌یێ دیاره.
ژێده‌ره‌كێ پاسه‌وانى یێن كه‌رێن توركیا راگه‌هاند” ل دورگه‌ها لیسبوس یا یونانى، به‌له‌مه‌ك كو 50 كوچبه‌ر هه‌لگرتبوون، نقوم بوو و ژ ئه‌گه‌رێ وێ 12 كوچبه‌ر خه‌ندقین و 25 دن ژى ژ ئالیێ تیمێن ده‌ریاڤانى هاتنه رزگاركرن، به‌لێ هه‌تا نوكه چاره‌نڤیسێ 13 كوچبه‌ران نه‌یێ دیاره.
ئه‌ڤرۆ نيوز:
ب گۆره‌يى بۆرصه‌يا پاره‌گوهۆڕان ل دهۆكێ ئه‌ڤرۆ رێكه‌فتى 17ى چريا ئێكێ يا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
د. ئاراس حه‌سۆ ميرخان، ئه‌ندامێ جڤاتا سه‌ركرداتيا پارتى ديموكراتى كوردستان راگه‌هاند: به‌رى يوسف محه‌مه‌د بێته هه‌ولێر هاتبوو ئاگه‌هداركرن كو كاودان د ئالۆزن و بلا چه‌ند رۆژان نه‌هێته هه‌ولێر، به‌لێ ته‌حه‌دا كربوو و ژ به‌ر هندێ ژى رێ پێ نه‌هاته دان بێته هه‌ولێر.
ته‌كست ژى ل سه‌ر وێ چه‌ندێ كر كو پارتى بڕيار يا ب ئێكجارى دايى و جاره‌كا دى رێ ناده‌ت ببيته سه‌رۆكێ په‌رله‌مانێ كوردستانێ.
ئه‌ڤرۆ نيوز:
فه‌رمانده‌كێ هێزا پێشمه‌رگه‌ى راگه‌هاند: ژ لايێ هێزێن پێشمه‌رگه‌ى ڤه، فرۆكه‌كا بێ فرۆكه‌ڤان يا داعش خستيه خوار كو بۆ كارێ سيخوريێ ره‌وانه كربوو.
شه‌وكه‌ت زێوه‌ى، فه‌رماندێ ليوا چار يا هێزا پێشمه‌رگه‌ى بۆ مالپه‌رێ فه‌رميێ پارتى ديموكراتى كوردستان راگه‌هاند: فرۆكه‌كا بێ فرۆكه‌ڤان يا داعش ل ده‌ڤه‌را گۆلات ژ لايێ داعش ڤه بۆ سه‌ر چه‌په‌رێن پێشمه‌رگه‌يى بۆ كارێ سيخوريێ ره‌وانه كربوو خسته خوار.
زێوه‌ى گۆتژى: “ئه‌ڤرۆ جاره‌كا دى فرۆكه‌كا دى ره‌وانه كريه، به‌لێ ژ به‌ر كو ل ئه‌سمانى بلند ببوو، نه‌شيان بێخنه خوار و رزگار بوو”.
ئه‌ڤرۆ نيوز:
كۆمپانيا مايكرۆسۆفت نووياتيه‌كا دى د ڤێرژنێ خوه دا كو بۆ به‌رنامێ سكايپ كو رێ دده‌ت په‌يوه‌نديێن تله‌فۆنى ب رێيا سكايپى بكه‌ى هه‌كه خوه ته ئه‌كاونت ژى نه‌بيت.
بكارئينه‌رێن سكايپى ل سه‌ر ويندوز و ماك دشێن سكايپ وێب ڤه‌كه‌ن و ل سه‌ر ئێكسپلۆره‌رى په‌يوه‌نديێ ب هه‌ر كه‌سه‌كى د رێيا په‌يوه‌نديا تايبه‌ت ب هه‌ر به‌رنامه‌كى ڤه دهێته كرن ل سه‌ر تويته‌ر و وه‌تسئاپ هه‌ڤپشك بكه‌ن.
جارێ كۆمپانيا مايكرۆسۆفت ئه‌ڤ تايبه‌تمه‌نديه ل ئه‌مريكا و بريتانيا خستيه كار.
بكارئينه‌رێن سكايپ د ێيا كليك كرنێ ل سه‌ر NEW لينكى ڤه‌كه‌ن و كۆپى بكه‌ن و په‌يوه‌نديێ به‌رده‌وام كه‌ن و دشێن په‌يوه‌نديێ ب ره‌نگێ كت و كۆم بكه‌ن.
ئه‌ڤرۆ نيوز:
بڕياره د هه‌ردو رۆژێن بهێت دا، هێزێن ئاسايشێ و وه‌زاره‌تا ناڤخۆ ل حوكمه‌تا هه‌رێما كوردستانێ مووچێ هه‌يڤا تيرمه‌هێ وه‌ربگرن و ب گۆره‌يى هنده‌ك ژێده‌ران ژى ڤێ حه‌فتێ چه‌ندين وه‌زاره‌ت و ده‌سته‌يێن دژى دێ مووچه‌يى وه‌رگرن.
پێشتر د داخۆيانيه‌كێ دا ل دۆر مووچان، سه‌فين دزه‌يى ئاخفتنكه‌رێ ب ناڤێ حوكمه‌تا هه‌رێما كوردستانێ راگه‌هاند بوو ل رۆژا ئێكشه‌مبى و دوشه‌مبى رێكه‌فتى 18 و 19ى چريا ئێكێ يا 2015ێ هێزێن ئاسايشێ ل گه‌ل وه‌زاره‌تا ناڤخۆ مووچێ هه‌يڤا تيرمه‌هێ وه‌ربگرن.
هه‌ر ب گۆره‌يى ئه‌و پێزانينێن ل به‌ر ده‌ستێ ئه‌ڤرۆ نيوز ژى بڕياره دڤێ حه‌فتيێ دا چه‌ند وه‌زاره‌تێن دى و ده‌سته ل حوكمه‌تا هه‌رێما كوردستانێ مووچه‌ى وه‌ربگرين كو ئه‌ڤى ژێده‌رى ب “حه‌فتيا مووچان” ئه‌ڤ حه‌فتيه ب ناڤ كر.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئێكشه‌مبى رێكه‌فتى 18ى چريا ئێكێ يا 2015ێ ئه‌سمانێ دهۆكێ دێ ساهى بيت ل گه‌ل هنده‌ك ئه‌ورێن كێم، پلێن گه‌رمێ ژى دێ بلند بن.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن نزمێن ده‌ريا ناڤه‌راست بۆ سه‌ر هه‌رێما كوردستانێ دهێته پێشبينيكرن ئه‌سمانێ دهۆكێ دێ ساهى بيت ل گه‌ل هنده‌ك ئه‌ورێن كێم.
پشكا پێشبينيان دايه زايه زانين كو دهێته پێشبينيكرن بلندترين پلێن گه‌رمێ يێن پارێزگه‌هێن هه‌رێمێ ب ڤى ره‌نگى بن: دهۆك 30 پله، سلێمانى 31 پله، هه‌ولێر 32 پله و كه‌ركووك 33 پله.
ئەڤرۆ نیۆز، قائید میرۆ
قوتابیەکێ گەنج د رۆبارێ قەندیلی دا خەندقی و گیانێ خوە ژدەستدا.
موقەدم کاروان خۆشناو، پەیڤدارێ پۆلیسێن ھەولێرێ ب ئەڤرۆ نیۆز راگەھاند” ئێڤاریا دوھی گەنجەکێ ناحیا ھەریرێ بناڤێ ھزرڤان دلشاد تەمەن ١٨ سال، ب مەرەما مەلەڤانیێ چوویە سەر رۆباری قەندیل و د ئەنجامدا خەندقییە.
کاروانی گۆتژی” ئەگەرێ خەندقینا ڤی گەنجی بۆڤێ چەندێ ڤەدگڕیت جھێ مەلەڤانیێ یێ کوربوویە و تیمێن ھەوارھاتنێ و پۆلیسان دەمەکێ زوو گەھشتن جھێ روویدانێ و ڤەکۆلین د بەردەوامن.
ئه‌ڤرۆ نيوز:
ئه‌ڤرۆ 17ى چريا ئێكێ يا 2015ێ كۆنفرانسێ ميونشن ب هه‌ماهه‌نگيا ناڤبه‌را ئيران و ئه‌لمانيا و ب پشكداريا ئه‌ندامێن وى گرۆپى و هاريكاريا په‌يمانگه‌ها ڤه‌كولينێن سياسى و نێڤده‌وله‌تى ل ته‌هرانا پايته‌ختێ ئيرانێ ده‌سپێكر.
ته‌وه‌رێ سه‌ره‌كى يێ كۆنفرانسى دێ يێ تايبه‌ت بيت ب دانوستاندنێ و ڤه‌كولينێ ل سه‌ر شه‌رێ ناڤخۆ يێ سوريێ و رۆلێ ئيرانێ ل ده‌ڤه‌رێ ب تايبه‌ت پشتى ئيمزاكرنا رێكه‌فتنا ئه‌تۆمى.
شاندێ هه‌رێما كوردستانێ يێ پێكهاتيه ژ نێچيرڤان بارزانى سه‌رۆكێ حوكمه‌تا هه‌رێما كوردستانێ و د. رۆژ نورى شاويش جێگرێ به‌رێ يێ سه‌رۆك وه‌زيرێن عيراقێ و سه‌فين دزه‌يى ئاخفتنكه‌رێ ب ناڤێ حوكمه‌تا هه‌رێما كوردستانێ.
ئه‌ڤرۆنیۆز، ئه‌یاد به‌روارى
فرۆكێن روسی ژ جۆرێ (سو 30) كو عیراقێ ژ روسیا كڕی بوون، ده‌ست ب هێرشێن ئه‌سمانى دژی داعشێ ل عیراقێ كرن.
كه‌نالێ (روسیا الیوم) یێ روسی د راپۆرته‌كا خوه دا دیاركر كو فرۆكێن روسی 3 جهێن داعشێ ل پارێزگه‌ها سه‌لاحه‌دین ژناڤبرن و كاروانه‌كێ ترومبێلێن داعشێ كو به‌ر ب مووسلێ دچوو توپبارانكر.
ل دووڤ هنده‌ك ده‌نگوباسان، روسیا ب شێوه‌كێ ب له‌ز فرۆكێن ژ جۆرێ ( سو 35) و هه‌لیكوپته‌رێن ژ جۆرێ (می 28) و (می 35) و سیسته‌مێ ره‌شاشێن گران و موشه‌كێن سه‌ر ملی و تۆبخانه و زریپۆشێن دژی مینان یێن داینه عیراقێ.
فلادیمێر كۆچین هاریكارێ سه‌رۆكێ روسیا به‌ری نوك د داخۆیانیه‌كێ دا گوتبوو” روسیا یا به‌رده‌وامه ل سه‌ر پشته‌ڤانیا خوه یا ته‌كنیكی و له‌شكری بۆ عیراقێ و رێژا چه‌كێ بۆ عیراقێ هاتیه فرۆتن ب سه‌دان ملیۆن دۆلارانه”.
نيشاندان