ئەڤرۆ نیوز:
نورمالە گەلەک جاران یانێن مەزن ل جیھانێ د رۆژا خوە دا نەبن و توشی خوسارەتیەکێ بن ب پێنج گولان یان شەش گولان لێ تو زانی یانا بەرشەلۆنا توشی خوسارەتیێ بووی یە ب ١٢ گولان ! ھەر چەندە دبیت گەلەک کەس باوەر نەکەن ژی لێ ئەڤە راستیەکا یانا ئەتلەتیکو بلباو ئەو تیمەیە مەزنترین خوسارەتی گەھاندیە یانا بەرشەلۆنا د مێژویا یاریێن وێ دا دخۆلا لیگا ئیسپانیا دا ئەوژی ل سالا ١٩٣١ بوو.
ل وەرزێ ١٩٣٠-١٩٣١ یانا بلباو شێیا سەرکەفتنەکا مەزن ل سەر یانا بەرشەلۆنا توماربکەت ب ١٢ گولان بەرامبەر گولەکێ کو ئەو یاری ل چارچوڤێ یاریێن گەرا ٢٢ ژی خۆلا ئیسپانیا بوو کو وی دەمی یانا بەرشەلۆنا د رەوشەکا لاواز دا بوری بەرامبەر یانا ئەتلەتیکو بلباو د باشترین رەوشا خوە دا بۆ کو ژی سالا ١٩٢٨ ھەتا ١٩٣٦ شێیا چار ناسناڤان ل سەر ئاستێ ئیسپانیا ب دەستخوڤە بینت.
ئه‌ڤرۆ نيوز:
كه‌نالێ ئه‌سمانى يێ جه‌زيره، ل مالپه‌رێ خوه يێ ئنگليزى بابه‌ته‌ك به‌لاڤكريه و تێدا ئاماژه ب وێ چه‌ندێ دكه‌ت كو ل سالا 2016ێ سه‌ربه‌خۆيا هه‌رێما كوردستانێ ئێكلا بكه‌ت.
مايكل بيرى، نڤيسه‌رێ ئه‌مريكى، بابه‌ته‌ك نڤيسيه و ل جه‌زيرا ئنگليزى به‌لاڤكريه تێدا ئاماژه ب وێ چه‌ندێ كريه كو ئه‌و سه‌ركه‌فتنێن هێزا پێشمه‌رگه‌يێ كوردستانێ به‌رامبه‌ر داعش ب ده‌ست ڤه ئيناينه و ئه‌و سياسه‌تا حه‌كمه‌تا هه‌رێما كوردستانێ په‌يره‌و دكه‌ت رێ خوه‌شكريه بۆ نيڤ سه‌ربه‌خۆبوونه‌كێ.
دايه زانين ژى كو سه‌ركه‌فتن، ده‌رفه‌ته‌كا گۆنجاى نه بۆ دروستكرنا سه‌ربه‌خۆبوونێ و راگه‌هاندنا ده‌وله‌تا كوردى.
پرسا ده‌وله‌تا كوردى، نوكه بوويه به‌حسه‌ك و خواستا ميديايان، ب تايبه‌ت ميديايێن ناڤخۆ ل هه‌رێما كوردستانێ و تۆڕێن جڤاكى، پشكه‌ك وه‌سا دبينن كو ئه‌و ده‌رفه‌ته ل به‌رامبه‌ر سه‌ركرداتيا كوردان دا دروست بووينه و بۆ راگه‌هاندنا ده‌وله‌تا كوردستان ب سه‌دان ساله كورد د پێناڤى ڤێ چه‌ندێ دا خوينێ د رێژن، پشكه‌ك ژى ژ ئه‌گه‌رێ وێ قه‌يرانا دارايى و سياسه‌تێ دروستبوويه، ب گۆنجاى دزانن د نوكه دا به‌حس ل ده‌وله‌تا كوردى بهێته كرن.
ئه‌ڤرۆ نيوز:
پارێزەرەکێ دادگەھا قەزا شێخان راگەھاند، کو د روودانەکێ دا دو ترومبێلا ب سڤکی لێکدا ھەردو شوفێر تورە بوون و شەرەدەڤ دناڤبەرا وان دا رویدا بابێ شوفێرەکی یێ دانعەمر قەسێن کرێت ئاراستەی گەنجێ سەرپێچکار کرن ئەوی ژی چ پێ نەما بەرسڤ دا و شەرەدەڤ دناڤبەرا وان دژوار بۆ ھەتا گەھشتیە وی رادی کوری و بابێ وی ئەو گەنجە ب توندی قوتا ب داران و ب نەعالێ و قەسێت کرێت و بەر ھاڤێتنە ترومبێلا وی، گەنجی ژی ب چەکێ کلاشینکوف ئەڤ دانعەمرە کوشت، دادگەھا تاوانا ب سزایێ 10 سالان حوکمکر.
پارێزەر دلشاد حازم شەرەفانی ل دادگەھا قەزا شێخان بۆ ئەڤرۆ دیارکر کو کێشەکا کوشتنێ ل کومەڵگەھەکا سەر ب پارێزگەھا دھۆکێ ڤە رویدا و گۆت: گەنجەکی ژیێ وی نێزیکی 24 سالان بۆ د روودانەکا ھاتنوچوونێ دا دو ترومبێلا ب سڤکی لێکدا ھەردو شوفێر تورە بوون و شەرەدەڤ دناڤبەرا وان دا رویدا بابێ شوفێرەکی یێ دانعەمر بوو ژیێ وی نێزیکی 70 سالیێ بۆ قەسێن کرێت ئاراستەی گەنجێ سەرپێچکار کرن ئەوی ژی چ پێ نەما بەرسڤ دا و شەرەدەڤ دناڤبەرا وان دژوار بۆ ھەتا گەھشتیە وی رادی کوری و بابێ وی ئەو گەنجە ب توندی قوتا ب داران و ب نەعالێ و قەسێت کرێت گۆتنێ و بەر ھاڤێتنە ترومبێلا وی، پارێزەری گۆتژی ئەو ژی تورە بۆ گەلەک ئیھانا وی ھاتەکرن ھەما چوو مال چەکێ کلاشینکوف ئینا و ھاتێ گۆلەک ھاڤێت ب زەلامێ دانعەمر کەفت ب سەختی بریندار بۆ، ھەتا گەھاندیە نەخۆشخانا شێخان گیانێ خوە ژ دەستدا. پاشان خێزانا وی کێشە ل دادگەھێ تومارکر کورەکێ وی ل دەرڤەی وەلاتی بۆ وی ژی سکالایەک تومارکر، ئەو بۆ ھەموو ھاتنە دادگەھێ داگێران ژ داوا خوەکر ئانکو لێبورینەکا عەشائیری دناڤبەرا واندا چێ بوو پێکھاتن، بەلێ ئەو کورێ ل دەرڤەی وەلاتی داگێران نەکر.
زێدەتر گۆت: دیدەڤان ھەموو دژی ڤی گەنجێ تاوانبار بوون، دادگەھا تاوانا ل دووڤ مادێ 405 ێ ئەو گەنجێ تاوانبار ب سزایێ 10 سالان حوکمکر چۆنکو گەنجە و ئیھانا وی ل سەر جادێ ھاتەکرن و کەسێ ئێکێ بۆ بۆ خێزانا خوە کار دکر، گۆتژی ئەگەرێ سەرەکی یێ ڤێ کێشێ ھەردو شوفێر تورە بوون و ئێکی بۆ یێ دی داگێران نەکر و کەس نە بوو لێکڤەکەت وەکو مە زانی ھندەکا ب تنێ بەرێخوەدانێ بێ کو مایێ خوە بکەنە تێدا، پارێزەر دلشادی ئەو چەندە ژی خویاکر کو دڤیابا ھەردو شوفێرا داخازا ڤەدیتنا ھاتنوچوونێ کربا و وان ئەڤ ئاریشە چارە کربا ئانکو لەزکر، جڤاکێ مە نە ھند یێ ھوشیارە ل سەر قانوونێ ھەتا ئاریشە رویدەت شنی دێ قەستا قانوونێ کەت ل دەسپێکێ چارەسەر ناکەت ئەو ب خوە ژی رویدانەکا ھاتنوچوونێ یا سڤک بۆ وەسا مەزن کر و بۆ شەر و ئاریشە.
ئه‌ڤرۆ نيوز:
وه‌زاره‌تا دارايى و ئابوورى ل حوكمه‌تا هه‌رێما كوردستانێ راگه‌هاندنه‌ك ده‌رباره‌ى به‌لاڤكرنا مووچێ هه‌يڤا ئيلۆنێ يێ سالا 2015ێ يێ فه‌رمانبه‌ران به‌لاڤكر و ئه‌ڤه ده‌قێ وێ يه:
راگه‌هاندنه‌ك ژ وه‌زاره‌تا داراى و ئابوورى ل حوكمه‌تا هه‌رێما كوردستانێ:
وه‌زاره‌تا داريى و ئابوورى ل حوكمه‌تا هه‌رێما كوردستانێ دێ يا پابه‌ند بيت ب مه‌زاختنا مووچێ هه‌يڤا ئيلۆنێ يێ سالا 2015ێ يێ داموده‌زگه‌هێن حوكمه‌تا هه‌رێما كوردستانێ. ژ به‌ر قه‌يرانا داراى، د ڤێ حه‌فتيێ دا دێ نيڤا مووچێ هه‌يڤا ئيلۆنێ يێ سالا 2015ێ يێ وه‌زاره‌تا په‌روه‌ردێ هێته به‌لاڤكرن و وه‌زاره‌ت دێ بزاڤێ كه‌ت د ماوه‌كێ نێزيك دا نيڤا دى دێ هێته به‌لاڤكرن.
وه‌زاره‌تا داراى و ئابوورى
2016-1-17
ئه‌ڤرۆ نيوز:
پارتى ديموكراتى كوردستان راگه‌هاند، هه‌كه بزاڤا گۆڕان ژ هه‌لويستێ خوه نه‌هێته خوار، دێ جوكمه‌ته‌كا نوو پێكئينيت و گۆڕان ژى د وێ حوكمه‌تێ دا پشكدار نابيت.
عه‌ره‌فات كه‌ره‌م، ئه‌ندامێ فراكسيۆنا پارتى ديموكراتى كوردستان ل جڤاتا نوونه‌رێن عيراقێ د ديداره‌كێ دا بۆ رۆژناما “الصباح الجديد” راگه‌هاند: هه‌كه بزاڤا گۆڕان يا رژد بيت ل سه‌ر پرسا سه‌رۆكاتيا په‌رله‌مانى، پارتى ژى دێ هه‌لويستێ خوه گوهۆڕيت و گه‌له‌ك ژ جاران دژوارتر بيت”.
راگه‌هاند ژى، نابيت ب هه‌ر ره‌نگه‌كى په‌رله‌مان ژ كار بكه‌ڤيت و چو رۆل نه‌بيت، به‌لكو دڤێت بهێته كارا كرن.
عه‌ره‌فات گۆتژى: “ئێك ژ وان رێيێن حزب ب كار دئينن دروستكرنا حوكمه‌ته‌كا نوويه و دورخستنا بزاڤا گۆڕانه ژ پێكئينانا وێ حوكمه‌تێ.
ژ لايێ خوه ژى ڤه بزاڤا گۆڕان به‌رده‌وام پێداگريێ ل سه‌ر وێ چه‌ندێ دكه‌ت كو كێشێن نوكه يێن هه‌رێمێ ل سه‌ر پرسا سه‌رۆكاتيا هه‌رێمێ نه و لادانا بارزانى ژ پۆستێ وى و كێشه ژى دێ چاره بن.
ئه‌ڤرۆ نيوز:
جھێ داخێ یە کو نوشداران بریار دا ئێدی ئەو کەسێن گەلەک جگارەیان دکێشن و کەسێن گەلەک بێھوشکەران ب کاردئینن کو ددانێن وان چ جاران سپی نابن.
گەلەک کەس شەرم دکەن کو ددانێن وان گەلەک د زەرن، گەلەک کەس نزانن چاوان ددان زەر دبن و نزانن کو چارەسەریا وان یا ب سانەھی کەتی، بەلێ پێدڤیە ئەم بزانین کا ئەگەر و چارەسەری چنە؟
ل دووڤ وان زانیاریێن ل سایتێ ( العرب) ھاتینە بەلاڤکرن دیاردبیت کو رەنگێ ددانان زەر دبیت ژئەگەرێ ھندەک سالوخەتێن زەراتیێ ئەوێن دناڤ ھندەک جورێن خوارنێ و ڤەخوارنێ دا ھەین وەکو قەھوێ و چایێ و پێپسیان، قاتێ مینا یێ ددانی ڤان سالوخەتان ھەلدگریت و پیچ پیچە رەنگێ وی زەر دبیت، ھەروەسان ل گەل مەزنبوونا مروڤی ددان زەر دبن.
شووشتنا ددانا پشتی ھەر دانەکێ خوارنێ و خۆدوورکرن ژ خوارنێن کو بویاغێن دەستکرد تێدا وەکو ( بەنیشت، شرینیێن رەنگا و رەنگ، ڤەخوارنێن رەنگا و رەنگ، و دیسان سپیکرنا ددانان ژلایێ نوشدارەکێ تایبەتمەند باشترین رێکێن خوپاراستنێ نە ژ زەربوونا ددانان.
د ماوێ دووماھیێ دا ڤەکولەر گەھشتنە رێکەکا کاریگەر کو مرۆڤی ژ بویاغێن رەنگا و رەنگ ئەوێن ل سەر قاتێ مینا کومڤەدبن قورتال بکەن. ل گەل پێشکەفتنا تەکنیکارێن زانستی، نوکە د شیاندایە ل مالژی ڤێ کریارێ ئەنجام بدەن، بەلێ ب سەرپەرشتیا نوشدارەکێ تایبەتمەند، رێک گەلەک یا ب ساناھی و سڤکە و د دو حەفتیان دا دێ ددانێن تە سپی بنەڤە.
ھەکە تە بڤێت ددانێن تە سپی ببن ئێکەم تشت ئەوە تو قەستا نوشدارەکێ تایبەمەند بکەی داکو بەرێخودانەکا گشتی ل ساخلەمیا دەڤێ تە بکەت و پلانەکێ بۆ چارەسەریێ دانیت و پاشی دێ قالبەکی بۆ ددانێن دروست کەت و کەرستەیەکی دەتە تە کو رۆژانە بدانیە دناڤ وی قالبی دا و قالبی بکەیە دناڤ دەڤێ خۆ دا ل دەمێ نڤستنێ.
د ھندەک دەلیڤەیان دا رەنگە ددان د ھەستیار بن و ل وێرێ پێدڤیە شیرەتان ژ نوشدارەکێ تایبەتمەند وەربگری کو دبیت ئەو کەرستەیەکێ تایبەت ب دەتە داکو ھەستداری بھێتە کونترولکرن. و جھێ داخێ یە کو کریارا سپیکرنا ددانان بۆ ھەموو کەسان سەرناکەڤیت و ب تایبەت کەسانێن جگارکێش و ئەوێن گەلەک کەرستەیێن کحولی وەکو چایێ و قەھوێ ڤەدخون و باشترە ل دەمێ دوگیانیا ژنان ژی کریارا سپیکرنا ددانان ب ھوشداری بھێتە کرن.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 17ى كانوونا دويێ يا سالا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1240 |
| 1 يۆرۆيێ ئه‌ورۆپى | 1350 |
| 1 ليرێ توركى | 420 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.netبكه.
ئه‌ڤرۆ نيوز، يوسف مۆسا:
ژێده‌ره‌كێ هايدار ژ گۆمركا ئيبراهيم خه‌ليل د داخۆيانيه‌كێ دا بۆ ئه‌ڤرۆ نيوز راگه‌هاند كو ده‌رگه‌هێ سنورى يێ ئيبراهيم خه‌ليل دێ بۆ ماوێ 24 ده‌مژمێران يێ ڤه‌كرى بيت.
فه‌رسه‌ت عه‌لى، رێڤه‌به‌رێ ده‌رگه‌هێ سنورى يێ ئيبراهيم خه‌ليل، د داخۆيانيه‌كا تايبه‌ت دا بۆ ئه‌ڤرۆ نيوز گۆت: “نوكه ب ره‌نگه‌كێ فه‌رمى ده‌رگه‌هێ ئيبراهيم خه‌ليل بۆ ماوێ 24 ده‌مژمێران هاته ڤه‌كرن”.
پێشتر ژ به‌ر ره‌وشا ئالوزا وه‌لاتێ توركيا ب تايبه‌ت ده‌ڤه‌رێن باكوورێ كوردستانێ ده‌رگه‌هێ سنورى يێ ئيبراهيم خه‌ليل بۆ ماوه‌كێ درێژ هاتبوو گرتن و پاشان ژى ده‌رگه‌هـ هاته ڤه‌كرن لێ ب تنێ ژ ده‌مژمێر 8:00ى سپێدێ هه‌تا 3:00ى ئێڤارى و نوكه ژى دێ ماوێ 24 ده‌مژمێران دێ يێ ڤه‌كرى بيت.
فه‌رسه‌ت عه‌لى زێده‌تر گۆت: “ئه‌ڤ ڤه‌كرنا رێ ب تنێ بۆ ترۆمبێلێن بارهه‌لگره و بزاڤێن به‌رده‌وام دكه‌ين كو رێ بۆ رێڤينگان ژى بهێته ڤه‌كرن و پێشبينى دكه‌ين پشتى نيڤرۆ رێڤينگ ژى بشێن هاتنوچوونێ بكه‌ن”.
نيشاندان
