ئەڤرۆ نیوز،زنار تۆڤی:
ماریا زاخارۆڤا پەیڤدارا وەزارەتا دەرڤە یا رووسیا دبێژیت:تورکیا پشتگیریا گرووپێن تۆندرەوێن بەرەیێ نوسره و ئەحرار شام دکەت،پێدڤیە تورکیا دەست ژ کوشتنا کوردان بەردەت ل دەڤەرێن کوردستانا باکوور،
هەروەسا پێدڤیە قەدەغەیا هاتنوچۆنێ ل دەڤەرێن کوردی بهێتە راکرن و رێ ب هاتنا چاڤدێران بهێتەدان بۆ ناڤ توڕکیا،هەروەسا دبێژیت،بەری دەستپێکرنا گفتۆگویان ل تورکیا گرووپێن تۆندرەو زێدەبووینە.
ئه‌ڤرۆ نيوز: ره‌وان نهێلى:
رائيدێ مافپه‌روه‌ر هێمن سلێمان به‌رپرسێ په‌يوه‌ندى و راگه‌هاندنا رێڤه‌به‌ريا پۆليسێن پارێزگه‌ها دهۆكێ بۆ ئه‌ڤرۆ نيوز دياركر ئه‌و ژنا فه‌رمانبه‌ر ئه‌ڤا ئێك مليون دولارێن خه‌لكى برى، يا داخواز كريه ژ ئاليێ پۆليسان ڤه كو بهێته گرتن وگوت: ڤێ فه‌رمانبه‌را ژن پارێ چ فه‌رمانبه‌ران نه‌بريه وه‌ك هنده‌ك ده‌زگه‌هان به‌لاڤ كرى، به‌لكو پارێن خه‌لكه‌كى بريه هه‌تا كو هنده‌ك وه‌لاتى، كه‌س و كارێن وێ يێن نێزيكن كو پارێن وان ل ده‌ف وێ نه و ب به‌هانا وێ يه‌كێ ژێ ستاندينه كو كار بۆ پێ بكه‌ت.
ئەڤرۆ نیوز:
پیشەکارێ سوری یێ یانا دھۆک ئەحمەد دونی پێکھاتیێ تیما تەپا پێ یا دھۆک یا پشکدار دخۆلا عیراقێ دا ب جھـ ھێلا و بەر ب وەلاتێ بەحرێن چو .
ئەحمەد دونی دوھی ب فەرمی دەست بەردانا خوە ژ یانا دھۆک وەرگرت پشتی گەھشتی یە رێککەفتنێ ل گەل دەستەیا کارگێریا یانێ ھەڤبەستا وی ھاتیە ھەلوەشاندن ب ھەڤالینی دناڤبەرا ھەردو لاینە ڤە ژبەرکو یاریکەری بۆ یانێ دیارکر بوو پشتی یاریێن یانا دھۆک ب دووماھی بھێن دخۆلا عیراقێ دا ئەو دێ زێدەتر ژ پێنج ھەیڤا ژ یاریان دورکەفیت و ئەو نووی ژ ھنگافتنێ ڤەگەریا ئەڤ چەندە بوو وى دێ یا خراب بیت و کارگێریا یانێ رازی بوو دەست بەردانا وی ب دەتێ .
یاریکەری پەیوەندیەکا تەلەفونی دا بۆ ئەڤرۆ نیوز دیارکر ئەو داخوازا لێبورینێ ژ ھەمی حەژێکەرێن یانا دھۆک دکەت و ئەو سوزێ دەتە یانێ ھەکە یاریێ ل خۆلا عیراقێ بکەت بتنێ دێ درێسێ یانا دھۆک ل بەر خوە کەت ژبەرکو ئەڤ یانە بۆ دەرگەھـ جارەکا دی ئاستێ خوە ڤەگەرینت ل وەرزێ بوری و ل وەرزێ ئەڤ سالە ژی .
ل دیڤ پێزانین گەھشتی نە بەر دەستێ ئەڤرۆ نیوز یاریکەرێ یانا دھۆک ئەحمەد دونی دێ ھەڤبەستا یانا رەفاع یا بەحرێنی ئیمزاکەت ئێک ژ یانێن بەرنیاسە ل سەر ئاستێ خۆلا بەحرێن.
ئەڤرۆ نیوز، ھەژار مەعروف:
تیما تەپێ یا زاخۆ ل یاریگەھا خوە یا نوو ب سەرپەرشتیا راھێنەرێ خوە یێ رومانی یێ نوو شێیا سەرکەفتنەکا مەزن ل سەر یانا حدود یا بەغدادی تومارکر ب سێ گولان بێ بەرامبەر و ھەر سێ گولێن یانا زاخۆ ژلایێ یاریکەران حسێن عەبدولواحد دو گول و پیشەکارێ وێ یێ لیبی موھند سالم گولەک .
ب ڤی ئەنجامی تیما زاخۆ خالێن خوە گەھاندنە ٢٠ خالان و ژ رێزا پێنجێ پێشڤە ھاتە رێزا سیێ د لیستەیا کوم دوێ دا .
ژلایەکێ دیڤە تیما ھەولێرێ ژ دەرڤەی یاریگەھا خوە ل گەل کەربەلا وەکھەڤ بوو ب گولەکێ.
ئەڤرۆ نیوز:
نوکە سێ یاری ژ یاریێن خۆلا فاستلینکا کوردستانێ یا پلا نایاب دھێنەکرن ئەنجامێ نیڤا ئێکێ ژ ھەر سێ یاریێن کوما دوێ ب ڤی رەنگی نە.
تیما تەپا پێ یا دھۆک یا پێشکەڤتی یە ب گولەکێ بێ بەرامبەر ئەوا ژلایێ یاریکەرێ وێ شێرزاد ئەمین ڤە ھاتیە تومارکرن و تیما گارە ل یاریگەھا خوە یا خوسارەتە ب سێ گولان بەرامبەر گولەکێ و برایەتی یا پێشکەڤتی یە ل سەر سولاڤ ب گولەکێ.
ئه‌ڤرۆ نیوز، ئه‌كره‌م ئیبراهیم
ئه‌ڤرو سپێدێ ب ئاماده‌بونا فه‌رهاد ئه‌مین ئه‌تروشى پارێزگه‌رێ دهوكێ رێ ره‌سمێن گوهرینا رێڤه‌به‌رێ گشتى یێ رێك و پرا و ئاڤاكرن و ئاكنجیكرنێ ل دهوكێ برێڤه چون ,,
دڤان رێ و ره‌سمان دا كو ل دیف رێكه‌فتنا دنافبه‌را پارتى دیموكراتى كوردستان و ئێكگرتوى ئیسلامى كوردستان بو پێك ئینانا حكومه‌تا خوجهى یا پارێزگه‌ها دهوكێ بو ,, به‌رێز فه‌رهاد ئه‌مین پارێزگه‌رێ دهوكێ ده‌ست خوشى ل رێڤه‌به‌رێ به‌رێ (ئه‌ندازیار ئه‌مین حسێن عه‌بدولره‌حمان) كر و سوپاسیا وى كر بو كارێ ژ هه‌ژى یێ دڤان چوار سالێن بوریدا ل رێڤه‌به‌ریا گشتى یا رێك و پرا و ئاڤاكرن و ئاكنجیكرنێ ئه‌نجام داى ب هاریكارى و هه‌فكاریا كارمه‌ندێن رێڤه‌به‌رێ و ئاماژه كره رولێ به‌رچاڤ و پیروز یێ رێڤه‌به‌رێ گشتى و ئه‌ندازیار و كارمه‌ندین وان دشه‌رێ دژى تیرورستێن داعشدا و گوت ژبه‌ر كو ژبه‌ر رولێ وان جه‌نابێ سه‌روكێ هه‌رێما كوردستانێ سوپاسیه‌كا تایبه‌ت دایه رێڤه‌به‌رێ گشتى و كارمه‌ندێن رێڤه‌به‌ریا گشتى یا رێك و پرا و ئاڤاكرن و ئاكنجیكرنێ ,,
هه‌روه‌سا پارێزگه‌رێ دهوكێ داخازا سه‌ركه‌فتنێ بو رێڤه‌به‌رێ نوی ێ رێك و پرا و ئاڤاكرن و ئاكنجیكرنێ (ئه‌ندازیار معسوم ئیبراهیم ) كر و به‌هه‌ڤیا كارگێریا پارێزگه‌ها دهوكێ بو هه‌ر هاریكارى و پشته‌ڤانیه‌كا پێدڤى بیت بو سه‌ركه‌فتنا كارى و خزمه‌تكرنا هاولاتیان دوپاتكر ,,
دداخویانیه‌كێ بو راگه‌هاندنێ به‌رێز فه‌رهاد ئه‌مین پارێزگه‌رێ دهوكێ دیار كو ل دیف رێكه‌فتنا سیاسى ئه‌وا دنافبه‌را پارتى دیموكراتى كوردستان و ئێكگرتوى ئیسلامى كوردستان دا هه‌ی ئه‌ڤرو حازر بوینه بو دانانا رێڤه‌به‌رێ گشتى یێ نوى یێ رێك و پرا ئه‌ندازیاز( مه‌عسوم ئیبراهیم) ل شوینا ئه‌ندازیار (ئه‌مین حسێن) و گوت : پشكه‌ك ژوێ رێككه‌فتنێ هاتیه بجهئینان ل ئامێدیێ و ئاكرێ و زاخو دهوك ژى هنده‌ك و یێن دیژى هه‌مى دێ هێنه بجهئینان ,,هه‌روه‌سا پارێزگه‌رێ دهوكێ گوت : من دڤێت ئه‌ز ئاماژێ بكه‌م كو ده‌مێ رێككه‌فتن هاتیه كرن وه‌كو پارتى قه‌ناعه‌ت ب وێ رێككه‌فتنێ یا هه‌ى بو ڤێ قوناغێ ب تایبه‌ت بو پارێزگه‌ها دهوكێ و ده‌ستكه‌فته‌كه بو هه‌مى خه‌لكێ پارێزگه‌هێ و ئه‌ف رێكه‌فتنه هاته بجهئینان و ئه‌وا ماى ژى دێ هێته بجهئینان و ئه‌م وه‌كو پارتى پێگیرین ب جهئینانا وێ رێكه‌فتنێ و بتنێ ژبه‌ر روتینا ئیدارى هنده‌ك ماینه گیروبون و هه‌ر بو زانین جێگرێ پارێزگارى بو كاروبارێن هونه‌رى فه‌رمانا وى هاتیه ژ سه‌روكاتیا حكومه‌تا هه‌رێما كوردستانێ و خودێ حه‌ز بكه‌ت ل هه‌فتیا بهێت ئه‌وژى دێ ده‌ست بكار بیت .. هه‌روه‌سا پارێزگه‌رێ دهوك پیروزباهى ل ئه‌ندازیار معسوم ئیبراهیم كر و داخازیا سه‌ركه‌فتنێ بو كر و پشته‌ڤانى و هه‌فكاریا پارێزگه‌هێ بو دوپاتكر و سوپاسیا ئه‌ندازیار ئه‌مین حسێن كر بو وى كارێ دماوێ بوریدا ئه‌نجام داى كو جهێ ده‌ست خوشیێ بو ژلایێ سه‌روكێ هه‌رێمێ و سه‌روكاتیا حكومه‌تا هه‌رێما كوردستانێ ڤه و ئه‌م ژى وه‌كو كارگێریا پارێزگه‌هێ ده‌ست خوشیێ لێ دكه‌ین ,,
دیسان گوت تشتێ هه‌ره سه‌ره‌كى بو مه هه‌میا ئه‌وه كوهرین تشته‌كى زور سروشتى یه و دسیسته‌مێن دیموكراسى دا و ل وه‌لاتێن جیهانێ ..
هه‌ژى گوتنێ یه ئه‌ندازیار ئه‌مین حسێن ل روژا 26/2/ 2012 ده‌ست ب كاربویه وه‌كو رێڤه‌به‌رێ گشتى یێ رێك و پرا و ئاڤاكرن و ئاكنجیكرنێ ل پارێزگه‌ها دهوكێ .
ئەڤرۆ نیوز، زنار تۆڤی:
ئاشتن کارتەر وەزیرێ دەرڤە یێ ئەمریکا د پرێس کونفرانسەکی دا دیارکر:مە پێدڤی بھاریکاریێن دۆجستی یێن نێڤدەولەتی ھەیە زۆ ژناڤبرنا داعشێ و ھەروەسا بھاریکاریا ھەڤپەیمانا خۆ وەلاتێ فرنسا دێ داعشێ ژناڤبەین،ناڤھاتی گۆت ژی،دێ ھەمی جھان ھەلمەتێن ھێرش برنێ ل سەر داعشان چرترکەین ژ پێخەمەت گۆرزێن کۆژەک لێدەین و ژناڤ ببەین.
ئەڤرۆنیوز، سالار دۆسکی:
رێڤەبەریا حەج و عومرێ ل پارێزگەھا دھۆکێ ژڤانێ چوونا عومرێ دیارکر و ئاشکراکر کو پارێ چوونا عومرێ ئەڤ سالە کێم بوویە.
شێخ شەمسەدین شوشی رێڤەبەرێ حەج و عومرێ ل پارێزگەھا دھۆک بۆ ئەڤرۆ نیۆز ئاشکراکر کو بھایێن چوونا عومرێ ل ئەڤ سالە ھاتینە دیارکرن و ھەر کەسەکێ بڤێت قەستا عومرێ بکەت دشێت ناڤێ خوە بنڤیست.
ناڤبری ئاشکراکر ژی کو چوونا عومرێ ل ئەڤ سالە دناڤبەر 800$ ھەتا 700$ یە و ئەڤە چونکە بھایێ فرۆکێ بوویە 400$ و 150$ ژبھایێ فرۆکێ ئەڤ سالە ژێ ڤەبووینە.
ھەڤدەم رێڤەبەرێ حەج و عومرێ ھیڤی خواستن ئەڤ سالە خەلکێ دھۆکێ ب دلەکێ پر خوەش واروەی قەستا مالا خودێ بکەت و دوعا بۆ مللەت و پێشمەرگێ کوردستانێ بکەن.
ئه‌ڤرۆ نيوز:
ئه‌ندامه‌كێ لژنا ئابوورى و وه‌به‌رهێنانێ ل جڤاتا نوونه‌رێن عيراقێ ئاماژه ب وێ چه‌ندێ دكه‌ت كو ژ ئه‌گه‌ر هاتنه‌خوارا به‌رده‌واما بهايێ په‌ترۆلا خاڤ، داهاتێ عيراقێ ب ره‌گه‌كێ به‌رچاڤ كێمبوويه، ژ به‌ر هندێ ژى هه‌كه بهايێ وێ زێده‌تر ژ ڤێ رێژێ بهێته خوار، حوكمه‌ت چو مفاى ژ فرۆتنا په‌ترۆلێ نابينيت.
ئه‌حمه‌د سه‌ليم، د راگه‌هاندنه‌كا رۆژنامه‌ڤانى دا به‌حس ل وێ چه‌ندێ ژى دكه‌ت كو تێچوويێ ده‌رئينان و هنارتنا په‌ترۆلێ ژ لايێ عيراقێ ڤه پاره‌كێ زۆر لێ دچيت، ژ به‌ر هندێ هه‌كه بهايێ په‌ترۆلا خاڤ هاتنه دبن 20$ دا، عيراق چو مفايێ داراى ژ فرۆتنا په‌ترۆلێ وه‌رناگريت.
گۆتژى: “هه‌كه فرۆتنا په‌ترۆلێ چو داهاته‌كى بۆ عيراقێ دابين نه‌كه‌ت، باشتره ده‌رئينان و فرۆتنا په‌ترۆلێ بهێته راگرتن، چونكو په‌ترۆل ب تالانكرى ناهێته فرۆتن و دێ بۆ ده‌مێ بلندبوونێ هێته عه‌مبار كرن”.
نيشاندان