ئەڤرۆ نیوز، ھەژار مەعروف:
نوونەرا باکورێ کوردستانێ تیما تەپا پێ یا ئامەد سپور دەربازبوونا خوە بۆ قوناغا ١٦ ژی کاسا تورکیا یا تەپا پێ مسوگەر کر پشتی ئەڤرۆ د یاریا خوە یا گەرا چارێ دا ژی یاریێن کوما ژ کاسا تورکیا سەرکەفتن ل سەر یانا شانلی ئورڤا تومارکری ب گولەکێ بێ بەرامبەر کو دبیتە سەرکەفتنا وێ یا سیێ ژ چار یاریان.
تیما ئامەد سپور خالێن خوە گەھاندنە ١٠ خالان رێزا دوێ دھێت کێمتر گولا ژی یانا باشکەشەھیر ئیستەبول ئەوا رێزا ئێکێ دھێت و ھەردو یانا بەری یاریێن کومان ب دووماھی بھێن ب دو یاریان دەربازبوونا خوە مسوگەر کرن بۆ قوناغا ١٦ کو ل ھەردو یاریێن بھێت ھەر ئەنجامەکێ توماربکەن چو کارتێکرن ل دەربازبوونا ئەوان ناکەت.

ئەڤرۆ نیوز:
ل یاریگەھێن ھەرێما کوردستانێ ئەڤرۆ شەش یاری ژ یاریێن خۆلا فاست لینکا کوردستانێ دھێنەکرن ئەنجامێن نیڤا ئێکێ یێن ھەر شەش یاریێن خولێ ب ڤی رەنگی یە
تیما دھۆک ل یاریگەھا برایەتی یا پێشکەڤتی یە ب گولەکێ بێ بەرامبەر ئەوا ژلایێ یاریکەرێ وێ شفان محەمەد ھاتیە تومارکرن
نەوروز و گارە بێ گول وەکھەڤن ب ھەمان ئەنجام زێرەڤانی ل گەل ھندرین و پێشمەرگە ل گەل سولاڤ وەکھەڤن.
تیما زاخۆ یا پێشکەڤتی یە ل سەر شێروانە ب دو گولان بەرامبەر گولەکێ و ب ھەمان ئەنجام کەرکوک یا پێشکەفتی یە ل سەر ھەولێرێ.

ئەڤرۆ نیوز:
راھێنەرێ یانا ریال مەدرید زێدان دیارکری یە ئەو دخوازیت ل نێزیک ھەڤبەستێ ل گەل ھێرشبەرەکێ نووی ئیمزابکەت ژبوو ب ھێز ئێخستنا ھێلا ھێرشبەریا یانا مەلەکی و ھەردیسان ھەڤرکی ل سەر ناسناڤێ خولا ئیسپانیا یا ئەڤ سالە.
راپورتێن رۆژنامەڤانی ل ئیسپانیا وەسا دایە دیارکرن راھێنەرێ یانا ریال یێ نووی ب فەرمی داخوازی ژی کارگێریا یانێ کری یە ھەڤبەستێ ل گەل ھێرشبەرێ یانا ئیفەرتون لوکاکو ئیمزابکەن .
زێدان ئاماژە ب وێ چەندێ ژی کری یە نوکە لوکاکو ئێک ژ باشترین ھێرشبەرایە دخولا ئینگلتەرا دا.

ئەڤرۆ نیوز:
جەماوەرێ یانا ئیسپانیول یا ئیسپانی د یاریا خوە یا شڤێدی دا بەرامبەر بەرشەلۆنا د یاریا دێربیا کەتەلونی یا دا ژ چارچوڤێ یاریا چونێ ژ کاسا ئیسپانیا دا، رافتارەکا دور ژ گیانێ وەرزشی کر ئەوژی درووشم  دژی یاریکەرێ یانا بەرشەلۆنا و ھەڤالا وی پیکە بلندکرن کو تێدا دیارکر بۆ شاکیرا یا ھەمیانە و دبیت ژبەر ڤێ رافتارێ یانا ئیسپانیول توشی سزایەکێ بیت ژبەرکو ئەو دروشم نابن بھێنە بلندکرن دژی کەساتیا کەسەکی ل یاریگەھا .

ھەژی گوتنێ یە یانا بەرشەلۆنا دوێ یاریێ دا ب سەرکەفت بوو ب دو گولان بێ بەرامبەر و د یاریا ئێکێ دا ژی ب سەرکەفت بۆ ب چار گولان بەرامبەر گولەکێ د سەرجەمێ ھەردو یاریان دا بەرشەلۆنا ب شەش گولان بەرامبەر گولەکێ دەربازی  قوناعا ھەشتێ بۆ ژی کاسی

ئەڤرۆ نیوز:
ستێرا ھەلبژارتیێ ئەرژەنتین و یانا بەرشەلۆنا لیونێل مێسی بۆ مالپەرێ ئێکەتیا فیفا یێ نیڤدەولی دیارکر ئەو دخوازیت یاریێ ل خۆلا ئەرژەنتین بکەت و دێ دووماھیا ژیانا خوە یا تەپا پێ ل ل وێ خولێ ب دووماھی ئینت.
باشترین یاریکەرێ جیھانێ ل ٢٠١٥ دیارکر ژی خەونا وی یە یاری ل خۆلا ئەرژەنتین بکەت رۆژەکێ ژی رۆژا ژبەرکو ئەو ھەتانوکە ئەو نەشێیای یە یاری ل وێ خولێ بکەت، ھەر ژ زاروکینیا خوە وەلاتێ ئەرژەنتین ب جھـ ھێلا بوو ، ژیانا خوە یا تەپا پێ ل گەل بەرشەلۆنە دەستپێکری بوو .