ئه‌ڤرۆ، هۆشه‌نگ:
بۆ جارا یه‌كێ د دیرۆكێ دا نوشداره‌كێ كورد یێ خه‌لكێ باژارێ مێردین یێ باكورێ كوردستانێ ب ناڤێ عه‌زیز سانجار شیا دوهی خه‌لاتێ نوبل یا پزیشكی وه‌ربگریت، نوشدارێ كورد ل گه‌ل دو نوشدارێن دی كو یه‌ك خه‌لكێ سوید و یێ دی ژی خه‌لكێ ئه‌مریكا بوو ژ به‌ر ڤه‌كۆلینا وان یا بۆ په‌یداكرنا ماده‌یه‌كێ بۆ چاره‌سه‌ریا نه‌خوشیا په‌نجه‌شێرێ هه‌ژی وێ خه‌لاته هاتنه دیتن.
ئه‌ڤرۆ نیوز:
سه‌رۆكێ لژنا ئاسایش و به‌ره‌ڤانیێ ل په‌رله‌مانێ عیراقێ راگه‌هاند: ل چه‌ند رۆژێن بهێت، حكوومه‌تا عیراقێ ب فه‌رمى دێ داخوازێ ژ رووسى كه‌ت، بنگه‌هێن داعش ل سه‌ر ئاخا عیراقێ بوردومان بكه‌ت.
حاكم زاملی سه‌رۆكێ لژنا ئاسایش و به‌ره‌ڤانیێ ل په‌رله‌مانێ عیراقێ بۆ ئاژانسا رویته‌رز راگه‌هاند” دهێته چاڤه‌رێكرن ل چه‌ند رۆژێن بهێت، حكومه‌تا به‌غدا ب فه‌رمى داخواز ژ رووسیا بكه‌ت، بنگه‌هێن داعش ل سه‌ر ئاخا عیراقێ بوردومان بكه‌ت، ژبه‌ر كو عیراقێ دخوازیت رووسیا روله‌كێ زێه‌تر ژ ئه‌مریكا د شه‌رێ دژى تیرورێ دا بگێریت.
ئه‌ڤرۆنیۆز، ئه‌یاد به‌روارى
ئه‌فسه‌ره‌كێ به‌رێ یێ هه‌والگیریا ئه‌مریكی (سی ئای ئه‌ی) راگه‌هاند، پشته‌ڤانیا ئه‌مریكا بۆ له‌شكرێ سووری یێ ئازاد بارۆدۆخ پتر ئالۆزكر و دیاركر كو پتریا چه‌كێ ئه‌مریكی ل عیراقێ و سووریێ یێ كه‌فتیه دده‌ستێ داعشێ دا و كونگرێسێ ئه‌مریكی بهایێ پڕچه‌ككرنا داعشێ یێ دای، د هه‌مان ده‌م دا ژی ده‌نگوباسێ هاتنا ئۆپۆزۆسیۆنه‌كا دیموكراتی ل شوینا رژێما سه‌رۆكێ سووری به‌شار ئه‌لئه‌سه‌د، ب پێكه‌نین هژمارت.
جۆن كریاكو ئه‌فسه‌ره‌كێ به‌رێ یێ هه‌والگیریا ئه‌مریكی، ل دووڤ ئاژانسا (سپۆتنیك) یا روسی گوت” پشته‌ڤانیا ئه‌مریكا بۆ له‌شكرێ سووری یێ ئازاد ئه‌نجامێ وێ تنێ نه‌خوه‌شكرنا بارودۆخی بوو و پتریا چه‌كێ ئه‌مریكا بۆ هنارتی یێ كه‌فتیه دده‌ستێ داعشێ دا، ئانكو كونگرێسی بهایێ پڕچه‌ككرنا داعشێ یێ دای”.
ناڤبری زێده‌تر دبێژیت” چه‌كدارێن رێكخستیا داعش یا تیرۆرستی شیان ده‌ستێ خوه دانن سه‌ر كه‌لوپه‌لێن له‌شكری یێ ئه‌مریكێ یێن نوو كو ل ده‌ف له‌شكرێ سووری یێ ئازاد بوو و بكاربینن ژی، هه‌روه‌سا چه‌كدارێن وێ رێكخستیا تیرۆرستی شیان ده‌ستێ خوه دانن سه‌ر رێژه‌كا مه‌زن یا چه‌ك و كه‌لوپه‌لێن له‌شكری یێن ئه‌مریكی ل عیراقێ كو دده‌ستێ له‌شكرێ عیراقێ دابوون كو هه‌ر ئه‌و له‌شكره ژلایێ هێزێن ئه‌مریكی ڤه هاتبوو مه‌شقدان”.
ئه‌ڤرۆ نيوز:
قەلەوی ئەو کابووسە یێ ھزرا گەلەک کەسان مژوول دکەت و پرانیا مرۆڤان ل سەرۆانسەری جیھانێ بزاڤێ دکەن خوە ژێ قورتال بکەن و ب ھەمێ رێیان. چ ب رێیا رێجیمان بیت یان ب نشتەرگەریان دا خوە ژ سەنگێ زێدە قورتال بکەن، بەلێ ئەڤ رێیە ھەمی ب زەحمەتن و گەلەک کار پێدڤێت.
ئەڤە ئێک ژ وان رێیێن بەربەلاڤە بۆ خوە قورتالکرنێ ژ قەلەویێ، دبیت بۆ ھندەکان یا سەیر بیت دەمێ گوە لێدبیت بەلێ بەلگا مێوێ یا داگرتی رێجیمەکا دروستە و حەفتیێ دو کیلۆیان ژ سەنگێ کێم دکەت.
رۆژا ئێکێ:
تێشت، پرتەکا کێکا توست ل گەل ریچالێ و کوپەکێ نیڤشکی.
فراڤین: پرتەکا ماسیا براژتی یان ماسیێن قودیکان ل گەل ھندەک زەلاتێ.
شیڤ: بەلگێ مێوێ یێ داگرتی ل گەل کوپەکێ نیڤشکی.
رۆژا دویێ:
تێشت: دانەکێ “کورن فلیکس” ل گەل شیری.
فراڤین: نیڤ مریشکا براژتی ل گەل زەلاتێ.
شیڤ: نیڤشک و خیار.
رۆژا سیێ:
تێشت: گوشتێ لانشون یێ قودیکا ل گەل ھێکەکا کەلاندی.
فراڤین: بەلگێ مێوێ یێ داگرتی ل گەل نیڤشکی.
شیڤ: مریشکا براژتی ل گەل زەلاتێ.
رۆژا چارێ:
تێشت: دو پرتێن کێکا توست ل گەل دو کەچکێن رێچالێ و نیڤشکی.
فراڤین: بەلگێ مێوێ یێ داگرتی ل گەل نیڤشکی.
شیڤ: گوشتێ سار ل گەل زەلاتێ.
رۆژا پێنجێ:
تێشت: باسترمە ل گەل ھێکا کەلاندی.
فراڤین: گوشتێ براژتی ل گەل زەلاتێ.
شیڤ: بەلگێ مێوێ یێ داگرتی و نیڤشک.
رۆژا شەشێ:
تێشت: باسترمە و ھێکا کەلاندی.
فراڤین: گوشتێ براژتی و پرتەکا پەنیری.
شیڤ: بەلگێ مێوێ یێ داگرتی و نیڤشک.
رۆژا حەفتێ:
تێشت: پرتەکا کێکا توست ل گەل دو کەچکێن رێچالێ.
فراڤین: مێلاک یان مریشکا براژتی ل گەل زەلاتێ.
شیڤ: بەلگێ مێوێ یێ داگرتی ل گەل نیڤشکی.
ئه‌ڤرۆ نيوز:
ھندەک خالێن سادە یێن ھەین کو گەلەک دایک و باب نزانن و ھزر تێدا ناکەن، ھندەک تێبینیێن بچووک و ب ساناھینە کو پێدڤیە ل گەل زاریان بھخێنە کرن بۆ وێ چەندی کو ب رێزگرتن رەفتاران بکەن وەکو:
– پەیڤا “ھەکە زەحمەت نەبیت” یان ” ب خیًرا خوە” یا پیًدڤیە بێژنە زارۆی دەمێ خزمەتەکێ ژێ داخواز دکەی یان دەمێ ئەم ل گەل ئێکدو رەفتارێ دکەین، چو جوداێ د ناڤبەرا بچووک و مەزنان دا نینە و نابیت ئەم ب زمانێ فەرمانێ ل گەل زارۆیان باخڤین و ئەم وی نەچار بکەین ھەمان رەفتار ل گەل مە بکەت.
– پەیڤا “سوپاس” گەلەک یا گرنگ و پێدڤیە و گەلەک رامانان ددەت، دەمێ ئەم دبێژینە زارۆیان ئەم ڤیانا خوە بۆ وان دیار دکەین.
– دەمێ تو ل گەل د ئاخڤی بلا بەرێ تە ل وی بیت چونکو ئەو نیشانا رێزگرتنێ یە.
– “بێدەنگ بە” یان “ھششششششش” بۆ راوەساتندنا زارۆی ژ ئاخفتنێ دڤێت ب ئێکجاری د فەرھەنگا زمانی دا نەمینیت، و دەمێ زارۆ ئاخفتنا تە دبڕیت تو دشێی بێژیێ کا بێ زەحمەت پیچەک دەلیڤێ بدە دا ئاخفتنا خوە ب دووماھی بینم و ھەکو بێدەنگ بوو بێژێ “سوپاس”.
– دەمێ زارۆیەک گازندان دکەت کو برایێ وی یێ قوتای، پرانیا دایک و بابان دێ ئێکسەر قەستا قوتانا برایێ دی کەن، ئەڤە چ دگەھینیت؟ قوتان ب قوتانێ، قوتان نە رەفتارەکا باشە چنکو توندوتیژی توندوتیژیێ بەرھەمدئینیت.
– رێزگرتن رەوشتەکێ پێگوھۆرکە: نابیت ئەم داخوازێ ژ زارۆیان بکەین رێزێ ل یێ بەرامبەر بگریت ھەتا ئەم وی فێری رامانا رێزگرتنێ نەکەین، دا تێبگەھیت رێزگرتن چیە، پێدڤیە ئەم رێزێ لێ بگرین دا ھەمان رەفتار ل گەل مە بکەت.
– دەربرین ژ ڤیانێ و پووتەدانێ ب رێیا گۆتنا پەیڤا “ئەز حەز ژ تە دکەم” بۆ زارۆی یان ژی ھەمبێزکرنا وی یان ژی ڤەمالینا پرچا وی و بێ ھەلکەفت دێ ڤیانا بێ مەرج نیشادەت.
– ئاخفتنا نەرم بکە دا گوھداریا تە بکەت، دەنگێ بلند ژی رامانا بێ سەروبەریێ یە.
– تێبینیێن وی ل بەرچاڤ وەرگرە دەمێ ھۆداریێ ددەتە یێ ژ خوە مەزنتر، دا بیرا وی بینیت کو وی رەفتارا دروست نەکریە، سوپاسیا وی بکە ل سەر وان تێبینیان نەکو پاشڤە ببەی، دا ھەمی دەمان چاڤدیریێ ل خوە بکەت و شانازیێ ب رەوشتێ خوە ببەت.
ئه‌ڤرۆ نيوز:
نيشانێن ره‌ش ل سه‌ر سه‌رۆچاڤان ديمه‌كێ كرێت په‌يدا دكه‌ن و دبيته ئه‌گه‌رێ كرێتبوونا دێمى چ ل ده‌ف ژنان يان ژى زه‌لامان، ل ڤێره دێ ماسكه‌كى به‌رچاڤ كه‌ين كو دبيته ئه‌گه‌رێ نه‌هێلانا وان نيشان و خالان.
پێدڤيێن سه‌ره‌كى يێن ڤى ماسكى “نيشاسته و خه‌ل”ن.
دێ كه‌فچه‌كه‌ێ نيشاسته‌ى و ئێكێ خه‌لێ تێكه‌ل كه‌ى و هه‌ر تێكڤه‌ده‌يى هه‌تا وه‌كو هه‌ڤيره‌كى لێ دهێن و پاشان دێ دانيه سه‌ر دێمێ خوه جهێ ئه‌ڤ خاله يان نيشانه لێ هه‌ين و هه‌تا هشك دبيت كو سێ ده‌قيقه بۆ ڤێ كريارێ به‌سن و پاشان دێ ب ئاڤه‌كا تێنشير شوويى ئه‌ڤ خال و نيشانه لێ نامينن.
نيشاندان