ئه‌ڤرو نیوز،بارزان مزوورى
ل دووڤ راپورته‌كا نه‌ته‌وه‌یێن یه‌كگرتوو كو ئامارا توندوتیژیێ داعش بو سه‌ر وه‌لاتییێن عێراقێ به‌لاڤكریه‌ تێدا هاتیه‌ كو داعش 3 هزارو پێنج سه‌د كه‌س یێن كرینه‌ سه‌رباز و كوێله‌ كو پتریا وان كوردێن ئیزدى نه‌ ئه‌ون ئه‌وێن هاڤینا سالا 2014 ده‌سته‌سه‌ركرین.
د راپورتێدا ئاماژه‌ ب وێ چه‌ندێ دایه‌ كو دناڤ باژێرێ مووسل 800 حه‌تا 900 زاروكا ره‌ڤاندینه‌ و گه‌له‌ك ژ وان ژى كوشتینه‌ كو ده‌مێ ره‌ڤاندنا زاروكا هه‌ولدایه‌ خوه‌ ل ده‌ستێن وان قورتال لكه‌ن.
هه‌روه‌سا ئاماژه‌ ب وێ یه‌كێ هاتیه‌ كرن كو 18 هزارو 802 مه‌ده‌نى ل عێراقى كوشتینه‌ ب شێوه‌یه‌كێ درندانه‌ و 36 هزارو 254 عێراقى برینداركرینه‌ ل ده‌ست پێكا سالا 2014 حه‌تا دوماهیا سالا 2015 یا چوویى.

ئه‌ڤرو نیوز،بارزان مزوورى
دادگه‌ها رووسیا پتر ژ پێنج سالا سزایێ زیندانى كرنێ ئێخسته‌ سه‌ر دوو كچێن ره‌گه‌ز داغستانى ب تومه‌تا به‌رهه‌م ئینان و فروشتانا جوره‌كێ سابونا ده‌ستكرد و داهاتیێ وێ بو د اعش دهنارت.
په‌یڤدارێ دادگه‌ها سه‌ربازیا موسكۆ راگه‌هاند، كو ئه‌ڤرو 19 كانوونا دووێ 2016 دادگه‌هێ ب پێنج سال و سێ هه‌یڤا زیندانى ب سه‌ر” ئه‌لینا ئارشا هانوڤادا “سه‌پاند و پێنج سال و شه‌ش هه‌یڤا زیندانى ب سه‌ر “سه‌عیده‌ خالكۆڤا” سه‌پاند ب تومه‌تا كو هاریكارى گه‌هاندینه‌ سندوقا داهاتى یا داعش،
وان هه‌ردوو كچا بكوژمێ 45 روبلى یێ روسى هاریكارى گه‌هاندینه‌ سندوقا داهاتى داعش ب رێیا به‌رهه‌م ئینانا جوره‌كێ سابونا ده‌ستكرد و دفروت و داهاتیێ وێ دگه‌هانده‌ وێ سندوقێ و ب رێیا ئه‌نترنێتێ داخاز ژ خه‌لكى دكر هاریكاریا بگه‌هینه‌ وان بناڤێ گه‌هاندنا هاریكاریا بو خه‌لكێ موسلمان و ئاواره‌یا و خه‌لكێ كێم ده‌رامه‌ت .

ئه‌ڤرۆ نیۆز، قائید میرۆ
په‌یڤدارێ پارتی دیموكراتی كوردستان ل جڤاتا سه‌ركردایه‌تیا پارێزگه‌ها سلێمانیێ دیاركر، پارتی باره‌گه‌هێن خوه‌ وه‌رگرتینه‌ڤه‌، به‌لێ مه‌ترسی هه‌یه‌ جاره‌كادی دگه‌ل خوه‌ نیشاندانا تووشی هێرشان ببن.

فارس نه‌وڕۆلی، ب ئه‌ڤرۆ نیۆز راگه‌هاند” مه‌ هه‌موو باره‌گه‌هێن خوه‌ یێن به‌ری نوكه‌ ل سنورێ سلێمانی و گه‌رمیان هاتینه‌ سووتن و چۆلكرن ژ هێزێن ئه‌منی وه‌رگرتینه‌، به‌لێ مه‌ترسی هه‌یه‌ جاره‌كادی دگه‌ل خۆنیشاندانان خه‌لكه‌ك هێرشی سه‌ر باره‌گایێن پارتی بكه‌ت، لێ پاراستنا باره‌گه‌هێن مه‌ ل ستویێ هێزێن ئه‌منی و حوكمه‌تێ یه‌، چونكو مه‌ چو ئاریشه‌ دگه‌ل خه‌لكی نینه‌ و ئه‌گه‌ر خه‌لكه‌كژی بخوازیت هێرشی سه‌رمه‌ بكه‌ت، ئه‌ڤه‌ پێدڤیه‌ حوكمه‌ت باره‌گایێن پارتی بپارێزیت.

ئه‌ڤرۆ نیۆز، قائید میرۆ
ئه‌ڤرۆ ژ ئه‌گه‌رێ بوردۆمانا فڕۆكه‌یێن هه‌ڤپه‌یمانان بۆسه‌ر بنگه‌هێن تیرۆرستێن داعش 13 چه‌كدارێن داعش هاتینه‌ كوشتن كو دناڤ كوشتیاندا سه‌ركرده‌یه‌كێ سه‌ربازی هه‌یه‌.
ژێده‌ره‌كێ ئاگه‌هدار ل ره‌وشا مووسل ب ئه‌ڤرۆ نیۆز راگه‌هاند” ئه‌ڤرۆ فڕۆكه‌یێن هه‌ڤپه‌یمانان ب هویری بنكه‌ و باره‌گایێن داعش ل مووسل و ده‌وروبه‌را بوردۆمانكرینه‌ و ژوانا بوردۆمانكرنا باره‌گایێن تیرۆرستێن داعش ل تاخێ گوبجه‌لیل و كاروانه‌كێ ترۆمبێلێن داعش ل نێزیك كۆمه‌لگه‌ها دۆمیز یا سه‌ر ب قه‌زا شنگالێ و باره‌گایه‌كێ داعش ل تاخێ شیشان یێ سه‌نته‌رێ قه‌زا به‌عاج.
ژێده‌ری گۆتژی” ب گه‌رێ ئه‌ڤان بوردۆمانان 13 چه‌كدارێن داعش هاتینه‌ كوشتن و چوار ترۆمبێل ژی هاتینه‌ ژناڤبرن، دناڤا كوشتیێن داعش سه‌ركرده‌یه‌ك بناڤێ حاكم ئه‌حمه‌د ئه‌سوه‌د هه‌یه‌.

ئه‌ڤرۆ نيوز:

د.فوئاد حسێن سه‌رۆكێ ديوانا سه‌رۆكايه‌تيا هه‌رێمێ كو ماوێ حه‌فتيه‌كێ يه‌ ل واشنتون دياركر كو ئه‌و ل گه‌ل چه‌ندين به‌رپرسێن ئه‌مريكى كومبووينه‌ و پرسا هاريكاريكرنا پێشمه‌رگه‌ى ل گه‌ل وان به‌حس كريه‌ و چاڤه‌رێ به‌رسڤا ئه‌مريكا دكه‌ن بۆ هاريكاريكرنا هه‌رێمێ و گوت: ئه‌مريكا پاره‌كێ يێ هه‌ى ب تايبه‌ت بۆ دژه‌ تيرورێ، ئه‌م گه‌شبينين كو به‌رسڤا وان بۆ هاريكاريكرنا پێشمه‌رگه‌ى يا ئه‌رێنى بيت.

ئه‌ڤرۆ نیۆز، قائید میرۆ
كادره‌كێ پارتی دیموكراتی كوردستان ئاشكراكر، هنده‌ك په‌رله‌مانتار یێ خه‌لكی هانده‌ن بۆ تێكچوونا ره‌وشێ و هه‌وه‌كا زالمانه‌ دژی پارتی هاتیه‌ ده‌ستپێكرن.
به‌همه‌ن كاك عه‌بدولا، كادرێ پێشكه‌فتیێ پارتی ب ئه‌ڤرۆ نیۆز راگه‌هاند” راسته‌ ب ئه‌گه‌رێ قه‌یرانا دارایی و گیرۆبوونا موچه‌ی ره‌وشا وه‌لاتی و فه‌رمانبه‌ران یا خرابه‌، به‌لێ پێنج لایه‌نێن سیاسیێن پشكدار د حوكمه‌تێ دا دڤێت ئه‌ڤێ به‌رپرسیاریێ هه‌لگرن، مخابن هنده‌ك هێزێن پشكدار د حوكمه‌تا هه‌رێما ملێ خوه‌ ناده‌نه‌ به‌رڤی بارێ گرانێ هه‌موو به‌رپرسیاره‌كێ ده‌نه‌ پال پارتی.
به‌همه‌نی دیاركر، ل سنورێ سلێمانی و گه‌رمیان هه‌وه‌كا راگه‌هاندنێ یا زالمانه‌ دژی پارتی ده‌ستپێكریه‌ و هژماره‌ك په‌رله‌مانتار و لایه‌نێن سیاسی هانا خه‌لكی دده‌ن بۆ تێكدانا ڤێ ره‌وشێ و ئه‌نجامدانا خۆنیشاندانا.