ئه‌ڤرۆ نيوز:
ئوسامه نوجێفى ديار دكه‌ت كو چار هه‌يڤان به‌رى مووسل بهێته داگيركرن وى سه‌ره‌دانا ته‌هران كريه و دبێژيت: ل ئيرانێ ئێك ژ سه‌ركردێن ئيرانێ سه‌ره‌دانا من كرن و گه‌ف ل من كرن كو ئه‌گه‌ر ل گه‌ل مالكى رێكنه‌كه‌ڤن، دێ مووسل داگير كه‌ن.
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سهرهكى Facebook
ده‌نگدان ب مێسى ته‌زوير تێكه‌فت
ب پێنج خوله‌كان سه‌لاجێ پاقژ بكه
ئه‌ڤرۆ نیوز:
گرنگییا پاقژكرنا سه‌لاجێ بۆ پاراستنا ساخله‌میا خێزانێ یه، له‌وما باشتره هه‌ر دو حه‌فتییا جاره‌كێ بهێته پاقژكرن، ل دووڤ ڤان پێنگاڤێن ل خارێ هه‌ره ژ ناڤ و ده‌رڤه‌ى سه‌لاجێ دێ د پێنج خوله‌كان دا پاقژ كه‌ى، به‌رى ده‌ست ب پاقژكرنێ بكه‌ى پلاكێ وێ ژ كاره‌بێ ڤه‌كه، هه‌موو وان خوارنێن د سه‌لاجێ دا ده‌ربێخه و خوه ژ یێن كیفكوى خلاسكه، دیسا چه‌نده‌كا كێما خه‌لا سپى بكه سه‌ر پارچه‌كا په‌روكى و هه‌موو قورنه‌تێن سه‌لاجێ پاقژ بكه، هووشیار به ب مادێن پاقژكرنێ یێن ئاسایى به‌رمایكێن خارنێ پاقژ نه‌كه، هه‌روه‌سا ژ ده‌رڤه سه‌لاجێ و ره‌خ و روویێن وێ ب ئاڤ و سابینێ پاقژ بكه پاشان ب په‌روكه‌كێ نه‌رم هشك بكه.
ژنه‌ك: هندى بۆ زارۆیێن خوه كار دكه‌م تێهه‌ل نائێم
ئه‌ڤرۆ نیوز:
گه‌له‌ك جاران ژن ژ نه‌چارییا خوه بۆ خوه ل كاره‌كى د گه‌ریت دا بكه‌ت داكو پاریێ ژیارێ بۆ زارۆیێن خوه دابین بكه‌ت، نه‌خاسمه هه‌كه كه‌س نه‌بیت داهاته‌كى بینیت و بیته بژێوێ ژیانێ بۆ وان، خێزانه‌كه ژ شه‌ش ئه‌ندامان پێكدهێت د خانیه‌كى ڤه دژین ئه‌و خانى ژى ب تنێ حه‌ماموكه‌كه و دو ژوورن ئێك ژ وان بو خوه كریه لێنانگه‌ه و یا دى ژى تێڤه دنڤن و رادبن و د روونن.
ژنه‌كێ ب ناڤێ (ز،ح) خه‌لكا باژێرێ دهۆكێ یه چیروكا خوه یا پرى ده‌رده‌سه‌رى و نه‌خۆشى بۆ ئه‌ڤرۆ ڤه‌دگێریت و دیار دكه‌ت كو خێزانا وێ ژ شه‌ش ئه‌ندامان پێكدهێت هه‌ڤژینێ وێ و چار زارۆییان، دو ژ وانا قوتابینه و یێن دى د بچووكن دژیێ پێنج سالیێ دانه، د ره‌وشه‌كا زۆرا خراب دا دژین، ئه‌ڤه ساله‌ك و شه‌ش هه‌یڤه زه‌لامێ وێ یێ نه‌خۆشه نه‌شێت چ كارا بكه‌ت ده‌مێ هه‌تاڤ لێ ده‌ت خوون ده‌ڤ و دفنا دا دهێت و نابیت سه‌رما ژى لێ بده‌ت به‌رى نوكه كارێ دارتاشیێ دكر، به‌لێ نوكه نه‌شێت چ كارا بكه‌ت و مه چ مووچه ژى نینن، گۆتژى چ تشته‌كێ هاته ده‌ستێ وان ژى پترییا وى بۆ دختوران و ده‌رمانان دچیت، د خانیه‌كى ڤه دژین ب تنێ دو ژوورن و حه‌مامووكه‌كه، ئه‌و ژوور ژى ئێك یا بۆ خوه كریه لێنانگه‌ه و یا دى ژى تێڤه دنڤن و رادبن و د روونن و گه‌ل باران هات رتوبه‌تێ دكه‌ن و ئاڤ دهاڤێته مه‌حفیرێ وان.
زێده‌تر گۆت: ژ نه‌چارى هنده‌ك جاران دچیته ناڤ مالان كار دكه‌م و هه‌كه خێزانه‌ك داخاز ژێ بكه‌ت بۆ خارنه‌كێ ب لێنیت دچیت، لێ مه‌زاختنێن مالێ و هه‌ڤژین و زارۆیێن وێ گه‌له‌كه نه‌شێت ش ده‌رحه‌ق ده‌ركه‌ڤیت، زێده‌بارى ڤانا بوهایێ كاره‌بێ نوكه قه‌ره ل سه‌ر وان و یێن گه‌هشتینه زێده‌تر ژ ملیونه‌كێ ژى، دیسا بوهایێ ئاڤێ ژى قه‌ره ل سه‌ر، گۆتژى هندى بۆ زارۆیێن خوه كار دكه‌م تێهه‌ل نائێنم، چوومه رێڤه‌به‌رییا تورا پاراستنا جڤاكى ل دهۆكێ من داخاز ژێ كر بۆ زه‌لامێ من مووچه‌كى دابین كه‌ن یێ نه‌خۆشه ل دووڤ راپورتا ساخله‌مى گۆتنه من هین گه‌نجن دشێن بۆ خوه كاره‌كێ بكه‌ن!.
ل دووماهیێ ئه‌ڤێ ژنێ د داخازییا خوه‌دا گۆت: دو زارۆیێن من قوتابینه قوتابخانا وان یا دووره ب خودێ من نینه بوهایێ كوسته‌را وان بده‌م، له‌وما داخازێ ژ خێرخوازان دكه‌م هاریكار بن ل گه‌ل من و حوكمه‌ت بۆ من مووچه‌كى دابین كه‌ت وه‌ك پاشه‌رۆژ بۆ زارۆیێن من.
هه‌شت هزار یه‌كێن ئاكنجیبوونێ دێ ل سه‌ر وه‌لاتیان هێنه به‌لاڤكرن
ئه‌ڤرۆ نیوز:
وه‌زیرێ ئاڤه‌دانكرن و ئاكنجیكرنێ ل حوكمه‌تا هه‌رێما كوردستانێ د پرێس كۆنفرانسه‌كى دا دیار كر كو هه‌شت هزار یه‌كێن ئاكنجیبوونێ دێ ل سه‌ر وه‌لاتیان باژێرێ هه‌ولێرێ هێنه به‌لاڤكرن و د قووناغێن داهاتى دا دێ یه‌كێن ئاكنجیبوونێ ل سه‌ر وه‌لاتیێن باژێرێن دى یێن كوردستانێ هێنه به‌لاڤكرن.
ده‌رباز كۆسره‌ت ره‌سوول، وه‌زیرێ ئاڤه‌دانكرن و ئاكنجیكرنێ ل حوكمه‌تا هه‌رێما كوردستانێ ئاشكرا كر كو وان دڤێت چه‌ند پرۆژێن مه‌زنێن ئاكنجیكرنێ ب پشتبه‌ستنا وه‌به‌رئینه‌رێن خۆمالى ل باژێرێن مه‌زن چێكه‌ن و گۆت: “ره‌نگه د ده‌مێ دو حه‌فتیێن داهاتى دا پرۆژێ ئاكنجیبوونێ ل باژێرێ هه‌ولێرێ كو یێ پێكهاتیه ژ هه‌شت هزار یه‌كێن ئاكنجیبوونێ ب دووماهى بهێت و ل سه‌ر وه‌لاتیان بهێنه به‌لاڤكرن و ئه‌ڤه دێ بیته ئێكه‌م قووناغا كارێ مه”.
ناڤهاتى ئاماژه دا وێ چه‌ندێ كو ل باژێرێن دهۆك و سلێمانیێ ژى چێكرنا یه‌كێن ئاكنجیبوونێ دێ هێته بجهئینان و گۆت: “دبه‌رنامێ مه دایه كو هه‌مان پرۆژه ل هه‌موو قه‌زا و ناحیێن هه‌رێما كوردستانێ بهێته بجهئینان”.
وه‌زیرێ ئاڤه‌دانكرن و ئاكنجیكرنێ ل حوكمه‌تا هه‌رێما كوردستانێ دیار كر كو ئه‌و یه‌كێن ئاكنجیبوونێ دێ ل سه‌ر وان وه‌لاتیان هێن به‌لاڤكرن یێن كو هه‌تا نوكه مفا ژ ئه‌رد و ئیمتیازاتێن حوكمه‌تێ وه‌رنه‌گرتى و ئه‌و كه‌سێن ژنوو ژیانا هه‌ڤژینیێ پێك ئیناى و گۆت: “چێكرنا پرۆژێن ب ڤى ره‌نگى هه‌تا راده‌كى دێ ئاریشا ئاكنجیبوونێ ل هه‌رێما كوردستانێ چاره‌كه‌ت”.
٢٥% كوردێن باكور مشه‌خت بووینه
ئه‌ڤرۆ نیوز:
شه‌رێ نوكه ل باژێرێن باكورێ كوردستانێ وه‌كریه كو خه‌لك ژ ترسا جانێ خوه مشه‌خت ببن و به‌رێ خوه بده‌نه باژێرێن دى یێن توركیا و ل گۆر ئامارێن دووماهیێ كو ژ ئالیێ رێكخراوا مافێ مرۆڤى یا توركیا ڤه هاتیه به‌لاڤ كرن 25% ئاكنجیێن كورد ژ ده‌ڤه‌رێن شه‌رى مشه‌خت بووینه.
ئه‌مینه بایرام ئه‌نداما رێكخراوا مافێ مرۆڤی لقێ ئامه‌دێ بۆ رۆژناما ئه‌ڤرۆ دیار كر كو یا ل سورێ و جزیرێ و چه‌ندین باژێرێن دی ل باكورێ كوردستانێ روو دده‌ت وه‌ك سووریێ یه.
داخواز دكه‌ت د مه‌زاختنێن شه‌رى دا هاریكاریا هه‌رێمێ بهێته كرن
ئه‌ڤرۆ نيوز:
شیره‌تكارێ ئه‌نجوومه‌نێ ئاسایشا هه‌رێما كوردستانێ د چارچوڤێ پێشوازیكرنێ دا ل ماركۆ كارنێلۆس بالیۆزێ ئیتالیا ل عیراقێ ئاماژه ب وێ چه‌ندێ كر كو دوورپێچا دارایى رۆژ بۆ رۆژێ ل سه‌ر هه‌رێما كوردستانێ زێده‌تر دبیت و پشتى وان هه‌موو قه‌یرانێن به‌رۆكێن هه‌رێمێ گرتین، ب تایبه‌ت پشتى حه‌واندنا نێزیكى دو ملیۆن ئاواره و په‌نابه‌ران و ئه‌ڤ چه‌نده ژى ئه‌ركێ هه‌رێمێ د شه‌رێ دژى تیرۆرێ دا و بڕیڤه‌برنا هزار و پێنجى كیلۆمه‌ترێن به‌رۆكێن شه‌رى دژوارتر و گرانتر لێ دهێت.
دانپێدان ب ئینانا ھیگواینی کر
ئەڤرۆ نیوز:
سەروکێ یانا بایرن موینخ یا ئەلمانی کارل ھاینز دان پێدان ب وێ چەندێ کر یانا وی نوکە گرنگیەکا مەزن دایە گولکەرێ خولا کاتشیو یا ئیتالی و یاریکەرێ یانا ناپولی گونزالو ھیگوین .
سەروکێ یانا بایرن میونیخ ئەو چەندە ژی دیارکری یە ئەو دخوازن ھەڤبەستێ ل گەل یاریکەرێ ئەرژەنتینی و یانا ریال مەدرید یێ بەری نوکە ھیگواین ئیمزابکەن ژبەرکو دبیت گولکەرێ یانا وان ل وەرزێ بھێت لیفاندوفسکی بھێتە ڤەگوھاستن بۆ یانەکا دی یا ئورۆپی .
ھیگواین ل وەرزێ ئەڤ سالە د باشترین رەوشا خوە دایە ل ١٩ یاریێن ئەڤ سالە ل گەل ناپولی شێیای یە ١٨ گولان توماربکەت و نوکە سەرێ لیستەیا گولکەرێن خولا ئیتالیا یە .
فروكێن تورکی هەرێم بۆردۆمان کر
ئەڤرۆ نیوز ، نەوزاد زادە ھلۆری:
دەمەک بەریا نھا فرۆکێن شەرکەرێن تورکی گەلیی بالندا ل نێزیک ئاڤا مارک بوردومان دکەن و ل ھنداڤا دەڤەرا زێباری ژی دزڤرن.
ژێدەرەکێ ل کومەلگا سیریێ یا سەر ب ناحیا شێلادزێ بو ئەڤرۆ نیوز دیارکر کو ئەڤ شەڤە ل دەمژمێر 10:45 خولەک دوو فرۆکێن تورکی گەلیێ بالندا بوردومان کر و گۆت : ( د بوردومانێ دا دەنگێ شەش ھێرشێن فروکێن تورکی ھاتە بھیستن و وەسا دیارە کو بارەگایێن پەکەکێ ل نێزیک ئاڤا مارک بوردومان دکرن و نو کوژی دەمژمێر 12:00 ب شەڤ فروکێن تورکی ل وان جھان بەردەوام دزڤرن و ل دەلیڤەیێن بوردومانکردنێ د گەریێن )
ژلایەکی َدنڤە ھەر ئەڤ شەڤە فروکێن تورکی ل ھنداڤی چەند گوندەکێن دەڤەرا زێبارێ ل ناحیا دینارتە دزڤرین ب تایبەتی گوندێن ەھێ و چەمشرتێ و سەرێ بانیێ ، بەلێ ل وان دەڤەران چو برودومان نەکرن.
زێرەڤانی پیشەکارەکێ تورکی ئینایە
ئەڤرۆ نیوز، زنار:
کارگێریا یانا زێرەڤانی ھەڤبەستا پیشەکارەکێ تورکی ئیمزا کر پێخەمەت بھێز خستنا ھێلا ھێرشبەریا تیمێ و نە ھێلانا کێماسیان د پێکھاتیێ تیمێ دا ئەوا پشکدار د خولا ھەرێما کوردستانێ یا تەپا پێ دا.
د ڤی چارچوڤەی دا سلێمان رەمەزان راھێنەرێ یانا زێرەڤانی ئەڤ پەیامە بۆ سایتێ ئەڤرۆ نیوز پشت راستکر و گۆت: ئەوان یاریکەرەکێ پیشەکار یێ تورک ب ناڤێ بولوت یوسف ئیناینە بۆ تیما خوە بۆ ھێلا ھێرشبەریێ ژ بەرکو تیمێ کێماسی د ڤێ ھێلێ دا ھەیە و پشتی ھەمی کارێن تایبەت ب ڤی یاریکەرەی ڤە تمام دبن دێ ھەمی پێزانینان ل سەر ڤی یاریکەری ئاشکرا کەین.
دھێتە زانین یانا زێرەڤانی ژ سەرجەمێ سێ یاریان تنێ دو خال دەستڤە ئیناینە د خولا ھەرێما کوردستانێ یا تەپا پێ دا و ل حەفتیا بوری تووشی خوسارەتیەکا مەزن ببو ل سەر دەستێ یانا ھەولێر ب پێنج گۆلان بەرامبەر گۆلەکێ کو بۆ ئەگەر چەندین گوھۆرینان د پێکھاتیێ تیمێ دا بھێنەکرن.
نيشاندان
WP Facebook Auto Publish Powered By : XYZScripts.com