ئه ڤرۆ نیوز: ملله ت جه مال:
پشتی بورینا چار گه ران ژ خۆلا نایابا فاستلینکا هه رێما کوردستانێ تیما ته پاپێی یا شێروانه دوهی و پشتی یاریا به رامبه ر یانا زاخۆ ئه وا تێدا توشی خوساره تیێ بووی ب دو گۆڵان به رامبه ر سێ گۆڵان کارگێریا یانا شێروانه ب فه رمی راهێنه رێ خوه ئوسامه نوری ژ ئه رکێ وی دوورخست ژبه ر ئه نجامێن خراب
ژێده ره کێ نێزیک ژ کارگێریا یانا شێروانه دیارکر کو ب رازیبوونا هه ر دولا هه ڤبه ستا راهێنه ر ئوسامه نوری هاته هه لوه شاندن
هه مان ژێده ر ئه و چه نده ژی دیارکر کو کارگێریا یانێ گه هشتیه رێککه فتنێ ل گه ل راهێنه ر وه لی که ریم کو ببیته جهێ راهێنه رێ دوورخستی و بریاره سوباهی راهێنه رێ نوی ئێکه م یه کا خوه یا راهێنانێ ل گه ل یانێ ئه نجام بده ت
دهێته زانین شێروانه ژ چار یاریان بتنێ سێ خال کومکرینه و نوکه ل رێزا به ری دووماهیێ دهێت د کوما ئێکێ دا.

هه‌ژی گوتنێ یه‌ ئوسامه نورى دبيته راهينه رێ دويێ دهێته دورخستن پشتى دوورخستنا سه مه د جه‌وهه‌ر ژ راهێنه‌ریا یانا ئارارات

ئەڤرۆ نیوز، ھەژار مەعروف:
تیما تەپا پێ یا زاورا خودانا ١٢ ناسناڤێن کاسا عیراقێ ئەڤرۆ دەربازی یاریا دووماھیا کاسا عیراقێ بوو پشتی شێیای سەرکەفتنا خوە ل سەر یانا نەفت ئەلجنوب دوربارە بکەت ب دو گولان بەرامبەر گولەکێ و سەرجەمێ ھەردو یاریان چار گولان بەرامبەر گولەکێ دەربازی یاریا دووماھیا کاسا عیراقێ بوو.
تیما زەورا خودانا برنا مەزنترین رێژەیا ناسناڤێ کاسا عیراقێ دێ چاڤەرێ سەرکەفتیێ یاریا دھۆک و جەویە بیت ئەوا بریارە سوباھی ل یاریگەھا جەویە بھێتەکرن.

ئەڤرۆ نیوز، زنار:
پشتی ئێکەتیا تەپا پێ یا فیفایێ ھەردو جەمسەرێن پایتەختێ ئسپانیا مەدرید سزا داین ھەتا سالا ٢٠١٧ کو نا بیت چو یاریکەران بینن ل گەل کوژمەکێ پارەی ژ ئەگەرێ سەرپێچیا ڤان ھەردو یانا د رێنامیێن فیفایێ دا ل دۆر ئینانا یاریکەرێن ناکام لژێر ١٨ سالیێ دا.
کارگێریا یانا ریال مەدرید د بەرسڤەکێ دا بەیاننامەک دەرخست و تێدا رەخنە ل ڤێ بریارێ گرتن و دیارکر کو ئەڤ تومەتە یا دەرستکردە لێ ئەو دێ ھەمی رێکێن خوە یێن قانوونی بکارئینن بۆ ھەلوەشاندنا ڤێ بریارێ و بەلگەیێن پێدڤی ل بەر دەست ھەنە کو دوپات دکەن ریال مەدرید چو سەرپێچی نەکرینە ل دۆر ئینانا یاریکەرێن لژێر ١٨ سالیێ دا.
ریال مەدرید ئەو چەندە ژی دیارکر کو ب نڤیسارەکا فەرمی ئێکەتیا تەپا پێ یا ئسپانیا ل ١٧ ھەیڤا چار یا سالا ٢٠١٥ کو بۆ فیفایێ رەوانەکریە و تێدا دیاردکەت چو سەرپێچی ژ لایێ وان ڤە نە ھاتینە کرن و ھەمی یاریکەرێن ناکام د تومارێن ئێکەتیا ئسپانیا ژی دا تومارکرینە و ب رێکا فاکسێ فیفایێ ھەمی ئەڤ ھەڤبەستە پەسەند کرینە بۆ نەھێلانا گۆمانێ د ڤی چارچوڤەی دا.

ئەڤرۆ نیوز،ھەژار مەعروف:
شاندێ تیما تەپا پێ یا دھۆک دوھی بەر ب باژێرێ بەغدا چو ب مەرەما کرنا یاریا چونێ ژ چارچوڤێ کاسا عیراقێ ئەوا بریارە ل رۆژا سوباھی ھەمبەری یانا جەویە ل یاریگەھا وێ بکەت تیما دھۆک بریارە ئەڤرۆ دووماھی یەکا خوە یا راھێنانی ل باژێرێ بەغدا بکەت ل یاریگەھا جەویە.
بەرپەرسێ راگەھاندنێ ل یانا دھۆک محەمەد عەلی بۆ مالپەرێ ئەڤرۆ نیوز دیارکر یاریکەرێن یانا دھۆک نوکە د باشترین رەوش دانە و زاخا یاریکەران یا بلندە بۆ ڤێ یاریێ ئەوان باوەریەکا مەزن ب شیانێن یاریکەران ھەنە دێ دەربازی یاریا دووماھیا کاسا عیراقێ بن.
زێدەتر ناڤبری دیارکر راھێنەرێ تیمێ ئاشتی مستەفا پیلانەکا باش بۆ ڤێ یاریێ دانە و دبیت پشت بەستنێ ل سەر ھەمان پێکھاتیێ خوە یێ یاریا بوری بکەت .
ناڤبری ئاماژە ب وێ چەندێ ژی کر کارگێریا یانا دھۆک دیارکری یە پاداشێن تایبەت بۆ یاریکەران دێ ھەبن ھەکە دەربازی یاریا دووماھیا کاسا عیراقێ بوون.
ھەژی گوتنێ یە تیما دھۆک د یاریا ئێکێ دا شێیا بوو سەرکەفتنێ ل سەر یانا جەویە توماربکەت ب چار گولان بەرامبەر گولەکێ و تیما جەویە پێدڤی یە جوداھیا سێ گولان سەرکەفتنێ ل سەر یانا دھۆک توماربکەت ھەتا دەربازی یاریا دووماھیا کاسا عیراقێ بیت.